#جوزها
Text
بتكتشف ان جوزها مجرم وزعيم عصابة بعد 18 سنة جواز ! ملخص فيلم the family plan
لينك قناه اوفر دوز :
صفحه الفيس بوك :
جروب الفيس بوك :
تابعو قناتنا على الواتساب
صحفتي علي انستجرام :
قناتي التانية ( ملفات شائكة ) بقدم فيها محتوي عن الغموض
———————————————————–
View On WordPress
#Family#plan#افلام#افلام اجنبى#افلام انيميشن#افلام جديدة#افلام رعب#افلام زومبي#افلام عربى#افلام كورية#افلام ملخصة#افلامى#ان#اياد عبدالمنصف#بتكتشف#بعد#تلخيص أفلام#تلخيص افلام#جواز#جوزها#سنة#عصابة#فيلم#فيلم في الخمسينة#فيلمتشينو#مجرم#ملخص#ملخص افلام#ملخص افلام اجنبى بالعربى#ملخص افلام اجنبي بالعربي
2 notes
·
View notes
Text
7 notes
·
View notes
Text
شفوت برنامج ف كنده علوش بتقول لغادة عادل احنا عنا الست السورية متربية انها تدلع جوزها من اول مايصحي م النوم لحد ماينام وهي اللي تطبخ ليه ولولادها وتسعدهم وفي الحقيقة مش هنسي نظرة الذهول علي وش غاده عادل وهي بتسمع ده كأنها حاجة عحب العجاب يعني
2 notes
·
View notes
Text
نصيحة 🤗
لو عايز تتقدم لبنت إتقدملها و هي رايحة الشغل بتكون مقتنعة إنها ملهاش إلا بيت جوزها 😍
140 notes
·
View notes
Text
كيس البطاطس المريب
المكان اللي انا ساكن فيه حاليًا بقالي فيه خمس سنين تقريبًا. من ساعة ما سكنت هنا وانا حاسس إن معظم الناس في العمارة بيعاملوني بشيء من الريبة، برغم إن اللي جاب لي الشقة دي حد ساكن في العمارة من زمان وراجل محبوب هنا جدًا وهو صاحب ابويا وكان جارنا في المجاورة اللي عايش فيها أهلي، ودايمًا بيتكلم عني كويس وبيقول إني واحد من ولاده وحاجات كده. بس برضه الناس نظراتهم ليا وتعاملاتهم معايا محدودة لدرجة إن فيه ناس مكانتش بترد السلام، خصوصًا راجل كبير كده.
كنت بضطر اسلم على الراجل ده لما يكون واقف مع جاري القديم ودايمًا كان بيسحب إيده بسرعة من إيدي كأنه خايف يتعدي من مرض جلدي، قلت يمكن دي طبيعته عادي مفيش مشكلة. بس لأ نظراته فيها حاجة مش طبيعية، الراجل ده ده بيحتقرني ولا إيه؟ يمكن يكون مبيحبش الشباب اللي بيلبسوا شورت؟ يمكن عنده مشاكل معايا عشان عايش لوحدي؟ حسيت إني بكبر المواضيع قلت لنفسي متبقاش بارانويد ياض وفكك من الحكايات دي، كده كده أنا متربي في المدينة دي وعارف إن كل واحد في حاله والناس ملهاش في الاجتماعيات أوي.
تعدي الأيام والشهور والسنين وتتراكم النظرات المريبة من الحاج الذي يحافظ على قامة ممشوقة برغم السن ويرتدي ترينجات دايمًا، يا ترى الراجل ده كان رياضي وهو صغير؟ جايز كان لعيب كورة؟ شكله كده أه، عمومًا ضيع على نفسه فرصة اللعب معايا في النادي كل جمعة، هو اللي خسران. مع الوقت بقيت أنا كمان أبادله النظرات المريبة وبقيت أعقد حاجبيّ في قوة كل ما اقابله عند مدخل العمارة وأصر اديله وش غامض شديد الحدة. إنت اللي بدأت بالشر يا حاج.
