محاولة متواضعة في تطبيق هالنوع من الفن بعد كورس قصير و خفيف و ممتع على Udemy مع كريستوفر كلارك
ما حبيت استخدم نفس الصورة اللي حطها او شرح عليها و كتحدي لي استخدمت صورة من عندي كمرجع
و النتيجة كانت مرضية ولله الحمد 💜
استفدت من هالكورس عدة اشياء منها:
١- بداية اللوحة و كما سماها الunderpainting
فعلًا مهمة و تنجز ٥٠٪ او اكثر من اللوحة
٢- قدرت اوفق بين الضوء و الظل
٣- عرفت شلون استغل الالوان مثل الاسود و الابيض (دمجتهم لما عطوني رمادي فاتح جدًا) و هذا هو لون السماء و اما بالنسبة للاشجار البعيدة استخدمت الاسود و الاصفر (درجتين من الاصفر) و الابيض
٤- اكتشفت ان الاسود و الابيض هم ادفى الالوان الباردة
٥- كيفية ابراز اهم العناصر في الصورة و التغاضي عن البعض
صحيح اهوى الفن و الرسم ولكن خبرتي و معلوماتي فيه بسيطة وهذا ينعكس على رسمي و لوحاتي، فحبيت اطور هالجانب خلال هذه الفترة
واتمنى الكل يستغل هالفترة بتطوير جانب أُهمِل من شخصه 💕