Last Seen Blogs
Text
歐遊出發前必睇 常見的6個盜竊與詐騙情景
去旅行當然想每次都玩得開心又放心，不過去到歐洲就絕對要經常提高警覺，以防一時大意讓小偷有機可乘。雖然話騙徒手法層出不窮，不過在歐洲其實都有一貫的詐騙手法。出發前，必定要記得以下情景，因為你隨時在歐洲的大街上一日遇到多個類似的情景。
相片來源：Flickr@ Rich Herrmann
1.填問卷
在巴黎的景點附近，會有一班女仔專向遊客下手請他們幫手填問卷、幫忙簽名支持一些公益活動之類。而就在你簽名、填問卷的時候就會趁機下手。此外，更有百分之九十九在填完問卷之後跟你說是捐錢給慈善機構，希望你多多少少都捐些錢。
2.幸運手環
騙徒會試圖在你手上綁上幸運手環，之後就會問你要錢或者趁機偷你的財物。當中以巴黎聖心堂是手繩黨較為活躍的旅遊景點。
相片來源：Flickr@Mariano Mantel
3.路邊的遊戲攤販
在巴黎街上你會看到好多人圍住一個路邊遊戲攤販，正在玩的是就是將波輪流在幾個杯之間轉位，而下注估中的就可以贏錢。正因為看似簡單，所以好多人都會想玩。結果當你全神貫注去玩的時候，小偷已經在你身邊準備下手。另外，當你玩的時候起初可能都會贏，當你注碼越下越大的時候就會令你輸更多錢。
4.掩眼法
在戶外的餐廳坐下後，不少人都慣性將外套、手袋放在椅背。此時，就會有扒手假裝向你派傳單、拿報紙問路之類以分散你注意力。同時，另一隻手已經有所行動。當你地交談完一輪之後，就已經發現東西被扒走。
5. 地鐵購票協助
對於初到巴黎的新手遊客在買地鐵票時總會遇到困難，有些騙徒就會假扮成好心的路人前來幫你買車票。事實上，他們會買較便宜的小童車票後再出售給你，所以最好都是自己排隊買票。
相片來源：Flickr@ Thomas Hassel
6.免費攝影師
如果你遇到有人假裝熱心幫你揸機影相，要小心的是影完之後會問你要錢，或者直接連同相機逃之夭夭。
防騙貼士：
準備小量現金出門，如果紙幣較多時建議大鈔跟小鈔分開袋，盡量準備50歐以下的貨幣。
貴重物品在自己視線範圍內，包括背包要放在前面，在人多地方時要特別摸著個袋，以提高警覺性。
不要只顧低頭玩手機，很容易被搶
最容易被偷的時間點就是公共交通工具開關門的瞬間要特別留意。
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
4 notes
·
View notes
Text
ANA擴大停飛範圍、香港快運取消部份航班！各國航空禁飛/縮減來往香港班次一覽
新型冠狀病毒肆虐，各國都紛紛禁止了武漢人、中國人，甚至港澳人入境，尋日台灣宣布由今日起禁止中港澳人士入境；而航空公司也紛紛宣布減班、停飛，以防病毒繼續蔓延。 當中不乏許多港人熱門旅遊地點，大家出遊前記得確認全球各地停航航點及航空公司政策，以免行程受到影響。
相片來源：Hong Kong International Airport 香港國際機場 @facebook
香港快運（HK Express）
HK Express於2月6日宣布，取消部份於2月12日至3月26日期間的航班，當中包括來往香港及首爾、大阪、石垣島及長崎航班，涉逾80班航班。受影響乘客可選擇更改原定航線之出發日期、更改HK Express其他航線，或申請全數退款。
全日空航空 （ANA）
繼早前停飛往來中國武漢機場與日本成田機場的航班後，於2月6日宣布，將擴大停飛範圍，2月17日至3月28日期間，再暫停往來中國其他航點及香港共7條航線，當中包括來往香港至大阪的航線。
維珍澳洲航空 （Virgin Australia Airlines）
2月6日宣布，自3月2日起將中止來往雪梨及香港航班，其聲明指自香港去年爆發反送中示威運動後，需求量持續下降，加上近日中國疫情影響，種種因素，該航空決定終止與香港的運營服務。維珍澳洲去年11月宣布，準備停飛墨爾本和香港航班，意味著維珍澳洲將永久退出香港市場。
美國聯合航空（United Airlines）
將會由今個星期六(2月8日）開始，停飛往返香港的航班，直至今個月20日，或會有更多改變出現。
美國航空（American Airlines）
2月4日表示，暫停由洛杉磯和達拉斯往返香港的所有航班，直至今個月20日。美國航空之前已在1月31日宣布停飛往來中國大陸的航班，直至3月27日。
宿霧太平洋航空公司（Cebu Pacific Air）
Cebu Pacific Air於2月1日宣布，由2月2日起暫停所有往來菲律賓及中國5大城市：北京、上海、廈門、廣州及深圳的航班，至3月29日，同時減少來往香港及澳門航班。