أنا مش بتشاف في المجاورة غير في مواقف معدودة، يا رايح أتمرن أو العب كورة أو راجع من التمرين أو اللعب، يا واقف بشرب القهوة آخر النهار على سور الجنينة، يا الصبح ساعة الشقشقة وانا راجع من الجري بقف شوية مع الجنايني في الجنينة اللي قدام العمارة نشرب شاي واسأله حاجات في الزراعة والري. مليش أي نشاط مشبوه، وبرغم كده ما زالت نظرات الحاج العدائية تلاحقني أينما وليّت! ماشي والله لاخلي نظراتي أكثر حدة وحاجبيّ أكثر انعقادًا أما نشوف آخرتها معاك.
من كام شهر كده كنت مروح البيت ولقيت ست كبيرة شايلة شنط كتير ماشية بتترنح وطالعة العمارة عرضت عليها المساعدة وسألتها حضرتك ساكنة في أنهي دور وخدت منها الشنط وطلعتها لها وقابلتها على السلم فضلت تدعيلي وقالت معلش بقى تعبتك أصل الحاج ربيع مش هنا لو كان هنا كنت نزلته يشيل هو.
قلت في نفسي، الحاج ربيع! ممممم انتي بقى مراة الراجل ممشوق القوام الذي يرتدي ملابس رياضية وينظر لي بحدة ويسحب يده سريعًا بعد السلام؟ ماشي يا طنط عمومًا سوف لن اتخلى عن نظراتي الحادة وليكن ما يكون أنتِ لستِ طرفًا في هذه الحرب، اذهبي أنتِ إلى حقائب التسوق في سلام.
بعد الموقف ده حسيت إن الحاج ربيع معاملته اتغيرت شوية، نظراته بقت أهدى، حاسس إنه بقى يسيب إيده في السلام وقت أطول. لكن هل ده بيحصل فعلا ولا انا بيتهيألي؟ مش لازم اكبر المواضيع، كده كده الحرب قائمة والنظرات الحادة جاهزة لكن يعني خليني افك حواجبي على الأقل يمكن يكون راجل كويس وانا ظالمه وعمومًا لو معجبتنيش المعاملة بعد كده اهو الميدان موجود.
أول رمضان الباب خبط ولما فتحت لقيت الست الطيبة التي ليست طرفًا في الصراع بيني وبين جوزها واقفة على الباب وفي إيديها علبة بلاستيكية مليانة تمر. كل سنة وانت طيب يا بني خد التمر ده ابقى افطر بيه! ابتسمت في وشها وشكرتها وخدت التمر ودخلت بيتي وأنا أشعر بمودة مصرية وجيرة وعشرة وأهل خلّان، ولكن مهلًا! مش يمكن يكون فخ من الراجل العجوز ممشوق القوام!
ساعة الفطار سميت الله ورميت 3 تمرات في بقي وقلت اطلع اقابل الراجل على مدخل العمارة وهو رايح يصلي المغرب عشان اواجهه واقرا ملامحه واشوف التمر ده حكايته إيه، لكن القدر كان أسرع مني وسمعت كلاكس العربية عامل دوشة قدام البيت فركبت مع ابويا ورحت افطر عند أهلي. ماشي فلتّ مني المرادي لكن الجايات اكتر وهعرف حكايتك إيه يا عم ربيع كده كده.
مرت الأيام وخلص التمر وخلص العيد ونزلت النهاردة رايح السوبر ماركت وبينما أنا معدي قدام الجامع سمعت صوت مألوف بينده باسمي، بصيت لقيت خصمي في الحرب الباردة، عقدت حاجبيّ بشكل لا إرادي وقلت له نعم؟ قال لي، أنا خبطت عليك امبارح محدش فتح لي. قلت له، أيوا انا مكنتش هنا امبارح، كان فيه حاجة؟ قال لي، أصل انا كنت بجيب بطاطس ولقيت بطاطس حلوة أوي وكنت عايز اديلك شوية منها.
حسيت فجأة إني مش فاهم حاجة! إيه نوع الجيرة اللي الجيران بيجيبوا لبعض بطاطس دي! وانا هعمل ايه بالبطاطس أصلا، ما كنت تجيبها في صينية معمولة في الفرن باللحمة. وبعدين انت فاكرني من مستحقي الدعم ولا إيه؟ أنا صحيح الدنيا دايسة على وشي بس انت شكلك جاي تهزأني بقى!
