#افكار اكل
Text
بعد نوم دام ما لا يقل عن ال ٢٠ ساعة متقطعة فواصل لشرب الماء والرجوع للنوم
قررت اتحرك من مكاني وحطيت التكوين علي أمل اني ارسم بس احساس عدم الثقة والخوف ابتدي يتخلل جوا ذراتي كده وعارفة كويس انه احساس زائف من عقلي بلا سبب واضح
في افكار كتير بتجري جوا دماغي مش عارفة أعبر عنهم في الوقت الحالي
حاسه اني محتاجة كلام تشجيعي او حاجة مش متوقعة تخليني مبسوطة حتي لو جزء من الثانية وعايزة اكل حاجة حلوة برضو بس هكتفي بمج القهوة وهحط سكر النهاردة
19 notes
·
View notes
Text
خالينا اتكلم معاكم في امور متخصكمش
بس حابة اتكلم فيها
عبد الرحمن الابنودي بيقول
انا خسرت حاجة كبيرة اكبر من اني اجبلها سيرة
بس هنا هتكلم عنها
انا خسرت نفسي واستنزفتها مع الناس الغلط وفي الوقت الغلط
حتي وجودي هنا كان اكبر غلط
بامانه نفسي اتكلم مع حد وارتاحله
انا بقالي فترة كبيرة اوي مرتحتش لحد
كل اما ارتاح لحد يختفي
جايز ده قدر من عند ربنا عشان ارجعله تاني ده مش جايز ده اكيد
افكار كتير جوايا عاوزة اعبر عنها وجيت هنا
محدش لاشايف ولا سامع
محاولات كتير بقي من الانتحار العبيط
مفيش اكل مفيش نوم مفيش ونس
كان نفسي اكون قريبه من اهلي اوي بس انا للاسف ..
اكتشفت أن العذرية مش غشاء لاه العذرية بجد في اني الاقي راحتي
المهم
نسيت اقولكم حاجة مهمة
انا مهزومه وملامحة مكشكشة بقالها فترة
وصدري مقبوض وعاوزة اموت
12 notes
·
View notes
Note
قولي افكار اكل لجوع بليل
طاسه بيض بالبسطرمه، ساندويتشات جبنه بالطماطم او بالخيار، اومليت ف عيش فينو ومعاه شرايح طماطم، ساندويتشات بطاطس محمره بالتوابل، جبنه رومي ف عيش بلدي متقمر، سندويتش لانشون عليه جبنه رومي، بيض مسلوق مع زتون اخضر ف رغيف كده 🤤♥
2 notes
·
View notes
Text
مصر بين الهوية العربية والتاريخ الفرعوني…
سنة ١٩٧٨ كتب توفيق الحكيم في الاهرام مقالا محاولًا تبرير عملية السلام مع إسرائيل وتخفيف وطأة الهجوم على القرار بمحاولة وصف مصر كدولة عربية في اللغة فقط لكنها فرعونية بالاساس، وطالب مصر بالوقوف على الحياد مثل سويسرا بين العرب واسرائيل على اعتبار اننا لا دخل لنا فيما يحدث وهذا صراع (إسرائيلي عربي) نحن لا دخل لنا به!!
