#برشا
Link
تونسية متزوجة أنقليزي :”زوجي مشروع ناجح برشا.. دخل للإسلام وعجبو الجو العائلي في تونس”
1 note
·
View note
Text
في نابولي بلغَ مارادونا ما لَم يَبلُغهُ قبله ولا بعده أحد حتى صار عليهم ملكًا، وفي إسبانيا كان ليو ورونالدو كالروم والفُرس عشرة قرون من الحروب على السُلطه، وفي القارة السمراء هنا في قاهرة المُعز جاء إبن صفاقس لينثر عطره حتى فاحَ رحيقه .. ❤
10 notes
·
View notes
Text
محلاها الكلمة الباهية إلي تحسها من القلب خارجة
محلاها كلمة مابينتناش
محلاها كلمة وينك تحيّرنا عليك
محلاها كلمة على سلامتك وربى يسعدك
محلاها الناس إلي تحكي عليك بالباهي في غيابك
محلاها كلمة يرحم والديك
محلاها كلمة يعطيك الصحة
أمور صغيرة ينجموا برشا يراوها بلا قيمة أما تسعدنا وتفرحنا
الدنيا هذه الكل ماخذة بالخاطر والمحبة والعشرة ماتدوم إلا بجبر الخواطر..
ويا محلاها كلمة راك أخت ولا خو بالدنيا
هي الكلمة محلاها أما الي أحلى وأحلى كي يجي بعدها الفعل المزيان والمعاملة الباهية محلاها كيف تكون نظيف في قلبك لا تحقد لا تحسد ،محلاها كيف ناس تحبك في الله وتقلك محلاك ومحلاها طبيعتك..
ربي يرزقني وإياكم بالناس الي تطيّب خاطرنا وتاخو بخاطرنا وتقول الكلمة الباهية الزينة.
الدنيا فانيه و يا سعد من ياخذ بالخاطر. ♥️😍و محلاكم
12 notes
·
View notes
Text
عشنا برشا حكايت،
وليالي عدات،
كانت صعبة مشي لعبة،
دات والو ما خلات 🌊 !.
#My home#My life#downfalldestiny#downfall#life#Algeria#Algerie#magical world#magic destinations#magic moments#beautiful destinations#beautiful destination#Waves#Sea#Vibes#Alone#Stories
34 notes
·
View notes
Text
تعرف ؟والله نجم نبعث الدنيا و الناس الي فيها ، نجم نتجاوز اي موضوع و نتعدى عليه مرور الكرام أما انت حاجة فيا حاجة نحس روحي مربوطة بيها انت الي خزرة منك تنجم تبدل المود متاعي انت الي كلمة منك تنجم تخليني نكمل نهار كامل نتبسم وحدي، الي نعرفوا الي انت قطعة مني ، حاجة تفرحني و تخليني نرتاح من الدنيا و الي فيها نحبك انت اقرب حاجة ليا ، نحس انو اني معاك عبد أزين و أشب و أكثر راحة و أكثر أمان.. نجم نخبي ، نسكت ،نعمل عين رات و عين ما رات أما والله انت حكاية أخرى اني قدامك برشا محبة ، اني قدامك بدن مشرجي بالحب ينجم يخليني نحبك لآخر نفس فيا، تصدقني كي نقلك الي انت الكل في الكل انت الي عليه نغار ، و نتحير أنت أغلى كادو أغلى نعمة تعطاتلي من عند ربي سبحانو ..محلاني كيف نحبك ...❤
5 notes
·
View notes
Text
" نحبك برشا ❤️ نبيع الدنيا الكل و نشريلك ضحكتك يا روح قلبي "
" I love you so much ❤️ I'd give the whole world to see your smile my sweetheart "
[seen on Facebook]
#THIS IS NOT MY PICTURE#I SAW IT ON A FACEBOOK PAGE#I DO NOT OWE THE CREDITS#But I wish I did tho#الحب بالتونسي#حب#pizza#love and pizza#cute#love#sweet#lovers
61 notes
·
View notes
Text
أنا عندي فوبيا كبيرة من الفراق و فوبيا بمعناها الحرفي
كيف نحكي مع انسان قريب مني ونحس أنو بطى شويا في ترجيع الميساج نقعد نفكر ف مليون فكرة ' زعمة تعب مني ، زعمة شنياء الحاجة الغالطة لي عملتها !؟ أكيد أنا السبب" وأنا نخاف برشا من الفقدان بكل الأشكال ' وطاقتي متستحملش أنو حد يكون قريب مني وفجأة يتغير معايا نكون منيش فاهم و فكرة أنكون منيش فاهم تخلني نفقد طاقتي ممكن ندخل ف دوامة اكتئاب كبيرة أنا شخص حساس حتي بقيت خايف أنو نعرف ناس جديد باش نبقاش خايف من لحظة البعد !