فُقت من تساؤلاتي على صوت الراجل وهو بيقول لي، انت هتبقى موجود في البيت النهاردة؟ قلت له، أه. بعدها روّحت البيت وشوية ولقيت الباب بيخبط وإذا بالرجل في ملابسه الرياضية يحمل كيس بطاطس وبيدهولي بابتسامة لطيفة، ما شاء الله طلع عندك أسنان اهو، عمرنا ما شفناك بتضحك قبل كده يعني!
خدت كيس البطاطس ودخلته المطبخ وانا مشغول بسلوك الراجل الغريب؟ يا ترى الخدعة فين؟ وإيه كيس البطاطس ده كمان؟ عمومًا إنت برضه اللي بدأت التصعيد زي م انت برضه اللي بدأت الحرب. استعد بقى إنك تغير وجهة نظرك عن الحلويات عشان اللي فات كلام واللي جاي كلام تاني. أنا وصيت امي تعمل صينية كنافة مخصوصة ليك انت والحاجة .وانت مش عارف إن كنافة امي عليها محاذير إنها بتسبب الإدمان، والبادي أظلم كده كده يا عم ربيع.
51 notes
·
View notes
Text
إن ربك لبالمرصاد
فاكرين المشهد دة 🤚
المشهد دة حقيقى مش من خيال
الفنان عبد المنعم مدبولى
يروى الفنان عبد المنعم مدبولي :
ان مشهد تقليد الكلب في فيلم احنا بتوع الاتوبيس كان حقيقة في سجون حمزة البسيوني مدير السجن الحربي في عصر جمال عبد الناصر
و قال انه كانت له جارة و جوزها كان معتقل
بعد عناء تمكنت من زيارته
راحت للسجن الحربى و معاها بنتها وكانت ف مكتب حمزة البسيونى
و دخل جوزها الزيارة فى وضعية الكلب
مذلولا امام زوجته و ابنته
و قال له البسيوني :
انت ايه ؟!
فآجاب : انا كلب يا بيه
و قال له : الكلب بيعمل ايه؟
قال : بيهوهو يا بيه
قال له : طب اعمل زى الكلب
فالراجل هوهو
فقرر مدبولى ابتكار هذا المشهد المأسوى فى الفيلم !
مين بقي حمزة البسيوني ؟!
ملك التعذيب مدير سجن عبد الناصر الحربي
اللواء حمزه البسيوني قال له مسجون الا تتقي الله
قال لو ربنا بتاعك نزل هحبسه في سجن انفرادي
� الطاغيه في السجن
� و تمر الأيام و تيجي نكسة ٦٧
ثم تصدر القرارات بتصفية رجال "عبد الحكيم عامر" و إحالة البسيوني علي المعاش ثم القبض عليه و التحقيق معه فيما هو منسوب اليه من انحرافات
و وُضع مع بعض ضحاياه في سجن القلعة
و فضل فيه سنتين
� يقول الكاتب الصحفي "صلاح عيسي"
و الذي التقي حمزة البسيوني و هو مسجون في سجن القلعة عام ١٩٦٨ :
« شاهدت رجلا عجوزا شعره ابيض كالثلج يمشي في ضعف و إنكسار و أمامه مخبر يصرخ فيه ليحث الخطى ، و ذات ظهيرة انتهز فرصة مروره أمام زنزانتي ، ليقول لي بصوت هامس :
( أنا اللواء حمزة البسيوني.. أنت مين؟ )
و قبل ان أفيق من دهشتي ، دهمنا صوت المخبر ، و هو يصيح فيه : ( امشي من سكات )
، فإذا به يستجيب للإنذار بخوف شديد
حينها تتابعت على شاشة رأسي صور خاطفة لمشاهد مما سمعته من المعتقلين عما فعله بهم
سياط تمزق جلودا و صفعات تصافح أصداغا
و أجساد تسحل بحبال خشنة على أرض صخرية
أهذا الرجل المنكسر الضعيف
هو اللواء " حمزة البسيوني "
الذي يزدحم ملفه بكل تلك المشاهد التي لا يتحمل أي انسان مجرد رؤيتها !!
