#اعمل فيا
Text
كلمات اغنية اعمل فيا يسرا محنوش
كلمات اغنية اعمل فيا يسرا محنوش مكتوبة كاملة. متكبرة متجبرة والعهد ما تكسابي، اعمل فيا الوقت عطاك زيد دللتك وحصلت معاك الحق عليا.
#كلمات#اغنية#اعمل#فيا#يسرا#محنوش#كلمات اغنية#اعمل فيا#يسرا محنوش#كلمات اغنية اعمل#اغنية اعمل#كلمات اغنية اعمل فيا#اغنية اعمل فيا#فيا يسرا محنوش#فيا يسرا
0 notes
Text
2 notes
·
View notes
Text
دايما مابخدش بافكاري او قراراتي اول ما بصحي لان كلها بتكون عبارة عن اني الغي رحلتي من الكوكب واول ما بشرب القهوة بحس ان عضمي رجع في مكانة كأني كنت كتلة رخوية وفجأة رجعت كل ذرة فيا في مكانها وبحس اني قادرة علي مواصلة الرحلة
ومش بتكلم عن خلايا مخي ،انا بجد بتكلم عن ذرات جسمي وعضمي اللي بصحي الصبح بفتكر انهم اتسرقو مني .
في شعور مش عارفة اوصفة مؤخرا لكنه بيتزايد وحاسه اني محتاجة اعمل حاجة تخليني ارجع الكونكشن بيني وبين نفسي تاني لان شعور اني مشاهد وده فيلم بيخليني مش عارفة اتنفس احياناً وده مش تعبير مجازي، لا انا فعلا بفقد القدرة علي التنفس لثواني وبرجع تاني اتنفس عادي
عايزة اكل حاجة حلوة وبس وبقيت دايما جعانة ودايخة عشان مببقاش عايزة اكل ،التحاليل بتاعتي متغيرة كالعادة وده بيوضح سبب اني بقيت عصبية اكتر من المعدل الطبيعي ،احيانا بحس فكرة ان في خلل بيتحكم فيا دي بتجبلي ارق عشان بحاول اكتر ابقي محتفظة علي الهدوء بس بلاقي نفسي داخلة في جدال ومش عارفة امسك اعصابي علي حاجات وحوارات عادية ف بقيت منسحبة مؤخرا من كل تفاعلاتي مع الناس مش عشان عايزة انعزل ،عشان كل حاجة هتؤدي لصدام
ومافيش حاجة اسمها ان حد يتفهم لأن بصراحة دي حاجة من وجهة نظري عبثية ومافيش حاجة في الكوكب تغفر العصبية او الاسلوب السئ مهما كان احنا كبار كفاية اننا نتعامل مع نفسنا ونحترم الاخرين
وبكتب الرغي ده كله وانا هادية ومستمتعة بالشمس الحارقة اللي مش حاسه بيها غير ان هي دافية وعندي احساس اني محتاجة امشي لحد ما كل حاجة جوايا تكون مترتبة
وعندي يقين اني لو الفترة الجاية غصبت نفسي ترجع تعمل الحاجات المحببة ليها الموضوع ده هيفرق معايا جدا
وعندي يقين اخر ان كل شئ بيمر وعشان كده مبعرفش اخد شعوري علي محمل الجد واول ما اخلص شغل هيحصل undo لكل الحاجات اللي في دماغي دي
ولكن عشان عندي وقت فراغ ومتسابة لدماغي حاليا فقررت اني ارغي هنا كنوع من انواع محاولات للتنفس وبتمني ان محدش يقرأ لو حد حصل وقرأ متكنش افكاري سببت ليه اي نوع من انواع الطاقة السلبية
9 notes
·
View notes
Text
Act V
Day 13
Engineer by Day,....
امبارح كان عباره عن Act of Mercy و اقدر اقول مليون مره أن بيئه العمل تفرق كتير ف للمجهود اللي تقدر تقدمه. امبارح كان يوم فاضي محدش جه الشغل عشان يوم جمعه. وانا اشتغلت و روحت في منتهي الهدوء حليت مشاكل كتير.
طبعا النهارده الجمعه بيكون يوم محبب لقلبي عشان بقدر فيه اني اخرج و أرتب حالي و اشرب قهوه و اكون مرتاح و صافي.
حد ف المكتب يوم الخميس بيقولي احنا محتاجين منك ساعه تعلمنا كل يوم حاجه. و ابتدينا نتكلم كل واحد محتاج ايه و للاسف صعبوا عليا جدا لان ولا واحد فيهم عنده امل اول طموح أو هدف.