من كام يوم كده، طلع علينا زاهي حواس السمسار وقال؛ (إن المصريين ليسوا عربًا ولا أفارقة ولكنهم شعب ذات طابع خاص) هناك محاولات حثيثة من بعد اتفاقية كامب ديفيد لتجريد مصر من هويتها العربية والإسلامية وطبعا ده ضريبة الصلح مع إسرائيل والتبعية لاميركا خصوصا مع وجود وزراء للثقافة والاثار في مصر على شاكلة حمدي النمنم وزاهي حواس ولا ننسى سئ الذكر فاروق حسني اللي قال صراحة..( يجب علينا التخلص من عبارة عدم التطبيع الثقافي مع إسرائيل) كانت في محاولات جادة من المفكرين المصريين لصد الهجمات والمحاولات المستميته لتخلي مصر عن دورها الثقافي والاجتماعي العربي، كانت في اغلب الاحيان بتنجح المحاولات دي لاسباب مختلفة اهمها وعي الشارع، اللي كان زمان عنده قدرة اكبر على الاستيعاب، لاسباب مختلفة زي مثلا، الحالة الاقتصادية للمصريين اللي كانت افضل الى حد كبير من دلوقتي، فكان الشعب في مجمله مع وجود طبقة وسطى متعلمة عندها القدرة على الانتباة لمثل هذه المحاولات الفاشلة، لكن حاليا مع انكماش الطبقة الوسطى المثقفة، وحدة وطأة الظروف الاقتصادية الطاحنة، اصبح التصدي لمثل هذه الافكار من الرفاهيات اللي المجتمع مستحيل ينتبه إليها، خصوصا في عصر ما بعد الانقلاب واستغلال كل حدث يمت للثقافة او الحضارة الفرعونية كأنه حدث كوني يجب الاهتمام بيه وزيادة تسليط الاضواء عليه وإبراز نجاحات الدولة في هذا المجال، رغم ان عندنا مساجد اثرية عمرها مئات السنين معرضة للسقوط والإهمال ولا حياة لمن تنادي بل بالعكس ده في شبهة إهمال متعمد وتعنت كبير بسبب ضعف الرقابة وترك المساجد في ايد موظفي الاوقاف الفاسدين او حتى ترك عمليات الترميم لبعض الفرق الاسلامية المختلفة زي ما حصل مع البهرة وترميمها لمسجد الحسين على حسابهم!! ده بصرف النظر عن عملية التشوية اللي حصلت في الترميم لكن ده موضوع تاني، وبالرجوع لإصرار الطبقة "المثقفة" في مصر على تكرار تبعية مصر للحضارة الفرعونية وانسلاخها عن محيطها العربي والاسلامي، نجد خطورة الآمر كامنة في ما هو ابعد من خلاف انثروبولوجي او طبوغرافي، لكن ما يترتب على هذا الحصر هو ابتعاد مصر عن صراعاتها الجيوسياسية اللي هي في الاساس صراعات بتمس وجودها الأبدي! طالما احنا طلعنا فراعنة وفراعنة بس، يبقى ايه فايدة اي صراع بيحصل حوالينا، حول الدين واللغة والهوية والثقافة، وهنا بقصد اكيد الهوية الاسلامية والعربية، زي ما كان بيحاول توفيق الحكيم بيعمل ومن بعده الشلة اللي قولت على بعض من اسمائهم فوق، وده اللي بيخلينا نشوف مع كل احتفال لنقل مومياوات او افتتاح طريق او متحف، احتفالات ضخمة واغاني واوركسترا ومصاريف مبالغ فيها في بلد وصل فيها معدل التضخم ٤٠ ٪ ونسبة الفقر بتقارب ال ٥٠ ف المية!
وإكمالا للتدليس، محدش من "المثقفين" دول بيحاول مثلا يقول ان مع تحليل الحمض النووي للمومياوات المصرية القديمة هنجد اشتراكهم في مجموعة من الجينات مع محيطهم الشرق اوسطي والعربي تحديدا اكثر من دلوقتي!! وده كلام مثبت علميًا مش مجرد إدعاءات، ناهيك عن فكرة وجود اختلاط الانساب بين المصريين قبل الاسلام ودخول العرب مصر مع محيطهم العربي موجود وابسط دليل على كده هو زواج سيدنا ابراهيم العراقي من السيدة هاجر المصرية! الاصرار على ان مصر بلد فرعونية بيوجه افكار الناس بعد كده لفكرة ان الفتح العربي كان مجرد غزو زيه زي اي غزو تعرضت ليه مصر ميفرقش حاجة عن الهكسوس والصليبيين وغيرهم!! ايه يعني حصل دول دخلوا مصر مغيروش فينا حاجة وكمان العرب دخلوا مصر مغيروش فينا حاجة!! وده اللي كان بيحاول دكتور محمد عمارة يتصدى ليه بكل قوة ايام وجود فاروق حسني وزير للثقافة ومن قبله لويس عوض، للتأكيد على فكرة ان مصر دخل فيها ثقافات كتيرة لكن هي مازالت فرعونية، كأن الاسلام مجرد غزو فكري وهيروح لحاله!
