#ردود الآسك
Note
اهلين اخبارك وش مسويه؟ لو تسمحين ودي اتكلم هو كلام فاضي لو تبين تردين او لا ،، قبل سنتين كذا يوم دخلت الجامعه كنت اسمع ان مافيه صداقه بس يعني مو بس بالجامعه لما كبرت وخالطت مجتمع الكبار مابين اقارب وصداقات الجامعه مرات لما اتكلم بموضوع انصدم تفسيرهم له على كيفهم! صرت احسب كل كلام اقوله لانه ممكن انفهم غلط هذا غير تحليل التصرفات الي اسمعهم مستحيل مستحيل ياخذونك بحسن نيه لا اكيد سوت كذا عشان قصدها كذا مرات اسولف مع صديقات او بالجمعات معهم اكتشف بعدين انهم بس يبون يعرفون وين صرت وايش دخلت تخصص مايهمهم انا بس يبون يعرفوني ولو مهما تصير لي مشاكل او ظروف محد يقدر او يتعاطف احس اني عايشه وسط ناس ماعندها انسانيه او رحمه وفيه نفاق يحوم الكبد .. المشكله مو هنا صرت مااحب اختلط بالناس ابد ولا احب اتكلم لاحد اثر هالشي علي من كثر ماشفت صرت مااثق باحد بس هالفتره بزياااده صرت انطوائية وشايله هم العيد لاني ماابي اشوف احد احس والله جتني عقده وشايله هم بعدين لو تزوجت هل بصادف ناس كذا بعد .....
هلابك ..
خليك طبيعية و طقي برأي الناس الجدار .. وسوي نفسك غبية ما تفهمين شرهاتهم و عتاباتهم لو حصل شيء .. أهم شيء شيلي من بالك فكرة تكونين انطوائية وتنعزلين عن المجتمع .. والله ما جاب الاكتئاب و الامراض النفسية للجيل التالي الا هالشيء ..
والنبي عليه الصلاة والسلام يقول : المؤمن الذي يخالط الناس ويصبر على أذاهم أفضل من المؤمن الذي لا يخالط الناس ولا يصبر على أذاهم ..
فأنتِ خذيها من هالباب اذا ماعندك اي رغبة بمخالطة الناس .. خذيها من باب الامتثال لكلام النبي صلى الله عليه وسلم .. خذيها من باب صلة الأرحام .. اربطي محاولتك لمخالطة الناس بالله سبحانه .. وما تدرين يمكن ربي يرزقك على نيتك الحسنة صحبة صالحة تكون من أسباب سعادتك في الدنيا والآخرة ..
ولا تشيلين هم و لا تفكرين بزيادة في المستقبل ..
10 notes
·
View notes
Note
وش رايك بناروتو وهل تعلقتي بالأنمي ؟
+
رتبيهم حسب الأفضل من دون عاطفة ناروتو ون بيس كونان
وبس
هل تعلقت فيه ؟
القاعدة تقول : لما تعشق شخصية , بتتعلق بالانمي نفسه ...
فـ يب .. تعلقت فيه
كونوا شاكرين لـ أوبيتو
,,
مين الأفضل ؟
طبعاً كونان الثالث بلا شك 😊..
والمنافسة بين ناروتو و ون بيس مين الأول ؟
خن نفصفص مميزات كل واحد ثم نفاضل بينهم ..
ناروتو : يتميز على ون بيس بالتالي :
مستوى ظهور الشخصيات الثانوية👌 .. ان الشخصيات الثانية بالانمي نشوفها أكثر من مرة ... كم مرة شفنا جيرايا \ شيكامارو \ غارا \ مادارا..الخ .. بينما ون بيس ..كم مرة شفنا شانكس \ فيفي \ كروكودايل \ تيتش \ أكاينو ... الخ ... بـ ون بيس ما نشوف الا الطاقم .. واذا ماحبيت أحد منهم بتاكل تبن .. أو بشكل أدق ( إذا ماحبيت زورو بتاكل تبن 🙂) ... فيه استثناءات صارت مؤخراً .. زي لاو و بعض شخصيات وانو .. لكن في الغالب الشخصيات الثانوية ماتنشاف الا بطلوع الروح
سير الاحداث أفضل👍 ... لما أقول ( سير الأحداث ) ما قصدي الاحداث نفسها .. انما ( كيف القصة قاعدة تمشي ) .. ناروتو من الموسم الاول ومن أول ارك بدأ الاكشن ومات الهوكاجي .. الارك اللي بعده دوّر هوكاجي بديل .. اللي بعده رجّع البزر الكريه .. اللي بعده الاكاتسكي يظهرون و يبدون أول خطواتهم بخطف غارا ... الخ ...بينما ون بيس .. ولما نتكلم عن البدايات كانوا يتنقلون من جزيرة الى جزيرة .. وكل جزيرة تقريباً نفس الفكرة .. يكون فيه ظالم طاغية مجننهم ويجي لوفي ينقذهم .. وأحياناً يلقون شخصية هناك ممكن تكون عضو من الطاقم .. بالنسبة لي مابدت تشتعل الاحداث بون بيس الا بـ الووتر سفن و الاينيس لوبي لما لوفي أعلن الحرب على حكومة العالم.. والا قبلها كان انمي للوناسة والضحك .. ما أنكر الاحداث ممتعة .. وأجمل من أحداث ناروتو .. بس أتكلم عن (سيرها) عن( تقدمها )..مافيه شيء
خذ كل أشرار ون بيس واخلطهم بخلاط وأضف لهم أشرار بليتش .. وقارنهم بـ مادارا .. مايجون شسع نعله 😴> واضح توي شايفة الزير سالم 😂
الانتاج بشكل عام .. ناروتو يتفوق👍.. مافيه تمطيط مافيه اخراج يسد النفس ، مافيه ألوان تحوم الكبد ..
