विश्व एन्टी डोपिङ एजेन्सीको नेतृत्व पुनः दोहोरियो

विश्व एन्टी डोपिङ एजेन्सीको नेतृत्व पुनः दोहोरियो

मोन्ट्रियल,  ३ मङ्सिर । विश्व एन्टी डोपिङ एजेन्सी (वाडा) ले शुक्रबार अध्यक्ष विटोल्ड बान्का र उपाध्यक्ष याङ याङको पुनः दोस्रो तीन वर्षको कार्यकालका लागि निर्वाचित भएको पुष्टि गरेको छ । वाडाको कार्यकारी समिति र फाउन्डेसन बोर्डले नोभेम्बर १७ र१८ मा एजेन्सीको मुख्यालय, मोन्ट्रियल, क्यानडामा भेला भएको र यसको शीर्ष नेतृत्वको पुनः चयन  गरेको बताएको छ ।   सो भेलामा नेतृत्व चयनका अतिरिक्त अन्य थुप्रै…

View On WordPress

रुसलाई चार वर्ष खेल प्रतिबन्ध

रुसलाई चार वर्ष खेल प्रतिबन्ध

रुसमाथि अबको चार वर्ष कुनैपनि अन्तर्राष्ट्रिय प्रतियोगितामा प्रतिबन्ध लागेको छ । विश्व एन्टी डोपिङ एजेन्सीले सोमबार रुसमाथि प्रतिबन्धको निर्णय लिएको हो ।

प्रतिबन्धका कारण रुसले सन् २०२० मा जापानमा हुने ओलम्पिक, सन् २०२२ मा कतारमा हुने विश्वकप फुटबललगायत चारवर्षभित्र हुने खेलकुद प्रतियोगिता खेल्न प्रतिबन्ध लागेको छ । विश्व एन्डी डोपिङ एजेन्सीको कार्यसमिति बैठकले रुसमाथि कठोर निर्णय लिएको हो ।

रुसी…

View On WordPress

राखेप बोर्ड सदस्यले लिए शपथ

१ भदौ, काठमाडौं । राष्ट्रिय खेलकुद परिषद राखेपका नवनियुक्त बोर्ड सदस्यहरुले सोमबार पद तथा गोपनीयताको शपथ लिएका छन् ।

त्रिपुरेश्वरस्थित राखेपको हलमा सोमबार भएको एक कार्यक्रममा ६ जना बोर्ड सदस्यले शपथ लिएका हुन् । युवा तथा खेलकुदमन्त्री तथा राखेपका अध्यक्ष जगतबहादुर विश्वकर्माले उनीहरुलाई शपथ खुवाएका हुन् ।

नयाँ ऐनअनुसार बोर्डमा नियुक्त भएका रिम रानाभाट, इन्दिरा निरौला, गोविन्द भट्टराई, अर्जुन केसी, सम्पन्न श्रेष्ठ र सुवास श्रेष्ठले शपथ लिएका हुन् ।

रानाभाट र निराला खेलकुद विज्ञ, खेलकुद प्रशिक्षक, खेलकुद प्राविधिक वा एन्टी डोपिङ विज्ञमध्यबाट सदस्य मनोनित भएका हुन् भने राष्ट्रिय खेल संघको सिफारिसमा अर्जुन केसी, सम्पन्न श्रेष्ठ र सुवास श्रेष्ठ मनोनित भएका हुन् ।

यस्तै परम्परागत साहसिक तथा पर्यटकीय खेल क्षेत्रको प्रतिनिधित्व हुने गरी गोविन्दप्रसाद भट्टराईलाई बोर्ड सदस्यमा मनोनयन गरिएको हो।

युवा तथा खेलकुदमन्त्री विश्वकर्माले साउन १५ गते विभिन्न क्षेत्रबाट ६ जनालाई बोर्��� सदस्यमा मनोनयन गरेका थिए । त्यसको दुई साताभन्दा लामो समयपछि मात्रै उनीहरुले शपथ लिएका हुन् ।

बोर्ड सदस्यहरुलाई शपथ गराएपछि मन्त्री विश्वकर्माले छिटै बोर्डका बाँकी सदस्यहरु पनि नियुक्त गर्ने र बोर्डले पूर्णता पाउने बताए । उनले नयाँ खेलकद ऐनअनुसार र सदस्यहरु नियुक्त हुने बताए । सदस्य नियुक्तिका लागि तयारी भइरहेको उनको भनाइ छ ।

नयाँ खेलकुद ऐनअनुसार राखेप ३७ सदस्यीय हुनेछ । जसमा नेपाल सरकार क्याबिनेटले पनि ९ सदस्य मनोनयन गर्नेछ ।

