mind-rebuild
Mind Rebuild - أبني عقلك بنفسك
نحن نطلع لنرشدك كيف تتذوق النعيم و تعيش جنه الدنيا و فقد باتت اليوم الكثير من الافكار المسمومه التى تجعلك غافلا عن رسالتك التى خلقت من اجلها و هى عمار الارض فانت خليفه الله .
خلقك الله سبحانه و تعالى و جعلك فى الارض خليفه لتعمروا فيها و ليس لتخيربوا فيها .
من هنا ستبدأ رحلنتا كن جهزا لتعرف الكنوز التى لاتعرفها لتعيش جته الدنيا .
ولكن عليك ان تكون ممن يتدبرون أيات الله سبحانه فاتعلم و اقراء و تدبر و هذه هى بدايه تذوق النعيم على الارض .
هل أنت جاهز …؟
22 posts
Don't wanna be here? Send us removal request.
Last Seen Blogs
evapolerblogs
Untitled
gravityshifterscouplescounseling
THIRD-RANK RAVEN RESPECTER
bahiatour-valparaiso-blog
BahíaTour Valparaíso
business-panda
Untitled
scronicscreencaps
Silly Screencaps
Text
أحساس التوهان و الضياع الي معظمنا بيحسوا احيانا 😰 و ممكن يكون مصاحبه أحساس بالخوف
كوكتيل المشاعر السلبيه دا حرفيا يوديك ورا الشمس .. لا تعرف تتحرك و لا تفكر
و هو دا لعبه الشيطان عايزك دايما مش فاهم مغيب تايه كده و مش مركز .. كل دا عشان اتصالك بربنا مقطوع
كل هدفه أنه يجمل ليك الغلط و يسهلها ليك و يعملك مبررات و هكذا و كله راح في الطيار
طب أنت متخدش بالك دايما الي مع ربنا فعليا مش بالكلام حياته مختلفه ناجح و قوى من الاخر كده محظوظ ... احب اقولك هو دا الي عرف ربه صح ..👍
بس ربنا قالك في كتابه العزيز
إِنَّ اللَّهَ يُدَافِعُ عَنِ الَّذِينَ آمَنُوا ۗ إِنَّ اللَّهَ لَا يُحِبُّ كُلَّ خَوَّانٍ كَفُورٍ (38) الحج
يعنى لو فؤ حد عايز يتسبب ليك باذئ أو غيره .. ربك كفيل بيه
عايز أيه تانى ...
الفكره كلها لازم تبقي عارف انك ربنا معاك دايما و قريب منك أوى و سامعك و شايفك و عارف كمان أيه الي بيدور في دماغك ...
المطلوب منك عشان توصل للمستوى دا فى ارتباطك بالله و أن ربنا هو الي دافع عنك أؤمن الآيه المكتوبه دى و الايمان يعنى ثقه في الله ..
أنت معاك سلطه و نفوذ مطلقا قوتها و قوانينها فوق قوانين الارض و الي عليها كمان ... عايز ايه تانى 🤔
اطلب منه الهدايه .. قوله كده اتكلم معاه قوله يا رب انا عايز عايز اعمل الحاجه دى بس مش عارف اعملها ...
أقسم بالله هيبتعلك المعلومه ممكن عن طريق شخص أو صوره أو وسيله هيكلمك بيها و عن تجربه و يمكن بتحصل معايا يوميا جرب و شوف الفرق 😇 النتيجه مبهره بس أنت ركز معاه و أفهم الاشارات الي بيجيلك ...
بص كده انا كل الى بكتبه في الصفحه دا عشان عايزك تمسك المصحف و تبدأ تقراه بشكل مختلف حاول تفهم آياته و الله القرأن ربنا أنزله لكل الناس مش مقتصر علي شيخ و لا غيره دا نازل للكل أفهم خريطه الكنز و عيش بقي الجنه 👑💰💡🌍 ...
اخر حاجه هقولها ليك ...
ثق في ربك و في كتابه و تدبر قرأنك
ربنا يوفقك 😉
اعمل شير 📱و دوس لايك 👍 و أنت معدى
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
2 notes
·
View notes
Text
خلاص ياعم زمن المعجزات أنتهى 🤣
لا لا ... ولا أنتهى و لا حاجه 🤗
كل الفكره أن كل حاجه عشان تتعمل عايزه شويه طلبات كده ... و عشان توصل للستوى ده
لازم تكون عندك الحاجات دى :
١- إيمانك بالله و اليوم الاخر و كتبه و رسله
٢- الثقه و اليقين التام بالله
٣- كثره الاستغفار عشان تنوير البصيره و الصلاه
٤- تدبر القرأن حق التدبر عشان هو دا اساس خريطه الكنز الى هتوصلك للمعجزات
أفهم المعلومه دى لما أنت بتستغفر و تصلي الذنوب الي علي قلبك بتنزل و بتحس براحه و قوه و كل ما تستغفر اكتر يزيد قوتك .. و مش بتبقي منظر و خلاص
هتلاقي نفسك أتغيرت الثقه زادت و اسلوبك بقي اكثر ثبات و قوه ... الخ
و في المرحله دى البصيره قوتها بتبان و مفعولها بيزيد مع الوقت طول ما بتطبق ال ٤ نقط الي فوق و تلاقي تدنفسك بتاخد بالك من حاجات و فرص تعلي بيك في الحياه و دا في كل الجوانب ... الماديه و النفسيه و الاسريه ... الخ
مش ربنا قال
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُم مِّدْرَارًا (11) وَيُمْدِدْكُم بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا (12) [ نوح]
هو دا الي كنت بشرحهولك بشكل مبسط عشان افهمك أيه الي بيحصلك لما تعمل الخطوات دى
أعقلها و توكل 🤗 و أتمنى شير عشان تفيد غيرك ... ربنا يهدينا جميعا للصراط المستقيم
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
0 notes
Text
ضحكوا 🤣🤭😛 عليك
(الجزء الأول)
تشويه مفاهيم القرأن
ضحكوا عليك 🤣 و قالولك
الماسك علي دينه كالقابض علي الجمر 🔥
لكن الحقيقه بتقول 👇
و ما أنزلنا عليك القرأن لتشقي😇
ضحكوا عليك 🤣 و قالولك
أن المؤمن دايما منصاب و ربنا عمل كده عشان بيحبك و بيختبر صبرك
لكن الحقيقه بتقول 👇
و أستجبنا له و نجيناه من الغم و كذلك ننجي المؤمنين
و قال ربنا كمان
ما أصابك من حسنه فهى من الله و ما أصابك من سيئه فهى منك ... يعنى أنت السبب و المشاكل الي بتحصلك جزائك علي اخطاك عشان تتعلم من غلطك و تصلحه ... و لعلمك أنت اصلا كده كده أنت في أختبار مع أول نفس ليك في الحياه و هيخلص لما ترد النفس مره اخري لخالقها
ضحكوا عليك 🤣 و قالولك
أصبر علي المصائب هتفرج من عند ربنا
لكن الحقيقه بتقول 👇
الصبر بمزاجك أنت ... عايز تغير أدعى و أسعى و خد بالاسباب ... يعنى أعمل الي عليك أدعي ربك بيقين و هو هيسبب الاسباب خد بيها بقي
عليك السعي و النتيجه علي الله
ضحكوا عليك 🤣 و قالولك
الذنب الي أنت عملته هيدخلك النار و ربنا مش هيسمحك
لكن الحقيقه بتقول 👇
ورحمتى وسعت كل شئ أن الله غفور رحيم ... و كمان .. كل أبن أدم خطاء و خير الخطائين التوابين
و تتوالى المفاجأت 🥳
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
0 notes
Text
طالما الله موجود الغي كلمه مستحيل من حياتك بالله تحقق المعجزات ..
