لا أظن إني أغرمت بحاجة فنية زي فيلم الأسد الملك النسخة المدبلجة بالمصري. كان أول فيلم كارتون طويل اشوفه في حياتي، وقتها الكمبيوتر كان طفرة، الهاردات كانت عشرين جيجا باين، وكان فيه هاردات أقل كمان. عالم كامل من السحر فجأة دخل البيت، وعلى عرش العالم الساحر ده استقر الأسد الملك. مكتبة ديزني المدبلجة بالمصري في الفترة دي استولت على عقلي ومشاعري، حبيت كل الأفلام واتسحلت معاها، مقدرش انسى "حياة حشرة" مثلا، الفيلم ده برضه حكايته حكاية وليه في قلبي مكانة كبيرة ، لكن برضه الأسد الملك كان في حتة تانية، ومظنش عشان هو فنيًا أعلى من غيره لكن عشان كان نافذتي الأولى على هذا العالم، حبيتته لدرجة إني تقريبًا حافظ الفيلم كله لاين لاين، وبعرف اقلد أصوات الشخصيات حلو أوي كمان، ويمكن ده كان سبب إني اشتغل في مجال ال Dubbing الـ localization لما كبرت ومش هعرف اوصف شعوري لما اخدت أول شغلانة في المجال ده، لكن ده موضوع تاني. المهم اني لحد دلوقتي عندي عادة كده اني كتير بقول لاينز من الأسد الملك بشكل غير واعي كأني بدندن أغنية بحبها واصحابي على طول بيقفشوا الموضوع ده ويهزروا عليه بما إني حاليًا يعني شحط كبير وغادرت الطفول والمراهقة والشباب المبكر ودايمًا كنت بسمع منهم جملة " إيه يا بني اللي بتقوله ده؟" فاتكتم وابطل اقول.

في مرة كنت في ستوديو بسجل كتاب صوتي مع شركة ما، ومن المتعارف عليه إننا لما بناخد بريك في وسط سيشن التسجيل مهندس الصوت بيقفل الـ Talk back  لحد ما الـ Narrator  اللي زي حالاتي يشرب حاجة ويريح الحنجرة شوية. المهم مهندسة الصوت ادتني بريك وانا مش مدي خوانة وماسك كوباية المشروب الساخن أشرب شوية وادندن شوية لاينز من الأسد الملك ثم معرفش ليه خد خدتني الحماسة يمكن عشان جوة ستوديو وقدام مايك، المهم اني سيبت المشروب خالص وفتحت في وصلة طويلة من الفيلم وعمال اتنقل من شخصية للتانية بحماسة طفل أخرق لحد ما البريك خلص. بعدين لبست السماعة واتنحنت كقارئ كتب صوتية وقور فلقيت مهندسة الصوت بتقول لي شكلك بتحب الكارتون أوي؟ أنا تنحت فجأة كده بعد ما أدركت إن كل ده الـ Talk back  كان مفتوح وإنها سمعتني وانا بتحول لطفل أبله لمدة خمس دقايق على الأقل، لكني تماسكت وعملت نفسي مش محرج ولا عايز الأرض تتشق وتبلعني ولا حاجة. لقيتها فضلت تتكلم معايا عن الدوبلاج وكانت لطيفة جدًا وعندها معلومات تدل على معرفة كبيرة بالكارتون والصناعة نفسها كمان ونسينا الكتاب اللي بنسجله تقريبًا وقعدنا نتكلم لحد ما جت سيرة الهاشتاج اللي اتعمل زمان عشان ديزني ترجع بالمصري وقلتلها إني كنت بكتب على الهاشتاج ده يوميًا وخسارة والله إنهم بطلوا يشتغلوا بالعامية المصرية، فقالت لي إن الاستوديو المصري قريب هيشتغلوا تاني في مشروع لديزي فأنا قلتلها مش حقيقي لأن ديزني ادت الوكالة لشركة في دبي وإن الاستوديو المصري معهوش شغل بقاله كتير وبدأت استعرض معلوماتي واكلمها عن الشخص اللي عمل طفرة الدوبلاج في مصر وإنه مبطل شغل بقاله فترة وكده، فهي قالت لي إن عندها معلومة أكيدة إنهم هيشتغلوا قريب فكان ردي إنه لأ أنا مسمعتش معلومة زي كده وانا متابع الموضوع كويس فقالت اسمع مني فقلت لها اسمعي انتي مني فقالت لي يا بني أنا متأكدة قلتلها طب جبتي المعلومة منين، فقالت لي أنا متأكدة عشان انا بنت فلان الفلاني، اللي هو الشخص اللي عمل ثورة الدوبلاج المصري ودبلج مكتبة ديزني القديمة كلها. طبعًا انا لتاني مرة اعمل نفسي مش محرج ومش عايز الأرض تتشق وتبلعني ولا حاجة وقلتها دي فرصة سعيدة وأخيرًا افتكرنا الكتاب وكملنا تسجيل. بعدها نشأت بيننا صداقة لطيفة وعملنا شغل كتير سوا في مجال الكتب الصوتية وكنا تيم كويس جدًا. بعد فترة قالت لي إنها قدمت استقالتها عشان قررت تهاجر كندا وسابت الشغل فعلا واتمنت لها التوفيق.

قبل ما تسافر بكام يوم كلمتني وقالت لي إنها عايزة تشرب معايا القهوة قبل ما تسافر وفعلا نزلنا وشربنا القهوة وقبل ما تمشي لقيتها بتديني السي دي ده وبتقول لي إنه عليه الأسد الملك بكل الدبلجات وإنه كان جاي لوالدها من ديزني وما اتفتحش لحد دلوقتي حتى، وإنها شايفة إن السي دي ده مينفعش يكون مع حد غيري! مبعرفش برضه اوصف مشاعري ساعة الموقف ده لكني كنت ممتن جدًا ومتأثر جدًا ولحد النهاردة برضه مفتحتش السي دي وسايبه زي ما هي اديتهوني كده وكل ما اجي اروق المكتبة واشوفه افتكر الموقف ده. أتمنى تكون بخير وتكون بتعيش أيام طيبة.

تسلسل الحياه مرعب ، اتفاجئت اني بغير ترتيب أولوياتي كل فتره وبغير حتي ترتيب الناس ودايرتي المقفوله بتفضي أحياناً وبتتملي احيانا ع مدار سنين كتير ف حاجات كتير حصلت مكنتش عامل حسابها ، للتدقيق مش حابب اعمل حسابها عشان مش متخيل انها هتحصل ، او مش عايزها تحصل مع ان كان هيجي وقت وتحصل

عارف لما تراهن بكل فلوسك ع مشروع ويطلع فاشل لمجرد انك حابه؟ ، مقتنع جدا بمقوله don't put all ur eggs in one basket بس الحاجات دي اكبر من فكره انك تتصرف معاها بعقلانيه ، مش كل الحاجات ينفع يتحطلها plan b ولا ينفع تحط سيناريو ان الحياه هتكمل عادي بعد ما تضيع منك ، هي كدا كدا هتكمل بس مش عادي

وتقريبا اكتر حاجه انت مش عايزها تحصل هي اللي بتحصل ، كل مخاوفك بتتحقق ، مش عارف هي بتتحقق عشان دي مخاوفك ولا عشان مقدرلها تتحقق بس لو مكنتش خايف منها مكنتش هتحصل او مكنتش هتاخد بالك حتي انها حصلت ، الحياه بتدور علي انا هتكون تعبان اكتر فين وتحطك تقريباً

هو الانسان عنده طاقه و قدره انه يجدد احلامه ويعافر ويمتص الصدمات والضرب وميخدش باله من كل الناس ال بتقع منه ومن كل الحاجات ال بيخسرها والطباع وثقته بنفسه ال بتتهان وتتهز كل شويه و انه بيموت كل يوم 100 مره بس لازم يأكت ان كله تحت الكنترول ؟

كومبارس صامت ف مسرحيه بس عايز يمثل صمته وهو كويس .

لو عندك عربية قديمة من الكبار قوي دول، ومحتاجه تصليح وملهاش قطع غيار ومحدش عايز يشتريها وسايبها في جراج علشان العربية ده تعتبر تحفه.... حضرتك عندك فيل ابيض 🐘🐘

هو في حاجة اسمها فيل اابيض اصلا 🤔🤔

زمان كان في دوله اسمها سيام الي هي تايلاند دلوقتي، الملك بتاعها كان عبقري، كل ما يبقى في دوله بينه وبينها مشاكل، كان بيبعتلهم افيال بيضاء اللون (فيل البينو) والافيال ده في جنوب شرق اسيا غاليه جدا ونادره و تعتبر حاجة مقدسه وتعبر عن السلام والعظمه وكده.

طب ده بيكره الدول ده.. بيعمل كده ليه 🙄

🤴 الملك ده كان بيرهق الدول الي بيكرها اقتصاديا، لان الفيل الابيض ماينفعش حد يستخدمه في شغل لانه حاجة عظيمه، وفي نفس الوقت لازم يجيبله اكل وشرب ويرعاه... وده كانت الفكره اللئيمه بتاعته.

دلوقتي لفظ الفيل الابيض بيستخدم لاي استثمار ضخم لا يعود بفايده على صحابه ويعتبر عبء مالي عليهم.

تعالوا نشوف امثله

البرازيل 🇧🇷

🏟️ لما استضافوا في 2014 كاس العالم، والومبياد 2016 احتاجوا انهم يبنوا مجموعه ضخمه من الاستادات علشان العرس الرياضي ده.

🤵👰 العرس خلص وكل بلد راحت لحالها وسابوا مجموعه ضخمة من الافيال البيضاء، الي البرازيل بتضطر تعملهم صيانه بمبالغ خرافيه ومن غير استخدام حقيقي للاستادات ده... ماهو الدوري البرازيلي على قده والاستادات ده ملهاش عازه

ابتدوا يأجروا مكاتب فيها ويعملوها مواقف باصات علشان يجيبوا اي قرش منها من غير فايده

الصين 🇨🇳

المول التجاري (مول الجنوب الجديد) الي اتفتح في 2005 كانوا مستنيين انه يزوره 100الف واحد يوميا، لكن المول فاضي ومحدش بيروح. المنطقه الي اتفتح فيها المول منطقه عمال واجورهم ضعيفه وبالنسبه ليهم المول ده ميقدروش عليه ماديا..

امريكا 🇺🇸

🏗️ مثال تاني في نيويورك مبنى Empire State الي بعد ما اتبنى بعشرين سنه ابتدى يجيب ارباح ضعيفه من الايجارات مقارنه بالايجارات في نيويورك

🛣️ ومش بس المباني الي ممكن تتحول لفيل ابيض، لا مشاريع البنيه التحتيه ممكن تكون من اكبر الافيال كمان للاسف

🚇في 1916 قررت حكومة اوهايو الامريكية انهم يعملوا مترو انفاق في مدينة Cincinnati وبالفعل خلصوا 11 ميل من ال 16 الي مخطط ليهم بمبلغ 6$ مليون، الا ان بسبب التضخم الي حصل بعد الحرب العالمية التانيه لا المشروع خلص ولا في مترو واحد مشى على القضبان ده

الزبده: مايغركش اي مشروع بيكون له عائد مادي سريع او كبير متوقع، اعمل دراسة الجدوى بتاعتك وذاكر وضعك كويس على المدى البعيد، ومتنساش تحليل المخاطر Risk Assesment علشان تشوف الاستفاده من المشروع حتكون ازاي لو لا قدر الله حصل في الامور امور.