انا مش ضد الاهتمام بالحضارة الفرعونية بالعكس ولا فارق معايا كتير الاحتفالات بتاعة الحمار اللي بيحكم، البروباجندا دي مفروض انها تتوجه في شئ يمس حياة الناس ويحافظ على حياتهم حياة كريمة ادمية بدل ما بيطلعوا يقولوهم ان اكل الحمير حلال، لا خلاف عليه!!
16 notes
·
View notes
Text
بعد مضي أسبوع .. )
:
:
+
عيد : مبروك الافراج مان ! ما تبي امرلك على مطعم !؟
أنس : وليش مطعم ؟ شنو بيتكم مافيه اكل !
عيد : امبله فيه بس البنات هالحزه نايمين تعرف 👀
أنس : ينامن وانا جوعاااااان ؟ 🤨
عيد : اسكوزمي أنس انا وخواتي محنا خدم عندك خلاش طلعنا من بيئتك احنا حُرين الان 🤚🏻
أنس : كبرتو طيازكم من خيري وصرتو حرين الحين هه والله يبه زييييين 😑
عيد : زين ممكن سؤال ؟ هذا شعرك صج ولا صبغة !
أنس : هه لا شعري شعري صار ابيض ورحت صبغته اشقر تعرف لازم اتطبع على سلالتي القديمة بعد 😎
عيد : ياليتني ابيض 😔💔
أنس : هاه ؟ شقلت ؟ 🤨
عيد : ما قلت شي مان شفيك ؟ الحين تبي تاكل ولا لأ ؟
أنس : لا ودني البيت الله يخلي نايف اللي شرالي بيت وعطاني مصرف 😑
عيد : ايييييه بلاك ما تدري 😔💔
أنس : انت تشفييييك تساسر روووحك شقاعد تخربط ؟🤨💢
عيد : مان ما تكلمت توني بقول بنطق طمرت علي ؟ 🙄
أنس : هاه ! شسالفة 🤔؟؟
+
:
:
______________
سمع افكار عيد الداخليه 😂😂😂😂😂
⛔
2 notes
·
View notes
Text
يوميات مكتئب
بعد ليلة طويلة من العياط للصبح و نوم كام ساعه متقطعين مليانين بالكوابيش بيتعبو اكتر ما يريحو . اتحركت من السرير بعد ساعتين جسمي رافض لأي امر او محاولة مني
قاومت نفسي و غسلت وشي و قعدت اتكلم مع نفسي شويه في المراية احاول احفزها و اقولها انها جميلة و متستاهلش تتعب او تتوجع كده
صليت و اشتكيت لربنا و انا ساجدة مع دموع كتيييييير
غصبت نفس اكل اي حاجه و اخد جررعه الكافيين بتاعتي
حاليا في سريري بكمل شغلي و في افكار كتير بتاكل دماغي بس بحاول اطردها
2 notes
·
View notes
Text
(٩)
رجعت بيتي متضايق و شايل الهم و كان باين عليا اوي، اول ما شافني اخويا سراج فضل يوبخ فيا: ده اللي انت فالح فيه تجري ورا البنات و يجروا وراك و ترجع مكتئب و مبوز و تفضل علي الحال ده سنين و عمرك يضيع علي الفاضي.
أنا في نظرة استنكار: عايز مني ايه ؟ هو انا كنت اشتكيت و لا عمري طلبت منك مساعدة ! احنا مش شبه بعض ف اقبلني زي ما انا عشان انا برده قابلك زي ما انت و عمري ما لومتك.
سراج: يا ابني افهم انا عايزك تبقي انسان ناجح.
انا: هو النجاح بالنسبة لك اني ابقي شبهك او زي ما انت حابب ! انا مطلبتش منك تقيمني ف متتطوعش انت و تعمل ده.
سراج باستهزاء: طيب واجهني و اديني امارة انت شايف نفسك ناجح ازاي ؟
انا بلا مبالاة و سبته و مشيت: معلش يا دكتور سراج ماليش مزاج ادي امارات، كدة كدة مش حتفهمني عشان انا فاشل و انت ناجح.