كل الي عليك تثق بالله و تؤمن بيه و اطلب منه بيقين ..
أول سر في خريطه الكنز 😊
خليك معنا عشان هنفكك الخريطه دى حته حته عشان تعيش الجنه في الدنيا الي ربنا وعدك بيها 🙏 الحمد لله علي أنك أنت ربي
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
0 notes
Text
القرأن بيحبك تتعامل معاه كده 👇 ... مش يتركن للتراب ياكله ... 📖
تدبر قرأنك ... كنز حياتك 🎁
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
0 notes
Text
افرجها من عندك يا رب بقي 🤲
مش دا الي أنت بتقوله و أنت مخنوق و متضايق
مش واخد بالك من حاجه في ناس بتدعى و بيستجاب ليها و بتطلع من المشكله و ناس تانيه لأ ... مش دا الي بيحصل ..
طب أنت عارف الفرج بيجي أزاى ...؟
تعالي كده و فتحلي 🧠 ده حبتين ..
أنت ديلوقتى في مشكله و دعيت ربنا أنه يحلها حلو كده .. طب أيه الي بيحصل
أولا : ربنا قالك أنى مجيب الدعاء تمام ...
يبقي أول حاجه أنك تدعي بيقين أن ربك أستجاب دعوتك و بيتهيألي ليها الظروف ...
ثانيا : طول ما أنت تركتها لله و مستعجلتش هتيجي أسرع لانك مش متعلق بيها و دا موضوع هتكلم فيه بعدين و كمان لما تكون طاهر من الذنوب بيبقي التواصل بينك و بين ربك أسرع و أقوى
ثالثا : لو أنت عملت عكس الي فوق أبقي قابلني لو اتحلت بالعكس هتزيد أكتر و دى ليها قانون بردو هتكلم فيها قدام شويه ..
رابعا : ربك أستجاب خلاص يبدأ ربنا بعتلك أفكار و ناس و حاجات تعملها من الاخر فرص بس لازم تكون مستعد عشان تخدها و تستثمرها صح و تخرجك من الي أنت فيه ..
فلازم تقوم تسعى ليها و تتحل المشكله وتجهز نفسك ..
مش سعات تلاقي فرصه جاتلك و هى دى الي مككن تخرجك من المشكله بس تلافي نفسك غير مؤهل ليها 😖
مفيش حاجه أسمها أن ربنا هينزلك و ياخدك من أديك و يحللك مشاكلك ... هى ظروف و تدابير ربك بيخلقهالك عشان استجاب بدعواتك ..
و عشان الافكار و الإهامات دى تجيلك حاول قدر الامكان تكون طاهر من الذنوب يعنى تستغفر كتير
ربنا يجعل حياتك جنه ... وأجهز بقي عشان الفرج جاى
شير عشان غيرك يستفيد الدال علي الخير
كفاعله ...
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
1 note
·
View note
Text
لو في عندك مشكله عايزها تتحل ..
رزق أنت مستنيه ..
فرج من هم ..
كل دا مش هيجيلك إلا لما وعيك يزيد .
يعنى تعرف مشكلتك فين أيه الغلط الي عملته
و تتعلم منه ممكن يكون ذنب أنت بتعمله سلوك معين غلط تصرف عملته مع حد و هكذا ..
لازم الاول تعرف مشكلتك و تعترف بيها و هنا ربنا يلهمك بحاجات تعملها تخرجك منها ..
أعقلها و توكل علي الله ...
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
1 note
·
View note
Text
الموضوع دا لو متحلش خلاص مستقبلي ضاع 😱
طب و بعدين هعمل أيه و انا ليا حق .. أنا ضعت خلاص ..
كلنا ساعات بنواجه مشاكل صعبه جدا و مصيريه احيانا .. يعنى بالبلدى كده الغلطه بفوره يعنى يا كده 👍 يا كده 👎
و طبعا عينك مش هتغمض من كتر القلق و التوتر .. 😨
طب ليه كل الضغط دا و حرق الأعصاب دا ... أنا هقولك
اول حاجه أنت مصغر قوه و قدره ربنا و هيمنته في تدبير أمورك ... مش متوكل عليه حق التوكل .. مش مؤمن بأياته الي في القرأن .. 📖 حتى لو كنت عارفها .. الثقه صفر او تحت الصفر كمان
و دا راجع ليك أنت ... لانك قطعت اتصالك بربك
بذنوبك و سيئاتك و بعدك عن الصلاه .. الصلاه الصحيحه مش الي بتخلص في ثوانى دى .. التأمل و دا مهم جدا .. حمدك و شكرك لربك .. الدعاء و ثقتك في الله أنه هيتحقق و الاستغفار دا اهم حاجه .
طب تعالوا نمسكهم واحده واحده .
كتر ذنوبك بيعمل حاجز بينك و بين الله 🚧 و بدل ما بتسعي أنك تقرب .. بتبعد أكتر بسبب سيطره الشيطان عليك ... لكن في الحقيقه أنت مسلم دماغك لوسوسته .. وهو دا أقصاه معاك يغويك بس كده ... بالبلدي كده مسخناتى ... 🔥
في افكار مزروعه في الدماغ و انا كنت واحد من الناس دى و منها أن القريب الي الله بيبقي
(فقير و لبسه مقطع .. شكله يا إما لابس ابيض في ابيض أو شحات و معفن و ريحته وحشه و شكله يقرف و طيب و ضعيف وياخد علي دماغه و قفاه عادى و يعيط و يقول يارب و أنه زاهد الدنيا و مش عايز منها حاجه و مدروش )مش دا الي الميديا بيزرعه في دماغك برمجتك عليه ...
طبعا صوره زى دى أنت مش عايز تشوف نفسك فيها .. و طبعا يجيبلك صوره واحد غنى رجل أعمال مثلا 🤴 بيشرب خمره و جامد و عنده علاقات قويه و بتاع ستات و لابس شيك و برفانات و ظالم و مفترى و قوى ... الخ و هو دا بيعرف يعيش .. افكار مسمومه كلها . مع أن الصح أن الي مع ربنا بيعمل المعجزات ..
طبيعي جدا ... أنك عمرك ما هتفكر تقرب لربنا عشان مش عايز تبقي زى الاولانى ...
بس هما شوهوا الصوره و قلبو الآيه ..
بص بقي عشان توصل أن الخير يبقي ملازمك و أي حاجه تتحل مهما كانت صعبه و علي فكره أنت الي بتقرر هتخليها صعبه أو سهله علي حسب ظنك بالله .. و أفتكر سيدنا أبراهيم و النار
عشان توصل لمرحله الفضل دى و الخير .. لازم تعمل دول👇
الاستغفار عشان تطهر نفسك من الذنوب و حسنات عشان تضيع بيها السيئات ..
و لما دا يحصل أنت بتشيل الحواجز بينك و بين الله
التأمل و الدعاء بيقين أنه الله استجاب دعوتك و مستعجلش عليها ... ادعى الدعوه و سيبها هتتحقق اسرع و دا هيعلي عندك الثقه و اليقين بالله
الصلاه هو دا الوقت ال بتقابل فيه ربك و تتصل بيه و تدعيه و أنت ساجد و تستغفر و تصلي بخشوع
كل الي فات دا عشان تتعلم منه أن مع الله مفيش مستحيل قرب ليه خطوه يقربلك ذراعا ..
كل دا عشان اوضحلك حاجه و هى : تفويض امورك لله .
شوف كان في حد عنده مشكله و كان مظلوم فيها و الراجل عمل كل الي عليه و جهز نفسه و يشاء الظروف تمنع حد من الناس الي معاه انه ميجيش لظرف ما و الموضوع دى اخر فرصه للنجاه طبعا التوتر و القلق و الخوف بدأ يسيطر عليه ...
