當迪士尼遇著白兵 #starwars (at Hong Kong Disneyland Resort)

Nice View_20151216 #aquahk (at 北京道一號 - AquaRoma/ AquaTokyo/ AquaSpirit)

快閃台北 20151128-20151130

近呢兩次到台北都玩得很開心，要離開時都有一種不捨的感覺。

打從生日時認識了一班同生朋友，同佢地出去感覺好開心，好自在，真係好似識左好耐咁，大家有戈句講戈句，你串下我又串下你。 今次只係搵左瑋瑋同Eva出來，但已經得好玩了，真係好多謝佢地既陪伴，同帶俾我在台北既歡樂。最後一天真正自已閒走台北，坐坐cafe, 四圍走走shopping, 很自在舒服。 希望大家keep住好朋友，真的很喜歡你們。 台北真是一個我很喜愛的地方，人很好，消費低，又有得泡溫泉，很多美食。希望不久我又再次踏足台北。繼續開樂慢步台北。

2015年11月28日

很瘋狂很開心的一個晚上。

跟瑋瑋去了泡溫泉，很喜歡這種感覺，一邊泡溫泉，一邊跟朋友聊天，我們一泡就兩個小時，實在是太盡興。 離開時在等計程車，有一個男的過來問我們怎樣叫車，我們就叫他跟我們一部車就好，知他是淅江來台交換研究生，瑋瑋最感興趣，因為他對政治很好奇。我們就兩岸三地的在談起來。 知道他也要去酒吧，(本來我跟瑋瑋就是要去酒吧), 就叫他跟我們一齊去，我們就坐捷運過去，期間在 捷運上我們的談論，坐在隔壁有一個女生聽到就笑笑的，那最後當然逃不過瑋瑋，也拉她一塊去喝酒，好瘋喔，一天晚上兩個剛認識的人，就一同去酒吧。談天說說笑笑。 最誇張是我們離開酒吧是03:45, 之後坐在街上再談，談到差不多0500 才要坐計程車離開。 這個經驗好棒，好開心。台灣的朋友真心太好了。 謝謝你們給我的回憶。

滑水日 #wakeboard

絕無人造色素 #sky#macau#sunshine

#macau#night#housewarming

一點一點地把自已的裝備配置好。

沉澱

今日突然聽到幾件事,一件一直都知但係唔肯定,一件聽到好shock, 重點係原來所有野我都身在其中,但自已只係當一個跑龍套即二打六路人甲既角色. 咩已唔重要,因為完全唔關我事,但係我真係好困擾,我想知道事情來龍去脈,但我需要時間俾自已消化接受沉澱,工作上已經很多不順利不愉快,已經想要搵人打救我,我個腦已經裝唔落咁多野啦!  突然間覺得自已無哂SUPPORT,好凍好驚啊! 好想大喊一場好想大叫一餐好想..好想..好想..而家有另一個自已可以俾我講哂我要講既野,俾我同佢分享,再安慰我同支持我.  我呢排真係諗自已會唔會有精神病或者抑鬱症,終有一日我會爆,因為我實在支持唔住啦!

20121222-20121226 FamilyTrip末日後重生之旅_韓國首爾第二天

2012年12月23日

末日後重生之旅_韓國首爾第二天

  行程 南怡島 – 大關領 – 綿羊牧場 – 風車山

  朝早0630就MORNING CALL, 今朝既早餐係一個汽車加油站之類既地方既FOOD COURT食左個魚蛋面, 我就無咩所謂, 咁樣體驗下都幾好, 雖然大家都知道今日係會好凍, 但係真係估唔到真係堅凍到咁, 大家都凍到面無表情, 因為跟本就係塊面無哂感覺, 哈~

  第一站南怡島, 咁凍天氣仲要塔船過去, 呢度其實係冬季戀歌既拍攝場地, 阿晞就話似有雪既黑沙, 雖然真係有D似, 但係咁遠黎到大家都渣緊時間影相啦, 但係相對大家都唔想拎隻手出黎渣相機, 因為真係好凍, 而且地下仲結哂冰, 媽咪佢地三姐妹都要拖住一齊行, 以免跣低, 呢度我覺得最得意既地方係好多松鼠, 仲要勁可愛, 識企係度心口又有執白毛, 仲會埋黎問你羅食, 哈~ 都算係呢度既一個特色卦, 哈~ 其實NELSON都話呢度其實最好就係10月份黎, 好少會12月份黎呢度, 因為真係好凍好凍.