15 notes
·
View notes
Note
هندو االغالية ❤️ سبحان الي حط محبتك في قلبي توحشتك برشا فتحت من المتصفح خصيصا حتى نكتبلك عيد سعيد و ربي يسعدك ويفرح قلبك يا غالية
🙊❤️يسرى
وإياكِ يا رب الله يسعدك يسرو الجميلة ❤️
عيدك سعيد وكل سنة وأنتِ في يسر وخير وبركة ❤️
2 notes
·
View notes
Note
توحشتك و نحبك و سيري تقراي .. 🌝💛
مانحبش كل نهار قراية اني قريت برشا 🥺
يزييي من القراية يزييي مانحبش
وقتاش نسااافرو وقتاش نعيشو عااادي 💔
Ps: love you tooo 💕❤️
7 notes
·
View notes
Text
ردّ بالك تتصوّر اللّي ربّي سبحانو باش يحاسب كان السارق اللّي نطرلك تليفونك.. وإلًا سرقلك ساكك..
ربّي باش يحاسب السارق الّي خطفلك ضحكتك..السارق اللّي سرقلك حلمتك..السارق اللي خذالك سنين من حياتك و هو موش صافي.. السارق الّلي فرّق بينك وبين أحبابك ..اللّي سرق الأمان منّك، الًي غدر بيك، السارق اللّي استغلّ طيبتك وعفويًتك، السارق الّلي خدعك بكلام حلوّ طامع في مصلحة ، الّلي يجبد عرضك بكلام موش صحيح، السارق اللّي ياخذ منك و ما يعطيكش ..السارق اللّي قدّامك ملايكة وفي ظهرك شيطان.. السراق برشا و الحساب واحد..
و ربك عادل يمهل و لا يهمل .صحيح السارق هذا القانون مايحاسبوش أما ربي باش يحاسبو ط..
الدنيا معادلات بسيطة و أولها "كما تدين تدان"..♥️
#منقول
7 notes
·
View notes
Text
نتفكر اول ما عرفتك و عرفت غرامك بفيروز، كنت تغنيلي غناياتها الي ما كانتش مستهلكة برشا، و لو انو كنت ما نحبش نسمعها في وسط النهار اما كنت نحب كي نسمعك تغنيها و نركز في كلمات الغناية، كنت ما نحبش فيروز لارتباط غناياتها بالصباحات اللي كنت نمشي نقرى فيهم و الدنيا شتاء و باردة، كي يقوم بابا يحط الرديون و يحط اذاعة الكاف و تبدا غناية فيروز نسم علينا الهواء..عودك رنان رنة عودك الي.. نتفكر زادة كي تحكيلي على قصة حبها مع الرحباني و كيفاه كل غناية كان وراها رسالة معبرة، كنت تقلي قصة حب بدات صدفة و وفات بالدموع، كنت نصغي ليك بحواسي لكل و نحب فيك و انت تحكي عالحاجة لي تحبها عندك غرام بيها، حبيت نشاركك الحاجات لي تحبها لكل.