تعامله مع الشخصيات الانثوية ... ناروتو أرقى👍 .. صح يحسسك ان البنت ماعندها كرامة لما تحب😅 .. بس تهون عند الرخص اللي بـ ون بيس .. نفسي أشوف بنت بـ ون بيس تعتبر ( غير قبيحة ) ظهرت في آرك بدور مهم .. وجسمها طبيعي😷 .. البنات في ون بيس .. يا اما زي جسم نامي .. والا زي جسم دادان .. مايمكن تكون طبيعية ... بكل انمي لازم تلقى فيه بنت مثيرة جسم وهيكه .. لكن بـ ون بيس .. كل بناته كذا 😷.. هذا غير اللبس اللي يحوم الكبد ..😷
تصميم الشخصيات و التعابير الباكية .. مافيه مهرجين بـ ناروتو🙅🏻♀️ , ومافيه نوافير تطلع من كل مكان بوجه الشخصية لما تبكي ..أحب الحلوين ؟؟ أحب الشخصية تحافظ على جمالها لما تبكي ؟؟ أنا سطحية ؟؟ ايه☺️ ..
القتالات👍.. القتالات في ناروتو أفضل من قتالات ون بيس بسنين ضوئية حتى .. وكذلك موازين القوى موزونة 👌
ون بيس .. يتميز ون بيس على ناروتو بالتالي :
الشخصيات الرئيسية ... لما تقارن الطاقم ( زورو - سانجي - نامي - اوسوب - روبين .. الخ ) مع الشخصيات الرئيسية بـ ناروتو ( ساسكي - ساكرا - كاكاشي ) ... الله الله!👏 الله على الجمال و الروعة و الخياس و حومة التسبد اللامتناهية😍😷 ... سانجي لحاله يسوى الثلاثة كلهم .. وحط معهم ساي و ياماتو لو بغيت
الكوميديا ... وان كانت خربت الحين .. بس تظل بـ ون بيس أقوى .. وهي بالنسبة لي نقطة هامة
اللي يشوف المفاضلة أعلاه بيقول اني راح أقول ناروتو أفضل ..
يب .. المفروض أقول ناروتو أفضل ..
ولكن بسبب النقطة اللي باذكرها الان .. للاسف الشديد .. بيكون ون بيس أفضل ... والنقطة هي أكيد وبلا شك وبالتأكيد هي :
البطل .. ثم البطل ... ثم البطل .. وبعدين البطل ..وللمرة الألف أقول : البطل
لو الانمي حقك أطلق شيء .. والبطل حقك ضعيف .. شفت الانمي حقك ذا .. بلّه واشرب مويته
ناروتو ماهو بطل عادي و ينبلع .. لا لا .. مستفز في أهم حدث من أحداث القصة ... مخرّب العمل حقه في سوء التعامل مع الزفت، العطب ، تيس الاوتشيها ساسكي
أنا ماعندي مشكلة بـ محاضرات ناروتو مع الاشرار .. أبددداً ...أنا مشكلتي معه انه خروف .. ومتحمس لواحد مايسوى التالية من الغنم
أنا بس أبغاك تتخيل انه سحب عليه وخلاه يسرح ويمرح وجلده وقت ما غلط عليه أو على أي أحد من رفاقه .. كل الخياس اللي سواه ساسكي بالانمي ماراح نحس فيه .. كل هالقرف اللي شفناه من ساسكي بيختفي .. لان محد بيعطيه وجه .. بيصير زي تاكاسوغي .. ما عرفناه الا لما جلده جينتوكي هههه وهذا الصح لان هذا قدره.. قدره أقل من قدر النملة بل ان النملة مفيدة أكثر منه
ياناس ساسكي رجع لهم بارادته .. ناروتو ماله اي تأثير عليه .. يعني كذا والا كذا . التيس بيرجع ياحمار ..
بينما لوفي .. أنا ما أتذكر اني حسيت مجرد احساس وقلت بنفسي ( آآآخ يا لوفي ليتك سويت كذا ) .. هذا الاحساس البسيط بس .. ماقد حسيت فيه من لوفي ... فكيف انه ينرفزني ؟؟؟
ما أتذكر انه نرفزني في أي قرار أو تصرف .. ما أتذكر اني كنت ضده أبد .. ما أتذكر اني تمنيت انه مايتدخل في المشهد هذا ..
