الى كل واحد متضايق اوى من الاسكندرانية .... احب اقولك .... حقك طبعا :
ما هو انت لو :
1- اتعودت تشوف بحر واسع لحد ما السما تلامس البحر كنت حتفهم يعنى ايه الاسكندرانى
2- لو اتعودت تمشى على البحر فى عز الشتا و المطر و انت مقفز كنت حتفهم يعنى ايه اسكندرانى
3- لو كان الاسكندر الاكبر بذات نفسه ساب كل اللى وراه و جه بنالكم بلدكم كنت حتفهم يعن ايه اسكندرية
4- لو كنت متعود لما الدنيا تقفل فى وشك كل اللى انت محتاجه تقعد مع نفسك على اى بحر من غير ما يجى حد ينفخك بورد ولا اى عبط كأن في كود الاسكندرانيه فاهمينه ده مخنوق سيبه ... كنت تفهم يعنى ايه اسكندرية
5- لو اتعودت تاكل 50 سندوتش كبده من عند الفلاح انت و اصحابك استفتاح بس ..... تفهم يعنى ايه اسكندرانى
6- لو عرفت قيمة سندوتش الفول و الفلافل المخصوص بتاع محمد احمد .... كنت تفهم يعنى اسكندرانى
7- لو مروحتش شاطئ ميامى و عومت لحد الجزيرة و انت عندك 15 سنة مش حتفهم يعنى ايه اسكندرانى
8- لما يبقى عيدك محطة الرمل و سينما امير و مترو و الطابية و بحرى مش حتعرف يعنى ايه اسكندرانى
9- لو عمرك ما دوقتش جيلاتى عزة فى عز البرد بليمون مش حتفهم يعنى ايه اسكندرانى
كل ده قاسم مشترك أعلى بين كل الاسكندرانية كأننا عايشين فى بيت كبير
احنا اللى بنستنا الناس تعدى الشارع و احنا سايقين
احنا اللى بنحترم الاشارة.....😂😂😂😂
احنا اللى بنتكلم بروقان و دماغنا عالياااااااا
احنا اللى معندناش حتة وحشة كلها اسكندرية مفيش جديدة و لا قديمة و لا تجمع و لا امتداد و لا كوبر ليه مليون مدخل
احنا اللى بنقول على القمه عشان احنا منعرفش غير القمة
احنا اللى لينا لهجة مش موجوده عند حد و لا حد يعرفها
احنا بتوع ايوووووه و احييييه و حمو و حوده ......
احنا اللى عندنا سيد البلد ... ...
احنا اللى بنقول احنا عشان كلنا بنعمل نفس الحاجة
احنا اللى بنروحو البحر و ناكلو كشرى بالكبدة ..... الاسكندرانى مجموع مش واحد
اقولك ايه و لا ايه و لا اجيب منين وقت اكتب ......
عشان كده و النبى ماتزعل لما واحد اسكندرانى ميدكش الاحساس انه منبهر انك من اى مكان فى العالم .....
التهنئة المقترحة دائمًا هي : «عاد عيدك وعــــــاش حبيبك»
لأن الهناء والسعد بالأعياد في حس الحبيب في شوفته/حتى القلب يستبشر في كل أيام لقياه ورؤيته بمعنى العيد وفرحته
♥️