युवा तथा खेलकुदमन्त्री विश्वकर्माले लामो समयदेखि खेलकुद क्षेत्रमा देखिएको समस्या र विकृतिहलाई सुधार गर्न नयाँ ऐनले मार्गनिर्देशन गर्ने बताए ।

१३औं सागमा स्वर्ण जितेका दुई पाकिस्तानी खेलाडीको डोपिङ पोजेटिभ

२८ साउन, काठमाडौं । १३औं दक्षिण एसियाली खेलकुद सागमा स्वर्ण जितेका दुई पाकिस्तानी खेलाडी डोपिङ परीक्षणमा असफल भएका छन् ।

नेपालमा गत मंसिरमा भएको १३औं सागमा १०० मिटर हर्डल्समा स्वर्ण जितेका मुहम्मद नहिम र ४०० मिटर हर्डल्समा स्वर्ण जितेका मेहबुब अलीको स्याम्पल ए टेष्टमा पोजेटिभ भेटिएको थियो ।

यस्तै वाडाले स्याम्पल बी टेष्टको लागि आग्रह गर्दा दुवै जनाको फेरि पोजेटिभ देखिएको र खेलाडीहरुले पनि त्यसलाई स्वीकारेको हुँदा दुवै खेलाडी २०१९ डिसेम्बर २ देखि २०२३ डिसेम्बर २ सम्को लागि निल्मबन गरिएको नेपाल ओलम्पिक कमिटीले विज्ञप्तिमार्फत जनाएको छ ।

साथै उनीहरुको मेडल पनि खोसिएको नेपाल ओलम्पिक कमिटीले जनाएको छ । दुवै खेलाडीले निषेधित पदार्थ सेवन गरेको र कतारको एन्टी डिवङ ल्याबमा टेष्ट गरिएको थियो ।

यस्तै १०० मिटर दौडमा कांस्य जितेका सामी उल्लाहको पनि स्याम्प ए टेष्टमा पोजेटिभ आएको र तर स्याम्पल बी टेष्ट भने गरेका छैनन् ।

राखेप सदस्यमा रानाभाट र निरौलासहित ६ जना मनोनीत

१५ साउन, काठमाडौं । राष्ट्रिय खेलकुद परिषद (राखेप) सदस्यमा  ६ जना मनोनीत भएका छन् ।  युवा तथा खेलकुद मन्त्रि जगत बहादुर सुनार विश्वकर्माले बिहीबार खेलकुदको विभिन्न क्षेत्रबाट ६ जनालाई राखेप सदस्यमा मनोनीत गरेका हुन् ।

नयाँ खेलकुद ऐन कार्यान्वयनमा आएपछि राखेपमा पनि सदस्यहरु नियुक्त गर्ने प्रकिया सुरु भएको हो । मन्त्री विश्वकर्माले २०७७ को दफा ३ उपदफा २ (थ) अनुसार खेलकुद विज्ञ, खेलकुद प्रशिक्षक, खेलकुद प्राविधिक वा एन्टी डोपिङ विज्ञमध्यबाट रिम राना भाट र इन्दिरा निरौलालाई सदस्यमा मनोनीत गरिएको छ।

यस्तै, दफा ३ उपदफा २ (ढ) अनुसार सम्बन्धित राष्ट्रिय खेल संघको सिफारिसमा अर्जुन केसी, सम्पन्न श्रेष्ठ र सुवास श्रेष्ठलाई मनोनित गरेको छ।

सोही उपदफाको (त) बमोजिम परम्परागत साहसिक तथा पर्यटकीय खेल क्षेत्रको प्रतिनिधित्व हुनेगरी गोविन्दप्रसाद भट्टराईलाई मन्त्री विश्वकर्माले मनोनयन गरेका हुन् ।

साथै अन्य क्षेत्रबाट प्रतिनिधित्व गर्ने सदस्यहरुको मनोनयनलाई पूर्णता दिइने मन्त्रालयले जारी गरेको विज्ञप्तिमा भनिएको छ।

रिम रानाभाट र इन्दिरा निरौला यसअघि राखेपको सदस्य सचिव सिफारिस समितिमा खेलकुद विज्ञको रुपमा थिए ।

त्यही समितिले सिफारिस गरेको तीन जनामध्ये एक जना रमेश कुमार सिलवाललाई नेपाल सरकारले सोमबार सदस्य सचिवमा नियुक्त गरेको थियो । यस्तै शिव कोइरालाई सरकारले राखेपको उपाध्यक्षमा मनोनित गरेको छ । सिलवाल र कोइरालाले बुधबार सपथ ग्रहण गर्दै त्रिपुरेश्वरस्थित राखेपमा पदभार ग्रहण समेत गरिसकेका छन् ।

युवा तथा खेलकुदमन्त्री अध्यक्ष रहेको परिषदमा खेलकुद मन्त्रालयका सचिव र मन्त्रालयका खेलकुद महाशाखा प्रमुख पनि सदस्यको रुपमा रहनेछन् ।