لوفي يعرف متى يكون صديق وفي ...ومتى يكون متسامح … ومتى يكون بعير حسود هههههه
كان صديق وفي لما تمرد عليه سانجي .. وسكّت المعفنة نامي لما غلطت على سانجي .. لانه يعرف ان سانجي مكره ..يعرف ان سانجي يستحق الوفاء
أما مع اوسوب .. فلأنه تمرد عليه بإرادته .. جلده وخلاه يعض الارض ، وتركه ع الارض بدموعه .. بل حتى انه سكت لما زورو رفض ان اوسوب يرجع الا باعتذار لـ لوفي .. معناها انه اقتنع بكلام زورو .. مع ان اوسوب وقتها كان مساعدهم و شريك معهم في إنقاذ روبين ، يعني رجع لهم و ندم على اللي سواه و خلاص ماراح يفتح سالفة السفينة أبد .. بس لا ياحبيبي .. تعتذر زي الكلب .. ما قال لا لا هذا صديقي وانا أتحمل الكراهية و بلا بلا ..
مع سموكر كان متسامح .. لانه يشوفه انسان نظيف، يشتغل بعدل و يؤدي شغله بدون ما يظلم أحد .. والقتال اللي بينهم مجرد اختلاف آراء فقط ..
مع كروكودايل كان بعير ههههههههه الضعيف له اركين كاملات ماعنده الا قوة مساعدات لـ لوفي .. يا ناس أنقذ ايس من الموت .. وانقذ لوفي شخصياً .. ومع ذلك ما سامحه لانه كان مسبب مأساة لـ فيفي .. مب له هو .. لا لا .. فيفي هههههههههه بينما خوينا ههههههههههههههه ساعتين و سامح أوبيتو اللي تسبب بموتة أبوه و أمه و جيرايا و نيجي و تسبب بحرب كبرى و خلاه يعيش عيشة تبن ههههههههه لا ويشكره وينحني له بعد
> لو لوفي مكانه كان عطاه قبعة القش قال هي لك حلال زلال ولو بغيت زورو فوق البيعة فهوَ لك , هذا أوبيتو فخر الاوتشيها يستاهل تنقلب المفاهيم و المعتقدات والقيم🥰😌💘
أرجع و أقول ماعندي مشكلة مع البطل المتسامح ، بس يبقى البطل اللي يبرد الحرة أحَب عندي .
فـ يب .. بسبب هالنقطة أقول ون بيس أفضل .. ثم ناروتو .. ثم العفن الفني كونان .. لو مافيه أكاي ومافيه ارتباط عاطفي معه منذ الصغر والا دردبته من زمااان
اما اذا كانت من ناحية عاطفية .. فـ باقول كونان ثم ناروتو ثم الرخص اللامتناهي ون بيس .. 😁
وبس والله
18 notes
·
View notes
Note
في تصريح لغوشو
س: اكاي سان ترك جودي لاجل اكيمي ولكن اكاي سان من يحب منهما بالفعل ؟
رد غوشو : كلاهما .... لكن في النهاية اكيمي لا تزال بالقلب
هالشايب لاقي هالفانز المغلوب ع أمره.. ماخذهم رايح جاي .. ومسوي لي فيها انا الغامض ..ويعطيك من الاجابات الفضفاضة اللي تنفهم بأكثر من معنى .. ياشيخ توكل ..
عموماً ..
هي شخصية واحدة في انمي كونان..
شخصية واحدة فقط …
حظيَت بغزل صريح و واضح من أكاي …
ألا وهي
كويبيتو سان🫣♥️
>😂
12 notes
·
View notes
Note
تشبيكة اكاي وهايبرا ما تشوفوا انها مو منطقية
اولا فارق العمر بينهم كبير مرة هي قاصر بالعمر الياباني وهو فوق ال٣٠
ثانيا كان حبيب اختها سابقا وع تفكر فيه كحبيب لها
ثالثا اختها ماتت وهي تحب اكاي وهو تسبب بمقتلها واخلف وعده بحمايتها وللحين مستحي يقابلها فكيف تحبه بعد كل هذا
رابعا غوشو وضح اكثر من مرة بالفيلم بالستوري بورد واكد لهم يوضحون مشاعر هايبرا لكونان وبمخطط العلاقات حط هايبرا تحب كونان ولو اني مو فاهمه ليش وهو حاسم امر شينران مخليها طرف ثالث على الفاضي
وبس اشوف اكاي هايبرا تشبيكة مستحيلة واسفة غير معقولة من عدة نواحي
هلابك ..
قبل ما أرد على النقاط اللي ذكرتيها ..
تشبيكة أكاي وهايبرا للأسف غوشو قتلها .. واستسلمت عنها لما دريت انهم ( أقارب )..
لكن بأقول لك .. ايش اللي خلاني أشبكهم ( سابقاً ) قبل ما يصرح الزفت انهم أقارب .. وباقول لك ليش هي منطقية و لزيزة وحلوة وكانت بتكون أفضل تشبيكة كتبها غوشو المفلس المعطوب الأحمق
بخصوص النقطة الاولى :
اولا فارق العمر بينهم كبير مرة هي قاصر بالعمر الياباني وهو فوق ال٣٠
ماعندي مشكلة مع فارق العمر ..ولا أشوفه عائق .. خاصة ان هايبرا عقليتها أكبر من عمرها
,,
ثانيا كان حبيب اختها سابقا وع تفكر فيه كحبيب لها
كان يستغلها .. وما كان يحبها .. الحب كان من طرف أكيمي فقط .. ومابادلها هالحب حتى بعد ما كشفت له عن مشاعرها .. مجرد انه ندم على اللي سواه فيها ويبغى يصحح خطؤه في أن يحمي هايبرا .. فـ وين المشكلة انه في الاخير يتزوج هايبرا ؟
,,
رابعا غوشو وضح اكثر من مرة بالفيلم بالستوري بورد واكد لهم يوضحون مشاعر هايبرا لكونان وبمخطط العلاقات حط هايبرا تحب كونان ولو اني مو فاهمه ليش وهو حاسم امر شينران مخليها طرف ثالث على الفاضي
هذاك قلتيها على الفاضي ..
