يمه من سنين .. ماضرّوا ولا سرّوا "
وأنا لي سنين كاشخ فيهم أصحابي
برّيت فيهم .. سنين العمر/ مابرّوا
وكظمت غيظ السنين .. و قسوة عتابي
هبت رياح الليالي -همّ- وأتعرّوا
وقمت أنتخي بالمواجع .. وأفصخ ثيابي
وأرمي بها، ألبسوها "عز" و أتورّوا
وأنا أبأبعد بعيد هناك -لغيابي-
يمه أبسألك .. أصحابي إذا ذرّوا
الملح في جفن عيني .. أعذر أهدابي؟
البارحة كنت ضايق حيل .. ما طرّو
ولا حسبو/ لي حساب ولا نشدوا .. مابي
قعدت أراجع .. سنيين العمر كم غرّوا
مافيهم اللي ركض لي -يهوّن أتعابي-
! يمه إذا في صباح الجرح .. مامرّوا
متى يمرّون يا يمه على بابي؟
أجل أصحاب .. لا ضرّوا / ولا سرّوا
."وأنا لي سنين كاشخ فيهم أصحابي
تحكي القصة ان هيلين كانت أجمل نساء الأرض عند الإغريق، خطب ودها جميع ملوك الإغريق وتسابقو للفوز بقلبها إلى أن اختارت منيلاوس زوجا لها، ولكنها وقعت في غرام باريس بسبب سحر (فينوس) إلهة الجمال عند الإغريق عندما كان في ضيافة زوجها واختارت الفرار معه إلى طروادة متسببة باندلاع حرب لمدة عشرة سنوات انتهت بسقوط طروادة ومقتل ملكها بريام وأميرها هكتور ولكن هيلين استطاعت الفرار مع باريس، بعد انتهاء سحر فينوس عادت إلى زوجها منيلاوس ولم ينجبا إلاّ ابنة واحدة هي هرميون. #ويكبيديا
حطت بنا الرحلة بأثينا ظهرا. كان مطارهم مش كبير اوي و قديم. يعني تحس آنك داخل مطار في الثمانينات. المهم مشينا شوي ثم عدينا الجوازات و حملنا الشنط و طبول الفرقة.
طلعنا الى قاعة الاستقبال و كان مبرمج لنا مؤتمر صحفي في احد الصالات اللي بالمطار. بصراحة في كل سنوات عملي العشرون ما جد عملت مؤتمر صحفي في مطار. تعال اصلا ليش عملنا المؤتمر ⁉️ ها ذكرت، لانه الرحلة اساسا كانت اطلاق اول رحلة لطيران للعربية.
بينما الجميع، الشيخ و الوفد كانوا يدخلون القاعة انا وقفت مع فرقة بو تركي و قلت لهم اباكم ادقون هنه. انصدموا، قالوا لي وين اهنه، داخل المطار. ضحكت و قلت لهم هيه هههه اباكم في نص قاعة الاستقبال تفجرون الدنيا. مب طبولكم و عدتكم معاكم الحين. ردوا علي هيه، قلت خلاص هوبيس و رحت دخلت صالة المؤتمر.
خلال المؤتمر كنت اسمع الهبان و المزمار و الطبول هههههههه. بعدين طلعنا و شفنا المطار مقلوب فوق تحت 🤠🤠 للاسف و معذورين الاخوان تلفزيون الشارجه اللي كانوا معانا ما صوروا واقعت معركة طبول مطار اثينا ولا كنت براويكم جد الوضع كيف كان. ما علينا.
اثينا بصراحة مدينة قديمة، قصدي المباني و الطرق تحس انك رجعت الى الوراء عشرين ثلاثين سنة. مثل مطاراهم سبحان الله. فندقنا كان اعتقد احدث مبنى. كان فندق هيلتون واللي ليلتها كانت حفلتنا الرسمية فيه.
في هذه الرحلة كنت معين شركة اخي و صديقي الدكتور احمد السامرائي للعلاقات العامة عشان تشرف على كل الترتيبات، الحفلة الخ.
المهم كل واحد طلع يريح في غرفته حتى موعد الحفلة. الحفلة كان مدعوا اليها جميع الشركات السياحية عندهم و هيئة السياحة اليونانية و مسؤولي مطارهم و الدوائر ذات الاختصاص و و.