  其實而家只係第二日我已經覺得呢團安排都幾好, 唔係行程方面, 而係時間控制, 因為我地由尋日食飯, 去睇景點, 到今日塔船, 食飯, 都係早人地一步, 全部唔駛排隊, 唔駛同人迫, 因為我地早出發, 因為後期我地塔船返轉頭時, 見碼頭排左一條人龍, 如果我地黎戈時係咁, 我會即時話唔排囉.

  今日中午我地食春村雞, 係一鍋雞肉加飯加泡菜加辣椒醬炒埋一窩, 但係堅好味, 唔知點解點炒D雞都好滑, 味道又好, 我最鐘意食韓國既辣椒醬, 用黎撈飯真係一流, 係呢兩日最好味既一餐, VERY GOOD! 康同埋阿宏超開心, 因為呢餐係最多肉既一餐, 哈~

  跟住既行程我地就去大關嶺, 超凍, 大約係 -15度, 上到山頂分分鐘仲凍到 -18度都有, 真係凍到塊面都無哂知覺同好似麻痺左咁, 其實呢度主要係睇雪景, 同埋綿羊牧場, 我真係唔知點解D 綿羊要俾人放到咁高既山上面, 雖然可能佢地件羊毛衫真係夠暖, 哈~ 但呢度每個山頭都係白雪雪, 今日天氣又好, 真係好靚好靚. 我地拎D 乾草去餵綿羊既時候, 發現每隻羊都係有自己個樣, 有隻得意D, 有隻傻D, 哈~ 其實大關嶺呢度真係好值得黎, 但係上落山就比較要小心, 因為斜路而且好跣, 我地都係呢個大雪地度玩到癲左, 又係雪地度碌, 又打雪戰, 哈哈哈...

  下一個行程就係風車山, 其實就係大關嶺附近, 但係由於上山既路又係太跣結哂冰, 所以我地都無上去, 只係山下同隻風車影左張合照就走人啦. 咁之後梗係去食飯啦! 今晚我地既食飯地點好似人地D 住家咁, 細細間得幾張台, 個個坐哂係地下度食豬肉鍋, 我地仲飲左韓國米酒, 好似啤酒咁既, 一路食飯仲一路講返細個既事, 真係好正好開心, 有D我都真係無哂印象, 食飽就返酒店啦, 但係途經CU便利店我地梗係要入去掃貨先返去啦, 咁早夜晚流流長點過... 買左啤酒米酒零食, 今晚係酒店大玩特玩!

  返到酒店都係8點左右, 原來酒店樓下都有間幾大既CU, 我地梗係落去八下有咩買啦, 所以又買左D零食同埋酒精類飲料上房, 沖埋涼就展開我地既遊戲節目啦, 我地玩啤牌, 玩罰跳GANGNAM STYLE, 罰做下爬仔, 真係笑到死咁濟, 真係真係好開心, 玩到酒又飲哂, GAME又玩哂, 都只係十一點幾, 但係明天又要一早MORNING CALL, 所以大家先各自各返房訓覺.

20121222-20121226 FamilyTrip末日後重生之旅_韓國首爾第一天

2012年12月22日 末日後重生之旅_韓國首爾第一天

  等左一年半, 我地既家庭旅行2012決定係世界末日後開始, 人地話20121221係世界末日, 咁講即係我地真係未驚過, 哈~ 就係12月21日晚上, 22號凌晨兩點, 我地就坐上飛機出發, 展開我地既韓國首爾之旅.

  我地12點鐘要係澳門機場集合, 一直諗有成兩個鐘係機場唔知點過, 但係我地一人一句, 嘻嘻哈哈, 話咁快就過左兩粒鐘, 上機啦! 當大家諗住係機上面可以訓返幾粒鐘, 好可惜, 我係訓唔到既, 朝早0615我地就到達左首爾仁川機場, 出閘後會合返當地導遊NELSON, 佢俾我既第一印象真係唔係太好, 因為佢串我對鞋行雪地會跣, 哼~ 換左錢就上車出發啦, 由於我地係包團, 所以成架大巴都係我地自己人, 每人坐一排都得, 勁舒服!