أغبى و أفشل تشبيكة شفتها في الحياة .. تشبيكة هايبرا و كونان ... تشبيكة خاسرة قبل ما تبدأ .. تشبيكة تُظهِر هايبرا بشكل حقير و سافل .. وحدة تشوف اثنين يحبون بعض من قبل مايصيرون فكرة حتى , تروح تخش بينهم وتخرب عليهم .. خاصة اذا حطينا ببالنا انها تحب ران جداً و تشبهها باختها ., ماراح ترضى بهالمصير حتى لو حبت كونان فعلاً .. ماراح ترضى انها تكون سبب في جرح مشاعر ران ..
طيب نجي للأسباب اللي خلتني أشبك أكاي مع هايبرا..
أكاي الوحيد - مع كونان - اللي أنقذ هايبرا من الانتحار
وهو الوحيد اللي شافها تبكي بعد كونان و أغاسا
,,
أكاي الوحيد - مع كونان - اللي سخر حياته لحماية هايبرا .. وتنكر و غيّر صوته و لبس نظارات واشتغل سواق و طباخ و تمصخر أيما تمصخر .. كله من أجل حماية الاميرة
ع طاري اللقطة أعلاه
مؤخراً سمعت ان الشايب زعل مررررة على المخرج يوم أضافها .. ومن هذا المنبر ولليوم وكل يوم أحب أرسل لـ غوشو تفلة على ذوقه النعلة ..
وقسم ان هاللقطة عن كل لقطاته الكرنجية بكوبلاته الزفت المكررة التقليدية
,,
أكاي يشترك مع كونان في أنهم كـ ( سوبرمان) لـ هايبرا ..
صح انها زبدت لـ أكاي بهاللقطة وجرحت مشاعر ولدنا ههههههه بس ستل الفكرة قائمة
وع طاري التزبيد :
لا يوجد شخصية في انمي كونان قادرة ع التزبيد لـ أكاي زي هايبرا هههههههه.. حتى أمه ما قدرت عليه هههههههههه
,,
وهنا عندنا لحظة تأمل ..
فيه شخصية (رجل) بالعمل .. اقتربت من هايبرا لهالمسافة غير كونان و اغاسا ؟؟؟
كيف تبيني أتجاهل هاللقطات ..؟؟ مستحيل ...
ونرجع نقول .. الله ياخذ غوشو
,,
فيه روابط مشتركة كثيرة بين هايبرا و اكاي.. بس جاية بشكل خفي ورمزي ..
مثل تصريح غوشو سابقاً ان النوع المفضل من النساء لـ اكاي هي المرأة الهادئة .. وهالصفة تشبه هايبرا .. لا أكيمي و لا حتى جودي
هايبرا تحب اللون الأحمر ودايم تتغزل بلون الغروب الاحمر .. ومعنى اسم أكاي : أحمر
اذا جينا من ناحية التشابه في القصة .. فـ كونان حريص على ألا تنكشف هويته الحقيقة بالذات من ( حبيبته ) ران
وأكاي نفس الشيء .. أهم شيء عنده ان هايبرا ما تكشف هويته
كونان نقطة ضعفه ران ... و أكاي نقطة ضعفه هايبرا
,,
والان سؤالي :
هل فيه شخصية (رجل ) -غير كونان و أغاسا- ارتبطت مع هايبرا بهالشكل ؟
لا
اذن لا تلومينا.. بل لومي المؤلف الزفت اللي فرط فيها
13 notes
·
View notes
Note
ليه الناس متهاونين بقضية المقاطعة؟ وهو ابسط شيء ممكن نسويه على عدونا! والله اني مصدومة وخايب أملي في كثير من أقاربي والناس اللي حولي! اشوف بتويتر عقليات يعجز عنها المنطق والنخوة وألتفت القى احب الناس لي منهم؟ الله يجبر كسرنا كان أدنى الإيمان فيه مؤمنين ما يعاونوننا عليه. أقرب بنات خالاتي لي أنا اللي فهمتها فكرة المقاطعة باكتوبر وكيف إن الفلوس توصل للاعداء، واشوفها-وغيرها- وقفوا بس عشان المقاطعة طولت ولا يتحججون “ شوفوا كيف هم يسبوننا بتويتر”🙂، الله يعظّم الأجر ولا يحاسبنا بما فعل السفهاء منا، تقديم الرفاهية هي اللي وصلت الواحد انه يفضّل كوب قهوة ولا وجبة على حساب اخوه المسلم اللي يموت بأبشع الطرق.. احس احد اسباب تبلد هالناس هو انهم مايشوفون المقاطع اللي تظهر من تعذيب ونجاسة اليهود، حسبنا الله ونعم الوكيل والله اني اكتب لك وأنا مقهورة صارلي شهور اشوف التهاون والتخاذل من اللي حولي، وحده كتبت بالسوشل ميديا( إذا جاري سبني وبعدها بيته انحرق وفيه عياله ،بقول احسن هو سبني ماراح اساعده؟ ) وفعلًا كلامها هو اللي يجسد الواقع ، ومعليش لأني مشتطه):