كانت قاعة جملية و بيها مسرح. يومها الدكتور احمد بالاتفاق معاي جبنا ممثل مشهور جدا يوناني يقوم بتقديم الحفل. كان كاشخ الهرم 🤠. بفلوسنا طبعا هههههه. بحط لكم بعض القطات من الحفل.
خلال الحفل شفت صديقي اللي صاد هيلين بالطيارة ذكرتوه ولا نسيتوا. ركزوا بليز. قلت له ها بشر، هيلين عندها خوات هههه. رد علي لا ما عندها! قلت له طيب امها وين، لا تقول مب مطلقه 🤠 لا لا اسولف طبعا
سالته شكو ماكو قالي الامور طيبه و بغيت اطلب منك شي. رديت عليه عشان هيلين حاضر ولا عشانك انت تاكل تبن. قال لي ابا التبن و ابا اخذ سيارة الوفد المرشيدش بعد الحفل بمر عليها. اه، ها انا اللي قلت اه مب هو. قلت له اوكي مافي مشكله. راح هو يتكشخ لهيلين و خلى لي التبن احلي به.
انتهينا من الحفلة و كلنا طلعنا الى غرفنا و بعد شوي كلمني بوبي قالي كل الوفد اللي معانا، الوفد الصايغ اللي ضايع مش الوفد المحترم، كلهم طلعوا فوق اخ�� طابق في الفندق يحتفلون. رديت على بوبي، ولاوني من الوفد المحترم بس عشانكم بضحي و بروح معاكم الوفد الضايع طشونه.
هناك شفت صديقي و قال لي ممكن الحين اخذ السيارة مع الدريول يوديني طروادة. قلت له انزين ما تبا مرافق، يقولون اثينا مب امان. قال لي الحقير لا شكرا 💔
ثاني يوم الدكتور كان مرتب للوفد المحترم جولة سياحية كاملة و اللي انا كنت واحد منهم طبعا. اي واحد يقرا الحين ضحك يطلع برع القصة بليز. المهم، اول زيارة كانت الى الاكروبوليس..
اذكر يومها الدريول مالي كنت جالس جنبه و ورا كان الشيخ سلطان و كمان حد بس ما اذكر منوه، اعتقد صديق الشيخ اللي كان مرافق له. طبعا قبل ما يركب الشيخ و ربيعه كنت اسال الدريول شو استوى امس و شو اخبار هيلين 😁😁
لما وصلنا الاكروبوليس، الدكتور بارك الله فيه كان معين حراسة للشيخ. يعني كم واحد ببدل و سماعات و الشو كله. طبعا الشيخ الله يحفظه انسان راقي و متواضع و ما يحب جذه. اول ما وصلنا و نزلنا و انتشروا الحرس، زخني الشيخ و قال لي محمد قول لهم برايكم، قلت له ان شاء الله.
رحت عندهم و قلت لهم خلكم بعيد بعيد و مابا الشيخ يشوفكم. و اذا بالمره تخطفون لي هيلين تراه غرفتي رقمها …. ولا بلاش.
مالكم بالطويلة، الاكروبوليس طبعا ها اهم معلم عندهم. بيني و بينكم بخلاف كان ايامها في ترميمات له وقت زيارتنا ولكن يعني مش واو واو. مبنى اي شيء و حولة سبخه و حصى. مادري شو هو الواو.
تصورنا و خلصنا و رحنا مطعم قريب نشرب قهوة . هناك شفت ربيع هيلين، كان ربيعي الحين صار اسمه ربيعي هيلين. قلت له تعال شو صار امس ولا تجذب علي لان الدريول مالي خبرني بكل شيء 🤠🤠
قالي طلعت من الفندق متوجه الى بيتها/شقتها و قبل ما نطلع طلبت من الدريول يمر على محل ورد عشان اشتري لها بوكيه. قلت له هيه المحل ورا فندقنا. قالي كيف عرفت، رديت عليه تراه قلت لك الدريول مالي خبرني عن كل شي ههههااييييي.
المهم شريت الورد و رحت عند الورد عشان اهديه الورد. شاعر ربيعي هيلين طلع. قلت له انزين الشاعر و بعدين، قال لي سلامتك تعشينا و وصلتها و رجعت. مالت عليك، بس، ها انا اللي قلت له و رحت غرفتي.