नयाँ ऐन अनुसार ३७ सदस्यीय राखेप सदस्यमा अहिलेसम्म ११ जना पुगेको छ ।

खेल संघहरुले पनि एन्टी डोपिङ नियम बनाउनुपर्ने

२४ असार काठमाडौं । नेपाल ओलम्पिक कमिटी (एनओसी) ले आफूसंग आबद्ध रहेका विभिन्न खेल संघले आफैं एन्टी डोपिङ नियम बनाउनुपर्ने जनाएको छ ।

बुधबार विभिन्न खेल सं‌घहरुसँग गरिएको छलफलमा एनओसीका अधिकारीले वर्ल्ड एन्टी-डोपिङ संहिताको दफा १८ अनुसार सबै राष्ट्रिय संघहरुले सन् २०२१ सम्म आफ्नै एन्टी डोपिङ नियम बनाउनुपर्ने बताएका हुन् ।

एनओसीका मेडिकल कमिसनका अध्यक्ष डा. सरोजकृष्ण श्रेष्ठले २७ खेल संघका अध्यक्ष र महासिचवलाई २०२० अगष्ट १५ सम्ममा आ-आफ्नो एन्टी डोपिङ नियमहरु बुझाउन भनेका छन् ।

२०२१ देखि, नयाँ एन्टी डोपिङ नियमबिना राष्ट्रिय खेल संघले अन्तर्राष्ट्रिय प्रतिस्पर्धामा भाग लिन नपाउने पनि एनओसीले जनाएको छ ।

एनओसीका अध्यक्ष जीवनराम श्रेष्ठले यसलाई सकारात्मक र गम्भीरताका साथ लिनुपर्ने बताए । खेलाडीले निषेधित पदार्थ खाइरहेको भए सतर्क हुनुपर्ने पनि उनले बताए ।

एनओसीका महासचिव निलेन्द्रराज श्रेष्ठले नयाँ एन्टी डोपिङ नियम बनाउन कुनै सहयोग आवश्यक भएमा नेपाल ओलम्पिक कमिटी, मेडिकल कमिसन र एनओसी कर्मचारीहरूले सहयोग गर्न समेत बताए ।

सागमा पदक जित्ने पाकिस्तानका तीन खेलाडी डोपिङ परीक्षणमा असफल

१३ जेठ, काठमाडौं । गत मंसिरमा नेपाल भएको १३औं सागमा पदक जित्ने पाकिस्तानका तीन खेलाडी डोपिङ परीक्षणमा असफल भएका छन् ।

डोपिङ टेष्टमा उनीहरुको टेष्ट पोजेटिभ देखिएको पाकिस्तान एम्याचोर एथ्लेटिक्स फेडेरेसनको विश्वस्थ स्रोतले जनाएको भारतीय अनलाइन टाइम्स अफ इन्डियाले उल्लेख गरेको छ ।

डोपिङ टेष्टमा असफल भएका तीन खेलाडीलाई अब ४ वर्षसम्मको प्रतिबन्ध लाग्न सक्छ ।

ट्रयाक एण्ड फिल्ड अन्तर्गत ११० मिटर हर्ड्लसमा स्वर्ण जितेका मोहम्मद नइम ४०० मिटरमा स्वर्ण जितेमा मेहबुब अली र १०० मिटरमा कास्य जितेका समी उल्लाह डोपिङ परीक्षणमा असफल भएको समाचारमा उल्लेख छ ।

फेडेरेसनले पछिल्लो पटक प्राप्त गरेको डोपिङ टेष्टमा तीनै जनाको टेष्ट पोजेटिभ देखियो । स्रोतलाई उदृत गर्दै टाइम्स अफ इन्डियाले जनाएको छ ।

वर्ल्ड एन्टी डोपिङ एजेन्सी नाडाको नियमअनुसार प्रकियाअघि बढाइने र खेलाडीलाई आफूलाई निर्दोष सावित गर्ने अवसर दिइनेछ । यदि त्यसमा खेलाडीहरु असफल भए ४ वर्षसम्मको प्रतिवन्ध हुन सक्ने जनाइएको छ ।

नेपालमा भएको १३औं सागमा पाकिस्तानले ३२ स्वर्णसहित १३२ स्वर्ण जितेको थियो । पर्याप्त ट्रेनिङ नहुँदा पनि पाकिस्तानले हासिल गरेको उपलब्धिलाई सन्तोषजनक मानिएको थियो ।