في عركة من عركاتنا ال 668428 قتلك قصت محبتنا بدات صدفة، صدفت تقابلنا، صدفة طلعت صاحبتك الانتيم تسكن نفس سكتور انا و هيا، صدفة البنات اللي خليت بحذاهم فاليزتك صحباتي و يسكنو بحذايا زادة، صدفة زادة نلقاك في بيت غادة، قتلك كل شيء بدى صدفة اما ما نحبش حكايتنا نوفى بالدموع، قتلك ارحم حالي و خلي اللي بيناتنا لكل يوفى بكل محبة تزرعت بيناتنا، قتلي حتى كان وفينا و بعدنا و ضلينا على بعضنا بش نقعد ديما نرجعلك، بش نقعد ديما نلوج عليك، قتلي مهما صار بيناتنا مستحيل نتخلى عليك، قتلي لي انا و انت علاقتنا اكبر من اي تسمي�� نجمو نسمو بيها اللي عايشين فيه، قتلك خلي كل شيء يهون في الدنيا هذي و ما تخليش دموعي تهون عليك و الباقي خليه عليا و اعرف انو شنجيبلك الدنيا لعند ساقيك، اما اليوم انا بكلي هنت عليك، انا بكلي ما نسوى شيء عندك مش كان دموعي، وعدتني و خلفت بوعدك، وعدتني ترجعلي، استنيتك وقت لي انت تعرف انو كان لازمني نمشي بش نحفظ كرامتي، مع هذاكا قعدت و عفست عليا و على كرامتي، استنيتك توفي اللي بيناتنا مش بالدموع، اما بضحكة و بتعنيقة كبيرة..
عرفتك صدفة اما وفى كل شيء بالدموع، بدموعي..
7 notes
·
View notes
Text
السؤال: أعطيني 3 صفات باهية و 3 صفات "خايبة".
الحق، ما كنتش نحبه السؤال هذا، عمري لا كانت عندي ثقة كبيرة في روحي، و زيد عمري لا قعدت و ركزت مع صفاتها "الخايبة".
بين قوسين، يمكن في علم الاجتماع، المجموعة محتاجة باش تحشم الفرد إلي يغلط باش تنجم تتحكم فيه عاطفيا و ما يعاودش، أما نشوف إلي ما تنجمش تداوي الأفراد كيف تخليهم حتى هوما يكرهو أرواحهم، و تحاسبهم كان على أفعالهم موش على نواياهم.
العبد إلي متصالح مع روحه ما يحكمش على صفاته هذه باهية و هذه خايبة. الصفة أو التصرف إلي تحكم عليه و ما تقبلوش، مخك زادة ما يقبلوش، و يقعد مسكر عليه.
فما حاجة يلزمنا نفهموها في أرواحنا، إلي أغلب تصرفاتنا لا واعية و معضمها ردود فعل.
مثال: الرجال في المجتمع مناش متصالحين مع احاسيسنا و نشوفوهم ضعف. على هذاكا كيف توقع مناوشة، فيسع تولي عركة، نحشمو باش نتواصلوا و نقولو رانا حسينا كذا أو كذا و نلوجوا على مفاهمة. الصفة هذيكا متاع إنسان حساس رافضينها. و نخيرو ندعيو الصلابة و نستعملو العنف باش حد ما يعايرنا بضعفنا.
رغم إلي نعرفو إنه الإنسان عمره لا كان كامل، صعيب باش نقبلو صفة اللا كمالية في أرواحنا.
بين قوسين، فما برشا تصرفات نتقبلوها و نقولو الله غالب ضحية مجتمع. كيف تجي تشوف، الكلنا ضحايا مجتمعاتنا و ضحايا تربيتنا و أحنا صغار و ضحايا البيئة إلي عشنا فيها.
أما الدنيا ما تنجمش تختصرها في "أنا ضحية". الكون يحب اللعب، الكون عبارة يلعب معاك في لعبة، يعطيك قصة (الماضي متاعك) و يعطيك أدوات و يقلك تصرف و يقعد يتفرج فيك بعد. صحيح حتى أنا مرات نظلم روحي في إختياراتي، أما ديما نأمن إلي الإختيار بيدينا.
نرجعو للمثال متاعنا، الإنسان العنيف كان تسألوه على صفاته، موش باش يشوف أصلا إلي هو عنيف ولا إلي هو في صراع داخلي مع قبول أحاسيسه.
تعرفوه هاك الشعور متاع كيف تحب عبد ماعادش تشوف عيوبه؟ إنت هكك مع روحك. مخك يحبك، و كيف ترفض حاجة من ذاتك و تحكم عليها إلي هي حاجة غالطة، مخك يتناساها خاطره يحبك.
ديما نسمعوها جملة "حب روحك". أما "حب روحك" معناها إقبلها روحك كيفما هي. كيف الإنسان يتواضع و يقبل فكرة إنه ينجم يغلط (مع الناس ولا في حق روحه)، يولي يشوفهم الأغلاط من غير ما يلوم على روحه و من غير ما يحكم عليهم. أغلاطك في اللحظة هذيكا طرف منك، ما عندك علاش تكره في جزء من ذاتك.