▫️حكاوي _في_ البيزنس 🤔

من شويه قابلتني الصوره دي، وافتكرت من فتره كبيره جدا يمكن اكتر من ١٢سنه دخلت مطبعه ورق جمبنا وعملت الف علبه من دي، ونزلت العتبه جبت اللعاب صغيره زي عجله وسبيدر مان واللعاب كتير جدا صغيره زي كده وابتديت أجهز كل ده ف العلب واحط كل ٢٥ علبه ف كرتونه صغيره وغلفتهم كراتين ونزلت اللف علي رجلي من الساعه ٩ الصبح لحد الساعه ٤ العصر وانا بلف علي المحلات والمكتبات انهم يشتروا مني الكرتونه ب ٢٥ جنيه وهيبيع العلبه ب ١.٥ جنيه، يعني هيكسب فيها ١٢.٥ جنيه ف كان مكسب ليه كويس، انا مكنتش بحس انهم بيشتروا مني عشان المكسب قد ما كنت بحس انهم بيشتروا مني عشان شايفين العرق والتعب اللي انا فيه من كتر اللف علي رجلي وقررت اني اخلص الالف علبه ومكملش تاني ف لاقيت الموضوع ابتدي يبقي مربح بالنسبالي وابتديت كمان قبل المدارس ما تبدأ باسبوعين كده اجيب اقلام واجهز كل ٥ اقلام ف كيس صغير وانزل اللف علي المدارس وابيع الاقلام دي للمدرسين وحسيت وقتها فعلا اني رجل اعمال واني ممكن الموضوع يكبر واجيب ناس تشتغل مناديب عندي، كل ده وقتها كان مربح فعلا جدا وكان بابا وقتها بيقولي الحاجات دي بتكسبك كده، وحقيقي كنت بكسب عشان مبركبش موصلات خالص وكان بيجي عليا وقت اجيب البضاعه من العتبه وارج مشي من العتبه لحد شبرا بسبب اني مش عايز اخسر الاتنين جنيه بتوع تذكره المترو، مع ان بعد الشغل كنت ممكن افرتك فلوس كتير عادي بس لا كله الا المكسب اللي هيطلع من العمل، ده حدث صغير من ضمن احداث الاشغال اللي عيشتها ومريت بيها.

وحقيقي تسعه اعشار الرزق في التجاره

واتمني اني اعمل مشروع لنفسي ف الوقت ده واكبره واكبر معاه.

“وَاضْرِبْ لَهُم مَّثَلَ الْحَيَاةِ الدُّنْيَا كَمَاءٍ أَنزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الْأَرْضِ فَأَصْبَحَ هَشِيمًا تَذْرُوهُ الرِّيَاحُ” الكهف٤٥

"إِنَّمَا مَثَلُ الْحَيَاةِ الدُّنْيَا كَمَاءٍ أَنزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الْأَرْضِ مِمَّا يَأْكُلُ النَّاسُ وَالْأَنْعَامُ حَتَّىٰ إِذَا أَخَذَتِ الْأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا أَتَاهَا أَمْرُنَا لَيْلًا أَوْ نَهَارًا فَجَعَلْنَاهَا حَصِيدًا كَأَن لَّمْ تَغْنَ بِالْأَمْس" يونس٢٤

القرآن كتاب واقعي، ممكن نلف الدنيا عشان بس نعرف حلول لمشاكلنا ونسأل عدد كبير من الناس ونحب نمر بتجارب كتير عشان نعرف حقيقة الدنيا والقرآن اللي بين ايدينا عنده كل الحلول وكل الردود اللي ترضينا وتخلينا نعيش الدنيا بتوازن، الآيتين دول جايين يقولولنا حقيقة الدنيا بتشبيه يخليك تتخيل الصورة قدامك عشان تفضل مستحضرها في عقلك.

الآيات بتقول ان الدنيا مراحل واطوار، هتشرحلك قصة الزهو وليه احنا بنحس بالفرحة الكبيرة في بداية كل حاجة وبعد فترة بتبقى عادية، وتحل عندك مشكلة ان ليه الحجات اللي بنبقى فرحانين بيها مبتكملش او لو كملت طعمها بيروح.

في البداية شبه الحاجة اللي انت عايزها في الدنيا (تخرج، نجاح، شغل، علاقة، ابناء، فلوس، ملك، منصب، شهرة) زي المياة اللي بتنزل على الزرع، وشبه طور ابتداء الزرع لما بينزل عليه المياة بنضارة العيش وزهرة الحياة، لما الحاجة اللي انت عايزها بتيجي الحياة بتحلو وبتزدهر بالنسبالك.

(فاختلط به نبات الارض) الحياة بتبقى قمة النضرة في الوقت ده، مثلاً في العلاقات سواء صداقة او زواج في البداية بتكونوا في قمة النضرة بتكلموا بعض دايماً تسألوا على بعض بتبقوا عايزين تشوفوا بعض كل فترة وبيبقى كل واحد حريص على التاني اكتر، وكمان كل واحد له زهرة الحياة الدنيا بدئت مع علاقة ما او موقف ما حصل له في حياته (لما نجحت في ثانوية عامة، لما اتخرجت، لما اشتريت حاجة كبيرة كنت عايزها، لما اشتغلت، لما حققت نجاح في مشروع، لما بنيت بيت، لما اتجوزت، لما جبت ولاد).

وكل ده جميل والفرح بيه طبيعي وانك تعيش احساس الانبساط بالحاجة دي مطلوب، بس المشكلة ان النضارة بتدهشنا و ساعات بيقع في قلبنا الزهو، وان الحياة حلوة اوي وهتستمر كده للأبد، وانا بتكلم دلوقتي افتكر زهرة الحياة عندك كانت مع بداية ايه في حياتك حققته؟

والجزء التاني من الآيات هتفهمنا ان لما الدنيا تتفتحلك مش مشكلة افرح واتبسط وعيش، بس لازم يكون جواك ان الدنيا حالها مش ثابت ومتقلبه، واللي زاهي دلوقتي هيكون هشيم او حصيد بعدين.

لما الواحد يوصل لمرحلة في حياته الحياة تحفة فا بيتهيأله انها بتكمل كده، فا يزداد تعلقه باللي حواليه فا يزداد تعلقه بالدنيا، ونقعد نخطط ٤٠ سنة قدام وشايفين ان الدنيا في ايدينا (اهلي حواليا، صحابي، قادرة اسيطر على حياتي)

(حتى اذا اخذت الارض زخرفها وازينت)

بعد الفرح الامال بتتزين اكتر وبتزيد وبتبقى عايز أكتر، شبهلك امال الدنيا زي الحاجة المتزينة الجديدة في كمالها، بتبقى وصلت لقمة سعادتك ونجاحك واستقرار حياتك، وبتتخيل استمرار الحال.

(وظن أهلها انهم قادرون عليها) طمع وطول امل ان الحاجات الحلوة هتبقى وهفضل اخد من ثمرات الحياة على طول، واحنا وصلنا للحال ده عشان غاية ارادتنا عند الحاجة اللي نفسنا نوصل ليها ومش عايزين حاجة بعدها، ان كل هدفي اشتغل كل هدفي اعمل اسرة كل هدفي انجح، بس للأسف و��ي حقيقة الدنيا ان الحال هيتقلب في يوم، ومحدش فينا عارف اللي هو فيه هينتهي امته، وتأملوا معايا الجزء ده من الآيات (فجعلناها حصيداً كئن لم تغن بالأمس) (فأصبح هشيماً تذروه الرياح).

البهجة راحت وكان امبارح فيه حجات كتير، بتيجي احداث تذهب بها (العلاقات، الشغل، اللمة، الصداقات)، بيت العيلة اللي كان بيجمعكوا دلوقتي فاضي، صحابك اللي كنتوا ليل نهار مع بعض دلوقتي كل واحد في بلد والحياة واخداه، العلاقة اللي كنت فاكر انها احلى حاجة في حياتك اتنهت، امبارح كان في فرح في بيت بعدها بقى في عزاء، سبحان الله انتَ كمان مش مالك قلبك فا ممكن قلبك ينصرف عن ناس كنت بتحبهم جداً دلوقتي متحبش تسمع عنهم.

كل امال في حياتك استنتها اوي ربنا بيوريك صورة النهاية في القرآن، اول ما تتعلق بشئ من الدنيا الدنيا هتتلونلك الوان وهتبقى في عينك حلوة وتتخيل انها هتفضل كده وفجأة كئنها مجاتش.

طب ايه الحل؟ اننا نمشي في الحياة بتوازن، نبقى نفس مطمئنة عارفة ان استدامة زهو البدايات ده موجود في الجنة بس وكمان عارفة ان ان استدامة الكربات موجود في النار بس، نبقى عارفين ان الحياة فيها الاكستريم من الناحيتين فا نبقى احنا في النص، نفرح باللي بيجيلنا بس منتعلقش بيه، وفي نفس الوقت ميبقاش في تشاؤم في قلبنا وسوء ظن ان كل الحياة وحشة وان الحياة هتبقى من شئ لأسوء، بالعكس انت كل ما تطلع من كرب بتلاقي بعدها فرحة تعوضك وكل مرحلة في حياتك فيها لحظات حلوة ولحظات فرح كتير، بس ضروري تفهم ان برضه في لحظات حزن مع طول حياتك، ومتقتنعش بالدنيا وهي زاهرة.

ده هيخليك تاخد الدنيا بهدوء سواء في فرح فا متحسش انه دايم او في كرب شديد تتعرض له "لِّكَيْلَا تَأْسَوْا عَلَىٰ مَا فَاتَكُمْ وَلَا تَفْرَحُوا بِمَا آتَاكُمْ".

اللهم نسألك نفساً بك مطمئنة، تؤمن بلقائك ترضى بقضائك وتقنع بعطائك.

اشعر ان مالي اختلط بحرام ومش عارف الحرام اللي دخلة قد ايه لكنة اقل من ربع اجمالي المال .. المال بقي مافيهوش بركة وعمال اعيا كتير واصرف فلوس كتير جدا علي علاجات فاشلة ودكاترة غير اكفاء ونصابين .. انا حزين جدا والدنيا مقفلة في وشي .. خمسين مشروع جواز ومافيش واحد فيهم تم وبقيت مش عايز اعيش مش عايز اكمل الرحلة الصعبة دي انا اضعف من كدة اضعف كتيييير ومش عارف اعمل ايه ولا حتي ليا نفس اخرج من الحاله دي

اللهُ المُستعان..

الحمدُ لله فبرغمِ هذا السّوادِ القاتِم المُخيّمِ على حياتِك إلّا أنَّ بذرةَ الخيرِ فيك لا تزالُ تنبضُ بالحياةِ، وها أنت تعترفُ بجرمِك وتقرُّ بذنبِك وهذَا أمرٌ طيّبٌ.

يلزَمك التّخلّصُ من المالِ الحرام، فنبيُّنا ﷺ كما هُو معلومٌ قد حُرّمت عليهِ وآلِ بيتِه الصّدقة، وكان صلواتُ ربّنا وسلامه عليهِ يتحرّى الحلالَ وهو المعصومُ؛ قالَ كما في الصّحيحين «إنّي لأنقلِبُ إلى أهلِي، فأجِدُ التّمرةَ ساقطةً على فراشِي، ثم أرفعُها لآكلَها، ثم أخشَى أن تكونَ صدقةً، فأُلقِيها.»

وأخبارُ الصّحابةِ والتّابعينَ في الورعِ وتحرّي الحلالِ لا نكادُ نحصيهَا.

وإن كانَ لمسلِمٍ عِندكَ حقٌّ فينبغِي أن تُرجعَه له دون تأخِيرٍ وتتحلّلَ لنفسِك، ففي صحيحِ البُخاريِّ: «من كانت له مظلمةٌ لأحدٍ من عرضِه أو شيءٍ فلِيتحلَّلْه منه اليومَ ، قبلَ أن لا يكونَ دينارٌ ولا درهمٌ، إن كان له عملٌ صالحٌ أخذَ منه بقدرِ مظلمتِه ، وإن لم تكنْ له حسناتٌ أخذَ من سيّئاتِ صاحبِه فحملَ عليهِ.»

كمَا واحمدِ اللهَ تعالَى الذي أظهرَ فيك آثارَ الحرامِ وعجّلَ لك بالعقوباتِ الدّنيويّة ولم يستدرِجكَ.

عجّل بالتّوبةِ وطهّر مالَك وستجدُ بحولِ الله لذلِك أثرًا بالغًا وتغييرًا كبيرًا وبركةً في حياتِك.

