khlooud-1
Khokha✨
Hard to get & harder to forget .
9299 posts
Don't wanna be here? Send us removal request.
Last Seen Blogs
pen-sative
pen-sative
glamerinalune
Glamerina Lune
astridflies
just be nice to people it isn't hard
panglimaperang9022
Untitled
Text
أي علاقة إنسانية حقيرة هتعتمد في بقائها حية على كوني المبادرة دايمًا بالسؤال وإجراء الإنعاش لها هسيبها تموت
5 notes
·
View notes
Text
انا مش خايفة من الوحدة، انا بس خايفة اتعود عليها
10 notes
·
View notes
Text
انا معنديش استعداد اقدم مشاعر بدون اطار واضح وصريح
38 notes
·
View notes
Text
امبارح حد قالي ان من ضمن عيوبي اني بفضل دايمًا ابقى لوحدي ، مهما اندمجت وكنت مبسوطة، دايمًا بنسحب وارجع انعزل تاني .
باقيلي شوية بفكر هل ده اصلاً عيب! من وجهة نظري انا؟ لأ، ده مش عيب، انا مابثقش في حد ولا بحب اعلق نفسي بحد، ف اه بتكلم واتواجد واتعامل مع الناس بود بس في الاخر انا معنديش الا نفسي! في الاول الجملة دي كانت بتزعجني جدًا بس دي الحقيقة، اللي كل مرة كنت بقول فيها انا جنبي فلان ولما فلان ده يمشي، بكتشفها .
14 notes
·
View notes
Text
انا ماينفعش استسلم للخوف، مهما كنت خايفة! مؤخرًا احلام سيئة بتراودني ، افكار طول الوقت مالية دماغي ، قلق وتوتر فوق المعتاد، المشكلة ان مفيش حاجة بتطمني فعلاً، بس انا بسأل ربنا طول الوقت يطمني لان الحل لكل مشاكلي، اني اطمن.
9 notes
·
View notes
Text
وفرصة سفر حلوة
طموحات الإنسان في العشرينات بتتقلص بشكل مفاجئ وبتتحول لأمنيات كالستر والصحة وصديقين مقربين وعلاقة عاطفية هادئة ودخل ثابت
37 notes
·
View notes
Note
وانا اللي باقولك نخرج !! 😅 تصدقي انا مخلص تعليم بقالي كتير، الاسك بتاعك ده جابلي اكتئاب 😂
نخرج فين بس يا انون ، انا اعتقد هاخد الاجازة واختفي حبة حلوين استريح بقى شوية من المعارك اللانهائية اللي كنت فيها، واستجمع نفسي كده عشان اشوف الحياة العملية بتقول ايه، او الزوجية ايهما اقرب 😁
انا عمومًا مش شخص بيعرف يخرج ويستمتع بحياته ف اتمنى اوصل لمرحلة جميلة من حياتي اخرج فيها كتير واستمتع بكل لحظة واعيش كل اللي فاتني .
0 notes
Text
يا حبيبتي انتي مش هتفضلي تعيطي عليه للأبد، بس كنتي هتفضلي تعيطي بسببه طول عمرك
21 notes
·
View notes
Text
من قالها من النهار موقنًا بها، فمات من يومه قبل أن يمسي فهو من أهل الجنة، ومن قالها من الليل وهو م��قن بها، فمات قبل أن يصبح، فهو من أهل الجنة.
219 notes
·
View notes
Text
عن عبد الله بن خبيب رضي الله عنه قال: قال رسول الله صلى الله عليه وسلم: قل، قلت يا رسول الله ما أقول؟ قال: قل هو الله أحد، والمعوذتين حين تمسي وحين تصبح ثلاث مرات تكفيك من كل شيء.
87 notes
·
View notes
Text
عملت شوب لمون متلللج وطلعت اشربه في البلكونة والحقيقة اني حاسة بإنتعاش لم ارى له مثيل
9 notes
·
View notes
Text
انا محتاجة الامة الاسلامية كلها تدعيلي اعدي صافي مش ٤٠ غريب بس
26 notes
·
View notes
Note
شهر ؟!! ده لسه كتير جداً.. قومي البسي يالا هنخرج نتفسح ونخش سينما 😌
كتير جدًا؟ يا سلام لو الحياة بالبساطة دي
تعالى هحكيلك عشان اجيبلك تروما
انا عندي ٦ مواد الترم ده
في كام كتاب بقى؟ ١٤ كتاب
نبدأ بالمادة العملاقة واللي هتبقى اول امتحان (التنفيذ) الكتاب كام صفحة؟ ٩٠٠ وحاجة والدكتور بيقرر الكتاب من الجلدة للجلدة، مادة ممتدة من الترم الاول، يعني شرحها في فصل كامل والمفروض اذاكرها ف ١٠ ايام♥️
ازيدك؟ هزيدك.. ندخل على التجاري وده بقى التوب ٤ اقسام، عقود واوراق مع دكتور من اكتر الدكاترة اللي بتجيب امتحانات تشيل الدفعة في الكلية كلها والجزء التاني ده اللي بنعتمد عليه كسينيورز انه ينجحنا لانه مع دكتور جميل خالص افلاس وبنوك.. المادة كلها بقى كام صفحة؟ ٨٠٠ :)
اكمل ولا اعصابك وقعت! هكمل.. ندخل بقى على الدولي عندنا قسمين، في قسم منهم الدكتور بيدرس بس باقيله ٤٠ سنة، ف ربنا يبارك في عمره يعني ، وده صاحب اشهر مقولة في الكلية: انا زعلت مرتين.. مرة لما امي ماتت ومرة لما طالب جاب في مادتي امتياز ، تخيلت الامتحان هيكون ازاي؟ ان شاء الله تخيلت.. والقسم التاني مع دكتور الحمد لله جميل وده بردو الجزء اللي هينجحنا في المادة ان شاء الله.
خلصنا بقى من ٣ مواد ، ندخل على عمالقة الاقتصاد، واحد فيهم وانت بتحل امتحاناته تبقى بتحل غلط وانت عارف انه غلط بس خايف من امتحان الدكتور ده بعينه ف بتجاوب بناءًا على دماغه هو ف بتجيب ١٢ من ٢٠ مرتاح😀
والتاني جميل وشرحه حلو لكن مش دكتور المادة، وده اللي الجزء بتاعه هينجحنا بردو.
وانا بكتب تعبت نفسيًا، مش هكمل، سلام
2 notes
·
View notes