Vigilante by night,...
خرجت بعد الشغل و روحت شربت قهوه. وكنت متزن فوق الحد و ابتديت اعمل Plan بس للاسف معرفتش عشان الوقت مسعفش لاني كنت محتاج اكل و اشتري حجات.
جالي خبر أن ناس اتكرمت من رئيس الشركة علي مجهود انا اللي بذلته و حقيقي قولت الحمد لله لاني مؤمن أن دا احسن ليا و أن ربنا مش هيقدر ليا اي شيء وحش.
قررت اتخلي عن شيء في مسعايا لأن مش هقدر مع الشغل اتعلم web و Deutsch و في نفس الوقت أخلي نفسي updated يوم بيوم في مجالي و احفظ القرآن.
مشكلتي في الوقت بس.
انا اكتر شيء خايف منه حاليا في حياتي عموما هو الفتنه. خايف اتفتن بحاجه حوليا و ارتكب ذنب أو معصيه و ابعد عن ربنا. خايف حقيقي ابعد عن ربنا عشان الحياه في البعد عن ربنا معاناه. خايف ربنا يختبرني في ايماني و افشل.
بدعي ربنا كل يوم يثبت قلبي و يبعد عني الفتن.
عندي هاله مؤقته من فقدان الشغف بسبب البرد اللي ماسك فيا بقاله كام يوم بس لازم اخد اي act عشان اقدر ا evolve.
مبقتش الوم اي حد حرفيا. لما بشوف حد بيرتكب ذنب حواليا بقول بكره هيعرف أنه غلطان. بكره هيعقل و هيعرف أن ده ملوش اي لزمه. بكره هيفهم أنه لن يخصل علي اي سعاده أو استقرار الا في القرب من ربنا. بكره هيدرك.
ربنا يهدي الجميع لان دي اجمل نعمه ممكن ربنا ينعم بيها علي اي حد.
To be Continued
Mr. Act V
7 notes
·
View notes
Text
كان عندي واحده معايا في الشغل كانت كل يوم تشوفني فيه تقولي علي اي حاجه حلوا فيا اليوم دا ، حتي لو كنت نازله مستعجله و مش عامله اي حاجه ، بجد كانت بتديني كمية طاقه ايجابيه اكمل بيها اليوم ، ف بقيت اعمل زيها مع الناس وبجد الموضوع بيفرق في النفسيه جدا رغم انها مجرد كلمه بسيطه ♥️
19 notes
·
View notes
Text
الحمد لله اهلي عمرهم ما حسسوني إني لازم اعمل حاجة عشان أبقي أحلي أو اعمل مجهود لدا بل بالعكس خلوني بحب طبيعتي في كل حاجة ومتقبلة كل حاجة فيا ومش مجرد تقبل لا بحبها فعلا واه القرد في عين أمه غزال طبعا بس هما خلوني كده في عيون نفسي قبل أي حد. ♥️♥️
7 notes
·
View notes
Text
ليه بيلومني على حاجه في طبعي، ليه انا بلوم نفسي على حاجه مش في أيدي، بفضل اقول المره دي لأ واحلف ب ١٠٠ يمين ويمين اني هاخد موقف وهعمل واسوي وان الزعل والعتاب ملييني، وان عمري ما هرجع ذي الاول ، واول ما يكلموني اتكلم عادي ولا اكني كنت مفطوره من الزعل وانسي كل حاجه .. فا بقى زعلي حاجه عاديه مدام بزعل ونرجع نتكلم من غير ما ازعق ولا أعتاب يبقى زعلي دا حاجه عاديه خلاص .. بس هما مش بيهونوا عليا .
مش عارفه اعمل فيا ايه .. مش عارفه .
12 notes
·
View notes
Text
- انت ازاي واثق فيا كده مش خايف اعمل بيك حادثه ؟
-- لا مش خايف ، مدام هنموت سوا ..
- انت عارف انا اتجوزتك ليه!
-- ليه يا ست هانم
- عشان بكاش ، اقولك سر ؟ .. انا عمري ما كُنت هعرف انجح ف حاجه الا بكشك وتطبيلك وتشجيعك ليا ، مع اني متاكده انك حالاً ايدك على قلبك ..
-- بس دي حاجه مش محتاجه ذكاء انا فعلاً ايدي على قلبي ، ايدي عليكي وحاضنك ومكلبش فيكي اهوه ..