� الرجل الذي كان مديرا للسجون الحربية
يتحول إلى مسجون ...... و يبدو كفأر مذعور؟
� موته ٱيه لمن يعتبر
� و بعد خروجه من السجن ظل حمزة البسيوني غائبا عن الاضواء حتى جاء يوم ١٩ نوفمبر عام ١٩٧١ و كان موافقا لاول أيام عيد الفطر المبارك كان حمزة مسافرا من الاسكندرية الي القاهرة و معه شقيقه راكبا الي جواره و اصطدمت سيارته باحدي السيارات المحملة بحديد مبان و مات حمزة و شقيقه و تعرضت جثته لتشويه غريب نتيجة دخول عدد من الاسياخ الحديد فيها .
و ينقل لنا المستشار " خيري يوسف " رئيس محكمة الاستئناف السابق ما حكاه بشأن معاينته لجثة حمزة البسيوني حيث يقول عن الحادثة " كانت حادثة مروعة و كنت وقتها رئيسا لإحدي النيابات في محكمة كلية و خرجنا أنا و زميل لي في مهمة قضائية لمعاينة الحادث "
و دلت المعاينة و شهادة الشهود علي أن سائق السيارة القتيل كان يقود سيارته بسرعة غريبة و كانت أمامه سيارة نقل مُحملة بأسياخ الحديد التي تتدلي من مؤخرة السيارة و دون أن يتنبه استمر في سرعته حتي اصطدم بالسيارة النقل و حينها اخترقت أسياخ الحديد ناصية القتيل و مزقت رقبته و قسمت جانبه الأيمن حتي انفصل كتفه عن باقي جسده "
و بتأثر واضح قال المستشار خيري : " لم أستطع مناظرة الجثة فقد وقعت في إغماءة من هول المنظر و قام زميلي باستكمال مناظرة الجثة "
مات حمزة البسيوني بعد أن سفع الله ناصيته و جعل موته عبرة لمن يعتبر
و عند موته امر الله النعش الا يدخل المسجد ليصلي عليه
و حبسه الله داخل نعشه و التصق به و لم يصلي عليه و غسل احدي عشر مرة لانه كان يتبرز و هو ميت
و تعجب المغسلين و جلبوا طبيب خشية ان يكون حيا فاقر الطبيب انه ميت
و دفن و هو يتبرز و لم يجد الاطباء بعد ان انتشر هذا الخبر علي الصحف تفسير طبي لذلك
و اغلقو عليه القبر بالاسمنت و لن يدفن به احد
� و عندما ذهبوا به لصلاة الجنازة عليه
وقف النعش خارج المسجد
و لم يدخل التابوت بيت الله ، فأبى الله أن يدخل التابوت المسجد
فصعد إمام المسجد المنبر
و قال : « مَنْ حبس مَنْ يا حمزة ؟؟
حبست الله في زنزانة انفرادية
أم حبسك الله فمنعك من دخول بيته ؟؟؟؟ »
« يا حمزة عَلِمَتْ الدنيا انك عبد و أنه رب؟ »
« اللهم ارينا اياتك فى الظالمين المتجبرين على ضعفاء خلقك ف انت المنتقم الجبار »
نسأل الله ببركة هذه الليله ان يرينا آياته ف كل ظلمنا وشتت أهلنا
اللهم ان حكامنا و زمرتهم آذوونا في ديننا ودنيانا وأهلنا وجيرانا ومالنا وممتلكاتنا .....
اللهم أنه قتلوا وظلموا و استكبروا
اللهم عليك بهم وبمن ناصرهم ولو بشق كلمه
اللهم انا فوضنا أمرنا إليك
فأنت حسبنا و نعم الوكيل
و صل اللهم وسلم على نبينا محمد وعلى آله وصحبه أجمعين
وسبحان ربك رب العزة عما يصفون
وسلام على المرسلين
القصة حقيقية وعبره لمن يعتبر
منقول... الاندلسي
،،،،،،،،،،،،،،،،،،،،،،،،
الظلم الذنب الوحيد الذي يعذب صاحبه في الدنيا قبل عذابه في الاخره
الظالم نهايته ��ائما تشفي صدور قوم مؤمنين
اللهم ارينا أياتك في الظالمين المتجبرين علي ضعفاء خلقك فانت المنتقم الجبار
22 notes
·
View notes
Text
اتذكر السيدة الرغاية التي جاءت لتنظيف بيت أمي جاءت مرة واحدة فقط و لم أرها بعدها قط، سيدة أربعينية لا تتوقف عن الكلام تعتز بأولادها الذكور الثلاثة و لا تتوقف عن الحديث عنهم و كأن لم يُخلق مثلهم في ا��بلاد، سألتني السيدة بفضول
-بقالك قد إيه متجوزة؟
-سنتين.
