Heb dini Fründ nöch bi dir, aber dini Feind no nöcher
This is the TobiIzu Body Swap fic for @foundersweek day 3 that I literally just posted on AO3—but this time in Swiss German.
Yes, fucking Swiss German. Look Idk what to say, a few days ago I realized just how many Germans are in this fandom and my Swiss brain instantly went into fight!!! mode, so somehow, my solution for that was to translate my own fucking fic I first wrote in English, which is not a native language for me at all, into my first language, which isn’t even a language but a fucking dialect. Because, obviously, my brain is cheese. (Not Emmentaler tho. Me and my homies all hate Emmentaler because we have actual taste, thank you very much.) (Yes, I’m a fully grown adult btw., in case anyone was wondering. I’m just very tired okay.) (Fuck, I spend too much time on Tumblr.) (Me? Abusing the usage of parentheses? More likely than you think.)
Anyways, the real fic in English is on AO3, this nonsense stays on Tumblr only because I might be insane but I’m not insane enough to upload this on AO3, nope. Also, I feel the need to point out that I practically pissed myself laughing writing this. It’s insane but it’s fucking hilarious, y’all can’t deny that.
If I remember right, someone posted a fic here in German and said “lern Deutsch” to which I manically grinning respond “lärn Schwizerdütsch”. Here’s your chance >:D (But under the cut, because it’s embarrassing lol)
S’Erste, wo de Izuna märkt, isch wie chli er würkli isch.
Also, sträng gno nöd s’Erste – s’Allererste, wo ihm uffallt, isch, dass er im falsche verfickte Chörper steckt. Aber das isch näbesächlich. Was im Momänt würklich zellt, isch, dass Izuna viel chliner isch als er dänkt kah hett.
Objektiv gseh hett er natürlich immer gwüsst kah, dass er kein bsunders grosse Mänsch isch. D’Uchiha im Allgemeine sind nöd mit ‘nem grosse Wachstumsschueb gsägnet, sind ener uf Schnälligkeit und Beweglichkeit usgleit, und Izuna isch zuefelligerwiis hald no chliner, als de durchschnittlichi Uchiha. Aber das isch okay und stört ihn überhaupt nöd, will sini Persönlichkeit sini fehlendi Grössi wieder wett macht.
Aber de Izuna hett sich no nie chli gfühlt kah. Sicher, er muss immer es bitzli ufe luege, wenn er mit de Senju chämpft, vu dene ihri Vorfahre en Baumgott oder so mal gfickt kah ha müend, um so lächerlich gross und massig gbaut z’sii (s’erchlärt au s’scheiss Mokuton), aber es isch ihm na nie so vor cho, als wär’s so en grosse Unterschied.
Aber wenn er jetzt so us Tobiramas Auge uf Izunas eigete Chörper abe luegt (über was er bemerkenswerterwiis nonig in Panik gratet (villicht isch das die chüeli Wasser-Natur wo ihn ruhig haltet, wer weiss? (Tobirama wahrschinlich, aber s’isch ja nöd so, als wenn er de Senju danach fröge wür)), wird ihm bewusst, wie zierlich er würkli isch.
«Was zum Tüfel hesch du mit däm Jutsu erreiche wölle, Senju?», kücht er, sini Stimm viel tüüfer als sust und falsch, falsch, falsch, so verdammt falsch.
De Izuna hett kei Ahnig, wie de Tobirama es immer gschafft hett, ihn während ihrer Chämpf ernst z’neh; Wenn Izuna jemals gäg en Erwachsene, wo wie e delikati Porzellanpuppe usgseht, kämpft kah hetti – denn genau eso gseht Izuna us Tobiramas Sicht us, was so en huere Scheiss isch (villicht sind es nur Tobiramas Auge, wo sich da irret, das isch durchus möglich) – hetti er sich vor Lache i’d Hose pisst und sin Gägner ohni Ändi verspottet, vielleicht wäri er sogar tötet worde, will er ihn unterschätzt kah hetti.