لكن عشان وثق في ربه و قال ربنا و عدنى أنه مجيب الدعوات و انا واثق أنه مش هتخلي عنى و ربنا سبحانه و تعالي فعز قلقه بعتله الي يطمنه ... ربنا يخليهم لينا و يبارك في عمرهم و هما ٣ كلمات ( متخفش ربنا معاك )قال خلاص يارب انا عملت الي عليا و مستتسلم لقدرك و راضي بيه و أنت ليك حكمه في كده حتى لو هعرفها بعدين سبحان الله ربنا نصفه و ردله حقه و اعتباره بطريقه مدهشة و قد كان الموضوع خلص و علي خير و كان لمصلحته .
اول حاجه وثق في ربه و طالما وثق و توكل عليه و سعى و عمل الي عليه ربنا هو الي عليه النتيجه .
ثقتك في ربك و تفويض امورك ليه و اخذك بالاسباب لسعيك لهدف معين ربنا طالما وعدك بالاجابه يبقي هيحصل بطريقه تليق بعظمه الله و حتى لو ملهاش اسباب ربك هيخلقها و هيسخرلها الظروف و الناس و هتيجى في الوقت الصح اوى ...
ولو الحاجه الي بتسعى ليها متجيش أعرف انها هتبقي فيها هلاكك و ربنا بلطفه رحمك منها و هيجيبلك احسن منها بس في حاله واحده لما تتقبل الامر و تقول الحمد لله هتلاقيها ظهرت قدامك لوحدها بدون أى مجهود منك ربك المدبر ... ثق فيه و تومل عليه ... و استغفر عشان توصل للمراحل دى
أنا لو قلتك نصفه ربنا للمظلوم حصلت أزى بتفصيلها انت هتندهش بس تفاصيل خاصه و بناء علي رغبه صاحب الموضوع .. ربنا كريم و رحيم و مجيب الدعوات ..الحمد لك علي أنك أنت ربي 🙏.
و تنساش تعمل شير عشان تفيد غيرك
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
0 notes
Text
أنا لا بعرف أصلي و لا عايز أصلي 😱
و متقوليش حرام عشان فعلا مش حاسس بيها 😥
انت صح معاك حق ... أنا كنت زيك بردو لا كنت بركعها و لا عايز حتى ...
متضايقش و ما تندهش خالص ... احنا بشر يا حبيبي طبيعي نغلط و نقع و نتعلم و نقوم تانى
أنا فضلت علي الحال سنين لحد ما بدأت تيجى في دماغي أسئله كتير و ملهاش أجابه و أهمهم
أنا لما صليت مفيش أى تغير حصل في حياتى و كتير مننا علي الحال دا و ناس بتصلي و عندهم مشاكل ياما و ناس تانيه بتصلي و ربنا كرمها طب في ايه بقي ؟
و جه اليوم ربنا سخر لي الي يريح قلبي و دماغي و فهمنى يعنى أيه صلاه أساسا و جاوب علي السؤال 🙏 شكرا ليك يارب
بص يا زيدي وحد الله و طرطقلي ودانك👂و فنجلي عنيك 👀 ...
اكتر و أهم حاجه عملها أنه مسك لي الصلاه كده و فككها حته حته من اول الله أكبر لحد السلام عليكم و رحمه الله و بركاته ..
بس هقولك اول حاجه تحجب عنك تأثير الصلاه الحقيقي ... ذنوبك يا حلو بطريقه اسهل الذنب الي سيادتك بتعمله سواء عن قصد أو لأ بيعمل زى غشاوة و ضلمه و وتلاقي نفسك كده مكتئب و مخنوق و تقلت كده خصوصا لما تيجى تصلي أو تقدم علي الصلاه ... تلاقي نفسك زى القرد في أي حاجه لكن عند الصلاه عطلت ...
عشان الجهاز الي حضرتك بستخدمه و أنت بتصلي الي هو القلب مش نضيف ملين بلاوى و طاقه سلبيه عايز يتغسل .. و خد المفاجئه دى لما بتيجي تصلي بتتاوب ليه و اشمعنى لما باجى أصلي تحصلي تحديدا ؟ السؤال دا لوحده كان مجننى ..
أنت بتتاوب عشان دى من علامات خروج الطاقه السلبيه من الجسم يا مؤمن يعنى تأثير الشيطان الي جواك بيخرج روحك بتطهر .. و كذلك الذنوب
عشان كده كل ما تصر علي الصلاه الي هو أنا هصلي يعنى هصلي المفعول بيشتغل في ساعتها بس و كل مره بينضف اكتر ...
مثلا صليت مره ممكن تحس بفرق بسيط تانى مره احسن تالت مره احسن و احسن و هكذا
طب أزاى ؟
بالاستغفار يا حلو 🤲
و هسيبلك لينك البوست عشان ما تلفش كتير 👇
https://www.facebook.com/110496224552997/posts/124691763133443/
تانى حاجه و دى الاهم الأسلوب في الصلاه..
أزاى افتح باب الاتصال مع ربنا ؟
سر الموضوع الطريقه نفسها أزاى
معظمنا بيصلي الصلاه لمجرد الفروض و خلاص و ممكن يخلصها اسرع من الصاروخ الي بتبعته وكاله ناسا الفضاء ... و يقوم يجرى ... طبعا الصلاه كده صفر علي الشمال .. أداء حركى و كلام بالسان فقط و بالبلدى كده بلح ... لا انت حسيت و لا حتحس بأى فرق ...
اول حاجه لازم تعملها و تقولها لنفسك ... دا داخل افصل ... عايز اهدى كده و أروق كده و أقعد اكلم ربنا و أنفض شويه للدنيا و الي فيها ... من الاخر اطلعوا من دماغي ... و الى يحصل يحصل ... دى أسمها الفصلان و الاستسلام و دا أول طريق التركيز الي هو ( ال��شوع ) و كل ما تتعمق اكتر المفعول بيبقي أقوى مما تتخيل
بعد كده مرحله الاستحضار ... متخفش من حضر أرواح و لا حاجه ... 👻
انت هاخد نفس حلو كده لحد اسفل البطن و تخرجه في هدوء لحد ما تهدى وممكن تكرره كذا مره
و تستحضر ربك كأنوا قدامك ... زى ما بتكلم واحد صاحبك و هو قدام عنيك تخيله قدامك و كلمه ...
خد بقي دى ... الفاحته نفسها دعاء ... و تعالي ناخدها واحده واحده
اول حاجه الله أكبر ... أنت بتكبر ربك .. بتخليه كبير أكبر من أى حاجه في الدنيا ( قولها كده بمخمخه و فكر فيها)
الحمد لله رب عالمين الرحمن الرحيم مالك يوم الدين إياك نعبد و إياك نستعين .... وقف هنا شويه
كل دا انت حمدت ربنا و بدأت تبجله و تمجده و بتقوله انت الي بنعبدك و تستعين بيك في كل أمورنا..
بعد كده الدعاء بقى ..
اهدنا الصراط المستقيم صراط الذين أنعمت عليهم غير المغضوب عليهم و لا الضالين
تعالي بقي عشان الحته الي جايه دى فيها كلام مهم ..
من صغرنا مفهمينا ان الصراط المستقيم دا شعريه رفيعه اوى و أحد من السيف و الي يقولك هتركب خروف و هعدى بيك الصراط فاتحس أنك في سيرك مش يوم الحساب ...
يعنى حاجه عجيبه خزعبلات و الله تحس الي كان بيفهمك دا طالع من فيلم قنديل أم هاشم ... شعرايه أيه .. جبتها منين دى .. دا أنت لو مصتبح مش هتجبها كده .. خيال يابا عدى كل الحدود ..
