#常威💀 | Explore Tumblr Posts and Blogs

historysandwich · 1 year

Photo

【常威近代史】（七百六十七回）冇人冇立場如果你到咗今日，仍然覺得戰爭係一場正邪之爭，有正義的一方存在，亦有邪惡一方存在。咁樣未免太年輕，作為解決問題嘅最後方法——戰爭嘅複雜性同歧義性實在太令人神暈目眩，因為戰爭本身，除咗係一個複雜問題，亦係一個意識形態問題，而識形態就係立場嘅問題，任何人都有其既定立場，中立地去描述一場戰爭基本上冇可能，正如今日嘅俄烏戰爭，難道全部俄羅斯軍人都認為自己係侵略者？相信係冇可能。正如日本嘅極右主義者，提出死咗幾萬到幾十萬人嘅南京大屠殺從沒有發生過，老實講佢哋係真心相信架，係百份百嘅「true believer」，呢個就係意識形態問題，亦係立場問題。人類要相信某一種事物存在與否，好多時候並唔係根據證據去決定，而係根據立場去選擇（大家有興趣可以睇吓1997年一套科幻電影，叫【超時空接觸】Contact，由Jodie Foster同Matthew McConaughey主演，內裡對信仰呢個問題，演繹得非常精彩）。論述中日戰爭，我亦有我嘅既定立場，我嘅立場就係我身為一個中國人去論述呢場戰爭嘅發生經過，中間有所偏頗即係我嘅立場問題，不過我冇辦法改變呢個既定事實，就係珍珠都冇咁真嘅。 1938年1月，南京大屠殺正在中華民國首都南京發生中，日本人嘅鐵蹄踐踏中華大地，中華民國嘅一衆雜牌軍根本無法抵擋，節節敗退，轉眼間，整個北方差唔多全部落入日本人手中，而全面戰爭發生到而家，只係過咗區區未夠半年時間。事實擺喺眼前，如果認為當時中國軍隊仲可以抵抗日本人入侵，根本係發緊夢，但係當時中華民國最高統帥蔣介石對戰事卻意志堅定（口頭上），認為只能夠抗戰到底，絕無向日本妥協嘅可能性，當然佢必須要咁樣講，因為向日本人妥協或投降，亦表示佢嘅政治生命將會完結（被主降派親日派汪精衛取代），作為一個軍事強人（或汪精衛嘅政治宿敵），蔣介石當然唔希望自己的收場會是如此，大不了玉石俱焚一鑊熟（反正都係要死），繼續要中國生靈塗炭，我諗呢個係佢當時嘅諗法。蔣介石嘅意志堅定，令佢成為最後嘅勝利者，流芳百世，佢嘅競爭者汪精衛則成為中國史上最大嘅漢奸，遺臭萬年；兩者嘅分別係天同地，但事實上，中日戰爭中蔣介石嘅最後勝利某程度上係運氣嘅主宰（或美國主宰），但運氣眷顧佢到1945，仍無法堅持到1949，萬物離散，其實冇人能夠預計邊隻馬可以首先衝過終點？政治亦冇可能係非常長遠嘅佈局，政治只係解決當前問題嘅方法，未來係點，冇人知道；手頭嘅事都做唔完，明日嘅事冇可能兼顧得到，情況大致如此，所以我從來唔相信陰謀論，反而認為好多事純粹出於偶然。中日之間嘅調停工作一直喺背後進行中，但中國同日本都唔積極媾和，中華民國唔想講和，理由上邊已經提過；至於日本全面佔住上風，亦冇必要同下風者有太多討價還價。侵華戰爭嘅困難度，的確比日本原先想像嘅大，不過並未大到可以令佢哋有所顧忌。我個人亦都非常相信，去到1938年，日本東京最高指揮當局，早已經將注意力集中向將要發生嘅太平洋戰爭之上，侵咯中國可能只係小菜一碟。 1938年1月1號，蔣介石辭去行政院長職位，由孔祥熙（1880-1967）繼任，唔係孔祥熙就係宋子文，唔係宋子文就係孔祥熙，唔係孔祥熙就係宋子文，唔係宋子文就係孔祥熙…………一笑。同日，上海女子大學創立，校長係吳志驀，1月2號，日本23架飛機入侵南昌上空，被中國空軍擊落1架；1月3號，朝鮮、臺灣各地中國領事館被逼懸掛五色旗，中國駐日大使館向日本政府提出嚴正抗議。響日本人眼中，中華民國政權已經更替成功，蔣介石政權已經變成流亡政府。今日，作曲家冼星海（1905-1945）等喺武漢組建文化界行動委員會，上海中國國際無線電臺被日方強行接受，1月5號，電臺華籍職工全體撤退。1月5號，蘇聯志願軍空軍百幾人抵達武漢，加入中國空軍對日作戰，史太林打擦邊球，我講過，如果蘇聯全面介入，支持中國抗戰，整個歷史可能就咁改變，起碼日本人唔會夠膽咁快發動太平洋戰爭打美國，史達林如果真係開東西兩條戰線，一條抵抗日本，一條抵抗納粹德國，蘇聯唔玩完就奇鳥。 1月6號，根據國共達成協議，新四軍軍部今日喺南昌成立。隨後，江西、福建、浙江、湖南、廣東、湖北、河南、安徽等八個省13個地區嘅紅軍遊擊隊相繼統一集結，整編為「新四軍」，全軍合共10300人，規模其實相當細，只能夠打遊擊，冇可能投入大型戰事。新四軍軍長係葉挺（1896-1946），副軍長為項英（1898-1941），參謀長張雲逸（1892-1974）。下轄四個支隊，第一支隊司令員為毛主席最信任嘅人陳毅（1901-1972），第二支隊司令員張鼎丞（1898-1981）、第三支隊司令員張雲逸、第四支隊司令員高敬亭（1907-1939）。年半之後，1939年6月24號，高敬亭喺安徽肥東縣青龍場被槍決，罪名係反黨，佢亦係迄今為止中共内最後一名以「反黨」罪名被處死嘅高級幹部。1977年被平反，恢復名譽。 #常威💀 #蔣介石平反系列 #佛經抄寫員 #中日戰爭 #民國歷史 https://www.instagram.com/p/CpM82KLvpdE/?igshid=NGJjMDIxMWI=

#常威💀#蔣介石平反系列 #佛經抄寫員 #中日戰爭 #民國歷史

5 notes · View notes

thyele · 1 year

Text

2023年3月5日

aieさん「遂に今夜・・・。移動型トートバッグ配布集団による「博士は死人を飼育する2023」ツアーファイナル、渋谷 LOFT HEAVEN 18時開幕・・・。 https://t.co/WVZZ3iym6m https://t.co/8dlzpGmhBD」https://twitter.com/THEGOD_aie/status/1631844755993935873

カッチンさん「アーティストKISAKIの30周年Anvのこのアルバムに楽曲提供で参加させてもらってます。癒し担当でww♬ 今までのキーたんを知る人にはだいぶ世界観が違うかもやけどねww 30年攻めてきたキーたんの今回のアルバムええぞー✨ 攻め切ってる💥🤩」https://twitter.com/KK_paradox/status/1630921592070107138

DAISHIさん「KISAKIバンド活動30周年おめでとうございます！ Psycho le Cémuのボーカルとして1曲参加してます。お互い本当に長い付き合いになりますが、もう30年にビックリ！ KISAKI君は姫路出身の僕のバンドをよく大阪のイベントに誘って貰ったのが昨日の事のようで懐かしいです。 #KISAKI #PsycholeCému https://t.co/luRVu3UOD2」https://twitter.com/daishi_kajinaga/status/1630870617686949888

樹威さん「こちら今回参加させていただき、そして久々に歌わせていただきました！よろしくお願いします！」https://twitter.com/Jui_gotcharocka/status/1631280688375934976

ひなたofficialさん「【2daysゲスト出演！】「第2回ソフトテニスドリームプロジェクト」 3/4(土)、3/5(日) アオーレ長岡アリーナ ※当日券あり！ https://t.co/XdLte1nKWW」https://twitter.com/HinataLive/status/1631658325862682624

首振りDollsさん「https://t.co/ezAxK1wFKL」https://twitter.com/KubihuriDolls/status/1631847218004267010

gibkiy gibkiy gibkiyさん「【本日12:00発売開始】 [MAMADE of SUGAO 2023 -part 2-] 鬼ビッグイベブトのチケット情報(東京都) - イープラス https://t.co/vIkrPkeHCl」https://twitter.com/gibkiy_official/status/1631847363559182336

都啓一さん「5分の２ちゃんねる全国ツアー開催決定しました！ SOPHIA 5分の2ちゃんねる　ふたりぼっち Vol.1 各種先行あり。詳しくはSNS等でお知らせいたします。チケット料金¥6,000 ドリンク代別発売日　6/25（日）10:00～ https://t.co/K8df5CvtkI」https://twitter.com/Rockparty71/status/1631637917708984322