Aber de Izuna isch au no nie vorher in so ‘nere Situation gsi, er hett no nie uf en Erwachsene abe luege müesse, das isch einfach falsch. Vor allem, wil de Erwachsni, auf de er abeluegt, Tobirama i Izunas eigetem verdammte Chörper isch – oh hey, gseht so us, als öb d’Panik jetzte isetzt.
Tobirama macht en sürliche Gesichtsusdruck, wo uf Izunas schönem Gsicht überhaupt nöd guet usgseht. Izuna hett die üppigste Lippe i allne fünf Elementarnatione, sie sötted zu ‘nem herzige, unwiderstehliche Schmollmund gformt werde – nöd zu ‘nere dünne, hässliche Linie gprässt.
Tobirama murmled öpis, wo de Izuna nöd verstah chann, was sini Geduld no witer strapaziert. «Was hesch gseit?», bällt er und versuecht, en Schritt uf sin läbenslange Feind zuezagh, aber er fangt sich, bevor er über die z’langi Gliedmasse stolpered wie es neugeborenes Fohle und nöd wie en vollwertige Shinobi. En Momänt lang frögt sich de Izuna, öb de Tobirama au i andere Bereich so gross isch, und er chann nöd anderst, als a sim/Tobiramas Schritt abe z’luege und z’versueche, d’Grössi dur d’Chleidig dure z’rate, aber d’Hose isch z’wiit zum öpis gseh, und obwohl de Izuna en fantastische Spion isch – de beste i ihrem Clan sit langer Ziit – chann nöd emal er eifach mitte ufem Schlachtfäld en Blick i sini Hose werfe, ohni unbemerkt z’bliibe.
«Ich ha gseit, ich ha versuecht s’Gedankekontroll-Jutsu vu de Yamanaka nazbilde. Wie du gsesch, hett das nöd eso funktioniert, wie das hett sölle.»
Izuna macht sis/Tobiramas (das faat ah verwirrend z’werde) Mul uf in Unglaube, will: «Werum zum Tüfel würsch du probiere so es Jutsu ellei azwände? Es git en Grund, werum d’Yamanaka es im Champf isetzed, nur wenn sie en Nara und en Akimichi a ihrere Siite hend, du dumme Senju!» Oh wow, er tönt genauso wie sin nii-san, wenn er Izuna über sini Fähler belehrt. Vor allem, will er jetzt e tüüferi Stimm hett. Das isch… peinlich.
Tobiramas Gsicht verzieht sich und – das isch en Schmollmund. Genau eso gseht de Izuna us, wenn er schmolle tuet! Heiligi Scheisse, de Izuna hett gar nöd gwüsst kah, dass de Tobirama schmolle cha. Oder villicht isch er scho immer dezue i de Lag gsi, aber sini eigeni Gsichtsmuskle wüssed nöd, wie sie sich bewege sölled, und jetzt, wo er i Izunas Chörper steckt, chann er tatsächlich Gfühl zeige?
Das isch so chrank. Senju Tobirama, zwei Jahr elter weder er, es ächts Genie (was Izuna nur widerwillig zuegit), steckt i Izunas eigetem Chörper fest und schmollt, will er grad hett zuegeh müesse, dass sis Jutsu fehlgschlage isch. What the fuck.
Izuna sött ihn umbringe. Sie befindet sich immer no mitte imene Chrieg, Tobirama gesht im Momänt zimli verletzlich us (oder gseht Izuna villicht immer eso us? Nei, er cha unmöglich immer so erbärmlich usgseh kah ha, oder? Oder?!), was ihn zu eifacher Büte macht, und wenn Izuna debie au na wege dem Jutsu stirbt, denn sötts halt so sii. Im Chrieg müend sie alli Opfer bringe, und z’stärbe wär immer no s’bessere Ergäbnis, als für immer i dem Chörper festzstecke.
Aber wenn de Izuna sini eigeti Gstalt so aluegt, chann er sich nöd würkli dezue duredringe, es z’mache. Izuna isch eifach z’schön zum sterbe. Wie hett öpper jemals Izunas Gsicht chönne aluege und ihm de Tod wünsche? Sind doch alles Monster.