易斯達航空（Eastar Jet）
韓國廉航易斯達航空2月3日宣布，停止仁川來往香港、澳門，以及濟州來往澳門航線。
菲律賓
菲律賓政府推出旅遊禁令：所有直接從中國大陸、香港及澳門前來的旅客，全部不可以入境，來自三地的菲律賓公民及永久居民，回國後亦要強制隔離14日。菲律賓公民亦被禁前往三地。菲律賓航空公司及菲律賓亞洲航空都暫停所有來往中國（包括港澳）航班至另行通知。
台灣
台灣早前宣布過去14日內曾入境或居住在中國大陸的外籍人士，將禁止入境台灣，但港澳居民不在此限。但於2月6日又宣布，由2月7日起香港特區和澳門特區護照持有人，均不會獲發落地簽證或網上簽證。
意大利
意大利政府宣布由2月2日起停飛所有來往香港及兩岸四地的所有航班， 直至4月28日。
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
11 notes
·
View notes
Text
【突發】擔心前景 維珍航空3月取消香港航班
各位買咗維珍航空嘅朋友要注意，日前維珍航空宣佈，因受香港去年反修例事件、加上目前武漢肺炎疫情，擔心前景之下，決定3月2日開起取消全部來往香港嘅航班！其實受制於經濟問題，早前已經率先宣佈2月11日起暫停香港來往墨爾本航班，估唔到咁快就決定全面取消所有香港航班，亦即代表維珍航空將正式退出香港市場，如果買咗機票嘅朋友就要接受退款安排。維珍航空自香港啟德機場時已經於本地插旗，經營多條長線，至今已經達23年，其實自兩年半之前，維珍已經停辦咗香港來往悉尼航線，更陸續解僱全部香港嘅空中服務員，可見公司於香港業務已經式微，而位於香港嘅辦公室亦只有少量員工在內，所以可以話維珍航空一早已經有此打算，呢大半年遭逢社會動盪及傳染病影響，生意更係百上加斤，有此退出決定都可以話唔出奇，唯一希望係唔會有其他航空公司都有類似決定，否則第時買機票又少咗好多選擇，就只能捱貴價飛喇！
維珍航空已於香港經營23年之久，今年正式退出。
香港空中服務員早前已全部被解僱。
維珍航空受社會事件及疫情影響，生意大跌。
相關文章：
人人自危-空姐分享機上口罩禮儀-點餐時不要除下口罩
巴西嘉年華2020開鑼-3大南美旅行團比拼
愛爾蘭無人��徵人打理民宿-23-000人搶住報名
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
3 notes
·
View notes
Text
唔止貓Cafe 新開貓貓客棧可以與貓同眠？
喵星人真係一股魔力，可以��人類甘願為奴！君不見香港愈開愈多嘅貓咪Cafe？望一望日本，同樣係滿佈四周。不過單單只係貓Cafe已經不足為奇，事關大阪已經開咗一間貓貓客棧！日本著名中途貓社「NECO Republic」專收養流浪貓，再等待人領養，而過程中會放於公司旗下嘅貓Cafe，幫手「工作」為公司賺取經費。而公司最新嘅設施就係貓咪客棧，可以畀人與貓同眠！只要住宿貓咪客棧，大家日頭可以於餐廳同貓咪玩，食飯飲嘢，而入夜之後就可以去到住宿區，每張床位都有一塊透明玻璃，大家可以透過玻璃望住一眾貓咪入睡。雖然唔可以直接同貓貓身處同一間房，不過都係為咗住客安全著想，畢竟貓貓好鍾意趁人類瞓覺就踩上去（貓奴應該明白啦），亦怕有人對貓毛過敏，所以先用上透明玻璃隔住，而客棧仲寫話，隨時可以於黑暗嘅環境之中得悉到貓咪於晚上究竟會進行咩神祕活動？每晚房價8,500至11,500日元，就可以與貓同眠，抵呀！
大家可以直接透過玻璃與貓咪同眠，非常獨特嘅體驗！
於NECO Republic「工作」嘅貓咪都係中途之家，等人領養。
NECO Republic旗下有餐廳、足浴場，同最新嘅客棧。
相關文章：
澳洲小鎮三年無雨落-以啤酒代水成另類景點
兩日一夜-保留日治時期風格-南投車埕老街初體驗
溫泉比併-日本山陽地區三大溫泉-神隱旅館大揭秘
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
【日本櫻花】京都兩日一夜賞櫻行程 全新清水寺＋鴨川野餐
三月又是日本櫻花開始盛開的季節，今年京都櫻花預計會在3月23日開花，並於4��1日開滿。歷年京都一直是港人賞櫻的熱門地，加上早前維修的清水寺即將重開，相信定能吸引更多遊客前往。大家前往大阪血拼之餘，不妨參考以下的兩日一夜京都賞櫻行程，感受京都櫻花之美！
Day 1
上午：大阪前往京都
最常用的交通方法當然是乘搭JR京都線，列車分新快速、快速以及普通，收費或一為560円（約HK$40）。由JR大阪站出發最快只需30分鐘便可到達JR京都站。