एसिया तेक्वान्दोको स्ट्यान्डिङ कमिटीमा २२ नेपाली

काठमाडौं । विश्व तेक्वान्दो एसिया स्ट्यान्डीङ कमिटीले आफ्ना विभिन्न उमसमितिमा २२ जना नेपालीलाई चयन गरेको छ । नेपाल तेक्वान्दो संघले गरेको सिफारिसको आधारमा उनीहरुलाई कमि६मा चयन गरिएको संघले जनाएको छ ।

जसअनुसार नेपाल तेक्वान्दो संघका उपाध्यक्ष सञ्जिव रेग्मी सल्लाहाकार कमिटीमा चयन भएका छन् । यसैगरी अन्य उपाध्यक्षहरु हरिश्वर पोख्रेल इथीक कमिटीमा, भोजबहादुर शाह शिक्षा कमिटीमा, नन्दकुमार राई न्यायिक कमिटीमा, दिलबहादुर वली नेतृत्व कमिटीमा र भानुबहादुर चन्द मार्केटिङ कमिटीमा चयन भएका छन् ।

यस्तै कोषाध्यक्ष कसिम मिया धोवी पारा ओलम्पिक कमिटीमा, मुख्य प्रशिक्षक तथा संघका सचिव नविन कुमार श्रेष्ठ ग्योरोगी कमिटीमा र सह कोषाध्यक्ष सुमन कुमार घले आर्थिक कमिटीमा रहेका छन् ।

यसैगरी डा. सरोजकृष्ण श्रेष्ठ एन्टी डोपिङ तथा मेडिकल कमिटीमा र संघका सचिव दिपक विष्ट एथलेटिक्स कमिटीमा छन् ।

सहायक मुख्य प्रशिक्षक संगीना बैद्य क्याडेट कमिटीमा, श्रीमान थापा मगर प्रशिक्षक कमिटीमा, भरत मर्हजन कोलिगेट कमिटीमा र कविराज खड्गी विकास कमिटीमा रहेका छन् ।

हिराबहादुर थापा खेल कमिटीमा, हेमन्त डाँगी मिडिया कमिटीमा, मिन न्यौपाने पुम्से कमिटीमा, टिका प्रसाद लिम्बू सस्टेबेनलीटी कमिटीमा, नोर्बु लामा प्राविधिक कमिटीमा, नन्दा बस्याल महिला कमिटीमा र कोशिष बहादुर खड्का युवा कमिटीमा चयन भएका हुन् ।

विभिन्न कमिटीमा चयन हुनेलाई नेपाल तेक्वान्दो संघका अध्यक्ष प्रकाश शम्शेर राणा बिहिबार प्रमाणपत्र वितरण गरे ।

चिनियाँ पौडीबाज याङलाई ८ वर्षको प्रतिबन्ध

तीन पटक ओलम्पिक स्वर्ण विजेता चिनियाँ पौडीबाज सन याङलाई ८ वर्षको प्रतिबन्ध लगाइएको छ । कोर्ट अफ आर्बिट्रेसन फर स्पोर्ट (कास) ले वर्ल्ड एन्टी डोपिङ एजेन्सी (वाडा) को अपिललाई स्वीकार गर्दै याङलाई ८ वर्षको प्रतिबन्ध लगाएको हो ।

२०१८ को सेप्टेम्बरमा डोपिङ टेष्टमा परे यता याङले खेलेका छैनन् ।

चाइना स्वीङ एसोसिएसन र फिनाले २८ वर्षीय याङले कुनै पनि एन्टी डोपिङ नियम नतोडेको जनाएको थियो । तर वाडाले त्यसको विरुद्ध कासमा अपिल गरेपछि कासले प्रतिबन्ध सुनाएको हो ।

याङले दोस्रो पटक नियम उल्लंघन गरेको पाइपछि उनलाई ८ वर्षको प्रतिवन्ध लगाइएको हो । यसअघि सन् २०१४ मा प्रतिवन्धित ओषधि प्रयोग गरेकोले उनलाई ३ महिनाको प्रतिबन्ध लगाइएको थियो ।

सन याङले सन् २०१२ को लण्डन ओलम्पिकमा ४०० मिटर फ्रिस्टायल र १५०० मिटर फ्रिस्टायलमा स्वर्ण जितेका थिए । यस्तै २०१६ को लण्डन ओलम्पिकमा २०० मिटर फ्रिस्टायलमा स्वर्ण जितेका थिए ।

साग आयोजनाको खर्च ३ अर्ब, उद्घाटन र समापनमा १५ करोड

२६ मंसिर, काठमाडौं । नेपालले आयोजना गरेको १३ दक्षिण एसियाली खेलकुद (साग) का लागि अनुमानित ३ अर्ब रुपैयाँ खर्च भएको छ । यो खेलकुद पूर्वाधार र खेलाडीलाई घोषित पुरस्कारबाहेकको रकम हो ।