مراته كانت واقفة مش فاهمة حاجة و خايفة ابتسمتلها بالعافية و قولتلها Emma, you look beautiful
دخلت اخدت شاور وغيرت هدومي و نزلت قعدت علي القهوة عندي صداع رهيب بس مش حابب اشوف سراج و لا اتعامل معاه نفس الطريقة مش عايز يتغير و انا مش فايق ليه،
فضلت اشرب في قهوة و سجاير عشان افضل فايق و فكرت اروح انام في اي اوتيل لحد ما الساعة بقت ٩ بليل و لقيت سراج باعتلي رسالة (ارجع ارتاح احنا خلاص نزلنا عشان طيارتنا كمان اربع ساعات)،
روحت و يدوبك دخلت البيت و يدوبك نمت زي ما انا من شدة الارهاق،
فضلت ايام اصحي من النوم اطلب اكل و سجاير و انام بعدها متواصل ٨ ساعات مثلاً لدرجة ��ني لما قررت اصحي و افوق مكنتش عارف انا وصلت ليوم ايه في الاسبوع و تليفوني كان مش مشحون،
جمعت شتات نفسي و نزلت اتمشي علي النيل بس حسيت اني ماليش مزاج فنزلت وسط البلد و قعدت علي القهوة و كإن مفيش اي أنشطة تانية تتعمل حتي مكنتش بخطط لاي حاجة في شغلي و كنت بتجنب اقابل اي حد يرهق تفكيري في اي شغل او حتي اراء، حالة اكتئاب حادة.
بدءت صحتي تتعب شوية و خسيت جامد و صدري تعب جداً من كتر السجاير و دي مكنتش اول مرة، حتي سعيد القهوجي قالي مش كفاية سجاير يا استاذ حازم ده كحتك سامعينها في اخر الممر.
انا: طيب هاتلي قهوة بن محوج.
سعيد: متزعلش مني مش قصدي اتدخل في حياتك بس حضرتك عشرة و انا خايف عليك، وشك كمان مخطوف اوي.
حبيت اكلم سارة و فعلاً تليفونها رن بس تراجعت و قفلت السكة،
بعدها مجموعة طلبة اعلام شافوني و حسيت اني مش في مود اتكلم معاهم فسلمت بفتور من بعيد و دورت وشي حسيتهم اتكسفوا بس هما قعدوا بعيد وعدي الموقف،
سرحت مع نفسي و افكار سوداء كتير تمر في بالي هو انا فعلاً فاشل زي ما سراج شايف ؟ هو انا عارف انا عايز ايه ؟ طيب و بعمل في نفسي ليه كدة اصلاً ؟ حسيت اني كنت شايل جوايا كتير تراكمات سلبية بس ضغط شغلي و ايقاع حياتي خلوني مش مركز و موقف واحد كإنه القشة التي قسمت ظهر البعير،
بدأت احس بضيق جامد و فضل يزيد لدرجة اني بقيت مش عارف انطق لحد ما فعلاً الدنيا اسودت بجد و غيبت عن الوعي.
كإني بحلم و حاسس ناس بتتكلم حواليا او بيتخانقوا مع بعض بس مش قادر افسر كإني نايم و مش عارف اصحي و مخنوق، استسلمت و روحت في نوم عميق،
صحيت بعدها معرفش امتي بالعافية حاسس بوجع في زوري و صدري و سقعان جداً و فيه ماسك اكسجين علي وشي.
فضلت اتوجع بس مش عارف اعلي صوتي و معنديش اي طاقة اني حتي اقف و فجأة لقيت ممرض جايلي و بيقولي اهدي طيب محتاج ايه براحة من غير انفعال عشان صحتك بس انا كنت مخضوض و مش فاهم حاجة، بعدها جالي كذا دكتور و ممرضة ادتني حقنة فروحت نايم محستش بحاجة خالص و لا احلام و لا تهيؤات ولا الهوا.
بعدها معرفش بكام ساعة بدأت اسمع الدنيا حواليا بس مش فايق، الدكتور بيقول معلش اضطرينا نكلمك لانه فاق و اتخض و مش عارف هو فين فلازم حد من اهله يبقي جنبه بس يا ريت بلاش انفعالات و خصوصاً انت يا عم سعيد انا وافقت انك تدخل عشان خاطر الاستاذة بس،
افتكرت ساعتها اني اخر موقف هو قعدتي في القهوة و اتطمنت شوية ان عم سعيد موجود مع اني مش عارف انطق، الممرض نزل عند ودني و قالي براحة قولي عايز ايه و انا اعملهولك رديت بصوت مبحوح: عايز بطانية.