-عندك أولاد؟
-لأ.
أظهرت السيدة بوضوح و تعمد علامات الشفقة على وجهها و ابتسمت أنا ابتسامة تفهم و لطف مصطنع، تركتها تشعر بانتصار محبب أن ربنا رزقها بالعيال بينما بنت الست المقتدرة محرومة من النعمة، تركتها تتأمل حكمة الله في توزيع ال٢٤ قيراط بالتساوي على البشر، تركتها تشعر بالزهو بأولادها الثلاث اللي بتشقى عشان تربيهم بعد ما طلقها جوزها و رماها. لم أقول لها إني استخدم موانع الحمل بالتزام شديد و لا استهتر بهم أبدا مهما كانت الظروف، و لم أقل لها أني اخشى الإنجاب و اشعر بمائة شعور مختلف تجاهه، تركتها تشعر بالامتنان لله و تُركت أنا للأوڤرثينكينج و التوتر و التساؤلات و محاربة مخاوفي.
اشعر بالواجب تجاه الإنجاب، أخشى الوحدة إلى حد الفزع فاشعر بضرورة الإنجاب، و سرعان ما ادرك كم هو أناني هذا الأبروتش، هل أنا قادرة على تحمل آلام المخاض الذي سيستمر على أحسن تقدير ل١٠ ساعات و ربما سيزيد عن ال٢٤ ساعة؟ هل مستعدة لتقبل تهدل كرشي و ثديياي و انتشار علامات التمدد التي ستضرب بأفرعها كل أنحاء جسدي، هل سأتحمل اضطرابات النوم؟ و اكتئاب ما بعد الولادة؟ هل أؤمن بشيء؟ أي شيء؟ هل مستعدة لحب ابني/ابنتي حب غير مشروط و أوهبهم حبي و وقتي و حياتي مهما غلّبوني و طلعوا ميتيني! كنت بزن على جوزي أنه يوافق نخلف ليس لرغبتي الصريحة في الخلفة و لكن لأطمئن نفسي أنه ممكن يكونسيدر و أن كل الاوبشنز متاحة بس أنا اللي مش عايزة بمزاجي، بزن و أنا متأكدة أنه مش هيوافق إلى أن توقفت عن الزن تماما، ليس لأني غيرت رأيي أنا كده كده رأيي واحد من البداية و لكن لأني تخيلته يوافق و أدركت إني هجيب ورا و هقول مش عايزة لأ.
اتخيل حياتي في ال٥٠ أو حتى ال٤٠ بعد أن اشتغلت (اكيد هيجي يوم و كسم الابليكشن بنت العرص تتقبل ما أصل مش ممكن يعني ديه بقالها سنتين) و سافرت شوية و قبل كل شيء معي الباسبورت الإنجليزي (مسألة وقت) ثم ماذا؟ وحيدة، و بلا هدف، يتربص بي الاكتئاب و تحيط بي الوحدة. الإنجاب ليس ضمان للونس، و لو خلفت و أنا بفكر بالطريقة ديه يبقى هظلم عيالي من قبل ما اخلفهم.
24 notes
·
View notes
Text
في ست بتستني امتي جوزها يمشي من البيت وست بتتمني لحظه رجوعه!
السر كله عند الراجل .