بص يابنى الصراط المستقيم دا .. يعنى اسهل و اقرب طريق للهدف الي أنت عايزه و باقي الوصف مفهوم ..
تخيل كده و أنت بتصلي و قلبك طاهر و رايق ... جرب كده هتحس بفرق رهيب .. بس خد بالك من شيطانك الي عاملك في أيده عروسه .. يبخ في ودنك كلمتين ... تجرى زى الأهبل و تعملهم و في الاخر يقولك و انا مالي هو الى غصبتك .. علي فكره الشيطان أهبل أوى و دا أخره معاك و سوسه بس .. بس أنت الي بعبطك مديلوا أكبر من حجمه
المهم:
طول ما انت متصل بربنا مش هتلاقي غير الخير لانك علي طول متصل بالقوه المطلقه الانهائيه
أقرا اسماء الله الحسنى ولو عرفت تزود عليهم حاجه بحق .. يعنى كله موجود
أيه رأيك لما تيجي تدعى ربك قول دى
( اللهم بكل أسم سميت به نفسك .. وقول دعائك )
أتمنى أكون فهمتك و اضفتك معلومه جديده ... و لنا بقيه في هذا الحديث عشان أنا عايز افصل شويه مع ربنا ما تتغضل معانا
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
2 notes
·
View notes
Text
الله = القوه المطلقه 💪
فهمت ... ؟
كل الي ناقصك قوه إيمانك وثقتك و يقينك بيه
و دا قرارك انت ... و كل ما كنت حسن الظن بالله
و واثق فيه حتحقق المستحيل ..
إذا كان الله معنا من علينا ..
بزمتك مش حاسس بقوه و أمان ..
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
0 notes
Text
الله أكبر الله أكبر ... كبر ربك أكبر من كل شئ من همك من ظروفك من أي حاجه هو الخالق ..
لا الهه الا الله ... مفيش غيره حواليك في كل مكان بس أؤمن بس بيه بقلبك مش بلسانك ..
أدعوا كتير 🤲 اشكر ربك علي نعمه و أنت بتصلي🙏 خليك علي يقين أنك الى دعيت بيه هيتحقق 👍 يعنى ادعى الدعوه واسيبها و ملكش دعوه بالاسباب مهما كانت الدعوه مستحيله .. الله وحده القادر ثق فيه و اتقوى بيه 💪 و أهم حاجه الاستغفار 🤍 تضف قلبك و نفسك و روحك عشان تتواصل مع الله و تستمد منه النعم 😇
كل سنه و انتوا طيبين و بخير ديما بيتكم مفتوحه للفرح و القرب من الله 💖
و دا لينك بوست الاستغفار عشان تستغفر صح بقلبك مش بلسانك ...
https://www.facebook.com/110496224552997/posts/124691763133443/
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
0 notes
Text
أنا شخص كويس مأذيتش حد و مش عايز شر لحد أزاى انا وقعت مع ناس زى دى🤬 أذوني و دمرونى و اتألمت منهم قوى ..🤔
دا حتى ربنا بيقول في سوره النور
( الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ۚ أُولَٰئِكَ مُبَرَّءُونَ مِمَّا يَقُولُونَ ۖ لَهُم مَّغْفِرَةٌ وَرِزْقٌ كَرِيمٌ (26)
طب أزاى بيحصل كده 🥺
صحصح بقى كده و ركز معايا .. بص ياسيدى
مخك دا ربنا خلقه زى المغناطيس الحاجه الي بيفكر فيها بتحصل و دا ليه تفسير بردو الى هو أيه؟
كويس أنك سألتني السؤال دا ...
مثلا واحده أو واحد نفسهم يتحبوا و يعيشوا و كده النوع دا من الناس عايش فى إحتياج عندهم شح و كان فيه مثل زمان بيقول (الدنيا مبتديش محتاج)
ودى فعلا حقيقه .. و ليها تفسير و أنا هفهمهالك بس أنت فتح معايا و حياه والدك .
نرجع لأصحابنا الي عايزين بتحبوا دول ... قوم أيه
يجي عم الحبيب دا الي عايز بتحب و الي هو بردوا في نفس الوقت بيستمد سعادته من كلام الناس الناس يعنى لو حد راح قاله أنه حلو جميل و كده تلاقيه مظقطط و هايص و دا عامل لامؤخذه زى المدمن بيدور علي جرعات سعاده عشان يعرف يعيش و دا طبعا بيبقي عرضه للاستغلال 👹 من الناس دا نوع و في نوع تانى بيحب العظمه و التضخيم و التفخيم 😎 و الايجو عنده بيبقي عالي ...
طب القدر بيحيبه في سكتى أزاى ..
الشخص الي محتاج و الي عنده شح في نفسه من حاجه معينه دا ديما طاقته سلبيه و أفكاره سلبيه بردو و الشخص الي بيقابله هو بردو عنده نفس الموضوع و دا الي احنا بنسميه بابلدى كده (نقص)و بيدور علي يرضى النقص الي عنده و يكمله.. أسف في الكلمه بس دى الحقيقه و أسمعها منى أحسن ليك صدقنى ....
و الشخص دا بيبقي بردو طاقته سلبيه اكتر بكتير و دا عايش علي الاستغلال و امتصاص الطاقه و أى حاجه حواليه عشان يرضى نفسه و كده كده مبيرضاش ... 😤
طب أيه الي بيعمله ؟ هقولك ...
أنت بتكون فاكر أنك لما قابلته أن الي أنت عايزه منه هو هيدهولك و هو طبعا مبيعملش كده و لا هتشوف منه حاجه اصلا لأن هو معندوش حاجه هو شحيح مفيش يديلك منين ... قوم أيه أنت تيجي علي نفسك أكتر و تقول أبدأ انا من باب أصلك الطيب و دا طبعا باب الاستغلال للشخص التانى ..
جيت علي نفسك و أديتوا مره و التانيه و التالته بحسن نيه لكن هو نيتوا مش كويسه و تفضل تتضغط أكتر لحد ما تنفجر فيه و تفضل عايش في جهنم الحمرا ... و دى طريقه و في أساليب كتير .... عرفت أن المشكله عندك أزاى ..
أنت الي جذبته لحياتك عشان طاقتك زيه لكن النوايا مختلفه و فا بتنفصلوا عن بعض لكن مش بسهوله طبعا .. و دى بتبقي رحمه من ربنا عشان يفوقك و تتعلم الصح فين هقوله كمان شويه...
طب لو النوايا زى بعض ... اسؤا و أضل سبيل .. دول بقي بيفضلوا مع بعض في حرب لحد ما واحد فيهم يهزم التانى شر هزيمه و بيفضل مستمرين في الحرب دى و الخراب لأن دول عندهم الأيجو علي جدا و في الاخر الكل خسران ..💀
و لعملك حل الي أنا قوله دا يندرج تحت أنا عند ظن عبدي بي .. فهمت
طب الحل أيه ؟ 🤔 ... هقولك المفتاح و الباقي عليك أنت لأن أنت السبب
اول حاجه قيمتك من ربنا مش من الناس متتعلقش إلا بيه و ربنا نزلك مفاتيح و حلول كل المشاكل الي بتمر بيها
في القرأن الكريم الي أنت سايبه للتراب يردمه
من الاخر ( تدبر قرأنك ) و قال سبحانه وتعالى في سوره طه :
(مَا أَنزَلْنَا عَلَيْكَ الْقُرْآنَ لِتَشْقَىٰ (2))
خليه هو أصلك و مرجعك و مش لازم تبقي رجل دين عشان تفهمه ... و الله ما نزل مخصوص لحد أفهم الي تعرفه و الباقي أسأل فيه و استفتي قلبك بردو ..