राष्ट्रिय खेलकुद परिषद्का सदस्य सचिव रमेश सिलवालका अनुसार सागको व्यवस्थापकीय खर्चका लागि सरकारले ३ अर्ब ६५ करोड रुपैयाँ छुट्याएको थियो । यसबाट करिब ३ अर्ब खर्च भएको उनले बताए । किफायती तरिकाले खर्च गरिएकोले विनियोजित बजेट उब्रेको पनि उनले बताए ।

परिषदले आगामी ९० दिनभित्र सागमा भएको खर्चको सम्पूर्ण विवरण सार्वजनिक गर्नेछ । सिलवालले भने, ‘मैले शुरुमै प्रतिवद्धता जनाएको थिएँ, हामी एक–एक रुपैयाँको हिसाब सार्वजनिक गर्छौं । त्यो प्रतिवद्धता पूरा गर्नेछु ।’

नेपालले यसपटक सागको उद्घाटन र समापन कार्यक्रम भब्य बनाउन कुनै कसर बाँकी राखेन । यसका लागि अनुमानित १५ करोड रुपैयाँ खर्च भएको परिषदको भनाइ छ ।

सदस्य सचिव सिलवालका अनुसार यी दुई इभेन्टका लागि १ महिनादेखि करीव १८ हजार कलाकार, विद्यार्थी, सुरक्षाकर्मी खटिएका थिए । उनीहरुलाई दैनिक ५/६ घण्टा उभ्याउँदा खाजा खर्चको जोहो परिषद्ले गरेको थियो । सांस्कृतिक झाँकीहरुका लागि कलाकारले करीव १ महिनासम्म तयारी गरेका हुन् ।

सागमा करिब ५ हजारको संख्यामा विदेशी पाहुना नेपाल आएका थिए । विदेशी टोलीमा खेलाडी, प्रशिक्षक, व्यवस्थापक, संचारकर्मी तथा उच्च पदस्थ अधिकारीहरु थिए । उनीहरुका लागि आयोजकले काठमाडौं, पोखरा र जनकपुरमा गरी करीव २२ सय वटा कोठा बुक गरेको थियो । पाहुनाको आवास र खानपिनमा ठूलो रकम खर्च भएको छ । यसको हिसाब परिषद्ले अझै निकालिसकेको छैन । यातयातमा पनि उत्तिकै खर्च भएको छ ।

फरक–फरक स्थानमा खेल भएका कारण खेलाडी तथा व्यवस्थापकलाई आयोजककै खर्चमा यातायातको व्यवस्थापन गर्नुपर्छ । सुरक्षाकर्मीको परिचालनमा पनि ठूलो खर्च हुने गरेको छ । यसका साथै विभिन्न विधाका खेलाडीहरुको करीव ५ महिना अगाडिदेखिको प्रशिक्षणको खर्च समेत यसमा जोडिने छ ।

४२ करोडका खेलसामग्री

सागमा करिब ४२ करोड रुपैयाँ बराबरका खेल सामग्री खरिद भएको छ । यसभित्र पोशाकदेखि खेलाडीका लागि आवश्यक सरसामग्री पर्छन् । कम्प्यूटर तथा इलेक्ट्रिक सामग्रीसमेत यसै प्रयोजनमा खरिद गरिएको थियो ।

५ करोडको मेडिकल

सागमा खेलाडीको आकस्मिक उपचारका लागि मेडिकल तथा डाक्टर र नर्स खटाइएको थियो । हरेक खेल आयोजना हुने इभेन्टमा मेडिकल टोली तैनाथ हुनुपर्छ । यसका लागि मात्र करीव ५ करोड रुपैयाँ खर्च भएको राष्ट्रिय खेलकुद परिषद्ले जनाएको छ ।

४ करोडमा एन्टी डोपिङ

यस प्रकारका खेल मेलामा डोपिङलाई निकै प्राथमिकता दिने गरिन्छ । किनकी यी प्रतियोगितालाई अन्तर्राष्ट्रिय निकायले समेत नियमन गरिरहेको हुन्छ । एन्टी डोपिङ प्रयोजनका लागि मात्र सागमा ४ करोड रुपैयाँ खर्च भएको छ ।

पदक खर्च प्रयोजकबाट

हरेक विधाका खेलमा तीन उत्कृष्ट खेलाडीलाई आयोजकले स्वर्ण, रजत र काश्य पदक प्रदान गर्छ । यस्तो मेडल खर्चको जोहो भने यसपटक प्रायोजकबाट भएको छ । सदस्यसचिव सिलवालका अनुसार यस पटक करिव १० करोड रुपैयाँ बराबर रकम प्रायोजकबाट उठेको छ । यो रकमले मेडल बनाउने खर्च भने धानेको छ ।