SOPHIA_OFFICIALさん「🌻いよいよ本日🌻 「MTV Unplugged 　　　　Presents: SOPHIA」会場にいらっしゃる方もライブビューイングの方も MTVでの生中継をご覧になる方も SOPHIA初のアコースティックライブ心ゆくまでお楽しみ��ださい✨ https://t.co/8Ll0Da845U #SOPHIA https://t.co/iG4SQFZ9z6」https://twitter.com/SOPHIA_OFFICIAL/status/1631850116821975040

RYUICHI KAWAMURA INFOさん「【RKF MEETING in Okinawa　決定！】今年のRKFツアーは沖縄に決定！日程：2023年7月8日(土)〜10日(月)　2泊3日詳細は後日お知らせいたします。」https://twitter.com/RYUICHIinfo/status/1631852061334843393

OCEANS（オーシャンズ）さん「＼深川めし『番外編』／ 🗣️河村隆一肉体改造計画を語る POINT ❶河村隆一を悩ませる「リバウンド問題」 ❷河村隆一が語る、マッスルの世界 👇日本屈指のボーカリストが実践する、深くてアツい筋肉トークはこちらから（動画も） https://t.co/wJseCpoeQf https://t.co/OxYVLV2OyL」https://twitter.com/OCEANS_mag/status/1631851971081564162

森翼mori tsubasa/MIMIZUQさん「アオーレ長岡。音むすびロンTで参加。ソフトテニスのイベント。アリーナ。久しぶりにすべり台歌ってきます。 #新潟 #十日町からの長岡 #ひなた #森翼 https://t.co/x2sd0gmHkd」https://twitter.com/mori_tsubasa/status/1631857775109357569

KING OFFICIALさん「【TODAY】 2023.3.4(土)仙台マカナギンギラバンド雪に挑む！開場18:00 / 開演18:30 ■入場チケット ¥5,000 / ¥5,500 (別途D代) [入場順] ①→②→③整理番号順入場 ※整列は開場10分前からか https://t.co/cOmtPTppbU」https://twitter.com/KINGOFFICIAL114/status/1631859825239019520

KING OFFICIALさん「【TOMORROW】 2023.3.5(日)新潟GOLDEN PIGS ギンギラバンド雪に挑む！開場17:30 / 開演18:00 ※配信なし ■入場チケット前売¥5,000 / 当日¥5,500 (別途D代) ①ギンギラバンド予約 [email protected] ②他出演者予約 ③お店予約 [入場順] ①→②→③整番順入場＊開場10分前から整列可 https://t.co/X9vHuStkbT」https://twitter.com/KINGOFFICIAL114/status/1631859875038007296

KING OFFICIALさん「【KING WEB SHOP】 ■チェキ公演当日21:00まで https://t.co/O4cjT66UHp ※受付期間後は、フォームが開いてる間は、ご注文承ります。お忘れの方は、ご注文いただいて大丈夫です。 ■KING NEW ALBUM 〝CRY OUT TO HEAVEN〟 https://t.co/epgpeQqgtO ■通常通販 https://t.co/ERDSYYIonH https://t.co/Dp5QM5KRro」https://twitter.com/KINGOFFICIAL114/status/1631859916767137793

魚住英里奈(独唱)さん「本日大久保ひかりのうまに8周年記念にて独唱します。大好きなひかりのうま8周年おめでとうございます。」https://twitter.com/erina_chas/status/1631860535603118081

Ryuichi Kawamura officialさん「RKF沖縄旅行日程が決まりました🫶🏻 ブログ更新しました！ https://t.co/93kTOcKIXV」https://twitter.com/RyuichiKawamur2/status/1631860645590360064

seekさん「凡思社企画「博士は死人を飼育する第三回」 3月4日(土)渋谷LOFT HEAVEN OPEN/START17:30 / 18:00 桜井青（cali≠gari/LAB.THE BASEMENT） aie（deadman/the god and death stars/gibkiy gibkiy gibkiy） seek（Psycho le Cemu/MIMIZUQ）当日券有ります👨‍🔬💀🐟🪣 配信 https://t.co/d4KNuxh73H https://t.co/74kE9LgAM8」https://twitter.com/seek_bonshisya/status/1631862980941058049

Ryuichi Kawamura officialさん「R R R✨ https://t.co/8MT3RRCIVt」https://twitter.com/RyuichiKawamur2/status/1631863248583798784

慎一郎&杏太さん「2023.5.3(水)EDGE Ikebukuro 杏祭りvol.2~皐月ノ音~ 出演バンド夕凪に朱く燃ゆ (Vo慎一郎、G杏太、B ツブク“Mashoe”マサトシ/The Benjamin、Piまぐろ、Dr桐/heidi.) ホタル /IOLITE/コウモリ達の夜会/杏太ソロ/透×杏太/デンタクfeat杏太 16:30/17:00 3/18(土) 10:00〜 https://t.co/rukX1Tu7Qx」https://twitter.com/enishitickets/status/1631611219110154241

悠歌-youka-【IOLITE -ｱｲｵﾗｲﾄ-】さん「■Live Information■ (New!!) 2023/05/03(水/祝) 東京・池袋EDGE 【杏祭り vol.2 ～皐月ノ音～】 ■open 16:30 / start 17:00 ■adv. ￥5,000 / door ￥5,500 (D別) 《チケット取り扱い》 A. e+ (イープラス) https://t.co/SnZfQCamlC ※03/18(土) 10:00～受付開始 B. 当日券《入場順》 A ⇒ B https://t.co/YyQequ6Bz2」https://twitter.com/lament_youka/status/1631612263089209349

杏太(りょーた)さん「自分が関わってるバンドやユニットをほぼ出演するイベント、杏祭りを今年もやります！！気愛いりますが楽しんで貰える様に頑張ります！何卒です！」https://twitter.com/ryotaprsg/status/1631613554834165760

金髪豚野郎K助(偽殿下)さん「15曲ひととおり流したけどめちゃしんどいやん速い曲ばっかやん (知ってたけど) 打撃数でいうと他のバンドの倍は叩いてるな速いメタルやパンクを50歳過ぎて演ってるドラマーまじリスペクト身体大事にしてくださいわたくしは今全身が痛いです (°_°)」https://twitter.com/goldenpigdrumer/status/1631879546382450688

￦ТЯさん「顔面が究極に格好いい人達の罪深カレンダー貰いました😊 個々の良さが出てる凄く良い写真なので会場物販限定なのが勿体ないくらいです… チラッと私も入れて貰えてて有難いやら申し訳ないやらです😭 改めて一夜だけでもムMUNIMUNIに入れて贅沢な時間でした。カボチャの月が気になりませんか(笑) https://t.co/wG4owusGbr」https://twitter.com/dqr_v/status/1631594655040303105

MIYAVIさん「🕺🕺 https://t.co/6Uik4HJwzr」https://twitter.com/MIYAVI_OFFICIAL/status/1631881518695194624

森翼mori tsubasa/MIMIZUQさん「歌い終わって、へぎ蕎麦とタレカツ丼。十日町と長岡。楽しい新潟2DAYSでした。ありがとう。また帰ってくるね。窓の向こう、あれがノコギリ山かな。ひなたが教えてくれたやつかな。ときに乗って東京へ向かう。 https://t.co/PR1uz1CIzS」https://twitter.com/mori_tsubasa/status/1631882280707960832

ぴろんさん「昨日は十日町キナーレで森翼と。つーちゃんとこのタイミングで一緒にキナーレへ帰れて良かった。明石の湯はいろんな楽しい思い出が沢山。昨日もめっちゃ楽しかった。楽しすぎて声もキナーレに置いてきちゃった。みんなが一緒に歌ってくれて嬉しかった。ありがとう。最高のひなまつりでした☺️ https://t.co/cxRp1meQ2r」https://twitter.com/piron0817/status/1631882009030316034

えゐむさん「3/3東高円寺二万電圧のろゐみこでした。カマしました。お客さんの楽しそうな姿がグッときた。本当にありがとうございました。マクラカ壊死さんめちゃくちゃカッコ良かった。爆音だった。プログレってた。本当にありがとうございました。二万電圧…好きっす。本当に本当にありがとうございました！ https://t.co/sYa6lbMGAm」https://twitter.com/pan_da_panda317/status/1631777388173594625

SOBUT ひーくん並木秀洋さん「今日も皆んなで肉体労働ダー🌈 ポカポカ https://t.co/ijUxBxamh7」https://twitter.com/jx6ZY1NlZHJgGaK/status/1631888200024350721

