Gusto kong magsimula
Sa unang beses na binigyan kita ng babala
Diba sabi ko sayo ayoko munang kumawala
Sa bugso ng damdamin ayokong magpadala
Gusto kong magsimula
sa unang beses na tinawagan mo ko
Sa kalagitnaan ng gabi tinanong kita kung anong intensyon mo
hawak ang telepono, sinabi mong ika'y namamangha
Sa pagpapalitan ng salita sa magkabilang linya
Nagpatuloy ang gabi, dumating ang umaga
Hanggang sa dapit hapon ika'y matiyaga
Sa pagtatanong sakin ng "kumain ka na ba?"
at "Ano ang iyong ginagawa?"
Gusto kong magsimula
Sa unang beses na inamin mong ang iyong paghanga ay tila nag iba
Narinig kong sinabi mo ang mga katagang "Gusto kita at iba ka sakanila"
Pinaalala ko sayo ang aking babala
Diba sabi ko sayo ayoko munang kumawala
Sa bugso ng damdamin
ayokong magpadala
Pero aaminin ko, nagustuhan rin kita
Mapusok ang damdamin,
Marupok ang puso
Di napigilan dahil di ko kontrolado
Nahulog ako sayo at agad mong sinalo
Sinabi mo kung gano ka kaseryoso at kung anong mga plano mo
Masaya kong pinakinggan ang iyong mga pangako
Parang wala nang mas sasaya pa kapag dalawa puso ang nag tagpo
Bawas araw ay dumadaan, bawat oras ay humihinto
Biglang nag iba ang ikot ng mundo
Pero sandali...
Gusto kong magsimula
Bakit nga ba hindi? Simulan na natin to
Mahal, gusto kong magsimula pero bakit di pa tayo
nagsisimula parang sinimulan mo na sa iba?
Ang sabi ko gusto kong magsimula pero bakit natapos na?
Hindi mo ata ako nadinig
Ang sabi ko "simulan na natin to"
Magkaiba yung salitang "tayo" at "kayo"
Pero wala akong magagawa,
Sa aking mga nakita
Dapat pala nung una hindi ako sayo nagbabala
Dapat pala sa sarili ko ako nagsalita
Kaya ngayon,
Hindi muna ako kakawala
Sa bugso ng damdamin hindi na ko papadala
Dahil mapusok ang damdamin
Marupok ang puso
At oo hindi ko ko kontrolado
Kaya magtitiwala nalang ako sa may mas alam
Sa totoong nagplano at marunong magseryoso
Sakanya na tinutupad ang pangako.
At sa huli kapag muli tayong nagtagpo
Sasabihin kong muli sayo na nakapag simula ako
At kaya ko nang ngumiti dahil narating ko yung dulo.
0 notes
“Kung pipili ka dapat isa lang
At kung pipiliin mo sya
Siguraduhin mong sya na
Wag ka nang lumingon pa sa iba.”
Diba patay ka na?
Wag ka nang magmulto
Hinayaan na kita sa kanya
Kaya palayain mo na rin ako
Ibinigay ko nang lahat
Hindi pa ba sapat?
Ano pa bang gusto mo?
Bakit di ka pa makuntento?
Durog na yung puso ko
Gusto mo ba pati pagkatao ko?
Sige, aaminin kong ikaw na ang panalo
Hindi ko na kilala ang sarili ko
Pilit kong hinahanap, san ba ko nagkulang?
Sabihin mo naman kasi sobra na kong nahihibang
May mali ba sakin?
O masarap lang talaga kong lokohin?
Nakikiusap ako sayo, palayain mo na ko
Kung sya na talaga, matatanggap ko
At kung mahal mo sya ng sobra, lalayo na ko
Hindi madali pero kakayanin ko
Pakiusap wag ka nang magparamdam pa
Mahalin mo nalang sya ng sobra
Iparamdam mo sakanya yung mga bagay na di ko naramdaman
Alagaan mo sya kung paano kita inalagaan.
1 note
·
View note