पूर्वाधार निर्माण र पुरस्कारमा अलग्गै खर्च

सरकारले बुधबार मात्र खेलाडीका लागि पुरस्कार घोषणा गरेको छ । यसको कूल राशी करीब पौने अर्ब पुग्छ । यो रकम सागको व्यवस्थापन बाहेकको हो ।

अर्कोतर्फ सरकारले चालु आवको बजेटमै सागको तयारीका सिलसिलामा पूर्वाधारमा बजेट छुट्याएको थियो । युवा तथा खेलकुद मन्त्रालयको तथ्यांकअनुसार १३ औं दक्षिण एसियाली खेलकुद प्रतियोगिताको आयोजनामा पूर्वाधार निर्माणतर्फ ६७ करोड ९० लाख रुपैयाँ विनियोजन भएको छ ।

पूर्वाधारतर्फ विनियोजन भएको बजेट यस्तो छ :

दशरथ रंगशालाको बाटो, गेट निर्माण र अन्य मर्मत : ३ करोड च्यासल फूटबल रंगशाला निर्माण : १० करोड प्रशासनिक कार्यालय भवन निर्माण दशरथ रंगशाला परिसर त्रिपुरेश्वर : ६ करोड ५० लाख हिटिङ सिस्टम सहितको स्वीमिङ पुल निर्माण, सातदोबाटो : ५ करोड दशरथ रंगशालामा भिआइपी प्याराफीटमा छाना र कुर्सी राख्न : १० करोड मूलपानी क्रिकेट एकेडेमी निर्माण : १० करोड कीर्तिपुर क्रिकेट मैदानमा स्कोरबोर्ड, भीआइपी, इन्डोर कार्पेट, फिटनेस इक्प्यूपमेन्ट, डीपबोरिङ निर्माणलगायत : १ करोड सातदोबाटोमा स्क्वास कोर्ट निर्माण : २ करोड कराँते एकेडेमी निर्माण, सातदोबाटो : ५० लाख तेक्वान्दो एकेडेमी निर्माण, सातदोबाटो : ५० लाख कीर्तिपुर बास्केटबल कभर्डहल निर्माण : १ करोड नैकाप फूटबल मैदान निर्माण, तेह्रौ साग प्राक्टिस भेन्यू : ३५ लाख लैनचौर टीटी कर्भर्ड हल मर्मत, रंगरोगन : २५ लाख नेपाली सेना, सशस्त्र प्रहरी, नेपाल प्रहरीलगायत संस्थाहरुको खेलस्थल मर्मत सम्भार, रंगरोगन तथा स्तरोन्नती पोखरा बहुउद्देश्यीय कभर्डहलको इन्टरनल फिनिसिङ, कुर्सी, साउण्ड सिस्टम, ल्याण्डस्केप निर्माण : ५ करोड पोखरा रंगशाला निर्माण : ५ करोड ह्याण्डबल एकेडेमी निर्माण पोखरा : ५० लाख पोखरा क्रिकेट स्टेडियम निर्माण : ३ करोड पोखरा ब्याडमिन्टन कभर्ड हल निर्माण : ५० लाख लामाचौर फूटबल स्टेडियमनमा भीआइपी प्याराफिट र चेन्जिङ रुम (प्राक्टिस भेन्यू) लनटेनिस कोर्ट निर्माण कास्की : १ करोड गौरीशंकर खेल मैदान निर्माण हेम्जा (प्राक्टिस भेन्यू) : १ करोड भलिबल खेल मैदान निर्माण पोखरा २३ बाम्दी (प्राक्टिस भेन्यू) : ५० लाख

खोकीको औषधि खाँदा क्रिकेटर शा ८ महिनाका लागि निलम्बित

१५ साउन, काठमाडौं । भारतका क्रिकेटर पृथ्वी शा आठ महिनाका लागि निलम्बनमा परेका छन् ।

भारतीय क्रिकेट कन्ट्रोल बोर्ड (बीसीसीआई)का अनुसार, शाले अनजानमा प्रतिबन्धित पदार्थ सेवन गरेका थिए, जुन सामान्य कफ सिरपमा पनि पाइन्छ । बोर्डले भनेको छ, ‘शाले २२ फेब्रअरी २०१९ मा इन्दौरमा सैयद मुस्ताक अली ट्रफीको एक खेलका क्रममा एन्टी डोपिङ जाँचका लागि पिसाबको नमूना दिएका थिए । त्यसमा टर्बुटालाइन पाइयो, जुन प्रतिबन्धित पदार्थमा पर्छ ।’

शाले आफूमाथि लागेको आरोप स्वीकार गरेका छन् । तर यो जानीबुझी नभई खोकीको कफ सिरपको रुपमा खाएको उनले बताएको बीसीसीआईले जनाएको छ ।

तर, कानुनअनुसार शामाथि ८ महिनाको प्रतिबन्ध लागेको छ, जुन १६ मार्च २०१९ बाट सुरु भएर १५ नोभेम्बर २०१९ मा पूरा हुनेछ । शासँगै घरेलु क्रिकेटमा खेल्ने अक्षय दुलारवर र दिव्य गजराज पनि ८ महिना निलम्बनमा परेका छन् ।

जापान सुरक्षित देश कसरी बन्यो ?