Yoshikiさん「新曲 #CrazyLove ギリギリ間に合った。。この後、初披露！ @xy___official そして @YoshikiChannel に出演！ #YOSHIKI #XY #マイナビTGC #TGC #TokyoGirlsCollection #yoshikisuperstar #YOSHIKIオーディション #YOSHIKICHANNEL #東京ガールズコレクション https://t.co/lbz32onRqN」https://twitter.com/YoshikiOfficial/status/1631906999784083456

Deshabillz2023年4月29日(土) 名古屋 MUSIC FARMさん「今日はスタジオてとこに来てみたがやる事がない！押忍！笑 https://t.co/XLjswIS56I」https://twitter.com/Deshabillz2022/status/1631911013095448577

lucy+peter=esolagoto / 中村真悟さん「昨晩はluin、有難う御座いました♪ MiMiさん改めて御誕生日おめでとう御座います🍰🍰🍰 愛に溢れた素敵な夜でした！MiMiさんバンドは勿論の事H&Mさん、デンタクさんも恰好良くて・・・！時間があっと云う間でした。zoisite様のフリーペーパーも好評で嬉syyです♪まだの方は是非御ゲットくださいまし！」https://twitter.com/lucy_peter/status/1631911539837128704

YOSHiPONさん「昨夜のluinありがとうございました！あっという間でしたがライブはいいね冊子受け取ってもらえたかな？どーでもいいけどサイン変えましたw MiMiさんお誕生日おめでとうございました🎂」https://twitter.com/YOSHIP0NxxxTOR/status/1631898246179336192

Sakura 櫻澤泰徳 Yasunori Sakurazawaさん「次の機会では岸君と改めますね。そして、都市伝説とドラムサウンドについてのマニアックな話で一献共にしたく思います！」https://twitter.com/sakurazawa/status/1631920682723590144

のろゐみこさん「withマクラカ壊死 Chu! ぶれすぎてごめん(えゐむ) https://t.co/4mMwyesgQj」https://twitter.com/noroimico/status/1631923235611869186

leaya(бвб)さん「覇叉羅弾いてきた明日も頑張る(º_º) https://t.co/9HUjR0ZERn」https://twitter.com/leaya_bass/status/1631927960377892864

UNCLOCK LOVER2020さん「Next Live 2023.3.6(月)池袋EDGE 出演 UNCLOCK LOVER / 君は鋭く。/ BRANDROID / Neo Atomic Motor / AISARE 会場住所東京都豊島区南池袋1-23-6 KDG池袋ビル B2 開場/開演 17:30/18:00 チケット代 ¥4,000/¥4,500(D代別) チケット下記リンク先メールフォームより予約↓ https://t.co/xzNfmL7004 https://t.co/9FR44XWlAW」https://twitter.com/UNCLOCK_LOVER20/status/1631936875572400131

UNCLOCK LOVER 頼田陵介さん「明後日✌️ コージさんKenさんもいる😊 久しぶりだ✨」https://twitter.com/yorita_ryosuke/status/1631938540039970817

モデルプレスさん「MIYAVI「関西コレクション 2023 S／S」で圧巻のギター演奏響かせる ▼他の高画質写真も多数掲載中・記事詳細はこちら https://t.co/kHX8zytUen #関西コレクション #関コレ @kan_kore @MIYAVI_OFFICIAL」https://twitter.com/modelpress/status/1631937310643343360

MIYAVIさん「🙏🏻🙏🏻😌🎸」https://twitter.com/MIYAVI_OFFICIAL/status/1631939908792352768

LOVE FOR NIPPONさん「本日3/4の朝日新聞 #土曜be フロントランナーにキャンドル・ジュンのインタビューが掲載されました！ web版でもお読みいただけます。ぜひご覧ください。 ▼アーティスト、キャンドル・ジュンさん誰かのために、ともし続ける https://t.co/xCeE5sfdqz #LOVEFORNIPPON #SONGOFTHEEARTH311 #CANDLEJUNE」https://twitter.com/LOVEFORNIPPON/status/1631949427664637955

西邑卓哲 | 𝗔𝗖𝗠：：：さん「https://t.co/fpOzyyKVzB」https://twitter.com/takaaki_FOXPILL/status/1631955410654724096

0 notes

historysandwich · 2 months

Text

【常威近代史】（八百三十四回）

文化工作委員會

1940年9月23號，第七戰區司令長官張發圭(1896-1980)命令所有部隊進軍越南高平省以南，襲擊鎮南關西進之力日軍。9月24號，上海公共租界公共汽車公司1700人罷工。9月25號，日軍登陸越南海防，佔領諒山，中國西南最後一條國際通道被阻塞，其實係好大件事！9月28號，教育部頒佈《推行家庭教育辦法》，並在四川白沙、北碚兩地設實驗區。9月30號，韓德勤(1892-1988)調集15000人進攻蘇北黃橋嘅新四軍！

9月30號，重慶舉行陪都建立盛大慶祝活動。早響9月6號，國民政府已經頒佈命令，正式決定重慶為陪都。命令內稱呼重慶為「戰時蔚成軍事政治經濟之樞紐」，「戰後自爲西南建設中心」。

亦向9月30號，日本飛機再次轟炸昆明，同一日，天津英法租界當局將中國電話局移交日本。今個月，各公立大學學院統一招生，共收新生5000多名。艾青(1910-1996)詩集《曠野》出版。艾青原名蔣正涵，號海澄，曾用筆名莪加、克阿、林壁等，浙江金華人，被認為是中國現代詩的代表詩人之一。

今個9月，亦發生咗中央研究院院長補缺風波，今個月，朱家驊(1893-1963)被任命為代理中央研究院院長，半年來嘅中研院院長補缺風波始告平息。今年3月5號，蔡元培先生(1868-1940)喺香港病逝，中華民國中央研究院院長出缺，需要補選。按照程序，應該由中央研究院嘅評議會推選候選人，再由國民政府遴選任命。其實學術界矚目嘅候選人一共有三個，當中包括胡適(1891-1962)、翁文灝(1889-1971)同朱嘉驊，唔使多講當然以胡適呼聲為最高。另外孔祥熙亦唔滿意胡適當駐美國大使，想以顔惠慶(1877-1950)取代佢。蔣介石只響選舉前兩天，親自下條子，要「舉顧孟餘(1988-1972)出來」。響正式選舉前進行嘅第一次「熱身投票」中，身在海外嘅胡適得票率頗高，社會上一度有「胡適就要回國擔任中研院院長」嘅傳言。不過到咗評議會正式選舉嘅結果係爆冷，翁文灝同朱嘉驊各得24票，胡適得20票。最後因為朱家驊更受蔣介石信任而當選中央研究院院長一職，胡適繼續擔任中華民國駐美國大使，直呈1942年9月8日。

另外今個月，文化工作委員會籌備就緒。以郭沫若(1892-1978)為首嘅軍事委員會政治部文化工作委員會嘅成立籌備工作已經就緒。10月1號，委員會成立並開始工作，委員會由郭沫若任主任，陽翰笙(1902-1993)、謝仁釗(1905-1978)任副主任，專任委員有茅盾(1896-1981)、杜國庠(1889-1961)、田漢(1898-1968)、洪深(1894-1955)、翦伯贊(1898-1968)等10人，兼任委員有老舍(1899-1966)、陶行知(1891-1946)、侯外廬(1903-1987)、鄧初民(1898-1981)、呂振羽(1900-1980)等等，真正星光熠熠。

國民黨本月改組政治部，撤銷咗以郭沫若為廳長嘅第三廳。而周恩來(1898-1976)則向新任政治部部長張治中(1890-1969)表示，中共將會邀請這批原屬於第三廳嘅文化人去延安。蔣介石聽到消息，猶疑起來，是立刻召見郭沫若等，表示要成立研究文化工作嘅文化工作委員會，亦請郭沫若主持。周恩來認為，文化工作委員會同樣可將文化人團結起來，發揮其巨大嘅作用，筆幹子雖然不及槍幹子，但當時嚟講，文人的確有其威力，起碼響意識形態貢獻方面，文人地位舉足輕重。你估今時今日咩？

文化工作委員會成立之後，多次舉行文藝演講會、新詩、戲劇座談會和民歌演唱會，呢個委員會主辦嘅講座，亦受到陪都青年們嘅歡迎。

1940年，歐洲嘅戰爭亦進入白熱化，自從1939年8月31號，希特拉進攻波蘭開始，響短短嘅一年之內，納粹已經攻佔咗丹麥同挪威，拿下荷蘭、比利時同盧森堡。之後勢如破竹，突破馬奇諾防線(Maginot Line)，攻入法國，法國投降，希特拉去到巴黎鐵塔之下耀武揚威，佢1940年嘅3月6月期間，亦發生咗可歌可泣嘅鄧九克大撤退，幾十萬英法聯軍安全徹退到英倫三島。短短一年之間，希特拉控制咗整個歐洲。