中午：鴨川野餐 享受大自然
鴨川河畔有一大片草原，是野餐勝地，但去旅行要帶備野餐用具令不少遊客只能放棄。鴨川附近的文青咖啡店WIFE&HUSBAND有簡單的野餐用具可租借，一人套餐只需1000円（約HK$71），套餐包含咖啡、餅乾、咖啡杯以及桌布。用具有藤籃裝著，另外可租借長椅、草蓆、折疊桌等，單次限時90分鐘。一條龍服務令旅行野餐變得簡單！
WIFE&HUSBAND
地址：京都市北区小山下内河原町106-6
營業時間：10:00am-5:00pm (Last order: 3:00pm)
交通：地鐵北大路駅 步行4分鐘
網址：按這裏
WIFE&HUSBAND店面@WIFE&HUSBAND ig
鴨川野餐@ WIFE&HUSBAND ig
下午/傍晚：賞櫻名勝 清水寺重開
相信港人對清水寺並不陌生，清水舞台經過三年維修後終於重開。清水寺上的夜櫻較日櫻出色，大家不妨由旁晚開始，先感受日光下的櫻花，再等日落後的風貌，保證會有叧一番難忘的景色。
清水寺
地址：京都府京都市東山區清水1-294
開放時間：6:00am-6:00pm（春季夜間延長至9:00pm）
交通：巴士100號到「五條坂站」或「清水道」下車步行10分鐘
清水寺夜櫻 @yahoo news
住宿：京都青年旅館GRIDS 每晚最低HK$195
GRIDS位於京都最熱鬧的河原町地區，鄰近錦市場，距離河原町站只有五分鐘距離，交通方便！旅館同時提供膠囊房及一般客房，適合不同人的需求。在賞櫻的熱門旅遊季節，房價每晚最低只需HK$195，絕對是物超所值！
Grids Kyoto Shijo Kawaramachi Hotel&Hostel
地址：京都府京都市中京区富小路通錦小路下ル西大文字町599
交通：地鐵河原町站 步行5分鐘
預訂：按這裏
grids房+lobby @booking.com
Day 2
中午：京都和風新商場 SUINA室町
京都一直是較古色古香的地方，近期烏丸四条新開和風新商場SUINA室町，商場有7層高，受港人歡迎的Pokemon Center也進駐其中。大家���以瘋狂購物之外，又可以一嚐炸豬扒名店「京都かつりき」或打京風漬物和釡飯的「One Plus Kyoto」，吃喝玩樂一應俱全！
SUINA室町
地址：〒600-8009京都府京都市下京区四条通室町東入函谷鉾町78番地
營業時間：B1 11:00-11:00pm 1/F 10:00am-10:00pm 2/F 10:00am-8:00pm
交通：阪急京都線烏丸駅 26號出口直達
SUINA室町外圍@lmaga.jp
下午：打卡甜品ROCCA & FRIENDS TRUCK
八坂通附近有一個特別寧靜的角落，用一架極具文藝氣色的餐車出售飲品。店內最大特色一定是京都情景抹茶Latte及京都情景焙茶Latte。杯內配搭各款京都特色景點造型的玉桂餅乾，打卡一流！
ROCCA & FRIENDS TRUCK
地址︰〒605-0827 京都府京都市東山区八坂上町370
營業時間：(週一) 10:00am-5:00pm (週二至週日) 9:00am-6:00pm
交通：京阪電車「清水五條站」步行17分鐘
京都情景抹茶Latte及京都情景焙茶Latte@ ROCCA & FRIENDS TRUCK ig
ROCCA & FRIENDS TRUCK店面 @ ROCCA & FRIENDS TRUCK ig
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
【情人節2020】7-11推Hello Kitty、Dear Daniel公仔套裝 可錄音、寫下心聲
如果你或另一半係Hello Kitty迷，呢個情人節又有選擇啦！7-11又宣布於2月5日早上7時起推出以Hello Kitty和Dear Daniel組成的公仔套裝，淺粉紅色的Hello Kitty以少女風打扮，其手上的信封內有心意卡一張，比大家寫上心聲；而粉藍色的Dear Daniel，則有錄音功能，可錄製約達15秒的話語，比大家以文字及聲音傳情！大家只要消費另加$199即可換購公仔套裝1套，另加一紮鮮花，女人們應該冧到爆！
由2020年2月5日早上7時起至2月14日，7仔推出Hello Kitty和Dear Daniel組成的公仔套裝。
以少女風打扮的Hello Kitty，手上的信封內有心意卡一張，比大家寫上心意。
粉藍色的Dear Daniel，則有錄音功能，可錄製約達15秒的話語。
.