لقيت عم سعيد بيقولي: ايه يا استاذنا كدة تخضنا عليك ؟ متقلقش بكرة تبقي تمام و ننزلك في ماتشات المنتخب و يضحك و حاجات من النوع ده، تعالي يا استاذة اتطمني اهو فتح عينه و بقي زي الفل،
كل ده انا عايز اعرف مين الاستاذة دي و ايه الموضوع، و فجأة لقيت سارة قدامي حاطة ايدها علي ايدي براحة و بتبتسم و مش قادرة تمسك دموعها في نفس اللحظة و عينيها منفوخة كإنها بتبكي من ايام و بتقولي كدة تقلقني عليك،
الممرض واقف يتفرج علينا بسماجة و مجابش البطانية و انا حموت من الساقعة،
سارة: انت ايدك ساقعة اوي، قالت للمرض محتاجين بطانية،
الممرض راح فكلمة، كنت عايز اقوم السعه بالقلم ما انا قايلك من بدري و بترعش قدامك،
عم سعيد: معلش يا استاذ حازم اضطرينا نمسك صباعك و نفتح التليفون و لقينا رقم الاستاذة اتصلنا بيها هي غلبتنا بس ردت في الاخر و نقلناك المستشفي و اتخانقت معاهم و كنت حضربهم عشان يدخلوك بسرعة لحد لما الاستاذة وصلت و دفعت التأمين، ربنا يخليكم لبعض، اسيبكم انا و حجيلك تاني يا باشا.
سارة بتبصلي في عينيا ن��رة كإنها أمي و حاطة ايدها علي شعري: كويس انك مكنتش في البيت لوحدك، انت لازم تبطل تدخين حرام عليك،
انا: هو انا هنا من امتي ؟
سارة: ده اليوم الرابع، انا اخدت اجازة من الشغل اسبوع و حجيلك كل يوم الصبح بدري و اروح المغرب و لو اضطريت امد الاجازة حعمل كدة.
انا: طيب حطلع امتي ؟
سارة: لا انت تقعد مدة طويلة عشان اكيد مش حعرف ارعاك في البيت و انت لوحدك، مفيش حد من صحابك نكلمه.
انا: لا مش عايز اقلقهم.
سارة فجأة: هي فين مروة ؟
وشي اتضايق و قفلت
سارة: مش وقته نتكلم في الموضوع ده بعدين.
فضلت في المستشفي اسبوع كمان راحة تامة و متابعة لحد ما اتظبطت الدورة الدموية و الجميل في الموضوع ان طلبة كلية اعلام طلعوا اجدع مني و زاروني يطمنوا عليا،
روحت البيت بس بإشراف طبي و عم سعيد كان بيزورني كل يوم و يجيبلي اكل بيتي طازة من ايد مراته،
ده سبب من الاسباب اللي بيخليني احب البلد دي رغم اني مش اجتماعي اوي بس الناس بتبقي جدعة في اي مواقف صعبة و كإنه عهد واخدينه علي نفسهم لما بيتولدوا فيها
5 notes
·
View notes
Text
خاطف روحي "ليو" 🥹
لجأ للبشر وهو بعمر الشهر لان امه تركته ما قدرت اتخطى صوت صراخه كل مره اطلع للدوام كان يلحقني ويلح بالمواء لين حلفت وقررت ادخله البيت وجبت له كل احتياجاته اكل رمل حليب حتى تعبه وامراضه احط دم قلبي ولا اشوفه يتألم وازعل واتضايق اذا احد قال ارميه بالشارع مو حلو شكله وحش مكانه الشارع، شكله غبي او اهبل " ما ارضى عليه" … وفي الفترة الاخيرة والان وهو نائم امامي وكل هذا الاهتمام تصارعني افكار اني بفقده فجأة وافكر بالشكل هذا بدلا من اقضي وقت اكثر معه فوضى ولا دراما حرفيا!!!!