२६ फागुन, काठमाडौं । जापानको प्रगतिमा क्यामरा र प्रविधिको अहम भूमिका मानिन्छ, तर यहाँका जनताको सुरक्षाका लागि प्रविधिलाई मात्रै पूरा श्रेय दिन सकिँदैन । जापानलाई सुरक्षित देश बनाएको छ- यहाँको कानुन, अपराध रोक्ने खालका नीति र शिक्षा प्रणालीले ।

सन् २०१८ मा ग्लोबल पिस इन्डेक्सको सूचीमा जापान नवौ स्थानमा रह्यो । यस सूचीको पहिलो स्थानमा आइसल्याण्ड छ । यसैगरी २८ औं स्थानमा चिली पनि समावेश भयो जुन यो सूचीमा अटाएको ल्याटिन अमेरिकाको पहिलो देश हो ।

जापानमा लागुऔषध र अपराधसँग सम्बन्धित संयुक्त राष्ट्रसंघको एक रिपोर्टका अनुसार गत वर्ष जापानमा प्रति एक लाखमा ०.२८ प्रतिशतको दरले हत्याका घटना भए । ब्राजिलमा सन् २०१७ मा यो दर ३०.८ प्रतिशत थियो ।

यो तथ्यांक त पछिल्लो पटकको हो तर आरामको निद्राको पछाडिको कारण भने प्रहरीका हतियार र अपराधमा शून्य सहनशीलताको नीति हो । र, यी सबै नीति नियम तथा कानुनहरु दुई सय वर्ष पुराना हुन् ।

सामुदायिक प्रहरी

जापानमा सामुदायिक प्रहरीका पोष्टहरु छन् । उनीहरुलाई कोबेन भनिन्छ । एउटा कोबेनमा दुई-तीन जना प्रहरी रहन्छन् । उनीहरुको काम भनेको जनतालाई सुरक्षासँग सम्बन्धित जानकारी र सेवा दिनु हो ।

यदि कुनै व्यक्तिको कुनै सामान हरायो भने कोबेनमा गएर त्यसको जानकारी दिन सकिन्छ । यी प्रहरीले सामाजिक सेवाको काम गर्दछन् । पूरै जापानभर ६ हजार ६ सय कोबेन छन् ।

बन्दुकको सबैभन्दा कम प्रयोग जापानमा गरिन्छ । सन् २०१७ मा जापानमा २२ अपराधमा बन्दुकको प्रयोग गरियो, जसमा तीन जनाको मृत्यु भयो । यही अवधिमा अमेरिकामा १५ हजार ६१२ जनाको मृत्यु बन्दुकबाट भएको तथ्यांक छ ।

शिक्षाको महत्व 

जापानमा अपराध कम हुनुको पछाडिको अर्को कारण शिक्षा व्यवस्था हो । जापानमा ब्राजिलियन स्कुलकी डाइरेक्टर मयूमी यूमोर भन्छिन्, ‘यहाँ बच्चाहरुलाई सानैदेखि के कुरा सिकाइन्छ भने जुन उनीहरुको होइन, त्यो आफूसँग राख्नु अपराध हो ।’

यूमोरको स्कुल जासोमा छ । उनका अनुसार प्रहरीले विद्यार्थीहरुलाई धेरै प्रकारका कार्यक्रममा निम्तो गर्दछ । प्रहरीले फुटबल खेलमार्फत् पनि विद्यार्थीहरुलाई लागुऔषधबारे जानकारी दिन्छन् ।

जापानमा रक्सी सेवन गरेर साइकलसमेत चलाउन पाइँदैन । रक्सी पिएर साइकल चलाएको पाइएमा जरिवाना र कैद दुवै सजायँ हुन्छ । जापानमा साइकल चलाउँदा हेडफोन लगाउन, छाता ओढ्न र मोबाइल फोन प्रयोग गर्न पनि बर्जित छ ।

जापानका नागरिकहरुले यस्ता कानुनी व्यवस्थालाई पालना गर्दछन् र देशलाई राम्रो बनाउन योगदान गर्दछन् ।

धेरैजसो घरमा राखिएका पसलमा एक स्टिकर लगाइएको हुन्छ जसमा लेखिएको हुन्छ- कोडोमो ११० ब्यान्ड इन द ले । जसको अर्थ हुन्छ जुन बच्चा खतरामा हुन्छ, त्यसले यो ठाउँलाई शेल्टरको रुपमा प्रयोग गर्न सक्छ ।