28 notes
·
View notes
Text
النزول للشركة بالنسبالي زي الست اللي جوزها فشخها ضرب بس هترجعله عشان خاطر العيال
37 notes
·
View notes
Text
مريضة اكـتئاب جوزها بيـختفي وبيتهموها بقـTـله لحد ما بتكتشف سر خطير / ملخص فيلم
ملخص فيلم marriage of lies
#ملخص_فيلم
#ملخصات_افلام
#ملخص_افلام
#movierecap
#ملخص_فيلم_اجنبي
#افلام
#فيلم
#فلم
#أفلام
#movie
ملخص فيلم gone
#ملخص_فيلم_اكشن
فيلم عن قصة حقيقية
افلام بوليسية
ملخص افلام بوليسية
افلام مغامرات وتشويق
افلام تحقيق
افلام ملخصه
افلام جديدة
افلام ٢٠٢٣
ملخصات افلام بنات
ملخصات افلام
ملخصات طاهر
تلخيص فيلم اجنبي
قصة حقيقية
افلام مغامرات
ملخص افلام مغامرات في الغابات
ملخص…
View On WordPress
#Movie#movierecap#اختصار افلام#افلام#افلام 2023#افلام ملخصه#اكـتئاب#اكشن#الاردن#الجامعه العربيه#القمه العربيه#القمه العربيه فى جده#بتكتشف#بقـTـله#بيـختفي#تشويق#تلخيص افلام#جده#جوزها#خطير#سر#سوريا#فيلم#فيلم جديد#فيلم طياري#فيلم ملخص#لحد#ما#مختصر افلام#مريضة
0 notes
Text
حكاية حلوة
اتصلت صديقة تبلغني بفرح انها اتجوزت دكتور، وبعد محادثات هاتفية مره وانتين و َتلاته.. صدمتها.
١. جوزها ممرض وماهو دكتور
٢. امه ماهي امه، زوجته الأولى، تزوجته صغير السن.
٣. قالتلي تزوجته رسمي وقلتلها الزواج عرفي وقد كان.
الحب حمارٍ أعمى
22 notes
·
View notes
Text
احنا كلنا انشغلنا باللي بيحصل ومنتجات المقاطعه
واللي معانا واللي ضدنا
وسيبنااااك لوحدك عملت ايه في البنززززين
ياااااعاطف
نفوق بقى حبه كده لان هانبقى بنطبق مثل تسيب جوزها مبطوح وتروح تداوي ممدوح
احنا داخلين على خوزايق زي الفل
30 notes
·
View notes
Text
الطريق انهارده زحمه جدا وانا بعدى كنت حرفيا بقدم رجل وارجعها تانى فجأه سمعت صوت حد بيضحك ورايا وبيقولى هتعدى يعنى ولا لاءه؟ بصبت طلعت ساره وعلى جوزها صدفه جميله اثيره للقلب سلمنا وضحكنا شويه و عدونى الطريق ،انا لما بشوف ساسو بفرح قوى حرفياً قادره انها تلفنى زى البلانكيت فى حضنها ،صوتها هادى وحضنها دايما بيسيعنى حد متزن وعاقل جدا .عمرى مانسى ابدا فى مره كانت معايا عند دكتور السنان وانا كنت مرعوبه بس انا مكنتش حاسه انى خايفه علشان انا عارفه الدكتور اصلا انا مره واحده لقيتها واقفه حطت ايدى الإتنين على بطنى ومسكتهم والدكتور مقالهاش اى حاجه سابها ،قالتلى بعد مخرجنا ان صوت نفسك كان بيتردد فى الأوضه وان معدتك كانت بتترعش جوا بطنك قالت البت دى هتموت من الخوف فقامت طمنتنى انا بحبها جدا وببقى متطمنه قوى فى وجودها بتعرف تهاندلنى فى كل حالاتى وبتعرف تتصرف معايا كويس .
9 notes
·
View notes
Text
امبارح كنت راكب مع اخويا العربية وعملنا حادثة. الموضوع حصل بسرعة كأنه مشهد في فيلم، ست كانت بتعدي الشارع واخويا ملحقش يفاديها وخبطها وهي ماشية. أنا شفت المنظر من جوة العربية بالتفصيل، أسوأ حاجة شفتها، هي مكانتش باصة على الطريق فاتفاجأت تمامًا لدرجة إنها بعد كده سألتني هو إيه اللي حصل؟ أنا مشفتش حاجة! نزلنا من العربية وهي قعدت على الرصيف، قعدت جنبها وسألتها إذا كانت واعية كفاية اني بكلمها فقالت لي "أنا كويسة، مفيش حاجة" طبعًا أنا شايف إنها مش كويسة خالص وطبعًا في حاجة، قلت لها طيب إحنا هنتحرك على المستشفى دلوقتي.