عشوائيات لألطف كائن من عمر الشهر الى ٥ اشهر تقريبا والان عمره ١٠ شهور❤️🩹
3 notes
·
View notes
Text
هل هذي افكار متأثرة بهرموناتي ولا افكار حقيقية..
هل فعلا لازم ابتعد عن الاوادم ولا اكل خراي
هل انا استمر في خنق الاوادم؟
0 notes
Text
بحاول افهم سبب دماغي اللي مش عايزة تبطل افكار وكلها افكار مريبة وكم السيناريوهات اللي دماغي قررت تبنيها في حالة قابلت أديل في الشارع صدفة وانتهي باني لازم اكل برطمان الشطة وضربات قلبي اللي واصلة لحد الشارع والرغبة اللي جوايا اني اخلص كل الكتب اللي عندي في ساعة
وده مش منطقي مافيش حاجة منطقية
13 notes
·
View notes
Text
مرت علي ليالي كنت اشهق فيها من كثرة البكاء ، راودتني افكار مفزعة هجرني النوم اكل الحزن قلبي في صمت، ضافت الايام بي
ذرعا و من ثقلها ظننت انها ستودي بي ؛ لكن ثمة شيء بداخلي كان مطمئن
كان يثق انها ستمر دون ضرر او ضرار يثق ان رحمة الله
اوسع من كل هذا الحطام..اليوم و بيقين ناسك متعبد اقول والله لن
تخذلك الدنيا و بين ضلوعك قلب متعلق با الله فالحمد الله غلى حزن
يؤلم القلب لكنه يوقظه الحمد لله الذي يعاملنا برحمته وليس
بذنوبنا، يغفر لنا وان كنا لا نستحق ، يرحمنا ونحن من ظلمنا انفسنا ..
الحمدالله الذي يخشى علينا من ظلم انفسنا ؛ فيؤدبنا بالابتلاء .
1 note
·
View note
Text
انا لازم اعترف باني مش شاطرة في حاجات كتير ،، زي الطبخ مثلا و كمان مكنتش منظمة اوي و عشوائية و مكنش عندي اي ترتيبات و لا اهداف و لا افكار
كنت بستسلم دايما للفشل و الاكتئاب
بس اي وقعة ف حياتك ممكن تقابلها ، كل ما كانت كبيرة و صعبة قادرة تغير فيك من جواك ،
كل الي مكنتش بعرف اعمله ، بدا يبقي سهل عليا و يبان قدامي كل الطرق الي تساعدني بمجرد بس ما قررت اني عايزة اتغير
،،
اول حاجة اتعلمتها .. اني بدات ارتب افكاري و اكتبها
و حددت اولوياتي
اقتصرت اهتماماتي بالحاجات المهمة فعلا و الي لازم تاخد مني وقتي ، زي بيتي و اولادي و زوجي و ديني و صحتي
بدات اتعلم اكلات واصناف و الجدير بالذكر اني فعلا بقيت اعمل اكل حلو ‘الحمدلله’
كمان التزمت في صلاتي و قيامي و قرآءة القرآن و الاذكار و الدعاء " الحمدلله"
نضافة البيت و ترتيبه و بقيت ابحث عن الخطوات الي تخلي البيت اكثر راحة و صحة 🫶🏻
و اخيرا التزمت باكل صحي و باخد فيتاميناتي و بحاول العب رياضة في البيت بس بكسل شوية ،، بس ان شاء الله كل ده يبقي اكثر ترتيبا و نظاما
ربنا يديم عليا نعمه و يديم عليا الرضا و الستر ♥️
0 notes
Note
انا الانونة بتاعة الفيريتيلز بعتتلك سؤال من يومين باين و كل شوية افتح اشوف جاوبت ولا لا 😅
الموضوع عمال يتفاااقم معايا و محتاجة ترد فعلا لو مفيهاش إساءة ادب 😅
انا مش عارفة اعبر عن الموضوع لاى حد و حتى لما كتبت عنه فى الدرافتس مسحتها على طول عشان انا بتكسف من الneeds دي رغم أنها سحلاني فى أفكاري