「Hello Kitty & Dear Daniel公仔套裝」換購詳情：
由2020年2月5日早上7時起至2月14日，顧客於7-Eleven分店#進行任何消費*加$199即可換購「Hello Kitty & Dear Daniel公仔套裝」1套。數量有限，換完即止。
更多相關文章
尖沙咀首現韓國復古拍照亭 4大打卡位＋6個體驗工作坊
【情人節2020】尖沙咀戶外爵士音樂會 巨型發光花卉打卡位＋情侶工作坊
55%成年港人做唔夠運動？登記健康計畫獲專家小貼士＋工作坊或課程資訊
.
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
魚籠潛水觀賞鯊魚 大白鯊不幸卡在籠中慘死遊客眼前
鯊魚對人嚟彷彿講有一種魔力，大家都好想近距離接觸，當然又怕危險，因此𧗠生出鯊魚籠潛水（Shark Cage Diving）呢種玩意，就係遊客困於一個籠之中，再整個籠下潛至水中，利用誘餌引鯊魚前來，咁籠入面嘅遊客就可以安全咁觀賞鯊魚。但其實鯊魚籠潛水有一定危險性，唔單止係對遊客而係對鯊魚本身都係。
日前墨西哥Guadalupe小島上有遊客玩鯊魚籠潛水時，一條大白鯊游至，然後大白鯊往遊客身處嘅籠一衝之下，不幸竟張魚頭卡喺籠入面，更被𠝹傷至大量出血。面對如此情況，唔單止遊客被嚇呆，連工作人員都手足無措，最後經過25分鐘憤力掙扎之下，大白鯊因失血過多，慘死於水中，屍體直接沉入大海。
整個過程都被潛水公司拍低，片段上載後引起好多保育團體不滿，認為活動根本無考慮過鯊魚嘅安全，而且全程都無人主動去拯救鯊魚，只係任由鯊魚活活流血至死，認為呢種遊覽活動根本應該取消。作為遊客嘅大家，下次有機會參與鯊魚籠潛水前��或者應該考慮一下自己安全，同時諗諗會唔會對鯊魚都構成一定危險呢？
世界上唔少地方都有鯊魚籠潛水可以供遊客參加。
片段可見大白鯊不幸被卡於籠間，被割傷而大量失血。
好多保育團體不滿，認為活動根本無考慮過鯊魚嘅安全。
.
相關文章：
兩日一夜-保留日治時期風格-南投車埕老街初體驗
溫泉比併-日本山陽地區三大溫泉-神隱旅館大揭秘
胡杏兒住過其中-間-超夢幻體驗-3間七星級水底酒店
.
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
阿聯酋賣大包 $1,503坐A380飛曼谷
曼谷喺好多香港人心目中都係後花園一樣，耐不耐就要去一次唞下氣。今日介紹呢個$1,503來回連稅價，可能有人話「唓，有陣時可以平到$1,200啦!」係，不過講緊呢個價係坐阿聯酋航空，仲要來回兩程都係A380 ！
阿聯酋航空出名服務好，而且航班飛機都好好質素，尤其A380空中巨無霸更加係公司主打。今次呢個優惠旅行時間由2月10日至3月31日，只做一個幾月；不過唯一要彈就係去程起飛時間只有夜晚9點呢班，白白無咗一日，除非放工即刻過機場就另計。同期國泰最平都做緊$2,373 ；阿聯酋呢口價平成$800幾，仲要坐足兩程A380 ，超值！
來回曼谷$1,503連晒稅，仲要坐A380 ，抵！
記者試過，兩程都係A380㗎！
順便介紹埋，就算Upgrade坐商務，都係3千幾！
.