والله كلامك حقيقي .. الله يجزاك خير
أنا أقاطع باللي أقدر عليه ولا أفكر هو ينفعهم أو لا .. اللي أسويه مجدي أو لا .. إنما بس عشان لما يسألني ربي بكرة وش سويتي .. يكون عندي جواب ع الاقل ... يعني من باب " معذرة إلى ربكم ولعلهم يتقون "
لكن ما أشنّع ع اللي ما يقاطعوا .. خاصة اللي ما يقللوا من شأن المقاطعة ولا يسخروا منها .. اللي ساكتين حالهم حال نفسهم .. لان لهم رأي بهالخصوص .. وهالامر اختلفوا فيه المسلمين من زماااااااااااان ترى .. من أيام حملة المقاطعة اللي كانت قبل 20 سنة ..فلذلك أنا مو مستغربة منهم .. الأمر أخذته وكأنه خلاف فقهي أزلي .. ليش أتعّب نفسي و أشحن نفسي عليهم .. ؟؟ أهم شيء كلنا متعاطفين مع غزة و نحاول ننصرهم باللي نقدر عليه بالدعاء و بالتذكير بمصيبتهم وبلفت نظر العالم لهم وحفظ هذا الغضب اللي بقلوبنا عليهم من أجل نقله الى الأجيال القادمة .. ما ننسى وما نتعود
الله يرحمهم و يصبرهم و يحقن دماءهم و يجعل كيد الصهاينة في نحورهم
6 notes
·
View notes
Note
قبل فتره وانا اتصفح التويتر لقيت رافعين تاق على رئيس شركه باليابان عشانه يتـ حرش وطلع يحب الاطفال المهم وانا افر بالتاق طلعت اليابان بلاد مو نظيفه فعلا يمكن اوسخ شرق اسيا كلهااا بعد تايلند والله انصدمت من كميه الشذوذ هناك مره يحبون الاطفال .. كنت اشوف اليابان بالانمي انهم منظمين ويصحون الصباح وراعين شغل ودراسه الانمي كان ينقل لنا صورة مزيفه فعلااا !
ورغم كل هالقرف اللي عندهم تلقينا -و تلقين العالم كله- ماخذ عنهم فكرة زينة ...
ليه ؟؟
لانه اعلامهم ذكي .. ويعرف كيف يجمّل مجتمعهم للعالم .. بل حتى سلبياتهم يجمّلها ..
مو زي ربعنا .. جيدين يطلعون أسوأ ما فينا للعالم .. ما قد شفت فيلم سعودي أو خليجي الا فيه انتقاد للعادات وتصويرها بشكل قبيح و معفن .. والله اننا نملك أجمل عادات في العالم ..و أجمل مفردات في علاقاتنا .. لو عرفها العالم لعشقنا أضعاف أضعاف حب الناس لليابان الحين .. بس ابتلينا بالجهلة والحمقى انهم هم من يصدّرون صورتنا للعالم
6 notes
·
View notes
Note
يقال ان غوشو بمقابلة قال انه صمم هالمشاهد الوصخة بنفسه.. اخخخخ غوشو كنت متحمسة للفلم. صمت صمت و فطرت على بصلة. مرة ماري و بلموت و مرة هايبرا و ران. يا رب غوشو ما يكثر من هالمشاهد بالمانغا
وشوووو ؟؟
صار فيه بوسة بينهم يعني وحذفوها بالسينما العربية يعني؟؟
15 notes
·
View notes
Note
ماوكاو كانت بزر اول مرة يوم شافت لاكان، فكان شكلة يروع بالنسبة لعمرها وغير كذا كانت تظنه واحد غريب الأطوار ما درت انه ابوها الحقيقي إلا بعدين
طيب وكبرت وعقلت ، ليش تستمر تتحاشاه وهي تعرف انه ابوها ؟
بينما أمها اللي قطعت اصبعها وتطردها دايم ، وعجوز النار ساس البلاء ، ما تتحاشاهم و تعيش معهم عادي ؟؟
الجواب : نفسية
5 notes
·
View notes
Note
وش تقيمك لانميات هذي السنتين ؟ نهههههه
ليش الضحكة طيب ههههههههههه
حلوة جيدة .. بس أفتقد الكوميديا + الشونين التقليدي
طفشت من انيميات من تالي ..كلن يحاول يخرج عن المألوف ويبتعد عن اللمسات الشوننية التقليدية
ماعاد فيه هالاحساس الا بـ بوكونوهيرو .. اما البقية يجيبون لي التكة ..
لاحظت بانيميات السنة الماضية تفوق الانيميات الهادية قليلة الشخصيات واللي أبطالها بنات على غير العادة .. زي فريرن و الصيدلانية ( ولو ان الصيدلانية لي عليه تحفظات بموضوع البغاء المقرف ) .. وحتى فيه أنمي بعد بطلته بنت شعرها أصفر أظن انها ساحرة .. ماشفته .. بس أشوف الناس هابه فيه ..