當時佔領咗整個歐洲嘅希特拉，口口聲聲要打英國，派出空軍不斷轟炸倫敦，其實響度聲東擊西，喺個腦裏面，希特拉已經制定咗「巴巴羅莎」計劃，預備一舉拿下蘇聯。1940年嘅5月，希特拉已經暗中秘密調送47個師去到德蘇邊境，隨時預備發難。蘇聯史太林早前同納粹德國簽訂《德蘇互不侵犯條約》，一齊瓜分波蘭。但史太林萬萬想唔到，希特拉嘅真正目標係莫斯科！可能史太林都估到，但估唔到咁快？世事的確冇如果，如果1940年希特拉選擇唔開東線打蘇聯，同蘇聯保持一段長時間嘅友好關係，個世界又會變成點呢？

總而言之，1940嘅世界，已經進入全面戰爭嘅狀態，冇人能夠返轉頭……

#常威💀 #蔣介石平反系列 #佛經抄寫員 #中日戰爭 #中華民國

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

0 notes

historysandwich · 2 months

Text

【常威近代史】（八百三十四回）

文化工作委員會

今個9月，亦發生咗中央研究院院長補缺風波，今個月，朱家驊(1893-1963)被任命為代理中央研究院院長，半年來嘅中研院院長補缺風波始告平息。今年3月5號，蔡元培先生(1868-1940)喺香港病逝，中華民國中央研究院院長出缺，需要補選。按照程序，應該由中央研究院嘅評議會推選候選人，再由國民政府遴選任命。其實學術界矚目嘅候選人一共有三個，當中包括胡適(1891-1962)、翁文灝(1889-1971)同朱嘉驊，唔使多講當然以胡適呼聲為最高。另外孔祥熙亦唔滿意胡適當駐美國大使，想以顔惠慶(1877-1950)取代佢。蔣介石只響選舉前兩天，親自下條子，要「舉顧孟餘(1988-1972)出來」。響正式選舉前進行嘅第一次「熱身投票」中，身在海外嘅胡適得票率頗高��社會上一度有「胡適就要回國擔任中研院院長」嘅傳言。不過到咗評議會正式選舉嘅結果係爆冷，翁文灝同朱嘉驊各得24票，胡適得20票。最後因為朱家驊更受蔣介石信任而當選中央研究院院長一職，胡適繼續擔任中華民國駐美國大使，直呈1942年9月8日。

文化工作委員會成立之後，多次舉行文藝演講會、新詩、戲劇座談會和民歌演唱會，呢個委員會主辦嘅講座，亦受到陪都青年們嘅歡迎。

總而言之，1940嘅世界，已經進入全面戰爭嘅狀態，冇人能夠返轉頭……

#常威💀 #蔣介石平反系列 #佛經抄寫員 #中日戰爭 #中華民國

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

0 notes

historysandwich · 2 months

Text

［常威近代史］第八百三拾三回儲蓄是個好習慣（高清錄音版）

#唔鍾意睇字可以聽

https://fb.watch/qkePLWxjtG/?mibextid=Nif5oz

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

0 notes

historysandwich · 2 months

Text

【常威近代史】（八百三十三回）

儲蓄是個好習慣

時間先去到1940年嘅9月，9月1號，張治中(1890-1969)繼陳誠(1898-1965)任國民黨軍事委員會政治部部長。張治中，字文白，安徽廬州府巢縣人，國民革命軍二級上將，曾任湖南省政府主席、國民政府軍事委員會政治部部長兼三民主義青年團書記長、新疆省政府主席，曾主導參與多次國共和談。1947年在原籍安徽省巢縣當選為第一屆國民大會代表。原為中國國民黨黨員，與政學系關係密切。1949年6月宣佈脫離中國國民黨，後加入中��國民黨革命委員會，任民革中央副主席。中華人民共和國成立後，歷任中央人民政府委員、西北軍政委員會副主席、中華人民共和國國防委員會副主席，於第三屆全國人大常委會副委員長任上病逝。

同日，河南尉氏、太康等縣黃河新道多處缺口，水災嚴重。今日，國民參政會憲政期成會向，正在舉行嘅參政會第五次大會提出《中華民國憲法草案(五五憲章)修正草案》。1939年9月召開嘅國民參政會一屆四次會議中通過咗《召集國民大會實行憲政案》，此後憲政其成會一直致力於推動憲政進程。但《修正草案》遭到國民黨代表嘅反對。今個月18號，國民黨中常會決議，因戰時交通不便，國民大會嘅召集日期應暫時不予決定。

9月3號，中國軍隊剋服廣西龍州北關。9月4號，美國記者太平洋考察團抵達重慶。9月6號，昆明至河內無電話通話。9月6號，由全國節約建國儲蓄運動委員會、全國節約建國儲蓄勸儲委員會，共同發起組織嘅節約建國儲蓄團，今日下午喺重慶成立。節約建國儲蓄團團長孔祥熙(1880-1967)致詞，提出欲��成抗戰建國嘅既定國策，必須動員全國人力、財力、物力，而最有效嘅方法就係厲行節約，廣泛儲蓄。蔣介石並且發表《告全國同胞書》，節約建國儲蓄運動由此發起。時局艱難，籌旗非常重要，唔單止人需要跑山，一個國家亦需要跑山救命。俗語有云，錢唔係萬能，但係冇錢就萬萬不能，尤其是打仗，係一個瘋狂燒錢活動，少個崩都唔得掂。做人冇錢可以破產，從頭嚟過。但係打仗冇錢，就係人頭落地，國破家亡，種族滅絕！

抗日戰爭，抵抗外敵，投入全國人力物力，窮人當兵上戰場掘地雷，富人要保命，則要付出財產支持國家金融穩定，其實無可厚非，一場公平交易。不過，既然有付出，自然想得到理想回報。但當回報不似預期，或覺得付出比回報大得多，就會周身唔聚財，個心唔舒服。戰爭期間，生死存亡之際，當然冇人敢出聲。但戰爭完結後，鬆一口氣後，就希望有回報，至少能夠取回之前壓下去的寶，最低限度收回成本。但高手一個財技乾坤大挪移，將人民血汗淺化為烏有，最慘係有人袋袋平安，中飽私囊，人民難免怒火衝宵，不過那是後話，清明未到，留待拜山先講。

永遠記得睇過本書叫《一個德國人的故事》，講一個德國人點解支持納粹？主人翁本來係一個平平無奇嘅普魯士公務員，工作大半生，儲夠錢退休。但第一次世界大戰後，德國馬克因為華爾街有人玩財技大幅貶值，存摺裏面，本來夠過埋下半世嘅退休金只係夠買半磅麵包，一生勤勞化為烏有。於是乎有個癲佬政客叫希特拉，話佢聽可以復興偉大的日爾曼民族，奪回佢哋失去嘅一切同埋榮耀，同埋向猶太人報仇。於是，嗰位仁兄就成為咗納粹嘅信徒，事情就係咁簡單，唔係好複雜。世界上並冇無緣無故的愛，亦冇無緣無故嘅恨。

9月7號，《新華日報》報導，四川省米價飛漲，6月間為10元1舊斗，去到9月，已經漲到30元1舊斗(一斗米約7公斤kg左右)，短短兩三個月，米價上昇三倍，顯然係供不應求，人民生活亦必定水深火熱，因此必須控制。有見及此，兼任四川省主席嘅蔣介石發表《告全國同胞書》，決定實施糧食管理，以解決米荒。四川省自本年2月以來，糧食價格一漲再漲，民眾心理日益恐慌，少數有錢人富豪囤積居奇，有存貨但唔肯出售，一於待價而沽，正是硃門酒肉臭，路有凍死骨，真正仆街冚家鏟，難怪後來要鬥地主，大家心裏都係明白嘅。加上今年四川糧食已經失收，市場米糧短缺，價格自然不斷攀升。四川省政府要求農民出售餘糧，並且警告囤積居奇將會受到懲罰，但措施實施之後，糧荒狀態仍未能根本好轉。

9月11號，中國軍隊炸毀滇越鐵路河海鐵橋，以阻止日軍由越南沿該路入侵雲南省。9月12號，成都、康定無線電話通話。9月16號，日本再次轟炸重慶，中國空軍起飛迎敵，於戰鬥中損失16架飛機。同一日，法國軍警喺上海擊斃孤軍營內軍人50餘名，次日中華民國外交部向法國領事提出嚴重抗議。大家千萬要記得，上海法租界仲有一支中華民國孤軍死守，到咗今日已經進入第三個年頭。