شفاك الله ووفّقك وتابَ عليك.

02-01-2021

مش عارف ليه اترددت واتأخرت عشان اكتب البوست بتاع السنة كالعادة ممكن عشان مش عايز افتكر او ممكن عشان بقالي كتير مفتحتش هنا ومش فايق ولا ليا مزاج اني افتح بس فى الاخر لازم يتكتب يعني توثيقاً وللذكري فلو حبينا نبدأ من الاول خالص من اول شهر ويناير فالفترة دي تعتبر كانت بداية جديدة ليا فبعد فترة من التدوير والتقديم والانترفيوهات فى مجال الجرافيك ديزين قدرت ان انا اشتغل فى agency اها ممكن تكون على ادها بس اخيراً شغل ثابت فى مكان المفترض محترم وبمرتب مقبول كنت بادئ من اخر 2019 فاكر اخر يوم فى السنة قضيته هناك فى المكتب كان عندي طموح وامل رهيب فى الوقت دا بعد احباط كتير حصل فى 2019 بس للاسف من بعد اول شهر بس عرفت ان كل دي اوهام وللاسف المكان اللي كنت فيه كان بيفلس !! قضيت هناك شهرين صعبين مرهقين نفسياً شلت شغل كتير عشان طبيعي فى مكان بيفلس مكنتش فيه ناس كتير تشتغل او مكنتش فيه ناس اساساً احنا كنا 3 فى الاخر وكلنا مشينا اخر شهر 2 بعد مااخدت فلوسي بالزق وبعد فترة تانية فى شهر 2 من التدوير على شغل فترة كانت مرهقة جداً نفسياً وعدت الحمد لله ومن شهر 3 كنت ابتديت شغلي الجديد واللي هو من سخرية القدر كان remotely والكلام دا قبل موضوع الكورونا ما ينتشر اصلاً يعني دا طبيعة الشغل فى الشركة دي المهم على الهامش يعني فالسنة دي ابتدت باشاعات كتير عن حرب عالمية تالتة ونهاية العالم وكوميكس بايخة كتير وعلى شهر 2 الموضوع قلب عن فيروس فى الصين بيقتل الناس ووصل لاوروبا وفي اشاعات انه وصل مصر لحد شهر 3 فعلاً الموضوع اتأكد وفاكر بداية الموضوع دا كويس عشان فنفس الوقت جدي اتوفي يوم 13-3-2020 كان خبر صعب عليا بالرغم انه متوقع لان سن جدي كبير جداً بس انا متربي معاه وانا صغير وهو قبلها خلال سنين اللي فاتت عدي بازمات صحية صعبة وقدر انه يقاوم بس فى النهاية وقته جا  ودا خلاني اعدي بفترة افكر فيها كتير فالموت والحياة وازاي انا كبرت وبقيت من جيل اكبر المهم بعد وفاته بيوم الدنيا كلها قفلت بسبب الفيروس اللي جالنا من الصين او من اوروبا بقي وقعدت فى البيت بس انا شغلى وقتها كان من البيت فمفرقش كتير يعني بس كالعادة وبعد فترة مش طويلة فى الشغل الجديد اكتشفت انهم ولاد **** زيهم زي اللي قبلهم وتقريباً زي اي مكان فى مصر وبعد مااثبت نفسي فى الشغل فى اول شهر واشتغلت زيادة كتير عن المطلوب مني بقي الطبيعي اني اشتغل زيادة مش بس كدا لا وكمان المرتبات قلت بحاجة الكورونا وبلا بلا مع ان الشغل مزدش ولا حاجة جربت ادخل اكتر من مرة فى ستارت اب مع اكتر من  حد متحمس وطبعاً كله بلح فى الاخر واتاكدت ان لو عايز اعمل ستارت اب محترم لازم يكون مع نفسي ودا اللي حصل وقدرت ابتدي ستارت اب على اده كدا فى شهر 7 تقريباً وعامة مع الوقت دا كله اخدت خبرة كتير في شغلى واتعلمت كتير وبردو اضغطت كتير مش عارف ليه من بعد وفاة جدي ولحد يوم 12 من شهر 9 مفيش حاجة كبيرة اقدر افتكرها يعني لو رجعت بدماغي سريعاً من وفاة جدي لحد شهر 5 او 6 عبارة عن قعدة فى البيت بسبب الفيروس والشغل واكتئاب ورمضان ملهوش طعم او اي حاجة مميزة فيه وعيدين ملهمش طعم بردو ممكن رجعت للقراية وقريت شوية كتير نسبياً كونت علاقات بسيطة جداً فى شغلي الجديد انا بطبعي مش الانسان اللي بكون علاقات بسرعة ولو ع النت التعامل اصعب وانا مش ناقص دوشة فى دماغي الصراحة حاولت فى 3 ستارت اب الوحيد اللي اتحرك شوية كان اللي كنت فيه لوحدي فيه حاجة تانية؟ ممكن مش فاكر ايام كانت بتعدي من غير طعم ولا معني بدور على شغل جديد للمرة المليون لحد ماحسيت اني هافضل طول عمري بدور على شغل  فى شهر 7 ممكن الحاجة الوحيدة المميزة اني قدمت على منحة ال ui/ux فى ال iti اللي هو لو شفت الكارير تاني هتحس بحاجة ؟؟؟! شهر 8 ممكن الحاجة المميزة اني ابتديت اهتم بصحتي وقتها كان بقالي 5 شهور ولا اكتر قاعد فى البيت مع اقل قدر من النزول والحركة واكبر قدر من الاكل وزني زاد وانا كنت لسا رفيع بس مبقتش رفيع جداً :3 وحسيت ان فى صحياً مش مظبوط ابتديت اجري واعمل وورك اوت لمدة شهر تقريباً وبعدين انشغلت فى انترفيوهات الiti وبعدين فى شهر 9 اتقبلت فى الiti عشان اخد اجازة من الشغل وابتدي المنحة 12-9-2020 وخلينا متفقين على حاجة اهم فايدة للمنحة مكنتش الجانب العلمي اللي اكيد هيفرق مستقبلاً إن شاء الله جامد بس كسر الروتين والزهق والاكتئاب بحاجة جديدة وناس جديدة حتي وان كان بردو اونلاين ومن البيت ومن بداية المنحة ولحد ما خلصتها اقدر اقول ان الفترة دي على المستوي الذهني والنفسي كانت افضل بكتير من اللي فات اتعلمت مجال كان نفسي ادخل فيه اتعرفت على ناس كتيرة الدنيا كانت حلوة والوقت جري بالرغم من اني ارهقت جامد خاصة فى الاخر ومش راضي اوي عن مشروع التخرج بس المحصلة اني مبسوط بالكام شهور دول واخيراً خلصت المنحة ؟ وبعدين رجعت لدومة التقديم للشغل تاني واني فشغل مش طايقه مع كام عميل فري لانس مش طايق اللي جابوهم كمان وبس السنة خلصت  ممكن لو بصينا للجانب الكويس فى السنة فى علاقتي بريم بكتير واتطورت وبقت اقوي من الاول ريم فعلاً وقفت معايا فى كل حاجة على مدار سنة وكانت بتدعمني فى حاجات انا لما بفتكرها بستغرب فعلاً ممكن تكون نعمة من ��بنا شخص هو بيحبك وقادر يفهمك وبيقف جنبك كل وقت وفى اي حاجة وبيفرق جداً فى كل خطوة فى حياتك في ايه تاني محتاج اقوله فى السنة دي ؟ مفيش فدماغي حاجة تانية ممكن اختم بافضل فيلم وافضل كتاب وكدا ونقفل السنة بقي ونبدأ بداية جديدة ممكن دي الميزة الوحيدة فى فكرة اننا نحتفل بتواريخ انها بتحط نقطة بداية احسن فيلم ممكن اكون شوفته خلال 2020 واثر فيا “burning” و “رسائل البحر”  احسن كتاب “1900″ وسلسلة “هاري بوتر” القراية التانية مع تكملة السلسلة اكتر اغنية معلقة معايا سمعتها فى 2020 اغاني عبد الوهاب عامة  وبس كدا اعتقد دا اطول بوست واكتر بوست عشوائي اكتبه هنا اعتقد بس مش متأكد :3 المهم انه موجود للذكرى

مش عارف ايه الكلمة الدقيقة اللي ممكن توصف اللي انا حاسس بيه حاليا. بس ممكن استخدم عبارات زي انه مفيش فايدة، أو ممكن أقول مثلا اني حاسس ببلادة وسماجة كبيرة جدا في الحياة كأنها سحابة ضخمة واقفة فوق المدينة ومبتوقفش مطر. حقيقي، انا حاسس ببلادة كتيرة جدا في الجو ومش عارف ده مني انا ولا هو لا جديد فعلا تحت الشمس؟ شعور مشابه لفترة ما قبل الربيع العربي. لما كان كل شيء مستقر وثابت، أو هكذا تخيل الواحد ان كل شيء مستقر وثابت، وهكذا أكدت السلطة نفسها على كل مستويات خطابها ان كل شيء مستقر وثابت انتو بس الي كافرين بالنعمة.

انا مش عارف اعمل ايه حقيقي. كل الخيارات تبدو متساوية تماما قصاد بلادة اللحظة. يعني زمان قبل الثورة الواحد كان مؤمن، او للدقة كان متصور ان هو مؤمن. وده كان سبب قبوله بالاستقرار المزعوم اياه. دلوقت الواحد بعد ما فقد الايمان. وقعد يقرأ ويتعلم ويتعرف على العالم وهو متخيل انه لما يعمل كده هيحس بشيء مختلف. هيتخلص من الغباء والجهل والتسلط باسم الآلهة ويتحرر من دايرة الهيمنة الدينية والمجتمعية دي ويبقى انسان حر. عملت كل ده وتخيلت ان هي دي النتيجة المنتظرة. دلوقت فين الكلام ده؟ بخ، مفيش. اه الواحد اتحرر من قيود قديمة بس اكتشف انه وقع في بحر مش عارف يعوم فيه.

هل ده له علاقة بان الواحد بيكبر؟ ومع الوقت بيلاقي نفسه في مساحة مفتوحة اكتر وهو المسئول عن نفسه ومفيش حد يحركه او يقررله؟ يعني في الأول كان الواحد ملتزم بمدرسة وجامعة. ده اصلا هو هو النظام القديم اللي الواحد ثار عليه واعترض على انه حد تاني يحددله هو مين. كانت المدرسة والجامعة المراحل فيها قصيرة وسريعة. والهدف محدد ومعروف بوضوح ومتفق عليه من الجميع: النجاح، والنجاح ده مش بعد عشر سنين لاء ده يا دوب بعد امتحانات التيرم. يعني كم شهر. والانتقال من مرة للتانية هو عملية روتينية ومتوقعة ومعروفة ومعليهاش خلاف وبتحصل بتسلسل زمني ثابت وبعواقب معروفة وواضحة برضو. دلوقت بعد التخرج مفيش الكلام ده :D. كل خطوة بيخطوها الانسان بيكون هو المتحمل الوحيد لمسئوليتها. اللي عايز اقوله ان الطريق واحنا صغيرين بيبقى مرسوم ومتحدد. لما بنكبر مبيبقاش فيه طريق مرسوم ولا متحدد. كل الاتجاهات مفتوحة كأنها جبهة ضرب نار. وخطواتنا احنا هي اللي بترسم الطريق. الطريق -بالضرورة- هو ورانا مش قدامنا. لأن قدامنا مفيش طريق، فيه مساحة واسعة وشاسعة جدا ومليئة بالاحتمالات، ومفيش لسه طرق اترسمت. ده اللي اقصده. فهل فعلا احساس التوهان والبلادة ده بسبب اننا كان مرسوم لنا شيء وخرجنا عنه؟ وبالتالي هي مسألة نضج بس وممكن كمان سنتين تلاتة نبقى كويسين زي اللي قبلنا. ولا هو فيه شيء مختلف في لحظتنا كجيل مخلي حالة البلادة دي نتاج طبيعي ومنطقي للحظتنا نفسها وتاريخها؟

فالى أي مدى مشروع اننا نعرّف نفسنا انطلاقا من الصفر؟ بدون أي مرجعية كبرى، أخلاقية دينية او أخلاقية علمانية؟ أو سردية كبرى او هوية مثالية متعالية عن تجربتنا التاريخية؟ لان تجربتنا التاريخية دي نفسها، لو محيّدنهاش من الصورة، هنعيط جامد.