أتمنى أكون فتحتلك باب جديد في تفكيرك ... ربنا يتقبل منا و منكم صالح الاعمال ...
شير بقي و أدعى أصحابك و الغالين عليك 💝 للصفحة
#mindrebuild
#ابنى_عقلك_بنفسك
#تدبر_قرأنك
#اطمن
#اسرار
2 notes
·
View notes
Text
بيتكلموا عليا ... 🤔
مش عارف الناس مش سيباني في حالي ليه 😑
محدش عارف الي انا فيه 😪
مكل واحد يركز في حاله 🙃
بيطلعوا عليا كلام محصلش و بسوئو سمعتى 😡
بيتريقوا عليا و بيقولوا كلام بيضايقنى 😠
كلنا بتعرض للمواقف دى في حياتنا اليوميه من ناس حوالينا سواء معرف أو اغراب ..
ممكن بقي يبقي تنمر أو حقد أو غيره مثلا أو حسد أو بيطلعوا عليك أحكام و يصنفوك و هكذا
علي حسب كل واحد و ضميره و الي جواه .. بس وماله كل دا في مصلحتك أى كلمه سلبيه بتتقال عليك ظلم في وشك أو في غيابك ...
كل دى حسنات ليك 😃 ... يعنى شيل و عبي علي حسابهم ببلاش و دا يرفع منك عند الله و قابل بقي الخير الي جاي 🥰
الذكاء أنك تستمر في طريقك و بصلهم و أضحك ..
و أوعى ترد أو تدخل في مناقشه متدنيه تقل من قيمتك ...🤫
خليك علي يقين أنك ماشى صح عشان بمنتهى البساطه الى بيحبك لو شافك ماشى غلط تلاقيه يجيلك ينصحك يوجهك و يتناقش معاك بالعقل .. فكر فيها 🤠
توكل علي ربك الي بيحبك 💖 و كمل طريقك ..
و ادعى لنفسك ربنا يكفيك شرهم .. ولو متضايق أوى و كلامهم وجعك ... بص الصوره الي تحت كده ...
المشكله = كلامهم بيضايقنى و مزعلني و المنى أوى و دى اعلي درجه .
الحل = تأمل ربك و سبح بحمده و روح صلي و أنت ساجد أشكي ليه و ادعى🙏 ... مستجابه بأذن الله🤲
متزعلش أنت أجمل حاجه ربنا خلقها بقلبك الأبيض دا 🤍
و أستغفر كتير ... لما تلاقي نفسك خفيف كده مرتاح تعرف أنك استغفرت صح ..
حياتك جنه بأذن الله 🤲 أمين
#mindrebuild
#ابنى_عقلك
#تدبر_قرأنك
#اطمن
#اسرار
0 notes
Text
Taste The Death Slowly..!☠🪦
أرجوا النشر على أوسع نطاقك عشان الكل يستفسد ... المعلومات المره دى خطيرة فعلا و فى ناس
هدفها أنها تختفى عشان يفضلوا يشفطو فى دمك و فلوسك و عمرك ... ربنا يستر 😤
معلش الكلام طويل شويه بس الى هتعرفوا هنا محدش هيقولهولك الكام دقيقه دول هيفرقوا معاك اوى بعدين 😉
مش كل حاجة فى حياتنا ليها طعم ( الفرحه – النجاح – الحزن – الراحة – الغضب – الخوف - الامان )
طب جربت قبل ��ده طعم الموت ... و سعرة مش ��الى يبدأ معاك من جنيه لحد 100 أو اكتر على حسب تحب تتغفل بكام ...!☠
هتقول لأ ... يبقى بتكدب على نفسك لأ بتدوقه و كذا مره فى اليوم كمان بس بمزاجك و أنت مسلوب الاراده ياضعيف يا مغفل 😜 .. معلش أستحملنى ..!
بص يا بنى انت كلك على بعضك كده عباره عن نفس و افكار و جسد .. الافكار تددي امر للنفس و النفس تددى امر للجسد أنه يعمل الى انت عايزه .. فتح بقى معايا الشويه الباقيين من 🧠
لما انا ازرع حوا دماغك 🧠 و تترسخ فى عقلك الباطن بتبقى عاده فيك و عشان تبطلها أو تغيرها محتاج شويه شغل بذكاء و اول خطوه أنك تعرف هى دخلت مخك أزاى .. تعالى أفولك يا مغفل 😜
الهبابة المنيلة الى أسمها ( السيجاره ) 🚬
أيه تكوينها و أزاى أنا كمصنع بنتجهالك وأخليك تدمنها يامغفل ؟
التبغ وصل المصنع خلاص فا أول حاجه بعملها انى اتجلة أجمدة يعنى بالفيرون الى هو أصلا مضر للبيئة و وكاله ال FDA منعت أستخدامة عشان ضرر طبقه الاوزون منه و مشعيز سؤال غبى تولى أومااال هتشرب مياه ساقعه فى الصيف أزاى يا عم الحج و التكييف يا سيدى ... هقولك فى حاجات تانيه بتعمل تبريد منها النيتروجين السائل ...
فى حاجه كمن مهمه هقولك عليها ..
لما جنابك لما تاخد أول نفس منها فيتامين
(A أو أ )
بيتكسر و عشان كده أى شخص مدخن بتظهر عليه علامات كبر السن و العجز و واحد تانى أكبر فى السن لكن مبيدخنش و تلاقى شكله اصغر بكتير من الشخص المدخن دا غير ضعف النظر و أستخدام النظاره فى سن مبكر و دا غير ضرر المناعه .
مش موضوعنا ديلوقتى ركز معايا الله يكرمك .🙏
بعد كده بتعمل عمليه اسمها( الفرش - أنه ينفش تبقى الورقه منفوشه يعنى )و هو أنه بتحط عليها مواد كيماويه عشان يتضاعف حجمه و يكتر و طبعا الانتاج يزيد 🥳 و تبقي فرح العمده يابا ..
بعد كده اضيفلك عليه شويه حجاجات من شجر التيغ نفسه شويه ( خشب – أعصان – جزوع – أوراق نشفه ) بزود الكميه تانى .
بعد كده أدلعك بقى عشان تبقى زبونى (الاهم من شغل تظبت الشغل) احطلك بقى نكهات ( نعناع – توت – شوكلاته .... الخ ) .
بعدها أحط مواد حافظة أسمها ( فورمالد هايد – Formaldehyde ) دى الى بيحنطو بها الجثث مع عيله الفورمالين يا حلو عشان تعيش أكتر و متعفنش .. أه طبعا مهو بتيقى مرميه فى الكشك بالشهور و تشتريها بدرو .. هو مش التبغ دا فى الاصل نبات بيتغير تكوينه مع الوقت و بتغير و يبوظ فلازم أحطلك مواد تحافظ عليه .. و أياكش تولع أنت المهم أنا ابيعلك و أنت تتكيف ..
دا كل دا ف التيغ بس لسه لباقى أتقل . 😱
بعدكل الى أضاف دا على التبغ بيتحول لفرخ كبير رول كده و نقطعة عشان نحوله لسيجاره .