9月17號，朝先獨立黨喺重慶組織光復軍，抵抗日本軍國主義者，除咗有日本人自己，仲有朝鮮人。9月18號，晉綏解放區《抗戰日報》喺興縣創刋。9月20號，郵政總局於抗戰開始後首次調整郵費，國內平郵信件郵費由5分增加至8分，漲價幅度驚人，不過理應體諒，戰爭期間仍然保持郵遞服務，其實難度相當高。9月23號，國民政府外交部抗議日本、法國關於越南事件嘅「法日協定」。

#常威💀 #蔣介石平反系列 #佛經抄寫員 #中日戰爭 #中華民國

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

1 note · View note

historysandwich · 3 months

Text

【常威近代史】（八百三十二回）

百團大戰

1940年8月20日，170架日本轟炸機再度瘋狂轟炸重慶，市區發生大火，不經不覺，日本利用空軍轟炸重慶已經維持咗一段長時間，有殺錯冇放過，幾多無辜平民百姓被炸死，根本無從統計。重慶蔣介石重慶政權面對空前壓力，加上英國人法國人出賣佢(其實都唔可以叫出賣，大家講利益啫)，滇緬公路被封鎖，法國讓出殖民地越南供日軍出入補給，重慶已經成為孤島，仲守得幾耐亦根本冇人知道？日本人嘅想法亦都好簡單，打殘你蔣介石，汪精衛偽政權就會成為中華民國唯一合法政權，咁就一天光曬。不過除咗蔣介石重慶政權，神州大地上仲有中共嘅新四軍同八路軍，侵華戰爭已經到達第三個年頭，日本人亦都從來冇諗過戰事可以拖到第三年，中華民族嘅頑強同韌力出乎日本人嘅意料之外。中國地大物博，人又多，日本人以為好易啃得落，點不知道反而鯁咗骨，被拖入泥漿之中打摔角。

更加大鑊嘅係，由於日本人發動侵華戰爭後陷入進退維谷之境，同美國嘅關係亦都日趨緊張，彼此雖然係世仇(係美國人用黑船教日本仔著底褲架)，但係兩個超級大國相隔一個遼闊嘅太平洋，地緣上大家可以各有各做，你唔理我，我唔理你，打吓咀炮過吓癮，其實都可以，無謂動刀動槍。歐洲嗰邊打生打死，其實日本大可以置身事外(其實美國都可以)。偏偏美國唔願意放棄響東方嘅龐大利益，口頭上同實質上都大力支持蔣介石政權苟延殘存，成為蔣介石背後嘅大金主。日本人簡直覺得你多舊魚，所以與其打蔣介石，不如直接打你羅斯福，偷襲你夏威夷珍珠港！重申一次，今時今日睇返日本人向美國發動戰爭，係以卵擊石！但係當時嚟講，未被閹割前嘅日本海軍力量絕對不在美國之下，更加唔好講之後決定性一戰中途島戰役嘅偶然性同幸運成份。(命運之神要站在美國一方，就叫天意)

8月20號，中日戰爭中，鼎鼎大名嘅「百團大戰」拉開序幕，八路軍105個團從今日夜間出發，響總部嘅統一指揮下，同時向正太路、同蒲路、平漢路嘅日偽軍據點發動猛烈攻擊。依一次行動嘅目的，係要徹底切斷正太路交通，以消除日偽軍進行嘅「囚籠政策」，消除日軍對華北抗日根據地嘅威脅。

1939年3月，日本華北方面軍司令多田駿(1882-1948)制定咗「囚籠政策」，以鐵路為柱，以公路為鏈，以碉堡為鎖，輔之以封鎖溝(即係戰壕)、封鎖牆從日軍控制地區向抗日根據地構成網狀嘅囚籠！一年以嚟，日軍響華北修復修築鐵路1870公里、公路15000公里，興建新碉堡，建立2700多個據點，日軍憑住呢啲設施對抗日根據地進行咗多次嘅分區「掃蕩」、「清鄉」同埋「蠶食」。

百團大戰開始之後，晉察冀軍區19個團，5支遊擊隊先後攻剋娘子關同埋井陘新礦，佔領東王含、北峪、乏驢嶺等車站同據點，129師10個團同炮兵團，向正太路嘅平定至榆次段發起進攻，攻剋蘆家莊、桑掌、上湖、張凈，並搶佔咗陽泉西南嘅獅堖山高地。數日之間，129師控制咗正太路西段除陽泉、壽陽以外嘅大部分對點。120師20個團破襲咗同蒲路北段同汾離、太汾，公路等主要公路線，攻剋陽方口、康家會、豐潤村等地。在此期間內，平漢、同蒲、德石、北寧、白綏、津蒲等鐵路線上嘅日偽軍據點，遭到八路軍大規模破襲。一時間，正太路完全癱瘓，平漢、同蒲路中斷，井陘煤礦停產。

根據八路軍總部徹底摧毁正太路同同浦路忻縣至朔縣段嘅部署，百團大戰嘅第二階段喺9月20號開始。晉察冀軍區8個團、3支遊擊隊2個獨立營發動淶丘戰役，先後攻佔三甲村、東��堡、南坡頭同搶風嶺。129師8個團進攻榆遼公路，一度佔領榆社城。120師對同蒲路北段發動攻擊，令到同蒲鐵路再次中斷。冀中軍區多次進攻任丘、河間、大城。冀南、太行、太嶽軍區部隊亦投入了破襲戰。百團大戰，中共將領彭德懷(1898-1974)一戰成名！戰事持續到1941年1月尾先正式結束。百團大戰中，日軍亦用了戰爭公約所禁止嘅毒氣與生物武器展開反撲。

百團大戰打響後彭德懷得到中共中央嘉獎，事後仲榮獲國民政府頒發獎章和蔣介石親自發出嘉獎令。但後來彭德懷也一度受到毛澤東等人批評，認為佢冇執行毛澤東嘅抗戰相持時期軍事戰略（即「山地游擊戰為主，可能條件下進行陣地戰，避免大規模決戰」），打成「消耗戰」，過早暴露和不必要犧牲咗中共領導一些抗日力量。為此彭在華北座談會上被批了40天，文革中挨批時造反派材料中出現咗「彭德懷幹這麼大事也不和我商量，我們的力量大暴露了，後果將是很壞」說法，不過當代已經予以平反。

8月21號，上海《大美晚報》，編輯程振章被汪偽特務刺殺。8月22號，夏衍(1900-1995)主編嘅《野草》喺桂林創刋。8月23號，中國軍隊剋服娘子關。8月24號，韓德勤部隊20個團猛攻姜堰、曲塘、南安一帶嘅新四軍。8月27號，廣東南上、下川島被中國軍隊收復，同日，上海英軍撤退回國。8月28號，國民政府譴責法國允許日本假道越南侵華。8月29號，中動向國民黨最高國防會議提出四項要求，包括遷都蘭州、改組行政院、調整中央及地方人事外交一元化，當然悉數被國民黨所拒絕。

1940年8月於焉結束。

#常威💀 #蔣介石平反系列 #佛經抄寫員 #中日戰爭 #中華民國

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

0 notes

historysandwich · 3 months

Text

［常威近代史］第八百三拾一回非常時期非常做法（高清錄音版）

#唔鍾意睇字可以聽

https://fb.watch/p_36tBWDy9/?mibextid=2JQ9oc

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

0 notes

historysandwich · 3 months

Text

【常威近代史】（八百三十一回）

非常時期非常做法

時間先去到1940年嘅8月，8月1號，冀南、太行、太嶽，三個解放區成立統一嘅行政聯合辦事處，簡單啲嚟講，即係成立政權(蘇維埃)，國民黨蔣介石一直提防中共擴張勢力，不過亦都無能為力。兵荒馬亂，佢自己退守大後方重慶，泥菩薩過江自顧不暇，其實仲邊有能力抑壓中共勢力不斷坐大？8月1號，修建接近8年嘅國立中央圖書館喺南京開幕，館長係蔣復璁（1898—1990），蔣復璁係浙江省海寧人。北京大學哲學系畢業，曾公費到德國柏林大學進修圖書館學。曾任職國立北平圖書館（中國國家圖書館前身）、國立中央圖書館第一任館長，亦係1965年在台北市士林區外雙溪重建國立故宮博物院的首任院長。與金庸(查良鏞，1924-2018)有親戚關係，金庸稱其為「表哥」。