هل التحول من "الايمان بالله" كمطلق، الى "الايمان بالانسان" او بالفن بقى أو بالجمال، أو الحب، او اي قيمة تانية اخترناها بديلا للمطلق التاريخي. بقول هل التحول ده أسفر في النهاية عن حرية حقيقية وسعادة حقيقية؟ هل لو عملنا "أطلقة" أو "مثلنة" لأي اختيار اختارناه بدل "الله" هنوصل لنفس درجة الاطمئنان القديمة؟ بسأل ده عشان بيبدو لي ان أي بديل عن الله هو بديل فاشل، بقدر فشل "الله" نفسه. الأمر الذي يجعلني أتصور اننا وقعنا في الفخ جامد.

سؤالي الأساسي هو هل البلادة دي حاجة عابرة كده ليها سبب مباشر وبسيط زي اني بتعولق مثلا؟ ولا دي أزمة جيل أو ربما حتى أزمة عالم؟

حتى القراية والكتابة والسينما والمزيكا وكل الاشياء اللي الواحد اعتمد عليها كبدائل وكان بيستمد منها مشاعر جميلة، مبقتش تمدني باي مشاعر. كل شيء رهن الاستهلاك السريع. انا مفتقد لما كنت بعيش مع الغنوة الواحدة بالأسابيع والشهور. حاليا مفيش غنوة بتكمل معايا اليوم. والسينما؟ خسارة السينما دي أفظع بكتير والله عشان انا اتعودت انبهر بيها واختبر مشاعر كتير فشخ وانا بتفرج، حاليا مفيش، بلح. مفيش اي مشهد قادر يبهرني. ولو حصل وحسيت بحاجة جديدة الاحساس ده مبيكملش معايا

هل الأمر كله اننا بس بنكبر وبنغادر الطفولة بكل ما فيها من انبهار بكل جديد؟ ودلوقتي علينا اننا نتعايش مع عالم الكبار وندور على المعنى في السكك المضمونة المعروفة؟ ولا في هأزمة أكبر من كل ده؟

انا مش عايزك تجاوبي على أسئلتي. انا اصلا كنت بكتب وفي دماغي اشياء اخرى غير الأسئلة بس فقدت الخيط!

انا زهقان زهق كبير ومش عارف اعمل ايه. زهق أكبر من ان سببه يكون اني لسه مشتغلتش او قاعد في البيت او حتى مريض بكورونا. حالة جبارة من السأم. ومش عايز اقول فقدان شغف وفقدان بوصلة لأن الكلام ده بقى ماسخ زي الأكل البايت.

أكتر حاجة عايز اعملها دلوقت اني انام لمدة سنتين تلاتة مثلا. يمكن لما اصحى يكون فيه شيء مختلف يتعمل.

انت عايش وموجود انت اكيد ليك لازمه ومش انا اللي هقول الكلام ده بس المواقف دي هي اللي هتثبتلك انك بتعرف تتصرف بتعرف تبقي ليك اهميه حتي لو مش باينه او واضحه

ولو انت مش عايز تفيد غيرك او نفسك حتي روح دور علي اي شغلانه علي مكتب هتبقي زيهم مناسب فيها اوي لان معظمهم بيحب ياخر غيره تحس انهم بيحسوا بنشوه كده وانت عرقان ومفشوخ قدامهم وانت قلقان عشان تخلص ورقه قبل الساعه ٢ بيحسوا بفرحه وهما بيقولولك روح يبني ع قسم منطقتك تختم دي وترجعلي اختمها وبعد كده شوف هتعمل ايه بيها طبعا انت متقدرش تسبله الدين لان ده النظام الوسخ بتاع البلد ف كل حاجه نفكس للفئه دي واللي بيعرصلهم عشان مش هتبقي ناقصاهم

نيجي للناس اللي عايزه يبقي ليها فايده ودور ف اي حاجه ان شاء تعرف واحد ازاي يفتح اب من التليفون انت فيدت غيرك حتي لو بالنسبالك تافهه

(ملحوظه المواقف اللي هتقراها دي بتحصل دايما قدامي وحبيت احكيها)

فاللي حصل كالتالي واحد علق زي حالاتنا ماش�� ف الشارع ومتاخر وعنده مشوار مهم رايح يقابل الكراش او .. ست كبيرة جارتهم نادته يشيل معاها حاجات تقيله عمل من بنها وكمل طريقه واول حركه مش حلوه خالص او بمعني اصح منيكه فارغه

كمل زي الديك الحيحان ف فتره تزاوجه مستعجل يقابلها فراجل واقف بعكاز عايز سنده كده تعديه شارع غير شارع العلق بتاعنا فالواد تحسه اتتقل ووشه كرمش من الراجل فالراجل حس وبدون اي مقدمات او حتي من غير مالعلق ما يفتح بوقه قاله شكرا يبني وبنت عندها اربع سنين و ماسكه ف ايد مامتها مسكت ف ايد الحج وقالته يا عمو امسك ايدي وعدوا التلاته سوا والراجل دعي للبنت ومامتها وادي للبنت كمان حاجه من جيبه والعلق كمل مشيه من غير حتي ما يشغل باله بالراجل

اتعصبت وعايز تشخر اتقل لسه الشخير قدام فعلا

الواد وصل المكان اللي هيقابل فيه الفرخه اللي كان مستني فتره تزاوجهم وكانت متاخره بقا فمدخلش المكان وراح يجيب هديه ليها ويدفع مبلغ كبير وهو طالع من المحل طفل صغير بيشتري حاجه لمامته تقريبا او لجدته من نفس المكان فكان ناقص ففلوسه حاجه بسيطه جدا البياع قاله انت هتجيب دي لمين الواد متصنم مكانه وباين اوي بالبساطه انه هيحبها لمامته والبياع بيهزر معاه عادي وهيديهاله وفعلا ادهاله ومش فارق الخمسه جنيه او السته جنيه عادي

العلق بتاعنا فاكر الواد الصغير شبهه فبيستظرف وقاله اكيد صاحبتك ف الفصل و بطبيعه الحال الطفل قال لا دي لمامتي وكده فالبياع بص للعلق من فوق لتحت كده وقله خد حاجتك واتفضل يا استاذ قاله الباقي حضرتك هيا الحاجه سعرها كذا وقعد يفاصل علي غلط لان من الاحراج مركزش ف الرقم ومعدش فلوسه كويس فصاحب المحل قاله هات الحاجه واتفضل فلوسك بكل ذوق لو انت شاكك ف ذمه البياع اللي واقف قاله انا اسف وبتاع عد فلوسه وبص علي السعر لاقي نفسه غلطان ويمكن اخد جنيه زياده عشان مفيش فكه واعتذر ومشا حتي لما كان معله فكه كسل يطلعه ودي نقطه قذرة

الواد وصل والكراش موصلتش بعد ربع ساعه الكراش بتاعته وصلت قعدوا ف كافيه المنيمم تشارج بتاعه تقريبا ف رينج ١٥٠ ٢٠٠ طبعا دفعلها وقعدوا يتكلموا وشال التيكت بتاع السعر من الهديه واداها للكراش وفرحت وخلصوا القعده ودفع تيبس محترم كمان ومشي تقريبا دافع فوق ال٤٠٠ جنيه جوا الكافيه بس وراحوا قضوا باقي اليوم بيلفوا علي كذا مكان دفع ٢٠٠ كمان ليها بس تمام انت جنتل اوي ليه كده ده كلام الكراش بتاعته وهو بيوصلها لبيتها تمام

حضرته شايف طفل صغير واقف علي جنب الساعه ١١ بليل جنب موقف المشاريع بيبيع تين شوكي تمام طلب كام واحده الطفل بيقوله ١٠ جنيه عشان حضرتك اخدت ... طب العلق بتاعنا قال حط اتنين كمان وهدفع العشره (ذكي اوي بك...) طبعا الولا اكيد عايز يخلص القفصين اللي معاه وعايز يروح فباع وهو ساكت (عارف ان الموقف ده بيحصل كتير ومع المعظم بس مش بالاسلوب اللي انا شفته )

خلص ده ركب مشروع بقا عشان يروح بيته وقاعد بقا قدام والسواق بكل بساطه لقي كرسي فاضي والعربيه تطلع وست واقفه بابنها فقاله يا استاذ معلش اقعد ف الكرسي اللي عشان الست وابنها يقعدوا قالوا انا هدفع تمن الكرسيين طبعا اللي ف المشروع كلهم كانوا هيسبوله الدين حرفيا وفي ناس شتمته يا ابني اقعد يلعن ك*م الخولنه جيل وسخ ده انت ............ متعدش بقا وانا بشتمه واضحك لغايه ما السواق نزله ومنظره كلوت معفن كده من المشروع وركب غيره تمام لا مش تمام ركب وبيلم الاجره والاخ حاطط الهيد فون ومعلي الصوت للاخر والناس اللي جنبه استاذنته يوطي الصوت عشان القران شغال وكده ف المشروع رد فعله وسخه اوي قال حاضر وكبر دماغه منهم الناس سكتت وسابوه لغايه منزل مكانه وتقريبا فيه اللي دعي عليه فعلا

(انا الصراحه قاصص شتايم كتير اشتمها وانا كنت ميت ضحك ورا ع الكلوت اللي ماشي ده)

وصل البيت وقابل ابوه وامه بكل جمود دخل اوضته لا سلام ولا كلام ودخل يطمن علي الكراش او اللي ارتبط بيها دلوقتي بقا عشان الوساخه فعلا جارتهم كانت بتكلم امه ع السلم عادي العصر كده وقالتها انا شفت ابنك وكده وناديت عليه اسلم عليه مخدش باله واديتها حاجه بسيطه كانت عاملاها وابنها بيحبها تمام امه نادت عليه وهو داخل قالتله امسك طنط ...كانت بعتالك .... جري وتقريبا بكل نهم وشراهه اكل البتاعه برغم العلوقيه اللي عملها ....

عشان المواقف لسه كتير وهتشخر كتير يا ريت متبقاش زي العلق ده اللي تقريبا كل موقف من دول بيحصل قدامنا كل يوم ف المواصلات ف الشارع ف البيت ف المحلات مش بكبت حريتك او بجبرك تعمل حاجه اعمل اللي انت عايزه بس خلي عند ميتين اهلك دم وساعد غيرك ف اي تصرف انت لو كنت ساعدت الراجل هيديك دعوه والله يومك هيبقي جميل اوي

والطفل ف المحل لو مكنتش قلشت مكنش هيتضايق او حتي تدفع الباقي بتاعه لو انت مش متضرر او متشكش ف زمه حد وانت بتشتري عشان احرجك عشان احرجت غيرك او متقلش

وتهين طفل اللي ارجل منك بكتير بيبعلك حاجه تقريبا انت دافع قدها ٤٠ مره ف مشوار تافه

او تقعد فمكان تتمنظر بحاجه اي حد مكانك مكنش هيعملها زي المشروع وانت بتتهزق خلي ف نخوه كده

او متعليش صوت الهيد فون بالنسبه لك حريتك وهتقول دول جهله انت اللي جاهل عشان الحريه متتحقشش الا لو اتنفذت علي كل اللي حواليك مش انت بس

خلي عند ميتين اهلك دم ومتاكلش حاجه حد انت نفضتله وعملت من بنها وهيا بكل ذوق بعتالك اكل عشان عارفه انك بتحبه

والعلق بتاعنا بعد كل ده يحكي مواقفه ويمسح اي غلطه هو عملها ويشبه الناس البسيطه علي انها وحوش بتحاول تاذيه نفسيا ويقول انا اتخنقت من مصر ك*م الفلاحين

مواقف سهله وتصرفاتك فيها اسهل اغلبنا مش كده وعارف بس الاجيال الجديده المعظم كده ....