طب هسألك سؤال لية لما بولع السيجارة بالكبريت مثلا الكبريت بيطفى و السيجاره لأ ؟
اول حاجه التبع دا بيترش عليه ( غاز البيوتان - Butane Gas ) دا الى بيتملى بيه الولاعات ٫٫ و على طرف السيجاره بيطحط شويه ( GUN POWDER – البارود ) عشان النار تمسك فيه و تفضل السيجاره مولعة شايف أنت بتشرب أيه ؟ ولسه أتفرج بفى على الى جاى ٫٫
فى أوائل الستينات لما عرفوا المصايب بتعاتها و ضررها بطلوها ف المبيعات قلت قوى و طبعا صاحب المصنع مش عايز كدة فا راح لشويه دكاتره كيميائين كده حلوين قالهم أنا عايز الناس متبطلش السيجارة بتاعتى فضولوا شغالين على كده لحد ما وصلوا لحل الى هو أنهم يحطوا عليها
(أمونيا – Ammonia) تعرقف هى أيه الامونيا عارف الريحه المنيله الى بتكتم نفسك أول لما تدخل حمام عمومى ٫٫٫ أيوه هى دى الامونيا ٫
أتمنى تكون مبسوط بعد ما عرفت ( ال بىبى لامؤخذه )👻 عشان كده لو تعرف حد بيشتغل فى مصنع من المصانع دى أتحداك لو كان بيدخن عشان عارف و بشوف و بيشم أكيد القرف الى بيحط عليها .
طب أيه الى بيحصل لما بيضيف الامونيا ؟
الى بيحصل أنه الاموني لما بيضيفوها على التبغ بتحرر النيكوتين من دم فامفيش حاجه توقفه أنه يوصل للمخ على طول بدون أى معرقلات و طبعا دا الى تداخده فى اول نفس خصوصا لما تولع السيجاره عشان بيحطلك فيها 75% نيكوتين عشان تمخمخ كدة فى أول نفس و لا نفسين منها و بعد كدة شكرا الباقى خشب .
و خد بقى الى جايه دى ...
لو قربت عينك كده من السيجاره 🚬 دا لو كان لسه فيك نظر هتلاقى كده عليها خطوط رفيعه ..
طب هقولك على حاجه الأول الورق الشجر أصلا لونه أيه أخضر أو بنى لو كان ناشف طب ليه بيبقى أبيض ..؟
عشان بتعمله عمليه أسمها ( Bleaching - تبيض ) تبيض يعنى بيحطوا مبيضات على الورق عشان اللون يبقى أبيض ٫و دا مكون مسمم مسرطن .
نرجع بقى للخطوط الرفيعه دى الخطوط دى بتبقى مادة ( الميثانول - Methanol ) دى خمره حضرتك عشان خط يسلم خط و هثبتلك السيجاره الى بتتلف بتطفى لكن الفى العلبه لأ مهما سبتها لحد متول للفلتر و تفضل كمان مولعه تفضل مولعه .. عرفت ليه هى حرام .
كل البلاوى دى فى التبغ .. و دى كانت الخدعه الاولى .
تعالى بيقى لما نشوف الباقى الى هو الفلتر 🚬 .
من مهرات البيع جوده المنتج أو بمعنى أصح تغفيله الزبون عشان ألبس صح و أنت تتبسط . طب ركز معايا الله يرضى عليك 🙏.
لو خدت بالك الايام دى هتلاقى فى سجاير بالنعناع و التوت و الشيكولاته و العنب كمان و شكلها كده رفيع بناتى حبتين .. الانواع دى كان الهدف منها أنها تحبب الستات و البنات فى السجاير و معاهم الرجاله بالمره اهو حتى مش هيلاقى فرصه بيطل دي احلوت و بقى ليها طعم و دماغك عجبها الموضوع تبطل ؟
طبعا لأ .. بس أنا هخليطك تبطل أنشاء الله .
فتلاقيه بيطلك طعم مسكر على الفلتر عشان يعجبك و تولع و تعيش و فى أول الفلتر و خصوصا النعناع .
و النعناع تحديدا عشان بيعمل تنميل فى الزور بيخدره و بيوقف الكحه فتحس ان السيجاره مريحه مش متعبه و تكمل سحب ٫دا غير أن التنميل أو التخدير دا بمعنى أصح لو حصل التهابات أو سرطانات متحسش بيه الا فى الاخر خالص و أنت بتودع ...
طب الفلتر دا وظيفته ؟
الفلتر دا كله اخرام هوا من جوه فالما تسحب النفس الهوا يدخل للفتلر من الجوانب و يمر في الغتحات دى فيبرد و متتلسوعش .. خايفين على شفايف سعادتك . بس فيه مصيبه تانيه أيه هى ؟
الفلتر بيمسك القطران عشن كده بيغمق شويه بعد ما تخلص السيجاره هو اخره يمسك 30% من بس من القطران و الباقي أنت بتاخده . دا غيره الى هتاخده تانى ديلوقتى قصدى عاشر .
الفلتر دا معمول من ماده أسمها ( السيليلوز - Cellulose ) و دا اخره لحد نص السيجاره مش هيفضل ماسك نفسه للاخرها .. و أنت بتشرب السيجاره هتلاقي لما تبدأ تحس بسخونه السيجاره هتلاقى ان الفلتر حصله تأكل كده ..
أيه الى حصل ؟ 🤔
هقولك الحراره فككت الفلتر و يدخل مع النفس للرئه و د ماده مبتتهضمش و بتترسب فى الحويصلات الهوائيه و هو دا سبب سرطان الرئه 😱
أتخلص منها أزاى ؟ 🤔
نفسيا أفهم الاول الارتباط النفسى الى بينك و بين السيجاره ..
أول لما بتاخد أول نفس من النيكوتين الى هو فى الو السيجاره (الدوباين – Dopamine ) الى هو هرمون السعاده و ( serotonin – السيروتونين ) و دول الى بسببو أحساس الانشكاح بعد أول نفس مع شويه ( أندورفين – Endorphins ) عشان لو فيه ألم يروح متحسس بحاجه طبع دا صناعى و بكميات عاليه غير الى المخ بيطلعها ... عشان كده لما بتوقف السيجاره تحس أنك مكسر وفى الم فى حسمك لان خلاص الجسو مبيطلعش الى عنده مستنى الى جاى من بره و طبعا تتطلع زهقك فى الاكل . الخناق حاجات من دى يعنى عرفت السيجاره عامله فيك أيه بس كل مقدور عليه لو أنت عايز .
السيجاره خلتك تربط راحتك بيها فا اول لما تاخد بريك او تصحى من النوم تعبان او تتعصب تروح تولع سيجاره ..
دا غير العاده الحركيه الى هي مسكه السيجاره فى الايد .
نيجى بقى للعلاج ..
اول حاجه حقر من قيمه السيجاره ...
حطها فى دماغك أنتى ولا حاجه ملكيش لازمه أو قول لنفسك مبقاش إلا حتت الورقه دى الى تتحكم فيا ... ارميها و دوس عليها .
أبعد عن المدخنين خالص قدر الامكان و شوف ناس جديده تطورك مش تجيبك الارض لعلمك كل الناجحين مبيدخنوش خالص عندهم عادات تانيه احسن بكتيييير٫ .
أمسك كره كاوتش أو سفنج فى ايدك أو قلم مثلا عشان تكسر عاده مسكه السيجاره .
من الاخر دخل عاده جديده فا القديمه تروح ؟
رغبتك فى التدخين بتقعد من 5 لى 10 دقايق لو عملت حاجع فى المده دى الاحساس دا هيروح منك ممكن تصلى مثلا العب ضغط اقرا حاجه ...
أستغفر يا سيدى .. أعمل اى حاجه تلهيك ؟
افتكر أن ريحه أيدك و بقك بتبقى مقرفه لما بتشرب السيجاره .. و قول لنفسك انا استاهل اعيش نضيف دا النظافه من الايمان يأخى .