8月1號，上海國華電影公司電影《孟麗君》上映，而8日前，春明電影公司嘅同名電影已經上映咗，一套戲鬧雙胞胎。「國華電影公司」與同行打擂臺並不只有依一次，今年6月3號，藝華公司上映《三笑》，10號，國華嘅《三笑》亦都上映。7月4號，華新電影公司推出《碧玉簪》，7月8號國華亦都推出自己嘅《碧玉簪》電影。當其時，親日嘅中華電影股份有限公司壟斷咗淪陷區嘅影片發行業，為咗令到自己嘅影片擴大市場，電影商便爭拍與時事無關嘅民間故事片，打仗期間，避談政治都係理所當然。電影製作嘅速度喺當時都快得驚人，國華電影公司拍《三笑》只用咗8日，而藝華只用咗7日。香港嘅粵語片時代，亦有所謂「七日鮮」，即係7日拍一部戲，粗製濫造實屬正常。電影鬧雙胞胎亦都係常��嘅事，香港過去就有《葉問》電影鬧雙胞胎事件，不過今時今日香港搵鬼睇戲，獨生仔都湊唔大，點會再有雙胞胎？

8月2號，日本外相松岡洋右(1880-1946)聲言已以日、滿、華爲樞紐，解決中國事件。日即係日本，滿即係偽滿洲國，而華即係汪偽政權。蔣介石嘅重慶政權係非法嘅，中共更加唔使講。松岡洋右曾經處理過日本退出國際聯盟，簽定日德意三國軸心國聯盟，日蘇中立條約等太平洋戰爭爆發前日本外交多次重要事件。日本投降後，響同盟國召開嘅東京軍事法庭審判中途病亡。

8月4號，晉西北根據地進行交通破襲戰，奮戰8日，毀同蒲綫大同至曲陽段，及汾離公路全綫，破壞日本人嘅運輸路線。響一場戰爭裡面，運輸係非常重要一環，大佬唔係喐下就核平對方吓嘛？三軍未動，糧草先行。冇辦法將糧草、武器同士兵送到交戰之處，就算幾惡都冇用。8月6號，越南法國總督同日軍代表簽約，允許日軍登陸海防。

8月7號，中蘇新商約簽字。同一日，國民政府財政部公佈《非常時期銀行管理暫行辦法》，更集中地控制國統區內嘅金融。《非常時期銀行管理暫行辦法》等十條，主要內容包括：各間銀行經收嘅普通存款，應以所收總額嘅20%為準備金，轉存當地中央銀行、中國銀行、交通銀行、農民銀行四行任何一行，即係你存100蚊入銀行，政府就抽起你20蚊，真正非常時期非常措施；另外，政府亦都規定每間銀行應準備存款放款匯款報告表，呈交財政部查核，表格方式由財政部規定；而財政部更可隨時派員檢查銀行賬冊、薄藉、庫存狀況及其他文件。財政部權力無限大，隨時可以向銀行查賬，唔俾你走資，更唔畀你勾結日本人或共産黨。《暫行辦法》又規定對違反該辦法者處以3000蚊以上，10000蚊以下，或所經營業務金額50%以下嘅罰款，罰款嘅數目亦都非常浮動，價錢任佢開。

今日睇返，叫嚴重干預自由市場，但戰爭時期，政權生死攸關，唔通唔管咩？呢個世界有一樣嘢，要永遠排喺第一位，相對起呢樣嘢，其餘一切皆不重要，依一樣嘢叫做：「國家安全」。香港人過去對「國家安全」概念非常薄弱，因爲我哋係響英國殖民地被教育下長大，英國人當然會向香港人灌輸「中國國家安全」依個概念，凡事都係因果。

8月8號，豫北沁陽日軍掘潰沁河堤，沁陽一帶成為澤國，同日，國民政府公告徵收戰時所得稅，特別徵稅項目用作戰爭開資，亦都係非常正常之事。8月10號，臺灣電力公司合併臺灣、合同電器等三間公司。8月11號，蔣介石發表《告四川省民衆書》，宣佈即時實行糧食管制；今日，日本派出90架轟炸機轟炸重慶，被擊落5架。

8月14號，豫東暴雨成災，太康、邱營、黃口等縣災情嚴重。今日，青幫領袖，預備浙江省主席張嘯林被軍統特務殺死。張嘯林（1877—1940），民國初年知名黑道人物，浙江寧波人，上海青幫頭目，國民革命軍少將，名張寅。加入青幫後，與黃金榮(1868-1953)、杜月笙(1888-1951)並稱為「上海青幫三大亨」，簡稱「上海三大亨」，上海人講「黃金榮愛錢，張嘯林善打，杜月笙會做人」之說，抗日戰爭時期，張嘯林投靠汪偽政權。今日，中共軍人，十大元帥之一徐向前(1901-1990)部隊接管國民黨山東省政府駐地魯村。

8月16號，行政院通領取締囤積；8月18號，日軍攻陷山東魯村，徐向前部隊撤退。8月19號，190架日本飛機轟炸重慶市區，同一日，川康鹽管局籌設戰時食鹽購銷處，以利食鹽統購統銷。8月19號，臺灣省總督府宣佈人口統計數字，全臺灣人口自1939年末，已達到5,895,864人。

#常威💀 #蔣介石平反系列 #佛經抄寫員 #中日戰爭 #中華民國

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

0 notes

historysandwich · 3 months

Text

【常威近代史】（八百三十一回）

非常時期非常做法

8月1號，上海國華電影公司電影《孟麗君》上映，而8日前，春明電影公司嘅同名電影已經上映咗，一套戲鬧雙胞胎。「國華電影公司」與同行打擂臺並不只有依一次，今年6月3號，藝華公司上映《三笑》，10號，國華嘅《三笑》亦都上映。7月4號，華新電影公司推出《碧玉簪》，7月8號國華亦都推出自己嘅《碧玉簪》電影。當其時，親日嘅中華電影股份有限公司壟斷咗淪陷區嘅影片發行業，為咗令到自己嘅影片擴大市場，電影商便爭拍與時事無關嘅民間故事片，打仗期間，避談政治都係理所當然。電影製作嘅速度喺當時都快得驚人，國華電影公司拍《三笑》只用咗8日，而藝華只用咗7日。香港嘅粵語片時代，亦有所謂「七日鮮」，即係7日拍一部戲，粗製濫造實屬正常。電影鬧雙胞胎亦都係常見嘅事，香港過去就有《葉問》電影鬧雙胞胎事件，不過今時今日香港搵鬼睇戲，獨生仔都湊唔大，點會再有雙胞胎？

8月14號，豫東暴雨成災，太康、邱營、黃口等縣災情嚴重。今日，青幫領袖，預備浙江省主席張嘯林被軍統特務殺死。張嘯林（1877—1940），民國初年知名黑道人物，��江寧波人，上海青幫頭目，國民革命軍少將，名張寅。加入青幫後，與黃金榮(1868-1953)、杜月笙(1888-1951)並稱為「上海青幫三大亨」，簡稱「上海三大亨」，上海人講「黃金榮愛錢，張嘯林善打，杜月笙會做人」之說，抗日戰爭時期，張嘯林投靠汪偽政權。今日，中共軍人，十大元帥之一徐向前(1901-1990)部隊接管國民黨山東省政府駐地魯村。

#常威💀 #蔣介石平反系列 #佛經抄寫員 #中日戰爭 #中華民國

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

0 notes

historysandwich · 3 months

Text

［常威近代史］第八百三拾回大東亞共榮圈（高清錄音版）

#唔鍾意睇字可以聽

https://fb.watch/pQR2E2hils/?mibextid=Nif5oz

【常威近代史】第十四部《浪奔浪流》

足本下載👇

https://play.google.com/store/books/details?id=7aPvEAAAQBAJ

請大家捧場！

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #大東亞共榮圈

0 notes

historysandwich · 3 months

Text

【常威近代史】（八百三十回）

大東亞共榮圈

1940年7月18號，《新華日報》載文介紹列寧著作《帝國主義是資本主義的最高階段》一書(有人翻譯了)，依一本作品寫於1916年，係列寧批判資本主義嘅經典之作，內中説明帝國主義經濟本質。列寧認為，“壟斷代替自由競爭，是帝國主義的根本經濟特征，是帝國主義的實質”，“帝國主義就其經濟實質來說，是壟斷資本主義。簡單來講，壟斷資本主義出現，根據唯物辨識法，最終就會發展到帝國主義，亦係戰亂之源，《帝國主義是資本主義的最高階段》一書放喺今時今日，亦有相當價值，雖然時代唔同咗，人類嘅生產力同物質條件亦比100年前百倍上昇，但為何貧富仍然懸殊？眾生仍無法避免受苦受難？列寧有關金融寡頭壟斷同資本全球流動等理論，係研究世界資本市場同世界性金融危機等問題重要嘅理論依據，呢本書大概可以比大家一啲提示，基本上《帝國主義是資本主義的最高階段》只係一本小冊子，篇幅唔多，絕對睇得過，網上到處可以下載。