الحزن على الفرص الضائعة عمره ما كان في طبعي، عمري ما زعلت على فلوس راحت أو شغل عطل أو مشروع فشل، دايما بيبقى في جزء مني بيشعر بالراحة أصلا في الأحداث الشبيهة. لكن قريب زعلت شوية بسبب إني كنت مقدم على سفر ومجاليش، مكنتش عارف أنا ليه زعلت المرادي، أنا حتى كنت مستغرب! عشان انا بعرف اتعامل مع الرفض كويس فعلا، بالإضافة إني مبزعلش على الحاجات دي زي ما شرحت. المهم اني بعد شوية وقت أدركت أنا متضايق ليه، الفكرة باختصار اني مبقتش قادر استحمل الرداءة المصرية أكتر من كده، مش قادر فعلا. زمان كنت بقول إن المديوكرتي هي سقف طموحاتنا هنا، ودلوقتي والله احنا مش عارفين نوصل لها حتى، لا في تعليم ولا أكل ولا شغل ولا ترفيه ولا أي حاجة خالص، إحنا مبنقربش من الجودة في أي مجال، والواحد عنده طموحات يحقق حاجة في مجال معرص ابن وسخة مش ممكن يسمح لحاجة جيدة تتنفس. أنا كنت عشمان جامد في موضوع السفر عشان كده، وللأسف حمّلت عليه أمل كبير إنه يكون سبب في انفلاتي عن هذا المدار شديد الرداءة فلما مجاش اتبضنت فعلا وغالبا لسة مقريف لحد دلوقتي.

مش قادر اتجاوز شعوري بالإهانة من طبيعة العيشة هنا، واللي بيتكلم ده شخص راضي جدا ومش ساخط أبدا الحمد لله. وعارف إن العيشة برة مصر مش جنة أكيد، بس أنا صعبان عليا طاقتي المهدرة دي، صعبان عليا مجهودي اللي ضايع على شوية ناس بليدة بيكرهوا الجودة وعايشين على التقليد والاتباع الأعمى لأي تريند وخلاص، صفر أصالة وصفر سعي للأصالة بالعكس الناس دول بيحاربوا أي حد بيحاول يعمل حاجة كويسة فعلا. أنا لو قعدت احكي كم الخناقات اللي دخلت فيها عشان بحاول مكونش رديئ مش هخلص حكي. صعبان عليا محاولاتي المُجهضة لإشباع رغبتي في الحياة، عايز أشتغل في عمل فني مهم احس إني عملت حاجة! مساحة صغيرة من العمل في محيط جيد هتكفي والله إن الواحد ينفجر ويبذل كل مجهود يقدر عليه بدل البيئة اللي بتقتل طاقتي وهترجعني تاني لأيام الحبسة في الأوضة والاستسلام للمزاج السيء، مش عايز اعمل كده تاني ويا رب معملش كده تاني.

ربنا يكرم ويعوض خير عن الوقت والمجهود اللي ضايع هنا ده، ويا رب انجح إني امشي من هنا قريب وانجح اني اشتغل مع ناس عندها ضمير بحيث ابطل ابص في الساعة واتحسر على الوقت والأيام اللي بتضيع بلا أي منفعة إنسانية عشان مراقبتي للوقت يمكنها قتلي معنويا والله.

تسلسل الحياه مرعب ، اتفاجئت اني بغير ترتيب أولوياتي كل فتره وبغير حتي ترتيب الناس ودايرتي المقفوله بتفضي أحياناً وبتتملي احيانا ع مدار سنين كتير ف حاجات كتير حصلت مكنتش عامل حسابها ، للتدقيق مش حابب اعمل حسابها عشان مش متخيل انها هتحصل ، او مش عايزها تحصل مع ان كان هيجي وقت وتحصل

عارف لما تراهن بكل فلوسك ع مشروع ويطلع فاشل لمجرد انك حابه؟ ، مقتنع جدا بمقوله don't put all ur eggs in one basket بس الحاجات دي اكبر من فكره انك تتصرف معاها بعقلانيه ، مش كل الحاجات ينفع يتحطلها plan b ولا ينفع تحط سيناريو ان الحياه هتكمل عادي بعد ما تضيع منك ، هي كدا كدا هتكمل بس مش عادي

وتقريبا اكتر حاجه انت مش عايزها تحصل هي اللي بتحصل ، كل مخاوفك بتتحقق ، مش عارف هي بتتحقق عشان دي مخاوفك ولا عشان مقدرلها تتحقق بس لو مكنتش خايف منها مكنتش هتحصل او مكنتش هتاخد بالك حتي انها حصلت ، الحياه بتدور علي انا هتكون تعبان اكتر فين وتحطك تقريباً

هو الانسان عنده طاقه و قدره انه يجدد احلامه ويعافر ويمتص الصدمات والضرب وميخدش باله من كل الناس ال بتقع منه ومن كل الحاجات ال بيخسرها والطباع وثقته بنفسه ال بتتهان وتتهز كل شويه و انه بيموت كل يوم 100 مره بس لازم يأكت ان كله تحت الكنترول ؟

كومبارس صامت ف مسرحيه بس عايز يمثل صمته وهو كويس .

📌 يعنى ايه مراكز التكلفه؟ #مركز_التكلفه أو ال cost center هى وحدة النشاط بتاعى اللى بحتاج أعرف معلومات عنها بشكل كامل.فمثلا شركات المقاولات هانلاقى ان كل مشروع الشركه ماسكاه هايكون بمثابة مركز تكلفه بصرف عليه خامات ومواد واجور ومصنعيات وخلافه. ولو أنا شغال فى المجال الفندقى ممكن التكوين الشجرى لمراكز التكلفه بتاعتى هايكون عباره عن الحجرات وتكلفتها من ادوات وصيانه وكهرباء ونشاط الرحلات ممكن نعتبره مركز تكلفه وكذلك المطابخ وطبعا ده بيتحدد على حسب نشاط كل شركة واحتياجاتها 📌 طيب ايه فايدة انى اعمل مركز تكلفه؟🤔 • كون انى أصمم دليل مستقل لمراكز التكلفه فدا هايفيدنى فى أنى أقدر اعرف كل مركز تكلفه نظامه ايه.يعنى لو عايز اعرف مصروف الاجور كلفنى أد ايه على مستوى الشركه ككل بأعتبار ان الشركه هى فى حد ذاتها مركز تكلفه أقدر أعرف فى ثانيه.ولو عايز اعرف مصروف الاجور كلفنى كام على مستوى قسم التسويق فقط أعرف فى ثانيه باعتبار ان قسم التسويق مركز تكلفه فرعى من المركز الرئيسي. ولو عايز اعرف قسم التسويق كلفنى اد ايه من جميع بنود المصروفات أقدر أعرف وكمان جابلى فلوس اد ايه وبكدا هاقدر أحكم على شغلهم بشكل سليم.💪💪 📌ازاي اكون دليل مراكز التكلفه؟ ببساطه لو انا شركة مقاولات وعندى مشاريع ماسكها ممكن اعمل مركز تكلفه مجمع للمشاريع ككل وبنديله الكود رقم 1 وبعد كدا ابدأ افرع المشاريع اللى ماسكها مشروع مشروع يعنى لوماسك مشروع عماره سكنيه بنديله الكود 11 ولو ماسك معاه فيلا بنديله 12 وتحت المشروع الواحد بيكون فى اكتر من بند باختلاف مراحل المشروع يعنى لو تحت العماره السكنيه ممكن نعمل اعمال الحفر كمركز تكلفه ونديله الكود 111 يعنى البند الاول فى المشروع الاول فى حساب المشروعات المجمع وممكن نخلى بندأ البناء والتشييد مركز تكلفه فرعى وندليه الكود112 يعنى البند التانى.وبقدر أفرع البنود بتاعتى لاكتر من بند بشكل لانهائى وغير محدود وبعد كدا أقدر اطلع التقارير بتاعتى على مستوى كل مركز لوحده وعلى مستوى مراكز التكلفه ككل أقدر اعرف الوحدات المشروعات كلها كلفتنى كام سواء من التكاليف كلها أو من بند الاجور بس وكمان جابتلى ايرادات من المستخلصات بكام واقدر اعرف الكلام ده على مستوى مركز تكلفه معين وبكدا هاعرف ان ماشى صح ولا بخسر • عملية بناء شجرة لمراكز التكلفه بتاخد مجهود فى البدايه وان كان مش كبير زي شجرة الحسابات العاديه ولكن بعد كدا بيكون متاح انى اعدل واحذف وادمج مراكز التكلفه مع بعض.👨‍💼 وبرنامج نايل تكنو للحسابات العامة بيوفرلك استخدام سهل لمراكز التكلفة والكل التقارير الخاصة بها . https://www.instagram.com/p/B3z8INih2GI/?igshid=gotz26dnecr8