阿聯酋航空曼谷優惠
出發日期：2月10日至3月31日
預訂日期：即日起至2月17日
預訂：按這裡
.
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
國泰優惠 自選兩程機票最平$1,692 仲有Asia Mile送！
香港疫情肆虐，留喺香港幾乎街都唔出得，不如出下去外遊，順便睇下有無口罩可以入貨！踏入二月，國泰就推出「一訂兩程」機票優惠，同時一次過買兩程來回機票，票價低至每程$1,692 ；仲有Asia Mile送。
透過下面嘅連結登入國泰官網，就可以自選兩程機票，目的地包括台北、曼谷、首爾、福岡、新潟、成田、倫敦、紐約。台北最平可以做到連稅$1,692 ；而倫敦及紐約就別為$5,253及$6,335 。超抵！而且用埋國泰張美國運通卡去訂，如果兩程短旅就可以賺7,000分，一長途一短途就10,000分，兩張長途就可以賺20,000分！
國泰賣大包，兩程機票一齊訂，兩程都有得減！
記者親試，一程來回台北加一程曼谷，連稅都係$3,557 ！
包括不同目的地，價錢亦有所不同。
國泰航空機票組合
預訂日期：即日起至2月29日
出發日期：不同目的地不同，請於網上查看
預訂：按這裡
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
愛爾蘭無人島徵人打理民宿 23,000人搶住報名！
現代人究竟可唔可以無咗科技呢？想知嘅話，大家可能要睇下以下呢則新聞。愛爾蘭西岸一個無人小島Great Blasket，無水無電無路，一年之中只有夏天6個月時間先會有一間當地民宿開業，而日前呢間民宿嘅主人就於網上公開招聘兩位人士打理民宿，短時間內吸引23,000人報名！民宿話兩位打理人可以係朋友或者情侶，要逗留小島上6個月，負責處理民宿大小事務；無人工但就包食包住。當然附帶就係6個月無水無電無熱水沖涼，基本上同外界斷絕一切來往，估唔到仍有大量人爭住做。不過千萬唔好以為係齋玩嘅工作，事關民宿每日有成400人入住，所以要招呼客人，包括整理房間、清潔地方、煮食等等，可以話極度忙碌。希望過6個月原始生活的話，原來都有唔少代價，唔易捱呢！
愛爾蘭西岸一個無人小島Great Blasket，一年只開放6個月。
民宿主人於網上公開招聘兩位人士打理民宿。
���上無水無電，極為原始。
相關文章：
溫泉比併-日本山陽地區三大溫泉-神隱旅館大揭秘
胡杏兒住過其中-間-超夢幻體驗-3間七星級水底酒店
香港準新人最想在那辦婚前派對-男性較重視當地夜生活
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
【一罩難求】一文睇清！口罩返貨/派發最新情況
農曆假後港人的主要活動，一定係買口罩！今時今日，全球一罩難求，港人為了買罩不惜通宵排隊，甚至打尖、打架、互相指罵，令人相當難過。雖然，各大商舖都陸陸續續返貨，可惜供不應求，門市一開賣便火速售罄，網站更加網路大塞車、無法登入，所以Home Office的大家，不妨時不時Check Check以下各個企業或協會，留意住口罩補貨時間，以及購買/派發安排，話唔定隨時有驚喜！
EGL Tours 東瀛遊
東瀛遊將於今日（2月4日）早上11時，於尖沙咀其士大廈5樓派發小童口罩，每位可獲5個口罩，合共600個名額，並會以派籌形式進行，額滿即止，香港人優先，須出示香港身份證。口罩為TOPVALU 小童口罩，90mm x 145mm，可99%阻隔病毒飛沫、PM2.5、花粉，產地為中國。
詳情：按這裡
好棧食品
今日（2月4日）開店時於指定5間好棧門市以派籌方式售賣，每間店只有400包，每包11個，每人限購一包，售價$140。口罩為韓國製KF94口罩，有效過濾94% PM0.4的微粒或懸浮粒子。
地點：荃灣、九龍城、油麻地、元朗、九龍灣牛頭角分店
詳情：按這裡
香港企業福進國際控股有限公司
公司到杜拜採購了12000盒醫護用三層口罩並空運回港，於星期三、四(2月5日及2月6日)發售。口罩款式有三種，每日出售6000盒，一盒50片，售價$80，每人限買2盒，購買者需出示香港身分證。
地址：九龍灣臨興街19號同力工業中心B座9樓02室
詳情：按這裡
香港愛馬女士協會
慈善團體「香港愛馬女士協會」於周三（2月5日）上午10時至晚上7時於觀塘翠屏道3號基督教家庭服務中心 (愛心廣場)派發10萬個口罩予年滿65歲的長者，暫定派發3300-4600籌號，每人限領1個籌號，每籌可獲15個口罩，長者需親自到場，出示長者咭/香港身份證明文件取籌。
詳情：按這裡
縱橫遊
從日本不同縣市搜羅超過逾10,000個口罩，本周率先預備了4,000個口罩安排送到鄰舍輔導會給安老院長者、護士、保健員及社工，餘下的口罩將陸續運回本港，稍後再送給有急切需要的慈善機構。
詳情：按這裡
莎莎
莎莎會於即日公布售賣口罩分店地址，大家要睇實其Facebook。尋日早上宣布於33家指定分店出售「日本Unicharm口罩 （30片裝）」，每盒$58元，每間分店貨量約100盒，每張籌只限買一盒，結果於一小時內火速派籌完畢。
詳情：按這裡
.