7月18號，英國迫於日方嘅壓力，喺東京同日本簽訂《英日關於封閉滇緬公路的協定》。滇緬公路係中國西南地區嘅重要國際通道，中華民國之前耗用咗大量人力物力打通依條運輸路線，亦係重慶中華民國政府賴以生存嘅生命線，大量外援物資、軍用器材都經由滇緬公路輸入中國，響法國封閉滇越鐵路之後，滇緬公路成為西南地區嘅唯一國際交通線。1940年開始，日本多次要求英國封閉滇緬公路，甚至以破壞英日關係作威脅。

大英帝國喺歐洲忙於對付張牙舞爪嘅納粹德國，泥菩薩過江，已經無力東顧，響中國問題上亦不得不同日本妥協，講好聽啲叫妥協，真正嘅講法叫出賣盟友，英國人亦都明白滇緬公路對重慶政權嘅重要性，英國此舉中斷咗中國西南唯一嘅國際交通線，令到中華民族抗日戰爭陷於更艱難嘅境況，呢個亦都唔使講。大家要記清楚一點，喺抗日戰爭上，無可否認，美國係中華民國對付日本人嘅好朋友，但英國絕對唔係，唔好撈埋一齊嚟講。除咗依單嘢之外，大英帝國嘅傑作仲有鴉片戰爭，仲有英法聯軍、太平天國之亂，單單封喉，嘢嘢攞命，真係唔係講笑。當然不得不提，仲有殖民地香港呢個歷史問題。

7月19號，國軍空軍幼年學校開始招生；同日，上海《大美晚報》發行��張以旭被汪偽政權特工刺殺，殺死新聞相關工作者，響當時係日常生活嘅一部分，小菜一碟。7月20號，相信大家都未聽過，在華日本人反戰革命同盟會喺重慶成立，黑社會都有愛國，同樣，日本人中都有人企出嚟反日本軍國主義者，人性有好多面，千萬唔好一竹篙打一船人。因為某個膚色、某個民族、某個國家或某種階級就全盤否定對方，或作出敵意行為或歧視，本身係極度幼稚嘅民粹主義，不過依類事情太常見，不足為奇，依種想法或行為去到究極去到最右極端，就有個名叫法西斯主義者。不過如果你覺得「希特拉殺500萬猶太人」係人類史上最大罪惡之一無可饒恕，咁你就要經常反醒自己有冇犯上相同嘅思想錯誤？響中日戰爭發生期間，其實日本國內亦都有好多人反對日本侵略中國，尤其是係文人知識份子，不過響軍國主義高壓極權嘅戰爭環境底下，亂咁講嘢有時候會人頭落地，非常狀態下保持沉默，好多時候係救命靈丹。忍一時，風平浪靜；退一步，海闊天空，從來都係最高人生智慧，明就明，唔明就黎明。

7月22號，行政院農林部正式成立，曾經於三十年代叱吒廣東嘅南天王陳濟棠(1890-1954)任部長。當然去到1940年，陳濟棠響廣東嘅勢力已經全部瓦解，齊天大聖已經俾如來佛祖蔣介石收復咗，武功全廢，叫你返中央任職，管理郊野公園，叫做俾返個安慰獎你，大家好好睇睇。7月24號，國民政府頒佈《非常時期維持治安緊急辦法》，7月25號，美國擴大對日本禁運，汽車、廢鐵、油產品及破碎金屬被列入禁運品，日本係一個缺乏天然資源嘅島國國家，所有能源同原材料都要靠外國輸入，美國嘅禁運措施令日本人敵意加重，加速雙方攤牌嘅速度。

7月26號，日本近衛之麿內閣確立咗《基本國策大綱》，提出「控制南方，建立大東亞共榮圈」嘅鴻圖大計。「大東亞共榮圈」呢個概念，早響20世紀初期已經出現，國父孫中山旅居日本嘅時候都贊成過。不過正式落實並以實際手段推行計劃，係中日戰爭發生之後，正確嚟講應該係918事變之後。該計劃以「共存共榮」為號召，企圖響亞洲太平洋地區建立一個以日本為中心，包括中國、朝鮮、印度支那、緬甸、泰國、馬來西亞(未有新加坡)、菲律賓、印尼等地區在內嘅龐大勢力範圍，從而確立日本喺亞太地區嘅龍頭統治地位，以東風壓西風，趕絕紅鬚綠眼帝國主義者殖民主義者如取如攜，而全面侵華戰爭，即係計劃嘅重要一環，1940年以後，日本帝國亦大規模入侵東南亞地區以實現大計，香港亦都好快難逃一劫，經歷三年零八個月。

7月28號，蔣介石對啱啱訪問完延安嘅大慈善家陳嘉庚講，如欲抗戰勝利，需先消滅共產黨，抗日不忘反共，蔣介石始終如一。同日，「中日文化協會」喺南京成立。7月29號，陳毅(1901-1972)等率領蘇北指揮部東進黃橋。7月30號，陳家庚致函蔣介石，對國民黨嘅政治、經濟同交通等問題頗多指摘，作為金主之一，當然有權出聲。1940年7月，晉察冀邊區發展為華北最大嘅解放區。

#常威💀 #蔣介石平反系列 #佛經抄寫員 #中日戰爭 #中華民國

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦 #大東亞共榮圈

0 notes

historysandwich · 3 months

Text

［常威近代史］第八百二拾九回國共兩黨再次談判破裂（高清錄音版）

#唔鍾意睇字可以聽

https://fb.watch/pISKMgTU08/?mibextid=Nif5oz

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

0 notes

historysandwich · 3 months

Text

【常威近代史】（八百二拾九回）

國共兩黨再次談判破裂

1940年7月1號，國民黨五屆七中全會響重慶開幕，歷時8日，同一日，上海大江通訊社社長邵虛白(1906-1940)遭暗殺身亡。新聞工作者邵虛白曾任上海大公通訊社社長，上海記者公會執行委員兼宣傳主任，積極抗日宣傳��1940年7月1日傍晚，在上海福煦路明德里（今延安中路545弄）寓所附近，被日偽特務開槍暗殺。7日2日逝世，得年34歲，臨終遺言：「抗戰必勝，建國必成，已僅時間問題。個人犧牲，義不應惜。」，烈士也。

7月1號，湘桂鐵路南段柳州至來賓間式通車。7月2號，廣西龍州、鎮南關失守。7月4號，日軍轟炸機轟炸重慶中央大學、重慶大學。7月5號，中共中央號召全國克服「空前投降危機與空前抗戰困難」，去到1940年，抗戰已經踏入第三年，大家鬥韌力，形勢當然比人弱，但係日本人要取得全面勝利，幾乎已經變得冇可能，將敵人拉入泥漿，打泥漿摔角就已經發生緊，中國勝在地廣人多，大家打消耗戰，你人命成本比我貴幾倍(或十幾倍)，叫除笨有精。同樣情況，亦發生響20幾年後嘅越南戰爭，人有階級之分，人命亦有貴賤之別，磁器撼缸瓦，唔怕死即管試試，今日嘅中東，情況亦都係一樣。只要唔怕犧牲人命，就會有勝算(當然何謂勝利，有時候係主觀定義嘅問題)。

7月6號，晉西北抗日根據地反擊日偽夏季大掃蕩之役，歷時一個月，作戰250次，殲滅敵人4500餘人，收復多座城鎮，至今日勝利結束。上個月日軍向晉西北抗日根據地大舉掃蕩，賀龍(1896-1969)、關向應(1902-1946)指揮120師奮勇反抗，採取遊擊戰為主，邊打邊走，並在有利條件下集中優勢兵力殲滅分散之敵人戰術，與掃蕩嘅日偽軍周旋，6月17號，八路軍358旅喺米峪鎮殲滅日軍500幾人，120師主力則轉移至敵人側翼，伺機打擊日軍，日軍無法立足，只好撤退。7月4號，120師又再響興縣以東伏擊日軍，殲敵700人，徹底粉碎日軍向晉西北抗日根據地之夏季大掃蕩。

事實證明，軍備及實力秤先嘅日軍，面對中共毛澤東齊天大聖堅持嘅遊擊戰術，可謂一籌莫展。八路軍亦都睇穿日軍嘅弱點，開始部署大反擊，徹底突破日軍對華北抗日根據地嘅威脅，呢場大反擊，就係會響下個月發生嘅——「百團大戰」！

7月7號，「七七盧溝橋事變」發生三週年之際，延安八路軍總部宣稱：解放區戰場抗擊嘅日軍達到40萬，占全部侵華日軍嘅58%，並抗擊了全部偽軍。7月7號，朱德(1886-1976)、彭德懷(1898-1974)致電國民政府主席林森(1868-1943)同埋蔣介石(1887-1975)，要求制止國共摩擦，全力合作抗日。同一日，蔣介石亦發表紀念抗戰三週年嘅廣播演說，重申除非日本人放武器，否則抗戰絕對不會停止。