ف محتاجة اتكلم هنا بأريحية ... و بالمناسبة عايزة ازود فكرة جاتلي،،. أنه فعلا مش طبيعي شاب او شابة يبلغوا مثلا ١٢ ، ١٣ سنة و يوصلوا ل ٢٧ سنة من غير اى ستب بتتاخد فى حوار انهم يعملوا satisfaction للاحتياج العاطفي و السكشوال
يعنى ما يقارب ال ١٥ سنة محرومين من حاجة هي من Basics الحياة المفروض
اه هو مش اكل و شرب بس برضو بحس ان الواحد لو متجوز هيعرف مثلا يركز فى الشغل اكتر ، عشان مش هيبقى فيه احتياج بيلح عليه أو بيشتته بسهولة .. هيغرف أنه هيروح يلاقى مراته مستنيياه و احلى سهرة و يصحي الصبح منتهى ال بروداكتيفيتي ،، بدل ما يرجع سنجل بائس بيحضن المخدة قبل ما ينام ... ممكن كلامي ميكنش صح ١٠٠% بس حقيقى بحس ده جدا و اوقات بقول لو بس أخد حضن من رجل بحبه هتبقى كل حاجة تمام ... واقعيا ده مش اكيد بس بنسبه اه ممكن يتحقق
بس يا سيدي .. اتمني نفتح ديسكشن فى. الحوار ده عشان عندي فيه كلام كتير مش عارفة أقوله عشان السياق مايسمحش 😅
فاهمك وعندك حق بدرجة كبيرة، بس كل ده محتاج مناخ او سياق مناسب عشان يتحقق، ولو السياق ده مش موجود بيزود النييد مش بيشبعه.
بس كلامك صح اكيد بتفرق، اسمهم احتياجات لسبب برضه، اما عن طريقة الهندلة فهبقى بضحك عليكي لو قولت اني اعرف طريقة تانية غير الdistraction، أكيد مش هيلثي بس ده اللي اعرفه بصراحة مش هفتي.
بس زي ما قولتي في الاسك اللي فات ده البييك يعني، فكل ده طبيعي وكل دي افكار طبيعية ونيدز طبيعية، الاحتياج هنا مش حاجة غلط ولا عيب ولا حرام، بتكلم عن الاحتياج ها عشان محدش يدخلني في سكك مش بتاعتي.
وبس يا ستي، أنا راجل بسيط بشتت نفسي وبس، ساعات الطريقة دي بتنفع وساعات لأ، المهم إن كل واحد يبقى في دماغه ان النيدز بتاعته فاليد ومقبولة ومش مرفوضة ولا حاجة.
1 note
·
View note
Text
دا احس بدت ترجع الي افكار الاضطرابات مال اكل و شوي شوي دااحسني دا ارجع ادخل لعهي الدائره
1 note
·
View note
Text
انا شفت منشورات حلوة ازاى تستغل ال ٩٠ يوم او ٦٠ الباقية في السنة وكلها افكار اجمل من بعض 👌👌
بس انا النهاردة عايزة اعمل معاكم تحدى هسميه
( تحدى البرطمان)😂
ايه تحدى البرطمان دا تعالى اقلكم 😍
كل اللى حضرتك هتعمله هتجيب برطمان من المطبخ عادى جدا وجمبه ورق صغير وقلم هتعمل ايه🤔🤔
يومك هيبدأ من اذان الفجر لحد الساعة ١٢باليل
هتكتب الانجاز اللى عملته فى الورقة ومن فوق التاريخ وطبعا تتحط قدامك عشان تحسسك بالانجاز اللى بتعمله💪 هيبدأ التحدى من يوم ١٠/١١ يعنى سايبلكم ٥ايام جدعنة منى😂😂 تحددو فيها هتعملو ايه بالظبط
نهاية التحدى هيبقي اخر يوم في السنة لو أحيانا الله 👌
واللى هيستمر فى التحدى هياخد كأس التحدى😍😍 هنبقي نديله برطمان هدية ولا حاجة😂😂