برشا يوصلو للمرحلة هذيكا و يقلك أنا هكك. تعبت باش وصلت قبلتهم أغلاطي، تعبت باش حبيتها روحي كيفما هي، يزي. أنا كيفما أنا بعيوبي.
هنا نجيو للمرحلة ثانية، رحلة الفهم و البحث.
صحيح يقلك كيف تحب عبد اقبلو بعيوبه، أما ينساو باش يقولولنا موش على حساب أرواحنا. ما تضلمش روحك.
مخ الإنسان ما ينجمش يحب حاجة من غير ما يفهمها. تصرفاتنا و ردات فعلنا يلزمنا نركزوا معاهم و نفهموهم منين جايين. شنوما المحفزات؟ شنوما السيناريوهات إلي يتعاودو؟
هو ما خيرش من إنك تكون مرايا لروحك. أما حتى العلاقات العاطفية تعلم برشا.
العلاقات العاطفية عمرها لا باش تكون مثالية، هي فرصة باش تتعلم و تجرب، على هذاكا مهم برشا التواصل و الصدق. صحيح المحبة تداوي، أما المحبة تنجم زادة تولي إدمان و تعيق التطور الشخصي متاع الطرفين.
هوني زادة يلزم واحد يقبل علاقته بالمحبة، و يقبل و يفهم علاقته بالتعلق، و يفهم إلي الموضوع مربوط بوقت كان عمره أقل من 7 سنين، حاجات هو أصلا ما يتذكرهاش. طفولتنا تأثر علينا برشا، أما كيف نقبلو تصرفاتنا المتأثرة بطفولتنا و نفهموها كيفاش تصير، و علاش لا، نقراو حتى على نظرية التعلق، نفهمو برشا أرواحنا، و نتحرروا من تأثير ماضينا علينا. يمكن يظهر الكلام ساهل، أما يتطلب خدمة و يتطلب وعي و حب ذاتي.
هوني نتعداو للمرحلة الثالثة، رحلة إكتشاف ارواحنا
كيف تفهم كل تصرف منين جاي، برشا تصرفات باش تفهم إلي ما اخترتهاش بروحك أصلا، و ما تمثلك في شيء (كيفما العنف). باش تفهم إلي فما تصرفات تخلقت باش تدافع عليك باش تواجه العالم الخارجي (كيفما حب السيطرة أو التلاعب بالمشاعر)، تصرفات صحيح كانت بمثابة درع ليك و إنت صغير، أما ميش باهية لا لصحتك و لا لصحة غيرك النفسية.
كيف واحد يكتشف إلي برشا (أو شوية) من اختياراته ميش فعلا خارجة من أعماق أعماقه (روحنا السامية، أو الإلاه إلي فينا)، يفهم إلي ينجم يتخلى على تصرفات ما تعنيهش، و إلي ينجم يتبدل، و إلي فما أمل. صحيح الثنية لحد هوني توجع و تعب، أما توصل.
راهو كيف تفهم ماضيك، و تعرف إلي هو في لحظات ياخو القرارات في بلاصتك، تنجم تتفهم علاش عمل هكك، و كيف تحب لروحك ما خير، وحدك وحدك تختار قرار يخدملك روحك أكثر. كيف تفهم ماضيك تتحرر منه.
ماضيك الكل ماكش باش تفهمه في ليلة و نهار، تنجم تعدي عمرك الكل تفهم فيه. أما الحاجة المزيانة، إنه الحاجة البسيطة إلي تكتشفها في روحك، تنجم تستعملها بالوقت، و في نفس اللحظة تنجم تشوف النتيجة.
مرات العباد إلي دايرة بيك تنجم ما تقبلش التغيير، أما كيف تعمل حاجة بالحق تحبها و كيفما ما إنت تحبها، و تبدى واجهت روحك و فهمتها و حبيتها قبل ما تختار، موش باش يكيدوك كلمتين من عند العباد. زيد كيف تبدى بينك و بين روحك تعرف إلي انت عندك شويا تعلق بالروتين متاعك، تفهم و تتفهم إلي حتى العباد الأخرين عندهم تعلق بالروتين و ما يحبوش برشا فكرة التغيير. فهمك لروحك، يخليك تفهم العباد، و ما تاخوش تصرفاتهم في شخصك.