यसका साथै प्राथमिक शिक्षाको सुरुवाती ६ वर्षसम्म विद्यार्थीहरुले आफूसँग एक अलार्म बोक्छन् र कुनै खतरा महसुस भएमा त्यसलाई बजाउँछन् ।

जापानमा सडक प्रयोगको कानुन पनि कडा छ । गाडी दुर्घटनामा संलग्नलाई कडा सजायँ दिइन्छ ।

सन् १९७० मा एउटा निकै कडा कानुन बनाइयो तर सन् १९७० मै कारहरुको संख्या यति धेरै बढ्यो कि दुर्घटनाबाट १६ हजार ७६५ जनाको ज्यान गयो । यसैको कारण जापानमा कडा दण्डनीय कानुन लागु गरियो ताकि यी नियम कानुनको पालनाबाट सडक दुर्घटना कम होस् । जापानमा मादक पदार्थ सेवन गरेर गाडी चलाएमा जेल सजाय हुन्छ ।

जापानमा हतियार किन्न पनि मुस्किल हुन्छ । हतियार किन्नु परेमा संयम भएर लामो समयसम्म प्रतिक्षा गर्नुपर्छ । यसका लागि एक दिनको कोर्स लिनुपर्छ । जसमा हतियार किन्न चाहने व्यक्तिले परीक्षा दिनुपर्छ । र, दोस्रो चरणमा निशाना लगाउन सक्नुपर्छ । यो कोर्समा जुन व्यक्तिले ९५ प्रतिशत सही जवाफ दिन्छ, उसले मात्रै हतियार राख्ने अनुमति पाउँछ ।

यति मात्र होइन त्यो व्यक्तिको मनोवैज्ञानिक र एन्टी डोपिङ टेस्ट पनि गराइन्छ । प्रहरीले बन्दुक खरिद गर्नेहरुको रेकर्ड जाँच गर्दछ र अन्तिम स्वीकृति दिन्छ ।

– बीबीसीबाट

डर्भीलाई ज्यान मार्ने धम्की

८ चैत, काठमाडौं । लेस्टर सिटीका स्ट्राइकर जेमी डर्भीलाई ज्यान मार्ने धम्की आएको छ ।

प्रशिक्षक रेनेरीले बर्खास्त भएपछि आफू र आफ्नो परिवारलाई धम्की आएको भर्डीले बताए । ३० वषर्ीय स्ट्राइकरमाथि इटालियन प्रशिक्षक रेनेरीलाई बस्र्खास्त गर्न क्लबमा गलत र हानिकारक प्रभाव जमाएको आरोप लगाउँदै ज्यान मार्ने धम्की आएको हो ।

लेस्टरलाई पि्रमियर लिग जिताएको ९ महिनापछि फेब्रुअरीमा रेनेरी बर्खास्त भएका थिए ।

यो डरलाग्दो छ, भर्डीले भनेका छन् । सेभिल्लासँगको खेलपछि मिटिङमा आफू संलग्न भएको स्टोरी आफूले पढ्को भन्दै उनले भने, वास्तवमा म एन्टी डोपिङ टेष्टका लागि तीन घन्टा बसेको थिएँ ।’

उनले अघि भने, जब स्टोरी आयो, मानिसहरुले त्यसलाई पत्याएर धम्की दिएका छन् ।’

आन्द्रे रसेलमाथि लाग्यो एक वर्षे प्रतिवन्ध

१९ माघ, काठमाडौं । वेष्टइण्डिजका अलराउण्डर आद्रे रसेलमाथि एक वर्षे प्रतिवन्ध लागेको छ ।

डोपिङ टेष्टमा लगातार तीन पटक अनुपस्थित भएपछि उनी कारबाहीमा परेका हुन् । टेष्टका लागि उनलाई जमैका एन्टी डोपिङ कमिसनले फोन कल गर्नुका साथै इमेल र लिखित पत्र समेत पठाइएको थियो ।

तर, २०१५ को जनवरी १, जलाई १ र जुलाई २५ मा डोपिङ टेष्टका लागि उपस्थित भएनन् ।

त्यही कारण उनीमाथि प्रतिवन्ध लागेको छ । मंगलबारदेखि लागू भएको प्रतिवन्ध २०१८ जनवरी ३० सम्म कायम रहनेछ ।

प्रतिवन्धविरुद्ध अपील गर्नेसहितका सबै विकल्पमा छलफल भइरहेको रसेलका वकिलले बताएका छन् ।

यो प्रतिवन्धको पहिलो असर फेब्रअरीमा हुने पाकिस्तान सुपर लिथ र अप्रिलमा हुने आईपीएलमा उनी देखिने छैनन् । उनले २०१६ मा वेष्ट इण्डिजबाट टी-२० विश्वकप जितेका थिए ।