- يا اخي بقى اتهد مش كده
-- واللي اتهدوا اخدوا ايه ، واللي عاش يوم مع حبيبته ومقالهاش قد ايه انها جميله وشاطره كسب ايه ، انا عمري ما نسى اني ياما حلمت بلحظه زي دي حلمت وحققتك ..
- طب نفسك ف ايه الوقت لسه محققتوش؟
-- تزودي السرعة اكتر ونجري وامسك فيكي اوي
- بتنتحر انت بقى؟
-- وايه يعني ماقولتلك مدام هنموت سوا ف انا مش خايف
7 notes
·
View notes
Text
بقالي كام يوم محبوس جوا شعور غريب عبارة عن اني مش طايق اعمل اي حاجة ممكن تكون كويسة مفيدة او حتي ممتعة بالنسبالي، زي م اكون مستخصر ف نفسي بس مش عن عمد لا هو فيا حاجة غير مرئية حرماني من اني اتبسط بيومي او حتي اعيشه
27 notes
·
View notes
Text
انا فيا كتير بس مش بقول انا كاتم همي وغمي دا جوايا الشراب يا جدعان جوايا نار بسبب الشراب اللي نسيته على مكتبي وانا بدور عليه مش معني اني مبشتكيش اني معنديش مشاكل زيكم انا بس مش دراما كوين انا من امبارح بفكر ازاي اعمل روبت يدخل الشغل مكاني علشان عايز اروح رحلة علاج لساحل العاج انا عايز اتعالج
4 notes
·
View notes
Text
هعتبر دا انجازي الصغير اني قاعدة اليوم كله لوحدي وقادرة اسلي واشغل نفسي اتشات مع اصحابي واعمل كروشيه واسمع درس من البناء و اسمع اوديو بوك واتفرج على مسلسل واقوم اعمل الوورك اوت حاسه اني ممتنه للشخص اللي علمني واثر فيا اني اعمل كدا بشكل غير مباشر
2 notes
·
View notes
Text
تواصلت مع كابتن سباحه عن مشكلتى بعد مسألنى كذا سؤال حدد بيهم مستوايا وصل فين قالى عندك حلين ملهش تالت تحبى تسمعيهم قولتله اكيد طبعا ،قالى الأول انك تلعبى فى المايه تنزلى وتطلعى وتنطى وتسيبى جسمك لمايه ترفعه وتفردى ايدك وتقعى وتقومى وتعيدى تانى, يوم تهاف فن فيه لوحدك ،فأنا قولتله فى وجود الكوتش بتاعتى قالى لاءه لوحدك قولتله بس انا مقدرش اعمل كده لوحدى ولا حتى فى وجودها .
قالى يبقى هو الحل التانى انا اسف بس انتى محتاجه كوتش تنشف كده وتشخط فيكى .انا سمعت كده وكنت عايزه اضربه حته قلم بس مسكت نفسي وقولت عيب يافذدق كفايه انه مفضى نفسه ورد عليكى واهتم ،قولتله والفكره ايه؟ قالى انتى كده بتدلعى ! حقيقه هو ميعرفش اصلا انى مبيتشخطش فيا مش غرور والله ابدا بس انا لما حد بيشخط فيا بكرهه جدا و مابياخدش منى بربع جنيه اى حاجه مش عِند مني تؤتؤ والله علشان مبيعرفوش يسكتونى انت اشخط فيا انا اتوتر واخاف موووت وخلاص نو ريسبونس هتاخدها فأنت الخسران .