  出發返出巿區食左簡單既早餐, 真係唔知食左咩, 淨係記得個饅頭, 哈~ 跟住就開始我地第一個行程”汗蒸幕”, 即係類似韓式既按摩休息既地方, 因為我地成晚無訓, 安排呢個行程真係無敵, 又有得沖涼浸熱水, 訓下休息下一個鐘頭, 個人义返少少電先再繼續行程, 感覺差好遠.

  跟住就出發食第一餐正式韓國餐, 人參雞湯, 味道同環境都好好, 仲學識食人參雞係要將杯清酒倒入去窩雞入面先食, 唔係就咁飲左佢啊~ 跟住我地上車就去泡菜學校度學整泡菜, 都幾好玩啊~ 接住落黎就去”景福宮”同博物館, 入到景福宮就有少少似去左北京紫禁城咁, 但當然北京既宏偉好多啦, 一路上聽住NELSON既講解, 發現中間有少少飄雪, 大家都好興奮, 而且周圍都積雪, 大家都玩得好開心, 仲自己揚起D雪扮落雪影相, 哈~ 真係我地先做得出.

離開景福宮就去左N SEOUL TOWER, 睇黃昏景色同埋TEDDY BEAR館, 就係呢度見到一間NATURAL REPUBLIC, 佢地都竟然可以買到一袋二袋, 証明佢地幾想買野呢, 仲攪到遲哂落TOWER. 由於飯後既景點係”東大門”, 所以晚飯食雜菜火鍋大家都好快手, 食飽就上車去大家都好想去既”濕平”節目, 雖然出到東大門都係得一個鐘頭時間, 但大家都知道之後戈幾日都無必有時間買野, 大家都好有目的地將要買既野買哂! 勁! 我地仲坐係路邊食左餐路邊灘!

  集合後我地就返酒店啦, 天氣開始又比今朝早凍, 因為黎緊呢幾日會仲凍, 其實大家由21號開始都無乜點訓過, 直至而家22號又玩左成日, 我都好擔心大家會攰會辛苦, 但係睇黎都唔似喎, 大家都好有精神, 但由於我地之後仲有幾日行程, 酒店又遠, 所以都係返酒店休息準備之後幾日落黎既行程!

2012大小二事

又到左12月31日, 今年係過去31年最特別既一年, 因為除夕我唔係澳門過, 我今年去左曼谷去迎接我既2013, 咁咪即係俾自己多一個鐘留住2012!? 因為泰國慢澳門一粒鐘gama... 但係我唔想留住2012, 想佢快d走, 因為2012對於我黎講, 總括真係唔係太好既一年.

  其實年頭開得都幾好, 我仲記得我係區域團年飯仲抽中兩封利是, 心諗今年掂啦, 但係唔記得左團年飯係舊曆年前食gama..即係我中奬係因為未過中國年, 唉~ 2012年係1月份過中國年既, 我仲著住龍年既衫去阿婆度拜年, 本本運程書都話雞仔今年好掂喎, 因為龍係旺雞既, 妖~ 呃人既, 或者係因為我可能唔係雞仔卦, 哈~ 主要其實係工作上啦, 遇到好多過去無遇過既逆境, 遇到過去無遇過既失敗, 好得人驚, 自己個心都寒.

  3月份去左個永遠唔會忘記既歐洲背包之旅, 見識好多, 真係讀萬卷書不如行萬里路係真ga, 遇到既人與事我呢世都唔會忘記, 我仲好記得係羅馬坐係公園, 坐係廣場戈種閒暇, 戈種莫明既感覺, 永遠唔會忘記.

  去完歐洲返黎諗住專心工作, 因為family trip都由8月推到12月啦, 即係無野分心, 無旅行去, 點知都係乜都做唔成, 高飛天又再次失手, 直至年尾都係平平無奇, 直頭可以話係無乜起色, 就完結左2012年度既業績.

