Ghar...
(poora padhna yaar warna bilkul mat padhna)
.
Purane Lucknow ke chawk se phle chaupatiya hote hue dubagga wali sadak par jaana
Uspar kuch dur chlne par baye haanth par ek sadak mudti hai uske saath mud jaana
Kuch dur chalne par teesri gali me
Chautha makan milega
Khaali pada makaan
Us makaan ke bahar ek bujurg 13 saalon se
Phool bechrhe hain
Usse 2 dhai saal phle se wo makaan kaali pada hai
Beetey kuch saalon ke sawan ne us makaan ka rang dhul diye hai
Ab koi us makaan ko dekhta hai toh usko sirf wo budhi deewaren Nazar aati hain
Samne hi neem ki lakdi se bana ek darwaza hai
Jiska deemak aaj tk kuch naa bigaad paayi hai
Uspar kareegar ne kya khoob nakkashi ki hai
Us darwaze pr bada saa taala laga hua hai
Us taale ki chabhi wo bujurg apne gale me kisi taavez ki tarah taang kar rakhte hain
Har Diwali aur Eid ko us ghar ka darwaza khol kr usme diye jala dete hain aur namaz padh lete hain
Mere bahot kehne par mujhe us ghar ki chaabi dehi di unhone
Maine tala kholkr jb darwaze ko dhakka mara toh
Esa laga waqt ruk sa gaya hai
Fir maine phla kadam rakkha us ghar ke andar
Phla kadam rakhte hi esa laga maano waqt me peeche jaarha hun
Itne peeche ke Jahan se wapas aana shayad mumkin nhi
Wo darwaza ek patle se galeeche me khulta hai
Main aage badha toh maine bheeni si mitti ki khushboo mehsus ki
Diwaron pr seelan lagi hui thi
Wo seelan un deewaron ki umr bakhoobi bayan kar rhi thi
Thoda saa andar chala toh wo galeecha aangan me khul Raha tha
Ek aangan jiske chaaron taraf keyaari bani Hui thi
Aur usme Lage hue they alag alag paudhe
Unme se ek thaa gulab jiski ek Kali bas chatki hi thi
Main us Kali ko dekh kar soch me pad Gaya yeh sab jinda kaise hain
Maine us Kali ko aankh bharke dekha
Par jaise hi nazar hati seedha Jaa padi aangan ke beechon beech lage Tulsi ke ped par
Maine haanth jode aur aandar ki taraf chaldiya
Samne hi tha baramda jaise hi maine baramde me kadam rakha meri nazar padi baye taraf lagi kuch tasveeron par
Un tasveeron me ek chota baccha dikhrha tha jo us Tulsi ke aas paas khelraha tha
Kuch bujurg the jo shayad ab is duniya me nhi honge
Aur ek tasveer me kursi par baithe they us makan ke Malik aur unki khawateen unke dahine taraf chai ka cup pakde hue khadi thi
Meri nazar jaise hi un tasveeron par se hati seedha us kursi par Jaa padi
Jo tasveer me thi
Gerua rang se rangi Hui saafed plastic se buni hui kursi
Maine Bina kuch soche samjhe jeb se rumaal nikala aur us kursi ko saaf karne laga
Aur saaf karke baithgaya
Baith kar maine aakhen baad ki toh us seelan ke beech se jagah banati thodi us Kali ki aur thodi Tulsi ki khushboo mujhme samane lagi
Main aakhen band karke sochne laga ke ye makaan abhi bhi jinda hai
Sochte sochte mere Dil me yeh bhi khayal aane laga chlo andar chlete hain
Main us kursi par se uth khada hua
Maine apne kadkon ko andar ki taraf badhaya toh aamne samne 2 kamre dikhai pade
Unme se ek pr tala laga tha
Apni shirt ki aasteen se maine us kamre ki khidki ka sheesha saaf Kiya aur andar dekha toh samne ek bed tha jiske upar bistar laga hua tha jo thoda astwyast tha
Maano wo aakhir baar istemal kiya ho aur fir sahi naa kiya Gaya ho
Us bistar ke bagal me ek table thi jispar kuch kitaben bikhri Hui thi aur un kitaabon ke paas ek chashma rakha hua tha waqt ke saath jiska kaanch peela padgya tha
Bistar ke dusri taraf ek palna tha lakdi ka bana hua
Ek taraf deewar pr almaari thi jisme kuch saman rakha hua tha kuch kitaabein thi kuch tasveerein thi
Maine peeche mud kar dusre kamre ka darwaza khola toh usme lakdi ka sofa pada hua tha bilkul us buni hui kursi ki tarah uske samne ek lakdi aur kaanch se bani Hui table padi thi us table ke upar ek guldasta rakha hua tha aur uske bagal me thi ek ashtray jisme ek aadhi bujhi Hui cigerette thi
Sofe ke ekdam peeche thi almari
Jisme bahot saari trophiyan rakhi Hui thi
Kuch tasveeron ke saath
Maine kamre se bahar nikla aur seedha bahar chala gaya
Jaakar tala daala, chabhi wapas dedi
Aur seedha aapne ghar aagya
Main ghar toh aagya lekin wo khusboo mujhme rehgayi
Wo makan mujhme rehgaya
Maine shayad jindagi me dusri baar waqt ko rukte hue dekha tha
Us makan ka sukoon mujhme ghar kargaya
Pata hai maine phli baar waqt ko rukte hue kab dekha tha?
Jis din college ka phla din tha aur main jaise hi class ke andar ghusa tha meri Nazar seedha tumpar padi thi
Us makaan ko main ghar hi kahun toh accha kyonki wo ghar tum ho
Uski khushboo tumhari khusboo hai
Uski seelan lagi deewaron ko main khud apne haanthon se sajana chahata hun
Tumhe andaza bhi hai kitni khoobsurat ho tum
Un tasveeron me tumne qaid karrkha hai ek choti si bacchi ko jo kabhi kabhi bahar aati hai
Kuch bujurgon ko jo badi badi baatein kar jaati hai
Aur shayad mujhe bhi
Maine tumme jeena chahata hun
Us gulab ke paudhe ki tarah us Tulsi ki tarah tumhe mehkana chahata
Wo waqt se purani meri mohabbat tumhari hifazat karti hai
Har Roz tumhare dar pe aakar sajda kartib
Ise esa karne ki ijazat dogi kya??
Mujhe khudme jeene ki ijazat dogi kya??
~ Sehr
56 notes
·
View notes
It's Poetic
When I see you from afar.
it's poetic.
When I see you but you're not looking
it's poetic.
When you see me from the corner of your eye.
it's poetic.
We both know it all,
And we both love it
But we choose silence,
Yet still, it remains poetic.
©Sadaf Ahmed
Eyes tell us everything. And your eyes. God I wished people could see those like me. I loved through those eyes that haunted me nights giving butterflies and making me think girl this guy! Yeah! This guy...
Dilkashi to bohot thi aapse, Ishq bhi thi aapse mohabbat kaab se ho gayi malum nehi . lekin aapko shayed Kabhi mohabbat hua hi nehi.
Kaisa naseeb hae yeh meri milke Bhai na mukhe mili. Dur bhagti hui meri in aankhon se aapko Kabhi mohabbat dikhai nehi di.
4 notes
·
View notes