#الأكتئااااااااب .. (المرض الملعون) ملعون بمعنى الكلمة ..الناس كلها تقريباً يعندها اكتئاب يا داخلة على اكتئاب يا بتحاول تخرج منه ..كده يعني مفيش حد متلطش و مضربش بيه. فَلَو كنت حد من دول سيب اللي ف إيدك عشر دقايق بس (و متعمليش save post عشان متنسهوش ) المرض ده ملعون ليه ؟ المرض ده ملعون عشان بيموتك ببطئ بيطفي روحك واحدة واحدة . ملعون عشان المرض بيشغلك ضدك..و ده بجد ب يشغل عقلك ضدك .. ملعون كمان عشان بيضحك عليك و كتير بيديك احساس انك عادي مفكش حاجة والحياة هتستمر كده خلاص .. و كمان ملوش علاج (مفيش عقاقير )تعالجة واللي يقولك غير كده يبقى مبيفهمش و متتكلمش معاه.. طيب احنا بيجلنا أكتئاب ليه ؟ لاء احنا بيجلنا اكتئاب كده عادي زي البرد كده آه أكيد ليه أسباب كتير خارجية زي الصدمات و الروتين و التربية و الانتكاسات و..و..و حاجات كتير جداً جداً بس برضه في الأخر لازم تعرف ان الاكتئاب بيجي (كده) زي أي مرض ممكن يكون نتيجة مؤاثرات خارجية نفسية زي حاجات كتير اوي عرفنها ضغط شغل ظروف مادية إلخ ..و ممكن يبجي كده من غير سبب أو بسبب احنا مش واخدين بالنا منه . بس لازم تفهم برضه انه درجات .. *الفكرة هنا بقى ان ساعات بيجلنا أكتئاب بسبب مؤثرات خارجية خارجة عن الإرادة و مش هينفع أصلاً تتغير .. (الأهل مثلاً بيتعملوا غلط/حاجة عايزنها ومش عارفين نوصلها ومش بأدينا/أوهام جوانا احنا بس/غربه مكتوبة علينا و مش عارفين نتصرف/إلخ ..) ولا احنا عارفين نغيرها ولا عارفين نطلع من الاكتئاب. أياً كان الاكتئاب ايه سببه لازم تفهم انك اتلطيت و خلاص .. و لازم تفهم انك دلوقتي بتواجه الاكتئاب (لازم تشعر بالفخر إن عندك اكتئاب 😆) أول حاجة لازم تقتنع بيها في علاجك انك فعلاً عندك اكتئاب و الاكتئاب مش ديماً بتكون فيه زعلان و حزين طول الوقت احنا قولنا قبل كده انه درجات . يعني لو حضرتك بيجيلك نوبات زهق جامدة من وقت لوقت خلال اليوم ده اكتئاب .. لو بتتنرفز جامد برضه من وقت لوقت خلال اليوم لأسباب مش موجودة مثلاً او مش لاقي سبب ف ده برضه اكتئاب .. ملل زايد /فقدان طاقة لأي حاجة /فقدان رغبة/فقدان هدف/احساس دائم بالفشل و الخسارة و أنك معملتش حاجة ف حياتك حاسس بالذنب طول الوقت و انك معاقب حاسس ان انت حد زبالة لامؤاخذة طول الوقت و عمال توبّخ نفسك.. حاجات شبه كده كتير .. يبقى أولاً لازم تعترف لنفسك انك عندك اكتئاب و بعد كده تبدأ تتعامل مع نفسك كالتالي بقى : (١) حضرتك لازم تعرف ان دلوقتي عندك أكتئاب و المرض ده ملوش علاج بالعقاقير خاالص وكل الأدوية المضادة للأكتئاب بتزودة وما هي إلا (مسكنات) مهدئات يعني ليها أثار جانبية زي الزفت و بتسبب الادمان و ليها أعراض انسحاب و نيله و أصلاً بتشتغل بعد اسبوعين ل شهر يعني مش هتحس انك كويس فجأة .. أصلاً مش هتحس انك كويس عشان هي مش هتعمل معااااك اي حاجة غير نص دماغ معفنه فلازم تعرف ان علاج الاكتئاب ذاتي يعني انت اللي هتطلع نفسك . (ساعدي نفسك يا شابة life style ). (٢) (قوم صلي ركعتين هتبقى كويس) قوم صلي لو مش بتصلي و لو بتصلي ف قوم صلي تاني عادي بس لازم تعرف برضه ان اللي عنده برد بيصلي عادي يعني متخليش حد يفهمك ان كل دورك ان انت تصلي بس (ربنا سبحانه في الأول و الأخر هو الشافي و علاقتك بيه جزء كبير اوي من علاجك) بس متخليش حد يوصلك عشان انت بعيد عن ربنا فعندك اكتئاب و يفضّل يوبخك و يحسسك انك مُعاقب واللي يفهمك كده قوله ان فيه ناس ملتزمة كتير و برضه عندها أكتئاب.. (٣) الاكتئاب مرض مُعدي على فكرة بيزيد كمان بالظروف المُحيطة خصوصاً لو كانت سلبية .. حاول تبعد عن أي مؤثر خارجي سلبي (مترميش ودانك لأي حد ..كفاية تسمع مشاكل مش مشكلك..قلل على نفسك الضغوط اليومية..حاول تتعامل ببرود أكتر) و لازم تعرف أن الحياة مش هتستمر كده و انها لسة مخلصتش ولا حاجة و مفيش حاجة اتأخرت و الحياة ممكن تختلف تماماً في يوم و ليلة و ده مش بتاعك أصلاً و أن الفشل الحقيقي هو انك تبطل تفشل لحد ما تنجح. (٤) بطل تشتكي كل شوية لأي حد و بطل تشتكي لنفسك و تعد الهموم و قول لنفسك فترة و هتعدي (٥) أدوية الاكتئاب بتزود الاكتئاب ..(احفظ) (٦) مخك شغال ضدك بكل قوته (تفكير..ذكريات..تفسيرات..ردود افعال) أي حاجة زبالة هتلقيه قافش فيها.. فأقعد اتناقش معاه ف تفكيرة و تفسيراته حلل معاه ردود أفعالة زي الناس الكبار و فهمة ان الذكريات دي خلاص ماضي مش هيرجع (عادي ممكن تتكلم معاه بصوت عالي لو إنتوا لوحدكوا مش خطر طول ما لسة مظهرش حد جنبك و الناس مش شيفاه 😆) (٧) الاكتئاب مرض ممل و بيطول محتاج حد يصبر عليه ..علاقتك مع ربنا مهمة جداً جداً جداً لازم تفهم أنه معاك و انت مش لوحدك و ان ده مش عقاب و ان ده خير ليك حتى لو مش شايفه و هتطلع منها أحسن و أقوى من الاول و دي مش شعارات خالص .. الدعاء معجزة و راحة نفسية غريبة متسبهاش.. (٨) اشارات عقلك هتبدأ تبعتلك حاجات هبلة تخوفك .. (انا هفضل كده طول حياتي ..انا هتجنن و هيجبوني من الشارع.. قلق مش مفسر..خوف من اللا شئ..ممكن الوضع يبقى اسوء من كده ) حاجات شبه كده .. فأنا حابب أقولك تاني ان علاقتك بربنا مهمة جداً جداً و لازم تفهم ان تدابير ربنا قوية و انت عقلك محدود و مش هيستوعبها و ان الدعاء حاجة كده متتعوضش متسبهاش. (عقلك بيحاول يخوفك متبقاش انت عبيط و تخاف) (٩) حالات الزهق و النرفزة الأوڤر هنعمل فيها ايه طيب ( هنغير المكان اللي احنا قاعدين فيه و نغير الحاجة اللي بنعملها و ندلع نفسنا و ندادي نفسنا زي العيال الصغيرة بالظبط) موضوع انك تسايس و تدلع نفسك ده لازم تتعلمه عشان هيفرق معاك كتير جداً غير انه حلو كده و لذيذ و ساعات بتحس انك مُختل بس من تمام الصحة العقلية. (١٠) اقرأ عن تجارب ناس عدت من الاكتئاب من غير أدوية هتلاقي على النت كتير أوي بس متعملش اللي عملوه بالظبط (متنحتش) لازم تعرف ان كل واحد ليه ظروفه و حياته وانت مش زي حد (اتعلَّم من التجربة و جرب اللي يناسبك و يناسب ظروفك و حياتك) (١١) لازم تعرف قوة أحتمال نفسك قد ايه و دي أكيد معظمنا عارفها و لو مش عارفها حاول تعرفها عشان هتفرق معاك كتير جداً و متزودش ولا تحمل على نفسك حاجات وانت ملكش طاقة ليها.. (١٢) معظمنا عندنا حاجات ف حياتنا مش هتنفع تتغير خالص .. أهلنا مثلاً حتى و لو كانوا مصدر من مصادر الأزمة بس مش هنعرف نغيرهم .. لازم نتعامل معاهم ببرود و لو مبتعرفش لازم تتعلم عشان مش حل خالص انك تخبط فيهم زي ما بتخبط في حيطة كتفك هو اللي بيبوظ و الحيطة بتفضل مكانها ولا فيها أي حاجة . الحل معاهم البرود و انك تطلع تاخد اكسچين و تنزل تغتطس تاني (اتعلَّم ازاي تفرغ طاقتك عشان تعرف تقاوم و تتعامل ببرود) و لازم تفرق كويس اوي في حياتك ما بين الحاجة اللي هتعرف تغيرها و ما بين اللي مش هتتغير عشان متفضلش مضيع طاقتك.. (١٣) ابعد عن اي علاقة زي الزفت احنا مش لاقيين صحتنا حبيبي .. ابعد عن اي علاقة بتعملك خلل حتى لو مجرد فترة لو انت شايف ان العيب فيك اليومين دول لحد ما ترجع تبقى كويس.. (١٤) العلاقات الجديدة ..أسأل نفسك قبلها ده ف حياتي ليه و عشان ايه و انا عايز منه ايه و هو عايز ايه و أخره لحد فين (متخليش حياتك عاملة زي (أون زا رن ) أي حد معدي يدخل يخش الحمام ).. (١٥) استخدم مهدئات طبيعية ..المشروبات الحلوة الجميلة بتاعتنا دي زي (كاكاو/ينسون) بس متكترش.. نعناع على لمون / زهرة البابونج (بيقولوا عليا هايلة) (١٦) اخر دراسة عملتها جامعة مش فاكرها سنة (تاريخ برضه مش فاكره) ان الابتسامة ليها مفعول هايل ف هدوئك النفسي حتى لو مكنتش بجد .. (١٧) دور على علاقة (صداقة_جواز_أم_أب_أخت_أخ) تكون هدفها ولا حاجة ..يعني محدش فيكوا مستني حاجة من حد .. علاقة تستقبل و ترسل فيها بسلام نفسى وانت مرتاح و مش متحفظ و احكي و فضفض براحتك يا برنس علاقة تكون عارف ان اللي قدامك بيحبك لانه بيحبك مش بيحبك (عشان ..) دور هتلقيها.. (١٨) دماغك هتاخدك رحلة ل شوية حاجات كتير مش لقلها حل خالص من فترة و شايف انها معقدة و تبدأ تجرك واحدة واحدة في التفكير لحد ما تتسحل معاها و تلاقي نفسك ورا مصنع الكراسي يا برنس. اول ما تلقيها بتجرك قوم اعمل ايه حاجة تانية و فعلاً في حاجات ملهاش حل إلا عند ربنا ف متوجعش دماغك و اعرف حجمك و امكانياتك.و التزم الدعاء مع الحاجات دي خصوصاً (١٩) أعمل لنفسك نجاحات صغيرة و بعدين انبسط من نفسك و اطلع بيها السما و اعمل فيها بطل خارق و شغل( والله و عملوها الرجالة) و دور على أي حاجة تانية و اعملها (٢٠) اقسم بالله (الحضن ) علاج عالمي الحضن حاجة كده سبحان الله مش مفهومة هي بتعمل في البني أدم كده ليه .. طبعاً بتكلم على حضن الناس اللي بتحبك بجد فيه ناس بتحبك عشان حاجات كتير و ده عادي و فيه ناس تانية بتحبك من غير حاجة . بتحبك بس و خلاص .. بتحبك عشان ربنا خلاها تحبك و خلاك تحبها هما دول (حضنهم بقى مضاد للأكتئاب ..بص هو مضاد لأي حاجة زفت عامل زي بركة المية الطاهرة لما تنزل فيها و تطلع حد تاني) و دول مش هتلقيهم بيطلعوا برة (أمك _ابوك_اخواتك_اصحاب عمرك_جوزك_مراتك_ولادك) عشان بس في ناس بتسمع سيرة الحضن بتنزل تحضن فأي كائن حي و خلاص. (٢١) الاكتئاب مرض طويل و ممل و انا بس حبيت أفكرك ان الأدوية ملهاش اي لازمة غير انها ممكن تتعبك بزيادة. (٢٢) الرياضة حلوة أوي أوي و لو معندكش وقت للچيم او لأي لعبة رياضية عوضها ب مشي في مكان بتحبه مع حد مرتاحلة او لوحدك حتى و لو فيه أيام معرفتش تعمل كده صدقني مش هتلاقي انسب من دش المية الساقعة للأوقات دي. (٢٣) نضف حواليك أول بأول علاقات/مشاكل/توتر/ وأي حاجة شبه كده سواء بتيجي من أشخاص او أشياء .. لو لسة عندك حاجات مثلاً بتفكرك بذكريات وحشة فأنا مش فاهم انت سايبها ليه لحد دلوقتي ..ليه محرقتهاش مثلاً؟ (٢٤) مريح جداً احساس انك تعرف أنك موجود ليه في الحياة من الأصل و ايه اللي ليك و ايه اللي عليك بدل ما أنت كائن بوهيمي كده و لما يسألك حد انت عايش ليه فترد زي ما حفظوك زمان (عشان أعبد ربنا و أعمر الأرض) ف يا ريت تعرف ازاي تعبد و تعمر بدل ما أنت حافظ و أتعلم دينك صح هيفرق معاك ٣٦٠ درجة . (٢٥) لازم تتعلم ازاي تفرغ الطاقة اول ب أول تطلع السلبي و تدخل الإيجابي محدش بيعيش بسلبي على طول اقسم بالله .. ف شوف انت بتعرف تعمل ايه و اعمله أقرأ مثلاً ارسم /صور (٢٦) بدون مقدمات القرأن و الأذكار و حسن الظن بالله أمسك فيهم من غير رغي كتير.. أمسك متسبش.. (٢٧) بالله عليك متديش ودنك لأي كائن حي غير موثوق فيه و يفضّل يحشيلك دماغك بمعلومات مقرفة ممكن تخليك تبقى فاهم الدنيا من أولها لأخرها غلط. (٢٨) الناس أم قلب كبير اللي فاتحة و دانها للناس و عاملة فيها صبايا الخير و بتسمع مشاكل أي حد على أساس انها طبيبك الخاص و معندهاش مشاكل ..اللي يقدر يعمل كده واحد أصلاً حياته هادية مستقرة معندوش مشاكل كتير و بيعرف يتخلص منها و يتعامل معاها أول بأول مش أنت خالص فمعلش(بصوت دلال عبد العزيز) اقلع وش ريهام سعيد شوية و بلاش كمية الطاقة السلبية دي دلوقتي على الأقل (٢٩) حاول متخليش يومك يضيع ف حاجة واحدة بس و خلاص سواء شغل أو أي حاجة تانية خليهم على الأقل حاجتين او تلت حاجات . اشتغل عدد ساعات شغلك بس متزودش/متشتغلش يوم اجازتك و متنطقش كلمة فيها (ش)و(غ) أصلاً/ لو جالك فرصة انك تسافر و مسافرتش أنا اللي هاجي أنكد عليك (الحياة مش شغل بس و لو معاك فلوس الدنيا و مكتئب أبقى ولع فيهم و ادفى أو أعملهم قراطيس.) (٣٠) لو يوم لقيت دكتور نفسي شاطر يسمعك من غير ما بيدي ادويا دي فرصة عمرك و أبقى قولي عليه عشان انا محتاج . واللي يبصلك بصة مش تمام أبقى خده معاك عشان ده حد مش سوي و محتاج قبل منك دكتور نفسي. (٣١) لو جالك فرصة تساعد حد من غير ما تيجي على نفسك نفسياً متتأخرش خالص ده مشروع استثماري نفسي هايل. (٣٢) الاهتمام يا جماعة ..الاهتمام مبيطلبش بس لو لقيت حد يرعاك و ترعاه /يسأل عليك و تسأل عليه/ يهتم بيك و تهتم بيه (طبعاً من غير أي هدف مدي ولا مصلحة) أمسك فيه و متخسروش أبداً و طبعاً مش شرط يبقى حب العمر اللي مش لاقيه و تنكد على نفسك أكتر.. يعني ممكن يبقى صاحبك عادي جداً والله (واللي يقولك لاء انا مش فارق معايا قوله انت كداب أي كائن حي محتاج و فارق معاه حتى الناموس ). (٣٣) عادي الاكتئاب هيطول و الدوا ملوش لازمة و بيتفاعل مع الأكل و اي دوا تاني بتاخده و هيبهدلك انت في الاخر و ممكن تبقى مدمن و تبهدلنا معاك و ليه أعراض انسحاب غالباً بتنتكس فيها تاني و ترجع تكتأب تاني و حاجة نيلة يعني. (٣٤) علاقتك مع ربنا هتفرق و قولت الكلام قبل كده كتير و الدعاء هدية من عند ربنا متسبهاش و خليك ماسك فيها . (٣٥) عقلك هيجيله وقت و يهاجمك هجمات جامدة جداً و يقولك انت بتضحك على نفسك و اللي بتعملة ده ملوش لازمة و انت مش هتخف و أنت أصلاً زفت و بتمثل و انت مش أبني و حسن يوسف هو اللي ابني .. (سيبه و أمشي و هو بيتكلم و ألبس شخصية عاطف في فيلم الناظر). (٣٦) فيه ناس في حياتك لو مظروش يبقى فيه حاجة غلط ..الناس اللي ديماً انت محور حياتهم دول عمالين ينتقضوك على الفاضي و المليان و حاجات تانية كتير كده انت هتلاقيك عارفها . (ده مش معناه خالص انك وحش أو حلو عموماً ولا معناه انك غلط او صح ده معناه ان الناس دي عندها مشكلة مع نفسها انت ملكش علاقة بيها) (هات شخصية عاطف اللي فوق دي و البسها تاني معاهم و خد عود القصب و أمشي..) (٣٧) النوم .. النوووووووم النوم و الله لو اتظبط معاك حاجات كتير أوي هتتظبط. (نام بدري/نام كويس ) مفيش حاجة هتتغير في الحياة و انت نايم و مش هيفوتك حاجة انت حضرتك مش مدير مجلس إدارة الكون . فيه مثل في الجيش بيقول (الأيام الخرة علاجها النوم) (٣٨) الأكل .. اللي عنده اكتئاب يا أما مبيكولش يا أما بياكل كتير جداً. أعمل اللي انت عايزة بس لما تاكل كل أكل نضيف صحي بطل جاهز من برة كتير و عصاير مُعلبة و الهزيان ده . و اضرب خضار و عصاير فريش و فاكهة و خلي الحياة زبادي خلاط و الله الأكل بيفرق (٣٩) احنا مش مثاليين و بنغلط عادي و الحياة هتعدي كده كده و الأيام بتتغير بالناس اللي فيها و بالمواقف و بالأزمات ..الفترة دي هتعدي و يمكن بعد كده يبقى ف الحياة حاجات اصعب او أسهل الله أعلم بس اللي لازم تبقى فاهمة انك هتطلع من الفترة دي و انت متعلم حاجات كتير و حاجات كتير متغيرة فيك و بتعرف تتعامل كويس مع مواقف مكنتش عارف تتعامل معاها .. الأكتئاب بعد الرغي و الهري ده كله سببه كلمتين انك مش عارف (تستوعب المواقف) . هو بس محتاج تقرب من ربنا عشان تعرف تستوعب كل المواقف اللي حصلت و اللي بتحصل واللي هتحصل و كل ده كان ليه عشان بس متتعبش نفسك مش هتلاقي أي اجابة غير عنده صدقني و ده محتاج صبر. و لو مَس شرط تعرف تعمل كل الحاجات اللي فاتت دي أفضل جرب و حاول لحد متخرج من اللي انت فيه. (٤٠) لاء دي مش حاجة انا بس بعد لما كتبت البوست لقيتهم ٣٩ نقطة فقولت أكملهم ٤٠ عشان اسمي البوست قواعد الاكتئاب الأربعين عشان أبقى زي الناس العميقة على الفيسبوك