Usserdem chann er sich i dene zu lange Gliedmasse nöd bewege. S’isch nöd wie bi ‘nem Henge, wo d’Verwandlig uf e Illusion berueht – s’isch en ächte Chörper, und es isch de falschi. Mit jedre Sekunde, wo vergaht, hasst de Izuna d’Situation meh und meh. Erfinder wie de Tobirama sind viel z’fest druf konzentriert usezfinde, öb sie öpis mache chönd, bevor sie innehebed un sich fröged, öb sie es mache sötted. Izuna hett über sis Spionagenetz es paar ghuschti Wort über Wiederbelebig vu Tote ghört, aber er hett immer glaubet kah, dass es nur Grücht sind. Jetzt isch er ener dezue gneigt, sie für wahr z’halte, wenn mer bedänkt, dass de Tobirama tatsächlich versuecht kah hett, e verborgeni Technik z’kopiere (und es au fast gschafft hett, das Arschloch).
Er weiss nöd, wie viel Ziit vergaht, i dene sie sich immer na mürrisch ahstarred, beidi nöd gwillt, de ander ahzgriife, wobie de Izuna villicht namal i unagmässner Wiis probiert, Tobiramas Schwamzgrössi usezfinde (im Ernst, was bringts, so gross z’sii, wenn mer nöd au det guet usgtatted isch, wo’s druf achunnt? S’isch ja nöd eso, wie wänn de Izuna es persönlichs Inträsse dra hetti, näh. Im Chrieg isch alles erlaubt und wie das Sprichwort so seit – heb dini Fründe nöch bi dir, aber heb dini Feind no nöcher (zuegeh, so isch das Sprichwort wahrschinli nöd gmeint, aber de Izuna kännt sich mit schöne Wort nöd eso us wie sin nii-san, also…)), aber es vergaht gnueg Ziit, dass d’Chämpf um sie ume es bizli abflaued und ihri elteri Brüedere zu ihne eiled, beidi mit bsorgte Gsichtsusdrück, nur dass sie uf de falschi Brüeder zuegönd.
«Tob-»
«Chumm mir ja nöd nöcher!», kreischt Izuna, was us Tobiramas Mul chomisch tönt, hebt es Kunai drohend i de Hand und gaht sicherheitshalber es paar Schritt zrugg. Uf kein Fall wird er sich vu dem Baumhrin ahlange lah. Us sim periphere Blickfäld chann er gseh, wie Tobirama s’gliiche mitem Madara macht, was, wie Izuna weiss, sin Brüder wahrschinli no meh ufregt, wo nie ufhöre wird ihn z’bemuettere, egal wie alt er isch.
De schockierti, fast scho untröstlichi Gsichtsusdruck vum Baumhirn wür Izuna es schlächts Gwüsse mache, dass ers überhaupt anezauberet kah hett, wenns öpper anderst als de verdammti Senju Hashirama wäri, dem er niemals über de Wäg traue wür. Tobirama zeigt wenigstens ganz offe, dass er ihn töte will, Hashirama aber zieht i e Schlacht, schwäzt vu Friede und chämpft denn trotzdem gäg de Madara. Izuna chann en nöd usstah. Ganz und gar nöd.
«Otouto, was –»
«Ich bin nöd din Brüder», zischt de Izuna, während Tobirama im gliiche Momänt «Anija» rüeft, wodrufhii de Hashirama sofort misstrauisch d’Auge verängt, zu Tobirama i Izunas Chörper übere luegt, zrugg zu Izuna und luut usatmet.
«Oh, nei.» Mit gschwinde Schritt gaht er zum Tobirama übere, ignoriert Madara, wo sich ihm i de Wäg z’stelle probiert, und seit: «Tobirama.»
Oh-oh. Izuna kännt die Stimm. Es isch die Stimm vum grosse Brüeder, wo sin jüngere Brüeder belehrt, wo irgendöpis wahnsinnig verbockt hett, wo au de Madara scho s’eint oder ander Mal bi Izuna benutzt kah hett. Sogar de Izuna muss devor zruggschrecke, und er isch nöd de, wo grad gscholte wird.
