#كانت تايهة عني فين!
Text
من أول ما سكنت وأنا عندي مشكلة رهيبة ف ضغط الماية.. بشعة.. وجم ميت مرة ومفيش حل وقررت أطنش وأتأقلم..
من أسبوع سخان الماية بدأ ينقط ماية ف الارض وقصة.. اتصلت بالشركة بعتولي واحد.. بنطلون وقميص وكرافتة وحاجة آخر قيامة..
فضل يصلّح ف السخان ويفك ف وصلات ويركب ف وصلات وبعد انتظار مرير بدأ يشرحلي انه خلّص وطلب مني أفتح حنفية المطبخ أجرب السخان.
شغلت الحنفية السخان مالقطش.. أقفل افتح مفيش.. قاللي طيب جرّبي حنفية البانيو.. السخّان ربنا كرمه ولقط والماية سخنت.. وإذ به تهلّلت أساريره وانفرجت ورفع إبهامه بالOK ولقيته بيلم عدّته وماشي!
-بتعمل ايه سعادتك؟
=التسريب اتصلّح!
-شورتك طين سعادتك.. حنفية المطبخ مش واصلها ماية سخنة.
=اصل ضغط الماية عندك ضعيف.
-ماهو كان ضعيف قبل كدة وبتشتغل.
=انتي محتاجة تفكي الحنفية وتتسلك وضغط الماية يتظبط.
-ما انتوا جيتوا قبل كدة وعملتوا كدة وضغط الماية ماتصلحش والسخان كان شغال عادي.
=يعني أفك السخان تاني؟!
-دة بعد اذنك!!!
=طب هجيلك بكرة.
ويأتاااري الصنايعي المصري عيبه انه صنايعي مش عيبه انه مصري!
بعد خمس ايام جه الشملول وفك وظبط وركب ..
وقالي ان خلاص كدة كله تمام..
سألته سؤال برئ جدًا:
ايه الحل ف ضغط الماية؟ أنا بس كل غرضي لو حد غسل إيده ف الحوض الماية ماتقطعش ع اللي بيستحمي
تهللت أساريره تاني لأنه عارف الإجابة كل دة ومدكن وقالي:
انقلي شقة تانية.
29 notes
·
View notes
Text
كل مرة بقلب في النوتة بتاعتي بتاعت الثيرابي بتخض شوية وبعدين بقول صح صح كانت تايهة عني فين دي أصل خلاص بقى في ردود على كل الأفكار
0 notes
Text
لقيت موضوع فيه 7 نصائح عشان تبقى morning person بسهولة.. قريته بكل حماس لقيته بيقول: اصحى بدري، نام بدري، افطر فطار صحي، نام بدري طول الأسبوع!!!
8 notes
·
View notes
Last Seen Blogs
entoptika
Entoptika Photography
dudewhosketches
Dude Who Sketches
nanawak-pillow
VAN HEIREWEGHE-PILLO Illianah
well-wisher00
Untitled