#miziw | Explore Tumblr Posts and Blogs

endasogiizhik · 5 years

Video

youtube

Here is a transcript of this video about the University of Minnesota’s Ojibwe language project!

Giwanitoomin gidinwewininaan, Ojibwemowin.

Gaawiin geyaabi niibowa Anishinaabeg Ojibwemosiiwag.

Chi-apiitendaagwad o’ow inwewin. Begish nawaj aabadak miziwe--gikinoo’amaadiiwigamigong, endaayaang, miziwe.

Agaawaa go goshkoziimagad Ojibwemowin. Mii wenji-gagwe-gikendamaan Ojibwemowin niin, ji-goshkoziimagak Ojibwemowin.

Giishpin wanitooyang gidinwewininaan, gaawiin ingoji gigashkitoosiimin ji-izhaayang ji-gagwe-gikendamang i’iw. Dibishkoo igo, giishpin wii-gikendaman i’iw Japanese-imowin, Japan gidaa-izhaa. Giishpin wanitooyang Ojibwemowin, gaawiin gigashkitoosiimin ji-izhaayang iwidi agaamakiing. Omaa gidakiiminaan. Mii gaa-onji-ozhitooyaang Bachelor’s of Ojibwe Language omaa University of Minnesota gikinoo’amaadiiwigamigong, ji-wiidokawindwaa ingiw gikinoo’amaaganag weweni ji-nitaa-Ojibwemowaad, gaawiin eta go iw gikendamowaad weweni ji-Ojibwemowaad, ji-nitaa-Ojibwemowaad iw keyaa ezhi-Ojibwemowaad chi-aya’aag. Mii iw keyaa ji-minjimenimang o’ow gidinwewininaan.

Ingii-mindwendaan gikinoo’amaagooyaan iwidi UMN gikinoo’amaadiiwigamigong.

Ingii-gichi-minwendaan ji-izhaayaan o’ow gikinoo’amaading University of Minnesota ji-nandagikendamaan Ojibwemowin.

Ingii-gichi-minawaanigoz megwaa gikinoo’amaagoziyaan omaa Unversity of Minnesota. Niibowa Anishinaabeg gaye ingii-nagishkawaa [sic].

Apane indoojibwemomin. Geget onizhishin.

Onzaam zanagad ji-gikinoo’amaadizoyaan Ojibwemowin baanimaa go gii-nakweshkawag Ojibwemow-gikinoo’amaagewinini. Aabajitoon grammar patterns gii-gikinoo’amawid Ojibwemowin.

Indaabajitoomin ezhinikaadegin grammar patterns. Dibishkoo igo wii-ikidoyan “if” maagizhaa gaye “because,” mii iniw grammar patterns. Gaa-maaminonendamaan, giishpin aabajitoowaad grammar patterns nigikinoo’amaaganag wii-ojibwemowaad, nawaj gii-nitaa-ojibwemowaad miinawaa gaye nawaj gii-wenipanad ani-wii-ojibwemowaad.

Wayeshkad gii-gichi-zanagad ji-aabajitooyaan Ojibwemowin. Gaawiin ingii-izhichigesii. Gaawiin ingii-aabajitoosiin Ojibwemowin. Ingii-zegiz. Gaawiin indaanawi-wani-giizhwesii. Mii dash imaa, gii-maaminonendamaan, booch indeng ji-onji-gaagiigidoyaan Ojibwemowin.

Wenji-gagaanzomagwaa nigikinoo’amaaganag ji-aabajitoowaad ode’iwaa ojibwemowaad. Ingii-maaminonendamaag giishpin aabajitoosigwaa ode’iwaa ojibwemowaad. Gaawiin weweni gii-nitaa-ojibwemosiiwag.

Aabajitoon gide’. Niminomanji’ omaa gii-ojibwemoyaan.

Gego ozhibii’igegen gegoo. Gego minjimendangen gegoo. Mii eta go gide’ gidaabajitoon. Nawaj wenipanad.

Aapiji ingii-minwendaan Ojibwemowin gikinoo’amaading. Ingii-minwendaan gosha nigiiwewijigan. Ingii-minwendaan gagwejichigeyaan.

Gaawiin eta go ozhibii’igesiim. Nimisawenimaag ji-nagajitoowaad aabajitoowaad odooniwaan wii-Ojibwemowaad. Mii ow ezhichigeyaang omaa gikinoo’amaadiiwigamigong University of Minnesota.

Gii-piboong ingii-aadizookemin niijigikinoo’amaaganag gaye niin. Ingii-gichi-apiitenimaag niijigikinoo’amaaganag. Ingii-gichi-biingeyendam gashkitooyaan ji-aadizookeyaan megwaa Ojibwemoyaan dibishkoo gaa-izhichigewaad Anishinaabeg mewinzha. Gii-pi-izhaasiwaambaan omaa, gaawiin indaa-gii-gashkitoosiin ji-aadizookeyaan Ojibwemoyaan.

Gaye giin giidaa-aadizooke, Wenabozho dibaajimowin. Gaye giin gidaa-gikendaan anooj ikidowinan dibishkoo “bapasidiye.”

Gichi-apiitendaagwad indinendam ji-aabajitooyang i’iw gidinwewininaan gaa-miinigoowiziyang Anishinaabewiyang. Mii wenji-gikinoo’amaageyaan Ojibwemowin.

Niwii-aabiji-nandagikendamaan [sic] Ojibwemowin. Ingii-gikinoo’amaage bangii. Giizhiitaayaan omaa, omaa gikinoo’amaadiwigamig, niwii-gikinoo’amaage nawaj. Begish Ojibwemotawagwaa niniijaanisag, indabinoojiinyensag. Indaa-gichi-minwendaan.

Wenji-gagwe-gikendamaan Ojibwemowin ji-gashkitooyaan ji-Ojibwemotawagwaa niniijaanisag.

Niizhiwag indaanisag. Nimisawenimaag ji-nitaa-Ojibwemowaad. Indoojibwem omaa endaayaan miinawaa iwidi Bdote Learning Center.

Ingii-nandagikendaan Ojibwemowin imaa UMN gikinoo’amaadiiwigamigong. Nindoojibwem eta go gikinoo’amaageyaan omaa Bdote gikinoo’amaadiiwigamigong. Ingichi-minwendam gii-nandagikendamaan Ojibwemowin imaa UMN gikinoo’amaadiiwigamigong, mii onzaam gashkitooyaan ji-gikinoo’amawagwaa nayezh ingozisag. Nindoojibwemotawaag ingozisag ji-gikenindizowaad Anishinaabewiwaad.

Nigikenindiz Anishinaabewiyaan.

Giishpin gikinoo’amaadizoyeg Ojibwemowin, mii iw apii gii-zoongiigaabawiyang.

Nimiigwechiwendam gii-gagwe-Ojibwemoyaan. Gidaa-gagwe-gikendaan. Geget gidaa-minose. Gidaa-minawaanigoz. Niin ingii-minawaanigoz.

Giishpin wii-Ojibwemoyan gidaa-bi-izhaa University of Minnesota ji-gagwe-gikendaman Ojibwemowin.

Ingichi-apiitenimaag ingiw nigikinoo’amaaganag gaa-zaagijibii’igejig. Aanind igo gikinoo’amaagewag iw Ojibwemowin. Aanind igo odoojibwemotawaawaan iniw oniijaanisan imaa endaawaad. Mii iw keyaa ge-izhi-bimaadiziimagak iw gidinwewininaan, i’iw inwewin gaa-miinigoowiziyang Anishinaabewiyang.

#ojibwe #umn #anishinaabemowin #audio #transcripts

15 notes · View notes