«Was händ mir veribart ungtesteti Jutsu ufem Schlachtfäld izsetze?»
Die Art und Wiis, wie de Tobirama beschämt wäg luegt und uf de Lippe chätsched, isch genau die gliich zu dere au de Izuna neigt. Izuna hetti nie dänkt, dass jemals de Tag cho wür, wo er mit sim verfluechte Feind sympathisiert, und doch isch er jetzt da.
De Schlagabtusch macht, dass de Madara stah bliibt und ändlich zu Izuna übere luegt, wobie sini Auge Izuna praktisch durebohred.
«Izuna?», frögt er ungläubig.
Izuna winkt fräch mit de Hand und seit: «Wie laufts, Aniki?», um s’Ganze abzrunde. Madaras Auge sind churz devor, us de Höhle usezsrpinge, was, wenn de Izuna ehrlich isch, ziemlich lustig isch. Bsunders, will er jetzt uf de Madara abe luegt, was e ganz neui Erfahrig für ihn isch. Wenigstens isch Madara für en Uchiha untypisch bullig baut und gseht nöd us wie e zierlichi Puppe wie de Izuna. Werum sind alli elteri Brüdere immer grösser? Sogar Tobirama isch chliner als Hashirama, was i Abetracht sinre sowieso scho unmänschlicher Grossi lächerlich isch. S’isch nöd fair, d’elteri Brüder händ doch scho meh Privilegie, gopf.
«Was meinsch du mit achtefüfzig prozäntiger Chance uf Erfolg? Du weisch, dass das z’wenig isch!», übertreit Hashiramas hässigi Stimm zu ihne übere und laht sogar Madara bi dem Tonfall e Grimasse schniide. Tobirama hett d’Ärm trotzig verschränkt und schint nöd z’merke, dass er s’Sharningan aktiviert hett, i das de Hashirama ohni mit de Wimpere z’zucke ine lueget.
«Hashirama, bring din Dämonbrüder dezue, s’Jutsu uf de Stell rückgängig z’mache», rüeft Madara übere.
«Und du glaubsch nöd, dass ich das scho längst gmacht kah hetti, wenn ich wüssti wie, Uchiha?» – Izuna gfallts ganz und gar nöd, wie sin Clansname wie e Beleidigung us sim eigete Mul usegschlüdered wird – «Jetzt gesehn ich, dass die ganze Haar nur dezue da sind, um vom fählende Hirni abzlänke.»
Madara strübt sich sofort wie es Stachelschwii. «Du –»
«Tobirama!»
Izuna sött sich wahrschinlich im Name vu sim Brüeder beleidigt fühle, und das tuet er au, aber leider tuet er au schnaube. Ganz luut. Was ihm es empörts Luftschnappe vu Madara ihbringt.
«Was? Das isch lustig gsi, okay?!», versuecht er sich schlächt z’verteidige.
«Ich chann nöd glaube, dass mir uf die Wiis ändlich zu dem Waffestillstand chömmed, de ich scho so lang gforderet han. Villicht sött ich dir danke, otouto.»
«Wär hett irgendöppis vu nem Waffestillstand gseit?!»
«Madara, min alte Kolleg…»
«Nänn mich nöd eso!»
«… wie sölled mir denn zu üserem Clan-Lager zruggkhere, wenn üsi Brüdere no immer im Chörper vum andere stecked?»
Das bringt Madara sofort zum schwiige und laht Izuna, wo am Madara grad hett welle säge, dass er dem Senju nöd vertraue sötti, s’Mul mit ‘nem höhrbare Klick schlüsse. Verdammt, s’Baumhirn hett nöd ganz Unrächt.
«Anija», faat de Tobirama ah, nur zum denn inne z’hebe und d’Stirn z’runzle, d’Hand ufem Buch und – oh, nei. Nei, nei, nei, nöd vor Madara, bitte – «Du hesch es Piercing?», frögt er überrascht und fast scho bitz neugierig, d’Auge uf Izuna grichted. Ah, scheisse.