مدري اذا كان هالشيء يُحسَب لهالسنة ان هالنوعية من الانيميات والبطلات الإناث -بالنسبة لي- تفوقت ع الانيميات اللي المفروض تكون متصدرة بالقلب زي كيميتسو و جوجوتسو
او انه دليل ع سوء المستوى اللي وصلته انيميات الشونين ... صارت مسخ و كأنها سينين مستحي
حتى بليتش اللي فيه من ريحة الشونين القديم ..شالوا منه اللقطات الكوميدية .. !!! ياخي مين قال لكم ان الانمي بيكون رهيب لما ما يصير كوميدي ..؟؟ مين قال لكم ان الانمي كل ما صار سوداوي يجيب الغلقة يعني مرة واو فخامة ياربااه ؟؟؟
حتى بوروتو .. ولد الخروف ما غيره .. فرحانين فانزه انه صار شبيه لـ التيس .. واو تطور شخصية لا متناهي .. واااو منقطع النظير ..~ ...مدري يعني.. أحد شكى لكم شخصية ابوه ؟؟؟ ما حاولتوا تبحثون شوي عن سبب التشويه بشخصية أبوه ؟؟؟؟ قبل تخلق لي شخصية واحد ثقيل طينة يعنني كول.. اخلق لي مواقف صاحية .. ردود أفعال تبرد الخاطر .. مبادئ سليمة تدخل المخ ... علاقات تدكدك القلب .. انتصارات و هزائم منطقية .. هنا أول شيء .. بعدين فكّر تخليه كول والا مهرج
المهم ان الشونين يحتظر على المنهجية الجديدة الخايسة حقته
#ردود الآسك#sousou no frieren#kusuriya no hitorigoto#jujutsu kaisen#buko no hero academia#kimetsu no yaiba#bleach
4 notes
·
View notes
Note
سلام آن كلمينا عن نوعك المفضل بالشخصيات اللي تجذبك؟ حاولت اعرف التايب حقك من المفضلين بس لقيت الفخم والمثير للشفقه والطيب والشرير والرزين والسايكو عندك تنوع ما شاء الله
وعليكم السلام ..
حبيت ملاحظتك ..
يب عندي نمط معين من الشخصيات غالباً أحبها ( العصبي\النادم\الفلاوي\مهجد المهايطية😁..) .. والعكس .. فيه نمط من النادر اني أتقبله ( الاستعراضي\الهادي بزود\الكيوت)
لكن لما تتأملين التوب10 عندي .. بتلقين كل شخصية بوادي .. 😁
والسبب لان فيه نقطتين فاصلتين هي اللي تخلي الشخصية مثيرة للاهتمام عندي .. وبعد ما تتوفر هالصفتين فيها .. ألتفت لطبع الشخصية .. إذا ما كان من الطبع الكريه عندي .. فغالباً تلقيني مُحبّة لهالشخصية .
النقطتين هي :
اول شيء : القوة
أحب الشخصيات القوية .. مب لازم أقوى شخصية في العمل .. بس تُصنّف قوية .. ومو بس قوية جسدياً انما حتى روحياً .. مو ضعيفة الشخصية وكلمة تجيبها وكلمة تاخذها
,,
ثاني شيء : دورها في القصة
بحكم انه يهمني القصة في الانمي قبل كل شيء .. فيهمني دور الشخصية في القصة وقصتها الخاصة -فيما لو كان لها قصة - و طريقة عرض المؤلف لها وعلاقاتها مع باقي الشخصيات وتأثيرها عليهم.. يهمني انها تكون مؤثرة.. وتأثير يخدم القصة مو ذاك التأثير السلبي اللي بس زيادة تمطيط للقصة والا تشويه و خياس وغثى يكرّهك في العمل .. انما يزيد القصة أكشن و روعة وحماس ..
وبس والله
6 notes
·
View notes
Note
غوشو من زود الحلب وقف كونان وبيرجع لكايتو عشان الفيلم غير اخر الفصول كلها ترويج وبفصل الذكرى ٣٠ عطاهم فريم واحد الباقي فلر ارك رم جلس فيه ١٠ سنين
الحمدلله غاسله يدي منه منذ مبطي
هالشايب علاجه شيء واحد فقط ..
نفض اداري كامل لـ مجلة شونين سانداي .. يتخلصون من الجيل القديم المعشش فيها .. ويجبرونه هو وأشكاله يخلص عمله التعبان زي ما سوت شونين جمب مع ناروتو وبليتش
5 notes
·
View notes
Note
بليز ابغى نصايحك عندي فاينل جامعة قريب واحس مو قادرة اذاكر المذاكرة ثقيله ،، يالله احس زمان قبل سنوات عادي نذاكر الحين باقيلي سنتين بالجامعة واحس مالي خلق اطالع بالكتاب مع ان فيه كثير شاطرين بالدفعة بس برودي هذا انا عارفه راح يوديني بستين داهيه ف وش اسوي :((((
عادي شعور طبيعي .. البرود اللي يجي بالسنوات الاخيرة من الجامعة ..
بس عاد لا تستسلمين له وبنفس الوقت لا تقولين انا في محنة أنقذوني يا بشر .. عادي تعايشي معها
كيف تذاكرين ؟؟
مافيه أحسن من رسم الجدول و تحديد الاهداف ... خلي عندك هدف خلال هاليوم أخلّص الصفحات الفلانية ..
وحطي أوقات راحة بين كل هدف وهدف ..ولا تضغطين على نفسك ..