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
巴西嘉年華2020開鑼 3大南美旅行團比拼
新一屆奧運又到，上屆奧運在巴西里約熱內盧舉行，牽起一股遊巴西熱潮。2020年巴西重點節目「里約熱內盧嘉年華2020」又嚟了，呢段時間整個城市會舉辦超過500場的派對，非常熱鬧！想體驗一下當地節日氣氛的話，跟團是最安全、舒服的選擇，今次嚴選了三大旅行團，有入住奢華酒店的，亦有入住伊瓜蘇大瀑布區內，保證滿足一眾心大心細的港人。
01：玩足28日 入住豪華酒店
推介指數：*****（五星滿分）
性價比指數：***
旅行團包含壓軸重頭戲里約熱內盧嘉年華2020, 更有A區6人包廂，保證可以近距離觀賞各項節目，如大遊行隊伍、森巴舞女郎等。行程亦會讓大家乘坐直升機觀賞里市，從空中鳥瞰里市多個著名地標。更會入住不少五星級奢華酒店，如布宜諾斯艾利斯入Four Seasons、埃爾卡拉法特湖畔酒店Xelena、Belmond集團酒店等。整個行程有28天，有足夠時間暢遊南美，唔會走馬看花！
相片來源：jetour
里約熱內盧嘉年華2020 A區6人包廂
乘坐直升機觀賞里市，從空中鳥瞰里市多個著名地標。
佩里托莫雷諾冰川
南美洲四國28天 （團號：QPRAL）
價錢：$149,998起
出發日期：3月6日
查詢：捷旅旅遊 3180 9966
預訂：按這裏
02：嘉年華＋巡遊 走入亞馬遜雨林搵海豚
���介指數：****（五星滿分）
性價比指數：****
同樣包含重頭戲里約熱內盧嘉年華2020, 更特別安排觀賞Main Paradise 盛大巡遊冠軍決賽，絕對是重頭戲中的重頭戲。豪華團更會遊勻巴西、秘魯、智利、阿根廷、烏拉圭，可以分別在阿根廷境內和巴西境內觀賞伊瓜蘇大瀑布，又可以在亞馬遜雨林尋找灰色和粉色亞馬遜海豚，行程十分豐富。
相片來源：tumblr
26天團增遊大冰川國家公園（世界自然遺產）及火地島國家公園（世界最南端的城市）
火地島國家公園
亞馬遜雨林尋找灰色和粉色亞馬遜海豚
復活節島兩晚住宿
《巴西嘉年華+復活節島》23/26天豪華團（團號：UAC23/26-ZDL）
價錢：$119,888起
出發日期：2月22日
查詢：康泰旅行社2108 8888
預訂：按這裹
03：入住伊瓜蘇大瀑布區內
推介指數：****（五星滿分）
性價比指數：***
行程集中於南美洲四國必到景點，除於9號貴賓專區觀賞巴西嘉年華外，亦會前往里約熱內盧地標糖麵包山及基督聖像山。行程內有兩晚入住伊瓜蘇大瀑布區內，保證以不同角度欣賞大瀑布！
相片來源：tumblr
糖麵包山
庫斯科主教堂
2晚住宿於伊瓜蘇大瀑布區內
南美洲四國18天之旅巴西、秘魯、智利、阿根廷 (團號：LUUIQ18ED )
價錢：$116,999起
出發日期：2月27日
查詢：永安旅遊2928 8882
預訂：按這裏
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
【人人自危】空姐分享機上口罩禮儀 「點餐時不要除下口罩！」
新型冠狀病毒肺炎持續擴散，人人自危，尋日網上就流傳一條短片，眼見3名穿上全套防護衣物的人員登上一輛客機，沿機艙通道向後排位置前行，有網民稱該航班為日本飛香港，懷疑機上有人發燒，抵港後全部人一度不能下機。
事後，國泰航空回應表示，該航班為2月2日CX543航班，由東京羽田前往香港的乘客疑似出現發燒症狀，機組人員為謹慎起見，通知港口衞生處人員跟進，為乘客檢測體溫，因此該航班的乘客需暫時留在客機上。目前所有乘客已下機， 而港口衞生署在處理個案後， 國泰並沒有收到任何要跟進處理的指示。
究竟在這個人心惶惶的時期中搭飛機，除了乖乖地戴上口罩外，還有甚麼需要注意呢？鄰座狂咳可以點做？一名現職空姐分享以下機上口罩禮儀，大家不妨參考下保護自己，亦為他人著想！