قالى انتى ببساطه محتاجه حد يشخط فيكى ميعرفش ان الكوتش فى تمرين السباحه مره شخطت فيا فأنا بصتلها وانا باخد نفسي وبتشحتف ولقتنى بقولها انا اصلا عايزه اكل بطاطس وفراخ ورز
35 notes
·
View notes
Text
قلت لنفسي قومي يا منار ارسمي اول رسمة علي شمال دي
المهم ان الموضوع باء بفشل ذريع وانتهي باني بهدلت ملامح الرسمة وقطعت الورقة
واستنتجت حاجتين اني محتاجة فرشة وورق والوان جديدة عشان الواني دي بقالها سنة وسنة يعني اتنين سنة واغلبهم نشف اصلا
وتاني هام بقي اني نفسيا فيا مشكلة لاني مش عارفة اعمل ابسط حاجة كنت بهرب فيها من كل حاجة
تالت استنتاج بقي اني كنت محتاجة انام ومازالت ومحتاجة ابطل افكر في الشغل لاني متعودة ان اللي بيحصل في الشغل بيتساب هناك مش بيكمل معانا عشان كده حرام
بس في النهاية بتمني ارسم الرسومات دي وتظبط معايا قبل ما نوفمبر يهل يعني قدامي شهر استجمع فيهم الباقي من روحي
8 notes
·
View notes
Text
النهاردة قريت بوست من حد عندي في الفريندز بتسأل ازاي نتجاوز الاذى اللي اهلنا عملوه فينا ! في الحقيقة عندي قناعة اني عمري ما هتجاوز ده حتى لو علاقتنا كويسة النهاردة انا بشوف كل اللي عملوه وانا طول الوقت بفكر ٦٠ مرة قبل ما اتكلم وشايفة ان كل الناس لهم حق يعملوا فيا ما بدالهم وطول الوقت حاسة اني انا المشكلة حتى لو مافيش مشكلة وحاسة بالذنب وحاسة اني لازم اموت عشان وجودي بيعمل حوار وخلاص ، وبجد اكتر حاجة انا مقتنعة بيها ان الحنية والحب واللطافة والاهتمام بإبنك مش محتاجة لا سوشيال ميديا ولا قراية ولا كتابة .. ده قرار في الاول وفي الآخر وأهلي اختاروا طريقتهم اللي حسستني اني طول الوقت شخص سيء مايستحقش يعيش اصلا!
كل مرة ببص فيها لابني وهو بيلعب وعنده رفاهية انه يوسخ كل حاجة وانا الم وراه بلا كلل ولا ملل بل بالعكس ممكن اوسخ معاه عشان نقضي وقت سوى ونلعب سوى عادي .. ابني لحد النهاردة مايعرفش مفهوم الضرب ولا الابيوز وبتخيل فجأة اني قررت اسحب منه كل الامان اللي بيحسه تجاهي بإني أخوفه او اضربه ! .. ايه اللي ممكن يحصل في عقله وكل مفاهيمه عن الحب والامان اللي هي محدودة في ماما وبابا بتتحطم عشان ماما وبابا قرروا يتعاملوا بالطريقة السهلة .. يعني ايه بجد اعمل في انسان تاني كده ! وهل ده محتاجة حد يعرفهولي؟ محتاجة حد يعرفني بديهيات انه لو خوفته، لو ضربته، لو اهانته، لو اذيته، لو فضلت عليه اخواته، لو حرمته طول الوقت من الاختيار ومن انه يكون نفسه، لو هددته، لو مارست تجاهه القسوة والتجاهل بأريحيه! .. هل هيقدر يتعافى من ده! لا طبعا عمره ما هيقدر عشان انا أمه وانا بالنسبة له الشخص اللي بيحط كل مفاهيمه عن نفسه اللي هو حتى مش واعي ليها!
16 notes
·
View notes
Text
المدير لو في حاجه بيكرهها فيا فهي ذوقي ف الاغاني
انهاردة جاب اخره وقالي في اييييه يا عم مش كده كل شويه تاامر حسني يعني اعمل ايه يعني اعمل ايه ارحمني
14 notes
·
View notes
Text
انا معنديش صحاب
بقالي سنتين واكتر حرفيآ من غير صحاب خاااالص
كل ال فحياتي معارف يا ايما من ايام المدرسة واغلبيتهم متجوزين وكل واحد ف بيته وعيالة يا ايما معارف سطحية لدرجة اني بحس اننا لو اتقابلنا بنتقابل لغرض ما مش عشان بنحب بعض ��احنا صحاب
معرفتش اعمل صحاب كل ال عرفتهم علي مر ال 24 سنة ال هي حياتي يعني😂💔 مكانوش صحاب
طب هل الغلط فيا ممكن؟
كل حاجه اتغيرت لما اشتغلت فمكان بعيد عني وعن الناس ال أعرفهم
مبقاش عندي وقت اقابل حد او ارد علي حد وارغي فالتليفون زي مكنت بعمل قبل متسحل فالحياة العملية الجااادة
ومن وقتها عينك متشوف إلا النور
سمعت صوت صرصار الحقل من بعدها😂💔💔💔💔
انا حزينة والله
ولا مناسبات ولا اجازات بلاقيني دايما لوحدي
والابشع من كدا ان الاهل مش قد كدا🙂
وشكرا
8 notes
·
View notes
Last Seen Blogs
alunasky-blog
Alunasky
random-country-panda
A Random Girl
heyitschicoandthegang-blog
Hey It's Chico and the Gang!