Madara drült sin Chopf lutstarch zu Izuna. «Izuna, ich han der doch gseit, du söttsch der das Buchpiercing nöd stäche lah!»
De Tag chönnt würkli nöd no schlmimmer meh werde. Es wär schön, wenn sich de Bode öffne und ihn jede Moment verschlucke chönnti, merci. «Okay, erstens bin ich erwachse, und zweitens hend hützutags alli Fraue in Kaze no Kuni en Buchnabelring, das isch es ganz normales Accessoire –»
«Du bisch weder en Windshinobi, no e Frau!»
«Aso, das isch sexistisch.»
«Du Goof, wie verfickt no eis chann das sex-»
«So amüsant üches chlises Brüedergezänk au isch», unterbricht Hashirama ihre Striit ruhig, aber bestimmt, sis Chakra mächtig gnueg, zum sogar Madara zum Schwiige z’bringe, «ich wür mich lieber uf e Lösig für die Situation konzentriere, i dere sich Tobirama und Izuna grad befindet.»
Für en Momänt gseht Madara so us, als wür er Hashirama widerspräche wölle, doch denn holt er tüüf Luft, richtet sich uf, gseht wieder wie es gfasstes Clanoberhupt us und git es bejahend, aber zögernds «Hn» vu sich.
«Guet. Also, das isch wo ich…»
Izuna lost nöd ane, sini Auge sind uf Tobirama grichtet, wo viel interessanter isch und… «Hör uf mit mim Buchring z’spiele, du Idiot!»
Tobirama versteck sofort sini Hand und versuecht, en unschuldige Gsichtsusdruck ufzsetze (was mit Izunas Gsicht zimli guet funktioniert), wie wänn de Izuna ihn nöd grad wortwörtlich erwischt kah hetti. «Es länkt ab», murmlet er und wagt es, Izunas Wälpeblick gäg sich sälber ahzwände.
«Mhm, es isch au e erogeni –» Zone chann er nümme fertig säge, will bevor er überhaupt reagiere chann, spriessed Ranke plötzlich usem Bode, wo Izuna fest umschlinget, ihn chnäblet und ihn uf die Wiis effektiv zum Schwiige bringed. Anstatt sich z’verchrampfe, reagiert Tobiramas Chörper instinktiv entspannt, was ihm zeigt, dass das nöd s’erste Mal passiert isch und dass sin Chörper glärnt hett, sich so z’verhalte, dass die Situation für ihn so wenig unagnähm wie möglich wird. Izuna macht s’gliiche, wenn er sin Chörper automatisch mit sim fürige Chakra ufheizt, bevor er ufs Wasser trifft, wenn de Madara ihn i de Koiteich wirft. Dur das Jutsu-Missgschick lärnt de Izuna meh über Tobirama, als er je hett wüsse wölle. Vor allem, dass sie sich für sin Gschmack viel z’ähnlich sind.
Als er sin Blick überegleite laht, findet er Tobirama im genau gliche Griff, sis ganze Wese strahlt puuri Irritation us, will er, genau wie Izuna, nöd i de Lag isch, sich usem Griff vum Mokuton z’befreie.
«Wenn mer bedänkt, dass ihr üch das Schlamassel sälber ibrockt hend, sötted ihr villicht ufhöre, üch wie Chinder z’striite und stattdesse üchi Energie uf’s eigentliche Problem verwände.»
Was zum Tüfel, warum wird de Izuna mit ‘em Tobirama i ‘en Topf gworfe?! Er hett doch gar nüt gmacht, das isch alles Tobiramas Schuld! Hässig probiert er, sich gäg die Fessle z’wehere, schüttled und träted, als – oh. Oh, okay. Gseht ganz danach us, als öb de Tobirama doch i allne Bereich vu sim Chörper gross gwachse isch. Was für en Glückspilz. De Izuna wird definitiv spöter mit dem spiele, um agmässenes Verhalte chümmered er sich nümme meh. Solang er i Tobiramas Chörper steckt, ghört er ihm, und er cha demit mache, was er will. (Und nei, er hett no nie füchti Träum devo kah, absolut nöd.)