ولما تذاكرين جيبي شاهي و لا قهوة .. اهم شيء روقي .. لا تحسين انها أتعس لحظات حياتك .. حاولي تونسين نفسك بنفسك ..
غيري المكان اللي تذاكرين فيه .. لو كان غرفتك .. خليه بالمجلس .. لو كنتي تذاكرين بين الناس .. روحي ذاكري بالحديقة لو حصل لك .. الاجواء الحين تساعد ..
وحطي ببالك ولا تنسي .. هذي أيام راح تعدي و بتكون مجرد ذكريات في حياتك .. فلا تتوقعي ان حياتك واقفة عليها ..
يقول خالد بن الوليد رضي الله عنه : عند الصباح يحمد القوم السرى .. وتنجلي عنهم غيابات الكرى
بعد ما تتخطين هالاختبار .. بتكون أجمل ذكرياتك عنه هي لحظات التعب والاجتهاد اللي بذلتيها .. راح تستلذين فيها مستقبلاً لما تتذكريها .. ❤️
والله يوفقك و يسهل لك أمورك .. ❤️
ان شاء الله أكون أفدتك ❤️
7 notes
·
View notes
Note
سلام ان 🌹 والله ماتوقعتك تحبين تحبين توجي توقعت 😂راح تكرهينة لانه عذب غوجو و ترك ميغومي
وعليكم السلام
أنا حبيته لانه عذب غوجو أصلاً .. هنا مفتاح الحب خخخخخخخخخخ
أنا ما توقعت اني أحبه .. خاصة اني سمعت كلام و مدح عليه كثير من ربع المانجا .. ودايم أنفر من الشخصيات اللي يروجون لها ربع المانجا ..زود عليها السيو الخيبة اللي اختاروه .. بس ياختي جاب راسي ع الجلد اللي سواه للثلاثي المرح ههههههههه كذا جلد من العيار الفاخر ههههههه
اما تركه لـ ولده .. هي صح حركة خسيسة .. بس مو سبب يخليني أكرهه .. المؤلف ما جاب كل شيء عن لحظات أبوّته له و لحظاته مع زوجته .. أنا عارفه ان فيه اشياء دفعته يوصل لهالقرار .. تفاصيل ما فهمتها عنه .. زود انه ماجاب لك انه الأب المثالي البطل المغوار اللي يستحق الاحترام .. زي واحد الله يستر عليه أول حرف منه اسمه ميناتو .. لا جاب لك انه انسان خربان قاضي منتهي ..فما كنت متوقعه منه أي لطف من الأساس ..
7 notes
·
View notes
Note
ردًا على اللي علقت عن مجتمع اليابان وكيف معطين نظرة عكس واقعهم اللي فيه من البلاوي، أنا نفسك انصدمت عما قريب ولكن مو عن البيدو والاشياء ذي لأنها كانت تظهر بانميات وتبين لي هالواقع ولكن انصدمت من فيديو مقابلات بشوارع اليابان كان واحد يسأل يابانيين ويابانيات عن (الزنا) مع شخص آخر بينما يمتلكون حبيب، ويقول لهم هل كذا يعتبر خيانة؟ المهم إن كثير منهم يقول لا وخاصةً اني دافع فلوس عشان الخدمة وفيه اللي يقول إن إذا مافيه مشاعر مايعتبر خيانة.. الصدمة إن فيه كثير بنات يقولون انهم هم بانفسهم يخونون وعادي يضحكون للكاميرة! غير اللي تقول انه ممتع شعور الخيانة ( هنا اخذت موقف من الكفار بشكل عام) مع إن ياكثر العرب اللي يروحون هناك ويقولون انهم شعب محترم بس ينقصهم الاسلام ، ولكن شكل طبايعهم الحقيقية مايظهرونها عند الاجانب أو ما ادري صراحة وش الحقيقة الغائبة..
المهم اني اخذت منهم مقلب أشد يعني على الاقل الكوريين من يومي ادري ان كثير منهم يعنفون المرأة وسوء معاملتهم لها والتنمر يعانون منه نص الشعب وحبهم للمثالية الزايدة بس يظهرون لنا هالشيء ، الله يعافيهم ولا يبتلينا اصلًا مبادئ الامه البشرية بدأت تسقط للهاوية هذا إذا ماكانت وصلت للهاوية بالأساس، والله الاسلام يعزنا ويقوّم مبادئنا دين عزيز وعظيم كل ما اشوف حال الكفار كيف يقتدون ببعض بالردى على اساس انه تفتُح أحمد الله على هالدين وعلى هالعقيدة الحمدلله فعلًا
يب أنا سمعت عن هاللقاء
بغض النظر اذا كان فعلاً يجسد الواقع الياباني أو لا ..
بس تبقى مجتمعات بوذية .. لا دينية .. طبيعي نشوف عندهم بعض التصرفات البعيدة عن الفطرة البشرية .. حتى لو تلاحظين بالحروب يكونون هم ألعن البشر بالتنكيل و القتل .. بالبداية كنت أحسبه شيء له علاقة بالعرق الآسيوي ..انه عرق يفتقد الانسانية والمشاعر .. كذا تشكيله البيولوجي .. بس أخوي نبهني لما قال يمكن لانها شعوب لا دينية .. فـ صح .. كلامه منطقي
فلذلك نلقى عندهم كثير من المنطق الغريب ..