اتحركنا على المستشفى وكان معاها بنتها وصاحبتها، بنات صغيريين زي 14 سنة ولا حاجة. البنت انهارت طبعًا، وانا في الطريق للمستشفى كنت انا اللي سايق، نفسي اتكلم نفسي اقول أي حاجة للبنت اهدّيها أو للست اطمنها بس لساني اتعقد ومقدرتش اتكلم خالص، بس الست نفسها كانت ثابتة ثبات غريب وفي وسط اللي هي فيه ده قدرت تهدّي البنتين.
في المستشفى، دخلنا الطوارئ والشرطة جت، قلت لهم انا اللي كنت سايق فخدوا بطاقتي وكتبوا المحضر بإسمي. مرضيوش يعملوا أي إجراء طبي عشان الست مكانش معاها بطاقة، حاولت بكل الطرق إننا نبدأ الآشعات على الأقل بس مرضيوش. جوز الست جه فقلت له تعالى معايا نروح نجيب البطاقة من البيت، فقال لي لأ أنا هفضل معاها بس روح انت، خد البنات الصغيريين خليهم يدوك البطاقة وبعدين ووصلهم البيت وتعالى، عملت كده فعلا.
بعد ما رجعت المستشفى لقيتهم قرروا يعملوا آشعات عظام وعلى المخ وسونار. كنت خايف أوي يطلع حاجة في المخ عشان هي اتخبطت جامد في راسها. الحمد لله مطلعش في حاجة. في الأثناء دي جالي أمين الشرط وقال لي إنه محتاجني في التحقيق فقلت له ماشي، نتطمن عليها وبعدين نعمل أي حاجة. بعد ما خلصنا الآشعات اكتشفت إن الناس قرروا يتنازلوا عن المحضر ويتصالحوا معايا ويمشوها ودّي. مبقتش عارف اقول إيه، الناس كانوا ذوق ومحترمين أوي ومحدش ضايقني بكلمة واحدة!
رحت للست، كانت على كرسي متحرك، نزلت بركبي على الأرض وقعدت جنبها وقلتها حقك عليا يا ست الكل والله العظيم مكنّاش نقصد خالص، قالت لي أنا اللي آسفة إني خضيتكوا والله، مش فاكر إني بذلت مجهود زي ده قبل كده عشان معيطش، أنا فعلا كنت هتفتح في العياط، سبحان من اداني القوة اني امسك نفسي. مش فاكر اني اتأثرت كده بموقف إنساني من زمان أوي.
ظابط الشرطة جه وحقق معايا، وقابل الست وقالت له إن هي اللي كانت غلطانة ومش مركزة وهي بتعدي الشارع. وطلبت إن المحضر يتقطّع. أخدت رقم جوزها وسلمت عليهم، وبعدين روّحت اخويا، وقعدت في الشارع في العربية مش عارف اعمل إيه، حتى مقدرتش اروّح البيت.
بعد ما روحوا بشوية كلمت الراجل واعتذرت له فقال لي شكرًا إنكوا مسبتوهاش في الشارع ولحقتوها بالمستشفى، إنتوا رجالة وولاد أصول! لحد اللحظة دي مش مستوعب إن الموقف عدى بسلام وإن فيه ناس بالجمال ده.
يا رب يا لطيف يا صاحب الستر الجميل.
83 notes
·
View notes
Text
يُمنى وهي بتحتسي الشاي بعد ما قتلت جوزها وحطته في كيسه سمرة وحدفته في الترعه عشان قالها ع الفستان بتاعها شكله وحِش ❤️
9 notes
·
View notes
Text
نفسي الناس تفرق بين الغيرة وحب التملك، مراتك مش شئ بتمتلكه عشان تحب تخفيها، ليه تخفيها هي ناصبة على حد طيب والحكومة بتجري وراها؟
ده بغض النظر عن البنت اللي راضية ان جوزها يخفيها وهو حابب يخفيها والدنيا بينهم مر��ية، دي حاجه انا احترمها لكن ماحبش اني اعيشها
10 notes
·
View notes
Last Seen Blogs
andypasta
Can I Get Uhhhhhhh
sunlightandsuffering
writing sideblog, eremika brain rot
westdermatologyranchomirage-blog
West Dermatology Rancho Mirage
ohn1m
AH YEAH