و افتكر أنهم بيستغفلوك 🤪 و بيقلبوا فلوسك 🤑 ؟
خد بالك محدش هيحس بوجعك غيرك لما تدخل مستشفى و تبقى مش عارف تاخد نفسك الى هو ابسط حقوقك فى الحياه و تلاقى الكبد و المثانه لا قدر الله جالهم سرطان محدش هينفعك لما تاخد كيماوى و تبقي مستنى كبايه المياه من دا ولا دا ذل فعلا ٫٫
عايزك تجرب شهر لا تشترى و لا تتعزم على سيجاره و شوف نفسك .. خد نفس كده و شوف و شوف وفرت قد ايه فلوس الشهر دا .. هتلاقى نفسك كسبان ..
و هسيبلك تحت لينك لفيلم للبروفيسور ( ألان كار – Allan Carr ) بأذن الله هتبقى أحسن من أى حد لانك غالى و انت تستاهل كل حاجه حلوه أعقد النيه و توكل على الله ..
يا رب أكون أفدتكم .. و متنسوش الشير .. أبعتا لكل الناس و انضموا للصفحه .. عشان لسه فى حجاتت كتييييير أوى هتفيدك هتنزل .. هتغير حياتك.
لينك الفيديو :
https://www.youtube.com/watch?v=lgHRK6427iY&t=1s
#mindrebuild
#ابنى_عقلك
#تدبر_قرأنك
#اطمن
#اسرار
0 notes
Photo
منك لله ياشيخ..😡 حسبي الله و نعم الوكيل ..😢 و ديما بعدها ربنا ينتقم منك 🤲 معلش صدمتك 😱 .. بس هعلمك حاجه 🤌 أنت واخد بالك انت بتقولها أزاى أنت بتقولها بنية أية ؟ .. بتقولها بنية الانتقام .. لكن لو بتقولها بمفهومها الصحيح الي هو: ( يارب أنا طالب منك أنك تكون معيا وتقويني و تساعدني عشان أرد حقي و وكلتك أنت يارب في امورى فأنت نعم الوكيل لا سواك أنت يا رب ) هو دا المفهوم الصحيح .. و أحب ألفت انتباهك لحاجه كمان إنما الأعمال بالنيات و لكل إمرء ما نوى . يعنى علي حسب نيتك هتاخد ... بدل ما تاخد حقك بالعكس هيضيع أو هتلاقى علي ما توصله .. فكر في المعنى قبل ما تتكلم أفهم أنت بتقول أيه أحكم عقلك 🧠 ... تحكم لسانك 👅 متحرقش عمرك و طاقتك في الانتقام عشان دا كبر اتعلم من غلطك و خليك قيم علي نفسك عشان تشوف الخير يظهر في حياتك .. عشان الخطاء تلي حصل ووصلك لكده أنت السبب فيه و بالتالي انن بردو الي هتعرف تصلحه .. انشرها لغيرك يمكن بنيه أن ربنا يقويك علي نفسه و ينور بصيرتك ( فالدال علي الخير كفاعله ).. حسبي الله و نعم الوكيل في نفسي عشان ربنا يقويك علي نفسك لما شيطانك يلعب بيها و يظلم قلبك 🫀 مهو الشيطان يعدك الفقر قاعدلك عشان يلبسك في الحيط و يضحك عليك ... اللهم ارزقنا حسن النوايا ... 🙏 #mindrebuild #ابنى_عقلك #تدبر_قرأنك #اطمن #اسرار
0 notes
Text
مشاكلك كتير ... تعبت و طاقتك خلصت
عايش في دوامه الحياه و الجرى ورا لقمه العيش و كل دا بيجي بتعب و شقي يعنى من الاخر( بتقول لنفسك الحياه مشقه و تعب ) ...
طب ربك بيقولك في كتابه العزيز
في سوره طه (١) { مَآ أَنَزَلْنَا عَلَيْكَ الْقُرْآنَ لِتَشْقَى }
هل لسه نفس الفكره في دماغك و لا انت بدأت تشوف بزاويه مختلفه ... باختصار تفكرك في آيات القرأن الكريم هغير تفكيرك و هتتنقل من حالتك الي انت عليها ديلوقتى لحاله تانيه تانيه احسن و بكده تبقي طبقت مفهوم الايه الكريمه الي بتقول
{إِنَّ اللَّـهَ لا يُغَيِّرُ ما بِقَومٍ حَتّى يُغَيِّروا ما بِأَنفُسِهِم } ) [الرعد:11]
يعنى ابدأ بنفسك غير من نفسك يتغير ما حولك و دا وعد قرأنى كلام ربك مبيتغيرش
القرأن مش للحفظ قد ما هو للفهم و لعلمك لو فهما حتفظ صح و بسهوله
القرأن كتاب لكل زمان و مكان فلازم تقرا و تدبر آياته عشان تفهم لانه فيه حل لكل مشاكلك
هات ورقه و قلم و اشتغل عليه طلع منه الي تفهمه بوعي و الي متفهموش يبقي لسه وعيك موصلهوش
ربنا يهدينا جميعا للصراط المستقيم
0 notes
Text
البوست دا المره دى لكل الطلب�� ايان كانت مرحلته التعليمه
How To Study Like a Boss?
معلش هو طويل شويه بس هيفيدك انت و غيرك و ياريت تعمل شير عشان الكل يستفيد .
معلومات عن القدرات العقليه و اسهل الطرق الاستيعاب المعلومات وكأنها لعبه
المقصود :
أنك من بعد ما تخلص البوست و تفهم قدراتك العقليه من بعدها مفيش أى معلومه مهما كانت مش هتقدر تستوعبها و متنسهاش تانى … بس كل المطلوب منك تقرا بتأنى و واحده واحده كده عشان تستوعب و بعدها أنطلق … اعمل الى هقولك عليه .
اول حاجه عايك تعملها عشان تركز و تستوعب المعلومات الجايه المعلومات بيها هتكتشف أن ربنا مديلك كنز الكنوز و الى بيه تقدر تعمل المعجزات بس انت الى متعرفش قدراته و موجهه فى الاتجاه الغلط و تهدر طاقته على الفاضى فى كلام فارغ و مضيعه وقت .. الكلام دا موجهه للجميع .
هبدأ الاول بالاخطاء الى بنعملها خصوصا وقت الامتحنات عشان نبدا نغيرها و نفهم الصح .
1-الامتحان:
دا حاجه فى المستقبل لسه محصلتش متشغلش دماغ بيه لانك لما بتفكر فيه انت بتوتر ونفسك و بتقلق من حاجه لسه محصلتش طب ليه تحرق طاقه مخك فى الهوا كده من غير فايده لما يبقى يحصل ابقى فكر فيه انساه خالص ديلوقتى .
2- الفصلان:
اتعلم انك تفصل نفسك عن الماضى و المستقبل يعنى عيش اللحظه الى انا فيها ديلوقتى لا التفكير فى الى فات هيفيدك لانه حصل خلاص و لا الجاى لسه معرفوش انا قدامى كتاب عاوز استعوعبه هو دا الى تفكر فيه ديلوقتى .
3- النيه من المذاكره: (و دى مهمه جدا ).
غير من نيتك و انت بتذاكر هو انا بذاكر ليه .. متقولش عشان اروح احل فى الامتحان … قول لنفسك انا عايز اعرف الى عمل الكتاب دا عمله ليه و مش هسيبه الا لما اعرفها .. شغل الفضول و الشغف الى جواك ..
هو دا يبقى هدفك الاساسى زى كده لما بتروح تلعب بلاى ستشن بتمسك الدارع و تقعد تقرا و تتعلم كل دوسه عليه بتعمل ايه جوه اللعبه و تلاقى نفسك حافظ كل حجه أكتر من اسمك و بتقولها لصحبك و تتنك عليه عشان انت احرف منه فى اللعبه دى … مش صح ولا ايه ما كلنا عملنها خصوصا بعد الدرس نطلع من الدرس و نقضيا فى سايبر … يلا ربنا حليم ستار ..