1. 建議每位乘客自備口罩上飛機，因為機上口罩供應有限，每程機大約只有20個比空中服務員及乘客使用，空中服務員於執勤時都要自備口罩。
2. 用過的口罩不要放在餐盤或椅袋內，為防止病菌滋生及傳播，大家應用垃圾袋包好，無垃圾袋的話，亦可以用椅袋內的小紙袋或請空中服務員提供。最後將包好的垃圾掉入洗手間內垃圾桶或落機後掉進垃圾桶。
3. 點餐時不用除下口罩，空姐空少仍可聽到你說話的，雖則空服們在這段時間，也可戴上口罩及手套，但要知道病菌透過飛沫噴到眼睛，一樣有機會受到感染，一人染病，大家都無著數。
4. 如果鄰座乘客狂咳的話，空中服務員會提供一個口罩給該名乘客，並建議他戴上及多飲水。如果機位不爆滿，乘客又想調位的話，亦可向空服提出，調到同等價錢的機艙位置。
相片來源：香港突發事故報料區影片截圖
2月2日由東京羽田前往香港的CX543航班，乘客疑似出現發燒症狀。
相片來源：cathay pacific 國泰航空 @Facebook
空姐建議每位乘客自備口罩上飛機。
相片來源：cathay pacific 國泰航空 @Facebook
如果鄰座乘客狂咳的話，機位又不爆滿，乘客可向空服提出調位，但只限同等價錢的機位。
更多相關文章
專登飛日本搶口罩？睇睇當地市況再決定買唔買機票！
【肺炎擴散】回鄉證停辦 其他旅遊簽證隨時受影響
【武漢肺炎】日本口罩買唔到點算好？泰國網站訂購口罩直送香港教學
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
餐廳食到飛機餐？亞洲航空吉隆坡開餐廳
大家對於飛機餐有咩睇法？相信都多數係負面多啦，對飛機餐大家都無咩期待，只係覺得食飽就好。不過亞洲航空就對自己嘅飛機餐極度有信心，並於自家基家馬來西亞吉隆坡開設首間賣飛機餐嘅餐廳Santan。餐廳會提供亞洲航空唔同航班中嘅飛機餐，包括椰漿飯、沙嗲、巴東牛肉、海南雞飯、菲律賓燒雞等等。由於亞洲航空都係主理亞洲航線，而且航班包括全東南亞，所以幾乎東南亞各國美食都可以於餐廳食得到。餐廳目前有5位主廚，以及一眾學廚負責，主廚都係平日為亞洲航空準備飛機餐，所以確保餐廳食物味道同真嘅飛機餐係一模一樣。價錢方面可以話極度抵，每份套餐要12馬幣至15馬幣，約港幣24至30 。亞航就話吉隆坡店只係首間試業餐廳，希望之後會陸續擴展至歐洲、甚至美加等地，推廣東南亞美食呢！
亞洲航空就對自己嘅飛機餐極度有信心，餐廳都開埋。
首間餐廳於馬來西亞吉隆坡開業。
每份套餐要12馬幣至15馬幣，約港幣24至30。
相關文章：
胡杏兒住過其中-間-超夢幻體驗-3間七星級水底酒店
香港準新人最想在那辦婚前派對-男性較重視當地夜生活
坐擁歐洲-半原始森林-羅馬尼亞行山小心被殺
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
USJ超級任天堂世界玩法公開 一人一手環倣效Mario收集金幣
講到今年大阪的盛事，日本環球影城將於東京奧運前開幕的超級任天堂世界（Super Nintendo World）絕對是其中之一。官方最近進一步公布入場新玩法 ，首先入場者可於園區內購入能量手環(Power Up Band)，戴着它與手機互動，便可倣效遊戲中角色玩遊戲，如使用自己的全身、飛翔、敲擊磚塊等，來收集金幣以提升力量並過關，最後亦可看到自己的達成度與排名，相當刺激。手環有六款之多，有Mario、Luigi、菇菇Toad、公主Peach等，當紀念品收藏都不錯。此外，大家可從官方youtube睇到長近3分鐘的開幕紀念主題曲 MV「WE ARE BORN TO PLAY」，睇完之後，令人更有衝動立即跳入呢個超級任天堂世界！