كان عندي وقت كبير جدا بيضيع قررت اعمل حاجه لنفسي اخدت كورس خياطه وبعدها قلت نفسي اتعلم ارسم الديزاين ويبقي بتاعي وروحت اخدت كورس رسم وبعدها قلت ليه معملش مشروع صغير بجانب شغلي وفعلا عملت جروب وبقيت اعمل فيه شيلان وطرح هاند ميد واصنع حاجات ليا انا مكنش في دماغي ان المشروع اوصل بيه لحاجه خالص بس مع الوقت لقيته بيكبر وبقيت معروفه جدا في طنطا وكل الناس عوزني انزل معاهم في الاوبن داي اللي بيعملوه وبيتحايلوا عليا كمان الحقيقه ان بابا هو السبب بعد ربنا ايدوه كانت في ايدي في كل مكان اروح اجيب منه الخامات في كل سفر وكان بيستحمل وينقي معايا ويقولي رايه ايه عمره ما اضايق ولا قلل من اللي بعمله بالعكس بيفكر معايا وبيديني قوه غريبه لو كسلت يعد يقولي ها ايه الجديد اوقات كتير كانت بتمر عليا ايام قافله علي نفسي مبتكلمش مع حد ولا بشوف حد ولا عايزه حد يسال عليا كان هو الوحيد اللي قادر يطلعني من كل ده من بس ابتسامته الحلوه اللي بتدخل قلبي تملاها بهجه وفرح محدش يعرف في الدنيا يعمل ده غيره بيستحمل مني كتير اوي بابا عمره ما كان ليه صحاب عمر ما حد جالنا البيت علي انه صاحب بابا هو دايما عايز يشتغل بينسي نفسه واحتيجاته علشان يرضينا احنا علشان محدش فينا يحتاج حاجه من كام يوم كنت بتكلم معاه وقالي كان نفسي ولادي الصبيان يبقوا صحابي بس انا مطلعتش بصاحب جدع ولا رفيق سفر وطريق زيك انا بعتبرك شريكه كفاحي بعد امك مبقتش اعرف اسافر الا بيكي ومن يوم مابقيتي تسمعيني وانت بقيت اشيل كل.الهموم والحمل اللي جوايا عليكي يمكن يكون الحمل كبير بس انتي قداها تعرفي اني كنت ابقي خايف زمان يجرالي حاجه ومتعرفوش اللي عليا واللي ليا بس دلوقتي انا عارف ان محدش هيسد ورايا غيرك.....رديت قلتله انا بقوي بيك يا بابا ومن غيرك النفس مش هيطلع الاب في حياتنا نعمه خصوصا لو حنين حنيه ابويا ربنا يخليك ليا وتفضل سندي وضهري اللي بتقوي بيه

* مشروعات صغيره مربحه وغير مكلفه الالاف الافكار هنااااا https://ift.tt/2IvQ6FK * مطلوب مسوقين ومسوقات عمولتك ممكن تصل الي 5000دولار اي شخص ممكن يعمل مسوق بجانب عمله الحالي جرب لن تخسر شي ارسل بياناتك هنا https://ift.tt/3g5s28P * للحصول علي كتاب "كيف تصبح مليونير من الانترنت" بسعر 30 دولار فقط اكتب كومنت اسفل الفيديو طلبك * للحصول علي لاب توب وموبايلات وتابلت مجانا وهدايا تصل الي منزلك مجانا فقط ��جل هنا https://bit.ly/35Dq5ME * لو عايز فكره تكسبك ٥٠٠٠ دولار شهريا اتوماتيكيا واكتر بدون راس مال او جهد او وقت او خبره بس كل اللي عليك تنسح البوست وانشره على صفحتك الشخصيه وبعد ما تنشره على صفحتك اكتب كومنت (تم) واحنا حنبعتلكم رساله على الماسنجر فيها الفكره العبقري اللي حتكسبك ٥٠٠٠ دولار شهريا البوست اهوه °°°°°°°°°°°°°°°°°°°°°°°°°°°°°°°°°°°°°°°°°°°°°°°° (اصحابي لو بتحبوني شير البوست واشتركو في قنوات دي ٤٥٠٠فكره مشروع مربح وغير مكلفه للشباب حقق حلمك اشترك في قناتنا على اليوتيوب القناه الاولي https://www.youtube.com/channel/https://www.youtube.com/channel/UCJwPDlcufmmWM3B5K58Dwrg?sub_confirmation=1 التانيه https://www.youtube.com/channel/UCTRKHiXkcczMg-_8j5Yu4yQ?sub_confirmation=1 القناه الثالثه https://www.youtube.com/channel/UCJekmBD-fOLYjr36fyF5p3A?sub_confirmation=1 القناه الرابعه https://www.youtube.com/channel/UCj1ZLAZtGvz2-EaipdJ5r4Q?sub_confirmation=1 القناه الخامسه https://www.youtube.com/channel/UCcObIq2FeWDVEIMskgpoBgQ?sub_confirmation=1 القناه السادسه https://www.youtube.com/channel/UCqqBRSKCpegbrFvq3SXLy4g?sub_confirmation=1 انضم إلى صفحتنا للمتابعه أحدث افكار المشروعات الصفحه https://bit.ly/2A9Echg انضم لجروب افكار مشروعات مربحه https://ift.tt/2AHfQMz شير البوست على صفحتك(الدال علي الخير كفاعله) مشروعات مربحه وغير مكلفه https://www.youtube.com/watch?v=y3bSfv-_xNQ https://www.youtube.com/watch?v=k98ph9OsSYQ https://www.youtube.com/watch?v=VGvT6D-XY-c https://www.youtube.com/watch?v=Pc7MmCbJSTM https://www.youtube.com/watch?v=bKap7k5nCrA https://www.youtube.com/watch?v=TjdXnqcJeDs https://www.youtube.com/watch?v=TLqrJE5mB3I https://www.youtube.com/watch?v=h_WUqLyk8Pk https://www.youtube.com/watch?v=me4EyJtpkQE https://www.youtube.com/watch?v=7PvrwRzvmws https://www.youtube.com/watch?v=jbTfb15zqeQ https://www.youtube.com/watch?v=zDUkJ2jJ3DU https://www.youtube.com/watch?v=kbvTaK1pDUY https://www.youtube.com/watch?v=zslg2Q4p3vc https://www.youtube.com/watch?v=ddAyFu-ExCU https://www.youtube.com/watch?v=d83rJsS_UIk https://www.youtube.com/watch?v=8Cewdy-Ef7w https://www.youtube.com/watch?v=3yhMCqzRJA8 https://www.youtube.com/watch?v=cztSf1JJG-U https://www.youtube.com/watch?v=4RgZ9MIhSnk https://www.youtube.com/watch?v=EtTqWUmHXOk https://www.youtube.com/watch?v=snqAs-VgdYo https://www.youtube.com/watch?v=w-TbEvmIHa0 https://www.youtube.com/watch?v=Tmp-IJtLKII https://www.youtube.com/watch?v=W8XekV6XSO0 https://www.youtube.com/watch?v=nIsqfmHq340 https://www.youtube.com/watch?v=SHYUQ1n3-hc https://www.youtube.com/watch?v=o2ngZwxgjYk https://www.youtube.com/watch?v=FLDyc5I3syM https://www.youtube.com/watch?v=GxzivSWqnkI https://www.youtube.com/watch?v=5PB766iwSiE https://www.youtube.com/watch?v=E65cj5i2P28 https://www.youtube.com/watch?v=d9B6aEV5hyI https://www.youtube.com/watch?v=AU50dIKbpgY https://www.youtube.com/watch?v=hrdqjToNVPg https://www.youtube.com/watch?v=BXikJUDxEug https://www.youtube.com/watch?v=je_pAlUBTX4 مشروع صغير,مشروعك الخاص,نجاح,فكرة مشروع صغير,خمس علامات تدل على نجاح فكرة مشروعك,فكرة مشروع مربح,فكرة مشروع جديد,فكرة مشروع ناجح,نجاح فكرة المشروع,مشروع,افكار مشروعات مربحة,حدد فكرة مشروعك,كيف تبدا مشروعك,ابدأ مشروعك الخاص,فكرة مشروع,مشروع ضغير,مشروع ناجح,نجاحا,مشروع تجاري صغير,فكرة مشروع تجاري,مشروع مضمون,دورة حدد فكرة مشروعك,كيف تبدأ مشروعك الخاص,النجاح,كورس مشروعات,قصص نجاح من الصفر,مشروعات ناجحة,مشروعات صغيرة,ادارة مشروعات,افكار مشروعات,ازاي اعمل مشروع,مشروع صغير ناجح,مشروع صغير وسهل by المصنع