طيب الانجازات دى ممكن تبقي عبارة عن ايه
١-تحفظ ٣ايات من القرآن الكريم يوميا هيبقي حصيلتك ١٥٠ ايه 🙏🙏
٢-تقرأ صفحة واحدة بس من القرآن الكريم ودى للناس اللى بتتلكك ان معندهاش وقت يعنى ممكن تزود براحتك 💖
٣-ممكن تستغل المواصلات فى انك تعمل ٥٠٠ذكر على المسبحة بتاعتك🙈
٥-هتداوم على صلاة الفجر المدة دى وبكدا الفجر هيتحول عادة هتلاقى نفسك بتصحى لوحدك😍😍 ولو مش بتصحى اظبط منبه بس خليه بعيد منك عشان تقوم غصب عنك 😉😉
٦-لو لا قدر الله مش بتصلى ٥٠ يوم كفلين يخلوك ترجع تانى للصلاة ولربنا 🤩🤩
٧-ممكن تعمل اى نافلة تحبها من صدقة أو صيام أى حاجة
٧-هتقدر تخلص ٥ كتب بمعدل كتاب كل ١٠ ايام💪💪
٨-تقدر تسمع فيديو لاى لغة كل يوم هتلاقى نفسك اتطورت بشكل رهيب فيها👌
٩-ممكن تخلص كورس مأجله من بدرى أو تبدأ فى كورس جديد👌
١٠-ممكن نأكل اكل صحى يخسرنا شوية وزن حلوين عشان نلبس الفستان المتعلق فى الدولاب وحمض ياملبن😂😂 وكل يوم بنشوفه ونتحسر😂
١١- ممكن نمارس رياضة جديدة اسهلها المشي وشوف صحتك هتبقي حلوة ازاى 😌😌
١٢-ممكن تخفف سجائر بدل ٣ يبقوا واحدة فى اليوم هتلاقى نفسك قربت تبطل خالص 💪💪
١٣-ممكن تتعافى من ادمان الاباحية وتبقي قطعت اكتر من نص الطريق عشان التعافى بياخد ٩٠يوم هانت اوى 👌👌
١٤-ممكن تحوش كل يوم جنيه تجيب لنفسك هدية او لحد بتحبه وتبقي دى مكافأتك طبعا💖💖
ممكن تحوش عشرة وكدا الهدية هتبقي اكبر واقيم لو تقدر 👌
١٥-ممكن تقول كل يوم كلمة حلوة لحد بيحبك امك اختك زوجتك💖🥰🥰
تروح لحد نفسك تزوره ترن على حد نفسك تكلمه ومشغول
١٦-ممكن تتعلم حاجة نفسك تتعلمها ومأجلها تسمع فيديو مفيد💪💪
ممكن تخف سوشيال ميديا كتير وتفتح للضرورة بس 👌
١٧-لو انتا طالب ممكن تخلص مواد وتراجعها💪
اول ما يصيبك الفتور😓 طلع اى ورقة وبص فيها قول انا قدرت اعمل كل كدا فى يوم واحد هقدر اعمل اكتر 💪💪
انا جربت الطريقه دى ونفعت معايا جامد وان شاء الله تنفع معاكم 💖💖
إن شاء الله هنتقابل فى اخر التحدى كل واحد يجى ببرطمانه😂😂 ويورينا عمل ايه 😂👌👌💪
طبعا الانجازات هتختلف حسب طبيعة كل شخص وظروفه💖💖
بس المهم اننا متفقين أنك تكون عملت انجاز انتا شايف أنه كبير🥰🥰
مفيش إنجاز بسيط خالص كله هيبقي جميل جدا 💪💪
والاجمل أنه هيبقي بداية تعود على حجات افضل 👌👌
وياريت تبقي الصلاة والذكر والقرآن اول اولوياتكم 💖💖
اه قبل ماانسي فى اخر يوم في التحدى كل واحد هيشاركنا إنجازاته💪
تحت هشتاج (تحدى البرطمان )
عشان نعرف أنه كان معانا فى التحدى من الاول🥰
ها مين جاى معانا رحلة البرطمان 😂
رحلة الألف ميل تبدأ ببرطمان 😂😂😂
#تحدى_البرطمان
0 notes
Last Seen Blogs
lost-bloom
L O S T B L O O M
mothwannabegrub
(((o(*ﾟ▽ﾟ*)o)))♡
lovecreativecatastrophe-blog
Untitled
playthingonastring
サンデー推し
freifahren
Team Frei