日本環球影城的超級任天堂世界（Super Nintendo World）將於東京奧運前開幕，Mario迷都相當期待。
入場者可於園區內購入能量手環(Power Up Band)，戴上手環配合手機，即可倣效遊戲中角色玩遊戲。
手環(Power Up Band)共有六款，好想儲齊一套呀！
日本環球影城 - 超級任天堂世界（Super Nintendo World）
開幕日期：2020年東京奧運前（預計東京奧運2020年7月24日開幕）
網址：https://www.usj.co.jp/nintendo/
開幕紀念主題曲 MV「WE ARE BORN TO PLAY」
網址 ：https://youtu.be/rrHGKXrgaMo
更多相關文章
日本自駕遊旅客太多？鎌倉市擬收過路費
【溫泉比併】日本山陽地區三大溫泉 神隱旅館大揭秘！
粉絲們必到朝聖地！不讓My Melody專美，Kuromi日本千葉開設期間限定主題餐廳！
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
日本秋葉原女性做壽司師傅 惹起廣泛討論
壽司可以話係日本代表美食之一，香港人亦趨之若鶩，不過大家都應該留意到，壽司師傅從來只有男人。不過原來於日本東京秋葉原，就有一間名為「撫子壽司」嘅店舖，竟然係用清一色女性做師傅？近排日本媒體採訪呢間撫子壽司，其實2010年已經開業，不過其實女性師傅只係綽頭，佢哋負責於店面將壽司傳畀客人，實際上背後整壽司嘅都係男性師傅。不過媒體訪問中，女性店員就話希望有朝一日，女性一樣可以充當壽司師傅，因為一直以嚟日本人都覺得女性唔適合整壽司，原因係「和服會沾到材料」、「化妝會掉落食物」、「女性手溫太高」等，都係極為狹隘嘅女性歧視。可惜訪問一出街，隨即引起日本網民廣泛討論，認為日本千年歷史不可以隨意打破，女性絕對唔可能成為壽司師傅；而撫子壽司就即時成為話題店，大排長龍，唔知大家有無興趣試下呢？
撫子壽司以女性師傅作為招徠，做賣點。
不過其實背後整壽司嘅都係男師傅，女性只係做服務員。
日本傳統，指女性不適合成為壽司師傅。
相關文章：
香港準新人最想在那辦婚前派對-男性較重視當地夜生活
坐擁歐洲-半原始森林-羅馬尼亞行山小心被殺
日本雪地觀星-冷得要命-卻又美得驚艷
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes
Text
必搶英國推脫歐紀念幣 全國郵局銀行等有售
一波幾折之後，英國終於要脫歐！為咗紀念呢個歷史時刻，英國政府於1月31日脫歐日正式推出「脫歐紀念幣」，每個幣面值為50便士，首批有300萬枚，放於全英國嘅郵局、銀行、商店等地出售，預計今年仲會推出多700萬枚，合共1,000萬枚。硬幣以七邊形鑄造，上面刻有「願與所有國家和平、繁榮及友誼」（Peace, prosperity and friendship with all nations）字眼，亦印上1月31日呢日脫歐日。呢個紀念幣可以話同英國脫歐一樣幾經波折，因為原定脫歐日為2019年3月29日，當時已經鑄有100萬枚紀念幣，後來英國申請押後脫歐，結果要將鑄好嘅100萬枚紀念幣全部燒融再重新鑄造，所以呢個脫歐紀念幣可以話同英國脫歐係命運共同體，亦好代表到呢件歷史大事，預計會出現炒價，大家有機會就不妨去買幾個留為紀念啦！
紀念幣以特色嘅七邊形硬幣鑄造，上面刻有紀念字句。
上年印咗100萬紀念幣，但因脫歐期押後要重新鑄造。
英國正式於1月31日脫歐，成為歷史時刻。
相關文章：
類無印風質感旅宿-2020必住療癒系膠囊旅館
日本自駕遊旅客太多-鎌倉市擬收過路費
2019年全球旅客達15億-2020年有暗湧
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
0 notes