يا لطيف!! والله فعلًا معها حق انا فكرت انها حرب اهلية بس!! والله الي عم يصير فيهم متل الي صار فينا كنا نحكي ايران و روسيا عم يقصفونا و الرئيس عم يعمل إبادة للشعب و العالم بتحكي اي اي حرب اهلية، هاد القرن الأسود على العرب
ما بدي احكيها باسلوب وقح بس ما حبيت تعليقك على النظرة الموجهة للمسلمين... لاني لاحظت المسبة من تحت لتحت الي وجتهيها للمسيحيين و حسيت كان احسن لو ما خليتي القضية يدخل فيها موضوع الدين
هي رابع رسالة بتجيني عن هداك البوست ماني فاهمة ليش الحساسية هي، وين سبيت المسيحية؟ 🤨 حكام العالم حاليًا يهود ماني فاهمة مين جاب سيرة المسيحية.
اذا قصدك انو المسيحية هم الي بحكوا على المسلمين همج و نظامهم نظام حروب و احتلال فهاد يعني اني دافعت عن الإسلام من المسبة الي وجهوها المسيحية، و بشكل عام شو المشكلة اني احكي عن ديني و تحكي عن دينك يعني مرة تانية ماعم اعرف ليش كل هالحساسية بالتعبير عن المعتقدات.
كانوا دائمًا يهاجموا المسلمين بانهم همج و نظامهم نظام حروب و احتلال و كل هاد كان بالزمن الي كانت لغة التفاوض فيه هي الحرب اصلًا. اليوم بزمن "حرية الرأي و الديمقراطية و حقوق الإنسان" بنشوف هيك عملات و بنشوف جنان لدرجة وصلت فيهم يحكوا بدنا نرمي نووي عليهم.
ما بعتقد انو ضل اي حدا في بقلبو شك إتجاه الدين الإسلامي بعد ما شاف الفرق بين العالم الي حكمه المسلمين و العالم الي حكمه هدول.
ومما يدل على مكانة فلسطين: أن الملائكة تبسط عليها أجنحتها؛ كما في الحديث الذي صححه الألباني عن زيد بن ثابت قال سمعت رسول الله يقول: " يا طوبى للشام، يا طوبى للشام "، قالوا: يا رسول الله، وبم ذلك؟ قال: " تلك الملائكة باسطة أجنحتها على الشام ", فهذه ميزة، ميزة للشام ومنها فلسطين.
عم تنهلك و تتعب و انت عم تسمع اخبار بتشيب الراس من ٢٠ يوم بس بتجي بتعبي قلبك حقد و كراهية لأي جنسية ليش؟ ليش لما تشوف تعليق كاره او مستفز من اي جنسية ما بتشوف انو في عشرة بردوا عليه و بينتقدوه؟ ليش بس بتشوف الشي الي بخلي قلبك يتعب و إيمانك يضعف؟
ربك حكالك { إِنْ تَمْسَسْكُمْ حَسَنَةٌ تَسُؤْهُمْ وَإِنْ تُصِبْكُمْ سَيِّئَةٌ يَفْرَحُوا بِهَا وَإِنْ تَصْبِرُوا وَتَتَّقُوا لَا يَضُرُّكُمْ كَيْدُهُمْ شَيْئًا إِنَّ اللَّهَ بِمَا يَعْمَلُونَ مُحِيطٌ } لازم تجاهد نفسك الي عم تحاول تجبرك تكره اي جنسية أو اي شعب بسبب شلة المنافقين المزروعين عنا، و الله حكاها، حكى انت بس اصبر و اتقِ شر الكلام و مارح يفلحوا بالشي الي عم يحاولوا يعملوه، و تأكد انو مافي اي حدا على وجه الكرة الأرضية ممكن يشوف المشاهد الي عم تصير بهل مجزرة و ما يرق قلبه، لذلك مافي إلا إلي { فِي قُلُوبِهِمْ مَرَضٌ فَزَادَهُمُ اللَّهُ مَرَضًا وَلَهُمْ عَذَابٌ أَلِيمٌ بِمَا كَانُوا يَكْذِبُونَ } هنن الي عم يزرعوا الفتن و انت جهادك هو انك تصبر و ما تنجر ورا التخبيص الي بحكوه و تخون اخوتك المسلمين من كل مطرح لأنك شفت واحد متلبس اي لهجة و عم يحكي بإسم شعبها.