  講完失意既事, 其實失意主要都係由工作俾我既, 但開心既事情都有好多, 首先係歐洲之旅, 終於一個人自己去到咁遠, 住hostel, 認識新朋友, 認識新地方, 一個人既旅程真係好正, 一時既一點點寂寞令你更珍惜家人及朋友. 到11月既峇里潛潛潛, 羅埋晉級牌, 亦都自己知自己既潛水技巧提升左不少, 好開心, 同潛友們既關係亦close左. 到12月岩岩過左既family trip, 每年最期待既旅程, 今年去左韓國, 好開心好玩好笑, 我真係好幸運有呢個家庭, 我應該要感恩我有我既家人, 一個癲喪既家庭, 大聲笑大聲叫, 快樂就係好簡單.

  2012既世界末日就無出現啦, 但2012對於我黎講都幾世界末日, 好彩仲有家人朋友既支持, 明日就係2013年開始, 希望今年係我豐收既一年, 希望我既目標可以達成, 不論用任何方法! 加油! RENO! FIGHTING!

峇里飄浮記20121124第六天

算係最後一日係峇里, 因為我地聽朝一早起身就塔飛機走人啦, 所以今日係景點一天遊, 我地租左架車, 但係勁細架, 坐哂咁多人, 真係好迫囉, 但係都要照坐, 第一個景點係印尼土風舞, 但我地無入去睇, 係門口影左兩張相就走左, 接住就係BALI ZOO, 呢度反而留得最耐, 睇下動物, 行下, 因為又唔係太熱, 天氣好舒服.

睇完動物園就去食中午飯啦, 去左DIRTY DUCK餐廳, 呢間餐廳佢地上次峇里既時候食過好食, 所以番黎再食, 但價錢就相對峇里其他餐廳較貴, 我地呢餐竟然食左240萬, 哈~ 真係食左我層樓咁多錢, 食飽飽就梗係要買少少野返澳門啦, 就過左隔離既超巿入貨, 峇里真係唔知買咩, 所以買哂咖啡, 出名麻..

搵返司機叔叔就去火山啦, 上到山真係凍凍地喎, (其實我地開頭以為去個火山, 但係原來只係火山對面座山望住個火山), 但係望住個火山, 視野好廣寛, 好舒服啊~ 但最衰就係好多蒼蠅, 真係堅多, 多到你唔信, 泊低架車一陣返去羅車, 就已經全車鋪滿左, 好驚囉~ 所以係度飲左杯咖啡就走人囉, 跟手就返旅店, 我地本來諗住今晚搵間好少少既海邊西餐食既, 點知最後都係返返第三晚戈間西餐, 因為無其他選擇, (中間有坐低過一間格局都幾好既, 但係D人唔俾我地拍台坐, 咁唔通分開坐咩, D人真係無乜腦, 所以就無食戈間), 咁呢間餐廳都算OK好食既, 食飽又係吹下水咁就休息啦, 但呢兩晚我都同醫生傾偈到好夜, 我亦係醫生身上見識多左, 多謝醫生!

就係咁, 我呢個峇里潛水團就咁結束左, 總結呢個旅程真係獲益良多, 因為首先自己既技術提升左啦, 亦都感覺好安全因為有SUKI, 有KIT, 有醫生同我一TEAM令我好有信心, 好放心咁係呢個海流咁急既地方自由活動, 仲試過夜潛, 所以呢個團真係學識見識好多野, 期待下次既潛水團!

峇里飄浮記20121123第五天

今日係我地係峇里落水既最後一天, 因為明天我地要休息一日, 咁我地後日先可以塔飛機, 唔係就會氣壓問題唔塔得飛機啦..

今日其實我地得返5個人落水, 因為阿忠同埋OLAY都無出海, 我心諗我都算係咁啦, 竟然咩事都無, 因為諗返上次跟團係每日兩潛已經頭痛, 攰到癲左, 最後仲要送左D潛俾其他人去玩. 仲要尋晚停電咁樣攪一攪, 醫生都話差D頂唔住.

今日仍然係留係船上渡日, 今日睇到既魚都好大條, 又睇到海蛇又睇到大雞泡, 我覺得最靚係睇到一個珊瑚造成既洞, 我地直頭走左入去影相, 但係又好驚整爛D珊瑚喎, 但真係好靚, 入面仲有好多魚仔, 係我未見過既, 我地仲圍住左條大雞泡唔俾佢走開, 真係好攪笑, 我心諗條雞泡實係話”你地幾個玩夠未啊!”