ومع كل هذا .. أعيد و أكرر كلامي .. شوفي كيف متمسكين بعاداتهم و تقاليدهم ومعتقداتهم الغريبة .. ويتفاخرون فيها .. لدرجة أبهرونا فيها على مافيها من بعض الأشياء الغبية
بينما ربعنا يستحون لما يتكلمون عن غض البصر أو الغيرة أو اللبس العربي .. وهي لما تتأملينها بتلقينها تنقط جمال و روعة
3 notes
·
View notes
Note
إذا ما عندك شي تشوفينه وش رايك تتابعين Kusuriya no Hitorigoto?
يب سامعه عنه..
بس مو جوّي رومانس أبددد
6 notes
·
View notes
Note
سؤال، كيف الحياه بدون وظيفه وقد ندمتي؟ حاليا عايشه في ازمه ودي اترك الوظيفه بس خايفه اندم مع العلم اني ما عندي مسؤولياتك فاضيه بس اكره عمري بفتره الدوام ونفسيتي تتأزم وكل ما اتذكر اني بستمر على جدول الدوام لين اعجز احس بموت! مابي انكرف اسوي شيء ما احبه لنهايه عمري معاش الدوام ما يسوى عندي صحتي النفسيه والعقليه صراحه مدري واللي عنده رأي بالكومنتات عادي يكتب
انا اللي ارسلت سؤال الوظيفه بس بغيت ازيد ان راح يكون لي مصدر دخل من الحكومه يعني محد راح يصرف علي ولا راح اعتمد على احد حتى لو طلعت من الوظيفه وبس حبيت اذكر هالنقطه عشان لو احد رد شلون راح اعيش
هلابك ..
شوفي .. وازني بين التضحيات .. هنا فيه تضحية .. وهنا تضحية .. وأيهم أقوى
أنا بالنسبة لي كنت أقارن بين تضحيتي بمستقبلي الوظيفي .. رفاهيتي المادية
وبين أضحي بوقتي للاهتمام بـ بيتي.. بدوري كزوجة و أم ...وهالشيء بيلعب بصحتي .. لاني أعرف حدود قدرتي في تحمل هالمسؤوليات .. أمي كانت ضدي و هاوشتني كثير بهالقرار ..والكل كان ضدي .. .. أمي شافتني الفترة الماضية كيف مضغوطة مع بنتي و المدرسة و خالد ووو .. قالت لي : كيف لو كنتِ موظفة ؟؟ ..قلت لها : على بالك ما فكرت بهالشيء لما قررت أستقيل ؟؟؟
نعم أنا فكرت بكل صغيرة و كبيرة .. لانها تضحية كبيرة ..مو سهلة .
أنا انكرفت بإدارة أعمال و اجتهدت طول عمري بكل سنين دراستي مو عشان أقعد بالبيت .. التضحية كبيرة مو سهلة ..
لكن المقابل .. يسوى ؟؟
ايه يسوى ونص ..
بيتي .. عيالي .. زوجي .. صحتي .. أهم بكثير عندي
فهل أنتِ فكرتِ كذا ؟؟
هل روقانك و مزاجك يسوى هالتضحية ؟؟
لا تقولين عندي معاش ...
المعاش يكفيك الحين .. بس بعد كم سنة ماتدرين هو بيكفيك أو لا .. يمكن ترتفع الأسعار يمكن تزيد
مصاريفك يمكن ويمكن .. حطي أسوأ الاحتمالات المادية
لذلك أنا أقول وازني بين التضحيات .. عشان لو انضربتِ على راسك .. ماتندمين .. لانك ضحيتي عشان سبب يستحق
السالفة مو بس فلوس ...
هي بناء ذات .. و مخالطة بشر .. ونتيجة دراسة سنين .. و خبرة تستفيدين منها .. و ضغوط تخليك أقوى
مو بالضرورة تحسين بأهمية الوظيفة الحين .. بس بعد كم سنة تحسين فيها
احتياجك مستقبلاً مو بالضرورة تدركينه الحين .. مو بالضرورة يكون عندك الحكمة اللي تخليك تعرفين انك بتحتاجين هالشيء مستقبلاً أو لا
"مابي انكرف اسوي شيء ما احبه لنهايه عمري"
جملتك هذي خطيرة ... ودي تقرين كتاب " الهشاشة النفسية " عشان تفهمين وش أقصد
فيه ضروريات بالحياة مو لازم ندخل فيها عواطفنا و الشغف و مدري وش ..
الحياة تحتاج تعب ... " لقد خلقنا الانسان في كبد "
اذا لقيتي بديل وظيفي تحسين صدق تلقين نفسك فيه ... روحي .. أنا معك
بس تتركين وظيفتك كذا بس .. ماحبيتها ... تجيب لي النكد ... الخ ...ما أتفق معك
وفي الأول و الأخير ... أنصحك بالاستخارة أكثر من مرة .. وربي راح يطرح البركة بقرارك ان شاء الله
وبس ..ان شاء الله أكون أفدتك .. والردود ماراح يقصرون ان شاء الله
11 notes
·
View notes
Last Seen Blogs
thepetyrbaelish
your mine, your mine
coolsphynx
无标题
ldhboys
Love☆Dream☆Happiness
forthedragonqueen
lokabrenna
lattien
hold on to what if