29/3/21

أحد الحاجات اللي خدت بالي منها في الجيش اني عندي طاقة وقدرة على الفعل والعمل. لفترة طويلة قبل الجيش أيام الاكتئاب الكبير كنت متخيل اني شخص كسول، بينام فوق ال 10 ساعات يوميا وبيقضي فترة يقظته متنقلا على صفحات الفيس بوك وغير قادر على الالتزام بمشروع معين لمدة زمنية طويلة. وهذا الالتزام هو شرط أساسي للنجاح او للانجاز. وبما اني مش عارف التزم فانا عمري ما هقدر احقق اي حاجة. في الجيش انتبهت اني عندي القدرة اتنازل وأقدم مجهود وطاقة بدون حتى ما اخد بالي من ده. أحد أصدقائي هناك قاللي مرة انت ليه بتشتغل كتير كده؟ انت بتريحهم. كان يقصد رؤسائي اللي هما عساكر برضو لكن النظام اداهم سلطة فوقية شوية. في الحقيقة انا فرحت من ملاحظته لأني مكنتش شايف نفسي بتعب ولا حاجة انا بعمل المطلوب واللازم. احنا كمصريين بشكل عام عندنا شعور عميق بخيبة الامل في المؤسسة - أي مؤسسة- لدرجة اننا دايما بنتكاسل عن الشغل او مش بنتقنه للأخر بمبرر ان النظام نفسه داخل المؤسسة فاشل وعقيم. اختبرت الشعور ده في اماكن كتير مختلفة من شغل وجيش وحتى ايام الجامعة. فاحنا معندناش فكرة اتقان العمل. وفيه حكمة شائعة جدا عابرة للطبقات هنا بتقول : الأهم من الشغل هو ظبط الشغل. يعني اظهار المنتج النهائي للعمل بمظهر كويس وجذاب ومبهر هو اهم حاجة في العملية كلها حتى لو كان مضمون المنتج نفسه رديء. انا في الجيش كنت ببذل مجهود وانا مش شايف اني ببذل مجهود. كنت شايف اني بقوم بدوري عادي وبعمل اللي عليا. ولما تاملت في الموضوع اكتشفت ان كل الكلام اللي كنت بقوله لنفسي قبل كده عن اني "طاقتي خلصت" أو كل العبارات اللي بتقدم نفس المعنى، اكتشفت ان العبارات دي مش حقيقة. واني لسه عندي طاقة وقدرة ونشاط انهمك في اي حاجة. واني مش مكتئب ولا حاجة. شوية الطاقة دول اللي طلعت بيهم من الجيش وانهمكت في دراسة البرمجة لمدة شهرين لحد تقريبا ما زهقت او بدا الاحباط يتسرب لقلبي تاني فتوقفت عن الدراسة. وانهاردة انا متوقف عن كل حاجة تقريبا ومش بعمل اي حاجة غير اني اتفرج على مسلسل لمدة 9ساعات يوميا وانام واصحى اكمل مشاهدة. المخيف ان المسلسل لسه 17 سيزون وانا في ال8 بس. لسه المشوار طويل يعني.

أنا خرجت م الجيش مقتنع اني مش مكتئب ولسه عندي طاقة اشتغل واتعب واقدم مجهود جبار بس خرجت ملقيتش حاجة اعملها وكل السكك تبدو مخيفة وضلمة وطويلة جدا وانا معنديش بربع جنيه فكرة عن انا عايز اعمل ايه في حياتي اصلا. أشتغل مدرس؟ اعمل مشروع تجاري خاص؟ اشتغل كول سنتر في اي حاجة في القاهرة وانقل محل سكني؟ أكمل تسجيلات طيب؟ طب اقرا واكتب ولا ده ملوش لازمة وتضييع وقت عالفاضي والمفروض اروح اذاكر ديجيتال ماركتينج؟ احا فيه ايه؟

ده اللي خلاني خلال الفترة الأخيرة دي افتكر الجيش بكثير من النوستالجيا رغم انها كانت فترة بنت ميتين كلب بالنسبالي. وفاهم كوبيس اني حريتي كانت مجردة مني وكنت بتعرض لسخافات من الظباط ومن العساكر اللي النظام رفعهم فوقي رغم انهم عساكر زيهم زيي بالظبط.، وده كان اسوأ حاجة حصلت تقريبا هناك. رغم ذلك بحن للفترة دي. او للدقة بحن لاحساسي باني كان ليا وظيفة وموقع وكنت قادر على ملء الموقع ده بدون مساعات من حد وكنت قادر اقدم خدمات لزمايلي اللي تحت سلطتي من غير ما اتماهى مع نظام السلطة اللي هناك اللي بيخلي اي حد يقسو على اللي تحت منه. انا تقريبا اتورطت مرة في محاولة لرد حق واحد من زمايلي بالشكل اللي وصل للظابط المسئول واتصل بيا شخصيا ع التلفون ومسخرني عشان تجاوزت حدودي وعملت ثورة وتمورد وبتاع! ردود فعل زمايلي -اللي كانوا تحت سلطتي- كانت مفرحاني. حسّوا ان فيه حد اهتم ودافع عن حقهم وهو ملوش علاقة اصلا. حسيت اني كويس وحر وقادر على العمل والانجاز وقادر على اتخاذ موقف من الواقع رغم امكاناتي الضعيفة قصاد الواقع. صحيح مقدرتش اغير حاجة لكن الموقف نفسه كان فارق بالنسبالي وحب زمايلي ليا كان واصل لي.

انهاردة انا بلا قيمة. كما كنت قبل الجيش تماما. وده شيء مؤسف جدا ان المرة الوحيدة اللي كنت فيها انسان ذو قيمة حصلت لما فقدت حريتي واتجندت! انهاردة قاعد في البيت. بقالي شهر وزيادة مخرجتش م الاوضة. أعيد تدوير الخيبات القديمة واعيد انتاج مقولات قديمة كنت بقولها ايام الجامعة لما كنت برمي كل مشاكلي على العالم الخارجي. ولسه برمي كل مشاكلي على تجربة الجامعة أو على علاقتي بأبويا رغم انه معملش حاجة وحشة. حاسس بفشل كبير وخيبة امل وانهيار غير قابل للترميم نهائيا. والأسوأ اني مبعملش أي حاجة بشأن الأمر. معنديش فكرة واحدة عن ا��ه المفروض يتعمل عشان يحسن الوضع. وكل المتاح قصادي اشياء مش مناسبة وبتحسسني بالتنازل اكتر وبالانهيار والفشل اكتر. لدرجة اني بقيت افكر في فترة الجيش أكتر، واحلم بيها وانا نايم وساعات بفكر أتطوع في الجيش!

أنا معنديش افكار انتحارية، ومعنديش قناعة ان الحياة - بطبيعها- مكان شرير وقاسي بالضرورة. وأقدر انظّر لأفكار بنائية وثورية جدا. بس الواقع اللي انا عايشة هو هو مبيتغيرش وانا لا عارف اتأقلم معاه ولا عارف أهرب منه ولا حتى عارف اعيش في سلام بدون ضغط. معنديش فكرة خالص اعمل ايه والزمن بيجري وبقى عندي 26 سنة وده رقم غريب ومخيف عكس كل الأرقام اللي فاتت ومحسسني اني خلاص دخلت عالم الكبار البالغين ولازم يبقى عندي أجوبتي على الأسئلة الكبرى ولازم ابقى حاسم مواقفي من مواضيع الشغل والجواز والانجاب ومكان السكن الخ. وانا مش قادر على كل ده. ومبعملش اي حاجة اصلا. وصاحبي بتاع الجيش اللي قاللي انت بتشتغل كتير كده لما قلتله من كم يوم انا زهقان ومحبط ومش عارف اعمل ايه قاللي روح لربنا هو مستنيك! احا هو مين اللي مستنيني؟ وده معناه ان حتى اصدقائي المقربين جدا واللي بخرج بيهم من تجاربي، فيه بيني وبينهم هذه المساحة الشاسعة من الاختلاف. صاحبي ده لو عرف اني اجنوستك او متشكك بشأن المسألة الدينية احتمال كبير يقطع علاقته بيا. زي زملاء الجامعة اللي كانوا اكثر انهيارا وتداعيا ومكنتش عارف اعمل صلة بيهم خالص. وزي زملاء المدرسة اللي انفصلت عنهم من بعد الثورة وتغير الاختيارات والتفكير وكنت متصور اني عنتر زماني وهحقق اللي محدش يعرف يحققه. انهاردة انا عايش على أرضهم "في ملعبهم" ومحققتش اي حاجة وفاشل بالتلاتة في نظرهم. هي دي حياتي عامة سلسلة طويلة من الصلات الواهية ببشر مش عارف اتواصل معاهم ولا قادر اعمل معاهم علاقات عميقة. مش لاقي نفسي في وسطهم ولا عارف اعبر عن نفسي حتى. خايف طول الوقت ومهزوز ومش متاكد من أي حاجة. وبتجنب اخرج م البيت عشان مشوفش حد وبتجنب أبويا واخويا عشان بيسالوني طول الوقت انت ناوي على ايه او بتفكر في ايه وانا معنديش اجابة. اللي اعرفه اني عايز امشي، عايز اهرب لمكان محدش يعرفني فيه وهناك هشوف اقدر اعمل ايه واعمله. زي ما كنت في الجيش في مكان غريب تماما وبدات مع الوقت اعمل علاقات واتعرف وابقى شخص فاعل. انما انا بالمنظر ده مش هعرف اعمل اي حاجة وهفضل مكاني وده شيء مرعب فشخ بالنسبالي.

انامش بقولك الكلام ده عشان اهون عليك مشاكلك اطلاقا. المسائل مش كده. بس انا حرفيا زهقان ومش عارف المفروض اعمل ايه ولا حتى اكلم مين. عايز اختفي. انا حزين جدا