我地今日中午飯就係印尼炒飯, 仲有雞脾, 真心好味道, 今日落3水, 就為我地既峇里潛潛潛畫上句號啦, 返到酒店就係潛水團最攰最唔想出現既時候, 就係洗設備, 好彩我暫時都係得WETSUIT, BOOTS, 同埋MASK, 如果有埋BCD就真係洗死我啦, 不過始終都要買既..

完成今日既潛就返旅店, 沖涼換衫就出去尋日檔口買魚, 點知去到無魚賣, 咁算啦, 我地就係沙灘坐左一陣飲左個椰青, 就塔車出去尋日既中餐館食飯啦. 今晚食完飯我地都無行路返旅店, 都係塔的士, 因為太累啦, 醫生亦係晚飯其間將我新既兩個牌交俾我, 好開心啊~

峇里飄浮記20121122第四天

開始船上渡日既潛水, 因為每天早上6:00起床就會一直係船上面完成哂今日既潛先再返上岸. 黎到峇里, 應該係睇MORA MORA   同埋MANTA 所以我地今早就黎到MANTA POINT既地方, 睇下好唔好彩見到MANTA 啦.. 可惜MANTA就見唔到, 但係水溫就超凍, 只有21度, 有如浸係冰水一樣, 真係凍到我震啊..加上DM話果要見到MANTA, 就一定係能見度唔高既地方, 因為能見度唔高即係浮游生物多俾佢地食, 所以除左凍, 仲有睇唔太清, 但今水都好好, 雖然見唔到MANTA, 但係就見到一大群細細既魔鬼魚, 真係未見過咁多係度游, 其實都幾驚整到佢地, 哈~ 上到船個個大叫好凍, 有人話著5MM既WET SUIT, 有人話加件背心, 可惜我乜都無得加, 哈~ 因為我係一件WET SUIT走天涯, 心諗唔緊要, 應該係太早所以水凍姐, 晏少少應該會好D. 第二水, 真係無第一水咁凍, 但係都係可以用涼黎形容, 呢一水我就見到好多好大既珊瑚礁, 完左呢水之後就返上船食中午飯, 就係印尼飯合, 哈,,係船度食飯合, 哂住太陽, 吹住海風, 真心舒服, 休息下我地就落埋第三水. 點解一日3水咁少? 因為原來DM 話呢度晏晝3 點後就會好大流..比較危險, 所以每天一定要在3點前完成所有潛水活動, 所以我地一天只可以3 潛, 無得夜潛, 完全HEA 潛團..(佢地講GAJA..因為佢地比較爛潛..哈哈)

放好行李梳洗完就出去搵碼頭買魚, (因為第一晚我地食飯時撞到一班香港人話附近有個碼頭賣魚, 仲好平), 行到出海邊, 搵左一陣, 終於搵到碼頭, 雖然係得一檔得一個阿姐係度劏魚, 但係D 魚真係超大條, 仲咁岩撞到一個中國人, 介紹我地去佢朋友間唐餐度加工條魚, 食左兩日薯條同埋印尼炒飯, 都可以食返唐餐, 正~ 我地最終簡左條手臂咁長既魚, 真係估唔到咁平, 只係港幣100蚊, 佢地話如果澳門買應該要千幾兩千蚊呢..嘩..呢度既魚真係死得無價值啦.. 塔的士去到餐廳, 我地將條魚三煮, 半邊蒸, 半邊豆豉燴, 魚骨煲湯, 好好味喎...但係加工既錢仲貴過條魚少少,, 哈哈~ 但係今晚我地都係食左60萬左右, 即係60蚊美金左右, 完全唔貴喎, 又好味, 所以決定明晚再黎呢度, 仲落定order 叫老闆買定蟹. 食飽我地又分兩team, 我地就慢慢行返旅店, 第二team就塔的士, 但係我地買埋水果返去都仲未見佢地呢, 原來佢地塔的士去左kuta 海灘戈邊, 遊左轉車河先返, 夜晚食埋水果吹下水就休息啦,

就係呢個時候, 天啊~ 竟然停電, 望出去全條街都黑麻麻, 但當然有其他旅店有電, 佢地應該係有後備電源, 我地就拎住電筒係露台照黎照去, 希望快D 有電, 但可惜仍然係無, 我地就用房內餘下既冷氣訓啦, 好彩係我唔覺得太熱, 都一覺訓到天光, 中間我聽到冷氣著返兩次, 第一次著左一陣就停返, 唉~ 第二次應該差唔多天光, 就無事啦... 所以我都算有訓覺..但醫生就...無乜點訓過啦...