7月8號，中共另一員猛將、後來嘅十大元帥之一陳毅(1901-1972)率領江南新四軍主力，北渡長江，與挺進縱隊、蘇皖支隊會合。7月9號，國民黨軍隊喺宜昌附近殲滅日軍9000人。 7月10號，黑龍江穆棱附近發生強烈地震，震級為里氏7.3級，里氏震級，亦即係大家熟悉嘅黎克特制地震震級(Richter magnitude scale)，黎克特制地震震級最早響1935年由兩位來自美國加州理工學院的地震學家黎克特(Charles Francis Richter，1900-1985)同古騰堡(Beno Gutenberg，1889-1960)共同制定，沿用至今時今日。

7月12號，日本海軍宣佈封鎖閩浙沿海交通。7月16號，國民黨將「中央提示案」交到中共談判代表手中，中共表示難以接受。由1940年初開始，國共雙方多次會談，均未取得任何結果。國共合作，一同抗日，但唔代表雙方團結一心，摩擦衝突經常發生，甚至在神州大地上自己人打自己人，血肉橫飛。上次已經講過，中共勢力響抗戰期間響大後方不斷坐大，絕非蔣介石希望見到。今日國民黨提出嘅「中央提示案」，可被視為幾個月來雙方討價還價後，國民黨方面嘅定案性意見，「中央提示案」表明不承認陝甘寧邊區政府，並且下令八路軍新四軍喺一個月內開赴黃河以北作戰；劃出冀察兩省及魯北、晉北為其作戰區域，即係限制你嘅活動範圍，並且命令兩軍要絕對服從第二戰區司令長官嘅指揮；八路軍可偏3個軍、6個師另外5個補充團，但不準設支隊。新四軍可編2個師，其他名目之縱隊一律取消，明眼人都睇得出，「中央提示案」最重點就係限制中共武裝力量嘅急速發展。

7月25號，周恩來(1898-1976)提出「調整遊擊區及遊擊部隊辦法3種」，希望中間落墨，大家可以傾落去，但係國民黨蔣介石則堅持原案，一筆都冇得改，咁即係唔X使傾。去到9月份，互相拉扯咗一段時間，雙方宣佈談判破裂，中共唔會接受「中央提示案」，會自己行自己嘅抗戰路，其實情況係已經反枱，之後亦會導致兩黨喺抗戰時期嘅第二次大衝突，既然唔傾，就打，打贏嗰個話事，打輸嘅要做契弟，叫天經地義。

#常威💀 #蔣介石平反系列 #佛經抄寫員 #中日戰爭 #中華民國

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

0 notes

historysandwich · 3 months

Text

［常威近代史］第八百二拾八回舖下垮臺道路（高清錄音版）

#唔鍾意睇字可以聽

https://fb.watch/pzhWqzPTMQ/?mibextid=Nif5oz

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

0 notes

historysandwich · 4 months

Text

【常威近代史】（八百二拾八回）

舖下垮臺道路

1940年6月14號，日本米內內閣外相有田八郎勸喻英美駐華大使撤退本國在重慶嘅僑民，畢竟到1940年，日本仍未同美英宣戰，炸死美國人同英國人就唔係咁好睇咯。6月18號，國民政府行政院議建國立中正大學。6月20號，法國應日本所要求，封閉滇越鐵路，截斷越南同重慶主要交通運輸路線。

6月19號，前清代舊臣金石學家、考古學家羅振玉喺旅順病逝。羅振玉（1866—1940），初名寶鈺，字式如、叔蘊、叔言，號雪堂、商遺先生，晚年別署貞松老人，卒諡(音施)恭敏。佢係江蘇省淮安府人，中國金石學家。響甲骨文同敦煌寫卷研究上作出了傑出貢獻，係「甲骨四堂」之一。詩禮傳家，佢嘅四個兒子羅福成(18851960)、羅福萇(1896-1921)、羅福葆(1899-1967)和羅福頤(1905-1981)都是成就卓越嘅語言學家同歷史學家。

羅氏曾有一篇「自輓聯語」，概括了他一生幾件大事，內容如下：

『畢生寢饋書叢，歷觀洹水遺文、西陲墜簡、鴻都石刻、柱下秘藏，守缺抱殘差自幸。

半世沉淪桑海，溯自辛亥乘桴(音浮)、乙丑扈蹕(音戶畢)、壬申於役、丁丑乞身，補天浴日竟何成。』

羅振玉1898年創辦東文學社，1904年創辦江蘇師範學堂，1906年調任京官，辛亥革命後逃亡日本從事考古研究工作，1919年回國，1924年奉偽滿洲國皇帝溥儀之召，入值南書房，同年，與另一個以滿清遺老自居嘅大學者王國維(1877-1927)入清宮檢點宮中器物，之後積極參與「偽滿洲國」籌建工作，1928年遷居關東州旅順，九一八事變後追隨溥儀，出任滿洲國參議府參議、滿日文化協會會長，偽滿洲國監察院院長等職務，1937年退出政界養老，佢嘅著作有《殷墟書契前編》及《後編》等。羅振玉響中國文字學考古學上成就斐然，尤其是響研究甲骨文方面，當今世上無出其右。不過佢響政治上十分保守，同王國維一樣，始終效忠清室，不承認中華民國及其他政權，(真心問一句，效忠舊老闆難道有錯？)，被當時人批判為「漢奸」，亦都係理所當然。

6月21號，國民政府指摘英國將天津白銀交給日本，家陣打劫，用槍指住你個頭，難道可以唔畀錢？6月24號，國民政府抗議法國封鎖滇越貨運；同一日，日本亦都要求英國封鎖滇緬公路；6月24號上海法租界當局擅自將商業區徐家匯移交日本。6月24號，天主教法國神父雷鳴遠(Frédéric Vincent Lebbe，1877-1940)黃疸症不治，病逝於重慶歌樂山，雷神父出生於比利時，1901年來華傳教，1915年10月喺天津創辦《益世報》，呢份報紙對宣傳天主教在華發展頗有影響力。並且先頭響北京、西安、南京及上海設立分館，1927年雷神父入籍中國。抗日戰爭爆發後，神父響山西組織遊擊隊，並且組成修士、教友救護隊，想淪陷區救助中國難民，真正係中國人嘅好朋友。

6月26號，偽滿洲國皇帝溥儀抵達日本東京訪問，6月27號，國軍克復黃陂。6月28號，江蘇韓德勤部隊進攻江都縣郭村之新四軍，抗日不忘打自己人。6月28號，日本宣佈封鎖香港與內地聯繫，進一步孤立中華民國。6月29號，國民政府公佈《妨害兵役治罪條例》，逃兵役會好大鑊。6月30號，國民黨軍攻入開封，殲滅日寇2000幾人，今日國共兩黨就邊區政府、八路軍擴編、作戰區域同待遇等問題響重慶舉行談判，邊談邊打係常態。

今個月，日軍調動第26師團等主力部隊同偽軍等25000人，採取「分進合擊」戰術，向晉西北抗日根據地大舉掃蕩，日軍企圖驅逐同埋消滅交城、文水以西嘅八路軍，折斷120師通往陝甘寧邊區嘅道路，然後從東、南、北三面合擊晉西北抗日根據地中心區，逐步壓縮同分割圍殲120師主力，徹底摧毁晉西北抗日根據地，從而切斷陝甘寧邊區同華北嘅聯繫，賀龍(1896-1969)、關向應(1902-1946)指揮120師展開反掃蕩行動。

事實上去到1940年，身處重慶嘅蔣介石儘量按兵不動，好多場戰役都冇乘勝追擊，只係盡力保持戰果，挫敗日本人嘅銳氣。因為佢預計美國人遲早會被正式拉入這場戰爭之中，然而佢嘅想法並沒有錯，不但美國，甚至蘇聯都會好快被捲入依一場世界大戰之中，到時中國局面將會有所扭轉。不過，蔣介石等待期間，共產黨軍隊則同日本響後方打過你死我活，遊擊戰術令日本軍隊忙於奔命，加上日本人不時進行瘋狂報復，焚燒村莊，濫殺無辜平民百姓，犯下大量戰爭暴行，不過每次掃蕩同報復之後，中共變得愈嚟愈強大，普羅民眾對佢哋嘅期望亦都愈嚟愈大，加入新四軍同八路軍嘅人數亦都愈嚟愈多。1940年後蔣介石儘量按兵不動、保留實力嘅想法，反而令中共響抗日後方迅速坐大，而蔣介石亦開始為自己舖下丟失中國政權垮臺嘅道路。

#常威💀 #蔣介石平反系列 #佛經抄寫員 #中日戰爭 #中華民國

#常威💀#民國歷史 #常公子近代史 #常公子 #youtube #常識 #蔣介石 #中國近代史 #中日戰爭 #蔣介石平反系列 #1940s #第二次世界大戦

1 note · View note