Sobald er ufhört, sich z’winde, züched d’Ranke sich wieder zrugg und lönd ihn sanft zum Bode sinke. Izuna grunzt nur i Baumhirns Richtig, seit aber nüt, will er nöd nomal i so en Griff grate will, merci, aber eimal isch gnueg gsi. Sogar Madara gseht beeidruckt us vu Hashirama’s festem Griff, was so peinlich isch, riss dich gfälligst zämme, nii-san.
«Gsehnd er, das isch do gar nöd so schwer, gäll?» De Maa hett keis Rächt druf, so freudestrahlend und unschuldig z’lächle, als hetti er Izuna nöd grad i nem feste Griff kah, wo ihn mit ere einzig Fingerbewegig uf de Stell hetti töte chönne.
«Ich wär dir dankbar, wänn du mim Brüeder nöd namal drohe würsch, Senju», chunnt Madara ändlich zur Izunas Rettig, wenn au scho z’spaat.
«Und ich würs begrüesse, wänn din Brüeder sich uf d’Situation konzentriere wür und nöd uf irendöpis anderes», schüsst s’Baumhirn zrugg und lächled unbewegt, während um ihn ume lächerlichi, farbigi Blueme spriessed, als wänn er en Waldgeist wäri.
«Hmpf.» Und schwupps – de Muet isch wieder wägg. Villicht sötti Izuna de Madara mal i de Koiteich wärfe – er hett jetzt sogar de Chörper, zum’s durezieh.
«Perfäkt. Ich bin so froh, dass mir jetzt ändlich Friede zwüsched üsne Clans schlüsse chönnd. Tobirama, ich nimm ah, du hesch Notize zu dem Jutsu i dim Labor?»
Tobirama grunzt (Izuna will, dass er ufhört, sis schöne Gsicht so z’missbruche), antwortet aber pflichtbewusst: «Ja, Anija.»
«Guet. Ich wird Touka bitte, üsi Truppe zum Gländ zrugg bringe z’lah, und ich nimm ah, du wirsch au öpper ernänne, wo sich mit üchne Chämpfer zruggzieht, Madara?»
Was für en huere Schissdräck. Madara, anstatt Izuna nach dem absolute Desaster vu nem Champf wenigstens z’umarme (was, okay, fair isch, er treit grad s’Gsicht vum Feind, ganz zu schweige devo, dass er viel grösser isch, als er sii sötti, und das muss rächt erschreckend sii – aber trotzdem), wändet sich Hashirama zue, um ihri nögst Plän z’bespräche, also macht Izuna s’einzig Logische; er rückt nöcher a Tobirama ane. De weicht überraschenderwiis nöd zruggt, beäugt Izuna aber misstrauisch.
So sehr sich Tobirama au bemüeht, stoisch z’würke, Izuna hett genau gseh, wo sini Hand vor ‘ere Sekunde no gsi isch. Also grinst er uf sis eigete Gsicht abe, läckt sich über d’Lippe und süslet i nem tüüfe, heisere Ton (wo Izuna sälber z’schaffe macht, wow – wenn Tobirama de Tonfall jemals im Champf benutzt hetti, wär Izuna uf de Stell gstorbe): «Weisch, wenn a dem Ring es bitzli nach obe ziehsch –»
Ehe er sich’s vergseht, wicklet sich d’Mokuton-Ranke nomal um ihn und sis Mul – aber nöd, bevor er gseht, wie de helli Teint vu sim Chörper vu ‘ere schöne Röti überno wird, Tobirama es Hitzgi usestossed und d’Auge wiit ufrisst, was die ganz Tortur absolut lohnenswert macht.
Ja, Izuna wird de spezifischi Feind uf jede Fall vil nöcher bi sich palte.
9 notes
·
View notes