بعد القهوة الدكتور كان عاد لنا زيارة لكنيسة صغيرة فوق جبل يقولون هاي اعلى و اقدم كنيسة عندهم. طبعا تصورنا هناك و على اساسا.
بعدها كنا بنروح الى جزيرة بالقارب. وصلنا المحطة البحرية و ركبنا قارب سياحي مثل باص، حافلة عشان ما يطلع لي ابي الحروف الحين و يقول شو باص. الرحلة كانت مال ساعة و انا معروف اذا رحلة خمس دقايق اخذ قيلولة فما بالكم ساعه. طبعا في صورة بحطها صورني اياها واحد كان معانا و حاليا يقرا القصة. توثق قيلولتي.
و صلنا جزيرة ولا جلحه ملحه و هناك كل واحد عطوه دراجة و سوق يا معلم. انا طبعا البس عدسات لاني اشقر و كان يومها ريح و غبار فقلت للشيخ، طال عمرك انت و الوفد المحترم سوقوا جدامنا و انا و الدريول بنلحقكم من ورا بنلف و بنرجع معاكم ههههههه.
خلصنا الكسدوره اللى كانت عبارة عن طلوع على جبل و لمًا نزلنا رحنا مطعم نتغدى و بعدها رجعنا اثينا الى فندقنا.
اليوم الثالث كان فري وما اذكر بصراحة وين رحنا. ليلتها بعد ربيعي ربيع هيلين استأذن مني و اخذ السواق و راح عندها. بعد ساعه كلمت السواق بالدس و قلت له ها شو الاخبار. قال لي ما بتصدق، قلت ها شو طلع عندها اخت 🤩 قال لي لا بس طلب مني تروح بعد مره محل الورد عشان يشتري بوكيه مختلف و رحنا اخذناها و نزلتهم مطعم.
اليوم اللي بعده و كان يوم المغادرة و انا قاعد اعمل تشك اوت كان لازم اعرف هيلين شو صار معاها فكلمت صديق هيلين يجيني اللوبي. لما جاني و ما كان طبعا حامل بوكية ورد، قلت له انزين ان ولد البطه السوداء، ليش ما تجيب لي بوكيه ورد بعد. المهم منو هيلين و شو موضوعها اعترف 🔫
قالي اسكت، قلت له ان شاء الله. قالي هاي طلعت لاعبة كرة طائرة، قلت له هييه عشان جذه هي طويلة و شقرا مثلي، انزين.
قالي كانت زايرة لبلاد عندنا لانه حبيبها طلع لاعب كرة طائرة بعد و يلعب لنادي في لبلاد بس مش اشقر مثلك. قلت له ايوااااااه. حيوان واحد قلت له.
انزين قلت له، ويوم هي عندها حبيبي ليش عطتك ويه مالت عليك و على ويهك. قال لي هاا سالتني. قال هي كانت راجعه في الطيارة معانا و كانوا متزاعلين و من حسن الطالع انا كنت على الرحلة و شبكنا الهوى الطروادي جانا.
قلت في خاطري، يعني انا لا حسن حظ دخلت كبينة الطيار مع الشيخ ولا طلع لي حسن الحظ ادخل طروادة حتى على تيس مب حصان ضخم مصنوع من خشب. مالت.
مكافحة حشرات وقوارض بالكويت 🇰🇼 مكافحة جميع انواع الحشرات والقوارض بأقوى المبيدات الفتاكة المرخصة صحيا لدينا العجينة الاصلية للقضاء نهائيا على صراصير المطبخ قسم خاص لمكافحة الفئران والجرزي الجل الامريكي الاصلي خدمة أفضل بتكلفة أقل خدمة جميع مناطق الكويت كفالة سنة على جميع اعمالنا جميع المبيدات والمواد المستخدمة ألمانية انجليزية امريكية #_ #اكسبلوور #كويت #الكويت #كويتيات #كومنت #تمبلر #تمبلرات #رموش #رقص #كويتيات_انستغرام #عبايات #عباية #كاشخ #كشخه #كورونا #مكافحة_حشرات https://www.instagram.com/p/B-hOhwTAPb0/?igshid=102q15whohapr