خلاصة الكلام، تعاطف مع روحك، ما تحكمش على روحك بالخايب، إفهم روحك علاش عملت حاجة معينة. كيف تقبل روحك كيفما هي، روحك تفتح كيف الكتاب و تخليك تقراها.
و الكتاب صفحاته بيضاء تكتب عليه إلي تحب.
2 notes
·
View notes
Photo
"But the eyes are blind. One must look with the heart .. " On ne voit bien qu’avec le cœur. L’essentiel est invisible pour les yeux. "إننا لانبصر إلا بالقلب، فالأشياء الأساسية خفية على العين" الجملة هاذي تلخص كل شيء، هذا كتاب تقراه بقلبك موش بعنيك. الكتاب على عكس ما يظهر ماهوش للصغار، بالعكس تماما، الكتاب كلو رمزية و يتوجه أساسا للكبار ألي كلاهم عالم الكبار، إلي بعدو على فطرتهم السليمة، إلي عقدو حياتهم بتصرفاتهم. التصرفات هاذي إلي أميرنا الصغير بمنطقو البسيط باش يخلينا نراجعو نظرتنا لبرشا مفاهيم كيما معنى الحب، الوحدة، الصداقة، الإخلاص و المسؤولية. الحكاية بالأساس باش تمس الطفل الداخلي إلي موجود في كل واحد فينا أما منسي في بقعة بعيدة، باش يخليك تبعد على العالم إلي تتحكم فيه الماديات و الرغبات و تتأمل في الحياة بعنين صافية و قلب بريء. أنا الكتاب برشا حبيتو و الترجمة للعربية كانت ناجحة في رأيي و وصلت الفكرة كيما لازمها توصل. بربي ماتخموش وأقراوه، باش تحبوه أنا متأكدة #الأمير_الصغير #كتب_ورقية #أدب_عالمي #مراجعة #أمة_تقرأ #أصدقاء_الكتب #كتب #روايات #onmybooklist #onmybookshelf #bookaddict #bookaholic #bookcollecting #booksreviews #books #serialreaderfamily #bibliophiles #كتب_books #follow4follow #reading https://www.instagram.com/p/CWsnDYFIpGM/?igshid=NGJjMDIxMWI=
#الأمير_الصغير#كتب_ورقية#أدب_عالمي#مراجعة#أمة_تقرأ#أصدقاء_الكتب#كتب#روايات#onmybooklist#onmybookshelf#bookaddict#bookaholic#bookcollecting#booksreviews#books#serialreaderfamily#bibliophiles#كتب_books#follow4follow#reading
2 notes
·
View notes
Text
يَا قَوْمِ إِنَّمَا هَٰذِهِ الْحَيَاةُ الدُّنْيَا مَتَاعٌ وَإِنَّ الْآخِرَةَ هِيَ دَارُ الْقَرَارِ
كل شي توا مؤقت مايجيش ثانية في سلم الزمن التاريخي ناس عمرو أكثر منا و مازالو يستنوا داخل قبورهم العاقل عندي هو الي بيع الدنيا و يشري الآخرة هي القرار فكل إلى تعيش فيه توا باهي خايب ماهوش بش يدوم مهما كان النعيم والا الجحيم إلى انت فيه شوف شحضرت زاد لدار القرار و اتطمن انه مهما تعدا عليك هذا كله متاع و مايدوم حال و متتعلقش بالدنيا برشا ماهيش دايمة وراهي فانية
أتمنى يستقر حالنا على حال نحبه و.نرضاه في دار القرار
1 note
·
View note
Text
I told my older brother "نحبك برشا" (I love you so much) and he responded with "merci bien" (thank you so much). May we raise boys that are comfortable with verbally expressing their feelings and with not only accepting but reciprocating love and affection.
#amen amen#I know he loves me tho#He says it when we text#but not face to face#and I don't blame him tbh#prsnl
26 notes
·
View notes
Last Seen Blogs
harryxmarvel
Multifandom 🩷
imhappy7080-blog
imhappy7080
hafojecetulo
Untitled
hani-saidi
Hani Saidi
alunasky-blog
Alunasky