峇里飄浮記20121121第三天

黎到Tulamben住左一晚咁靚既resort, 我地食左早餐就坐車返出第一晚既旅店, 就再係旅店出發開始今日既潛水, 當每個人都以為要塔3個鐘車既時候, 大約半個鐘車程, 架車突然間停左係路邊泊好, 我地大家都曚曚矓矓咁(因為已經係車度開始訓著), 問做咩事停車? 係呢度潛? 司機同埋兩個DM話: 係... 哈..原來係我地誤會左以為出返去先開始, 但原來我地今日3 潛都係呢度落水..下晝先返出去.. 經過尋日第一日既潛水, 我個人本身已經有點攰, 今朝仲要係無準備下突然間叫落水, 心情總係有點不安, (因為自己之前潛水團都未試過落咁多次水), 驚今日第二日就收皮, 咁仲有幾日點算! 但黎到就唔好諗咁多, 更何況全部人都已經開始換衫著裝備, 今日好好多, 算係船潛啦, 無尋日咁辛苦咁要背哂全部裝備行石灘, 今日既仲要係沙灘, good... 今日都有一項試驗, 就係呢隻船仔, 唔能夠真係船潛咁係船著好哂裝備再反身落水, 只可以將裝備充氣掉哂落海再跳落海中著, 好彩呢個環節暑假既時候, 醫生教過我地, 絕對難唔到我地呢d 高班學生, 嘻嘻... 潛完第一水上黎, 感覺無尋日咁辛苦, 只係有少少頭痛, 心諗緊放唔放棄第二水, 等晏晝第三水先再落呢, 但係得佢地既鼓勵同埋支持, 尤其係suki, 我第二水都照落, 就係好彩有落呢一水, 我見到成個旅程最令我興奮既海洋生物...鯨鯊 其實尋日開始呢幾水都係適應, 等自己開始pick up返d 技巧同埋做得好d, 所以都無突登望有咩睇, 只係跟實DM同埋醫生, 唔好令佢地擔心就得啦, 佢地叫有野睇我先走埋去, 所以見到鯨鯊戈時我都未反應到, 只係聽到suki 敲樽, 即係有事發生, 佢指住頭上方, 嘩~ 一架巴士咁大既鯨鯊就係我地上方游過, 我停左一陣見到佢地追我先追上去, 但係水流都好急, 我都係追唔到, 但係離遠見到都好開心同埋激動啊! 返上水面個個都好興奮, 連兩個DM都話第一次係呢個水域見到鯨鯊, 勁! 我就梗係大叫好彩有落水啦, 唔係就錯過左架巴士啦! 第三水都好好玩, 因為流好大, 我地只係順流咁就完全唔洗動個身, 就會俾水沖向前, 我仲扮超人係水底飛, 我第一次感覺到有流係可以咁好玩, 因為一路俾水流沖住, 一路望住個珊瑚焦, 就好似睇走馬燈咁, 個珊瑚礁就由右向左咁轉走, 但其實係自己個人由左至右咁俾水沖走緊, 真心好玩, 識得利用水流就好舒服, 好enjoy... 落埋第三水我地就返出巿區既旅店, 休息左一陣就出去搵野食, 我地行到沙灘戈邊有一間西餐廳, 就決定坐低食野, 但望到D 海鮮都係唔太新鮮咁, 但撞到團香港人係同我地講係附近有個碼頭賣魚可以買左拎黎加工, 我地就諗住明天就係咁做, 搵魚買再整黎食, 我地食左印尼炒飯, 沙爹串燒等等, 就慢行返旅店休息啦.