ساعتها هتلاقى استيعابك زاد جدا و الوقت الى استوعبت فىه المعلومه قل جدا بقيت بتستوعب اسرع ( يعنى معلومات اكتر فى وقت اقل )
... بزمتك مش فرحت بنفسك شويه .
تانى حاجه هعرفك بقى شويه معلومات عن عقل و قدراته عشان تقدر النعمه الى ربنا مديهالك .
فى عالم انجليزى اسمه ( تونى بوزان – Tony Buzan ) استاذ علم الذاكره فة المملكه المتحده .
و من ضمن ابحاثه بيقول ان الاسنان لو دخل كل ثانيه معلومه جديده و عاش مثلا 70 سنه هيموت و لسه نص مخه متملاش فحضرتك بقى بتعمل أيه بتعطل كل القدرات دى بسبب كلام فارغ الفه عيل صايع فاشل مترباش و يدخلك الافكار دى عشان عايزك زيه فاشل .. بضايق فاشل ( طب يافاشل يافاشل يافاشل يافاشل ) الكلام دا بقى زى .
*حشو المواد. *انا مخى وقف. *انا مخى اتملا. *دا انا جالى زهايمر.
كل الكلام الى انت بتقوله لنفسك دا انت بتبرمج مخل عليه و بالتالى هينفذ الى انت بتقوله لمخك . شوفت انت بتعمل فى نفسك أيه .
فضى مخك خالص خااااااالص وقول لنفسك دا انا استوعب 500 كتاب زى دول و اكتر كمان .
بص يابنى خلايا مخك زى العضلات طول ما انت مشغلها تفضل تمام و قويه .. لكن لو ركنتها و اهملتها بتضعف و تلاقى نفسك مش عارف تحفظ و لا تستوعب لانها مريحها مبتشغلهاش و دا يخلينى انبهك كمان لمصيبه انت بتعملها و الجمله موجه للشباب خصوصا المراهقين و هتنكلم عليها بعدين
( أطن الرساله وصلت ) .
كل البشر عندهم قدره على الحفظ غير طبيعيه بس نستغلها و نشغلها صح لان فى ناس عواجيز و ذاكرتهم قويه جدا عشان بيشغلوا دماغهم يعنى مفيش حاجه اسمها مع كبر السن الذاكره بتقل بالعكس د ا انت كل ما تستخدمها صح اكتر بتتحسن اكتر .
هعرفك بعض النصايح الى انت تقدر بيها تعرف ازاى نخلى المذاكره سهله ... جاهز .
1-اعرف تكوين الكتاب :
*اقرا الفهرس و العناوين اعرف بيتكلم عن ايه ؟ المؤلف عايز يقول فيه ايه ؟ نظره عامه كده يعنى
و دى الطريقه الى بتحفز بيها عقلك انك بتشوقه للمعرفه و بعد كده بتدخل على المعلومات الاكثر تفصيلا و هتلاقى نفسك مش عايز تفوت النمله فى الكتاب فهتلاقى نفسك المعلومات بتتسجل صح
و مخك بجيبها تانى وقت ما تحتجها صح .
بعد كده افتح الفصول و اقرا المواضيع كانك بتفره زى ما بتروح كده تشترى كتاب بتقلب فيه قبل ما تشتريه .. بعد كده اقفل الكتاب هتلاقى مخك اشتغل و الفضول قتلك و عايز تعرف اكتر ..
كده انت حضرت مخك للاستقبال يعنى جوعته للملومات لانك هتلاقى نفسك بتسال ياترى الى فكره بتاعتى عن الكتاب صح يعنى الموضوع الى بيتكلم فيه الكتاب هو الى انا فهمته و لا لأ و لما تبدأ بقى تمسك الكتاب تانى تقراه عشان تفهم فيه ايه و تعرف المعلومات الى فيه تلاقى نفسك فاهمه كويس جدا وممكن تسمعه لواحد صحبك بالتفصيل زى لما بتدخل فيلم كده تشوفه و تخرج تحكيه للناس مع انك مشفتوش غير مره واحده بس.
2- الخريطه الذهنيه :
ارسم خريطه للكتاب الى انت هتقراه .. يعنى اعمل دايره فى النص و اكتب فيها اسم الموضوع الاساسى و قسم مواضيع رئيسيه و منها لمواضيع فرعيه و هكذا .. شوفت الشبكه الى انت عملتها دى هتلاقه اثبتت فى مخك و مستحيل تنساها .. ولو جيت تكلم اى حد عن الكتاب و الى فيه هتلاقى نفسك ملم معلومات عن الكتابى حتى لو لسه مخلصتش كل حاجه بس انا عارف الى فيه .. طب ليه ؟.
المخ البشرى عنده ميزه جامده جدا هى أيه ؟
انه عنده القدره على فهم الامور المعقده فى على شكل شبكه الى بردو تشبه شكل خلايا المخ من جوه الدماغ نفسها و كل دا بنتكلم عن الشكل للعام للكتاب لسه مقوتلكش على الحفظ .
و كل الى انا قوتلك تعمله دا مخدش منك 5 او 10 دقائق .
3-اقصى وقت للمذاكره متواصل هو ساعه كامله تاخد راحه 10 دقائق بعد كل ساعه و يسلام لو عملت استرخاء او ممكن تاكل تدخل الحمام تصلى اى حاجه .. و بعد ما ترجع من فتره الراحه راجع الى انت ذاكرته بعد الساعه دى و بعدها مش هتحتاج تراجع تانى الى بعد 24 ساعه على الاقل .
4- أفضل وقت للمذاكره بيكون من الساعه 5 صباحا الى 12 ظهرا و ممكن من 3 عصرا الى 8 مساء بس الافضل من 5 الى 12 ..
و بلاش تطبق و تفضل صاحى باليومين دا اكبر غلط عليك ذاكر لحد ما تتعب و تبقى عايز تنام فى الوقت دا مخك بيرتب المعلومات جو دماغك عشان لما تحتاجها تطلع تانى و كل ما كان النوم اعمق كل ما كان المخ شغال احسن ..
طب تنام قد ايه؟
حسب الدراسه الى اتعملت للعالم (جيم هورنى - Jim Horney) فى جامعه Loughborough University و بتقول ان عدد الساعات المناسب نوم هو 6 ساعات او 7 بالكتير مش اكتر من كده
و ابحاث كمان بتقول الافضل يكون 6 و يتقسموا 4 ساعات باليل و ساعتين بعد الظهر .
5-التنافس بينك وبين زمايلك ... زمان كان فى مثل بيقول من جاور السعيد يسعد .. نفس الموضوع انتقى اصحابك و التنافس بينكم هيبقى حافز قوى و نشاط و تقدم و استمرار .
6- كل كويس جدا بس خفض نسبه اكلك للنص و و ياريت لو فيه سكريات بس مش كتير يكون افضل
قلل الشاى و القهوه او ابعد عنهم لو تعرف و السجاير الغيها تماما من حياتك .
7- اوعى تراجع فى الساعه الى قبل الامتحان لانك كده بشوش مخك اعمل رياضه عشان تنشط الدوره الدمويه و تركيزك يزيد أو استرخى و متدخلش لمخك اى معلومه جديده قبل الامتحان .
كده انت عرفت ازاى تزاكر صح ....
تعالى بقى اقولك ازاى تحفظ ...
اول طريقه :
بص ياسيدى الذاكره بتحب اوى الخيال و الصور الذهنيه ... اعتبر الحاجه الى انت حتفظها كانها مشهد فى فيلم و دخلها فى اطار كوميدى ( فانتازيا ) وبراحتك بقى عيش الخيال زى ما انت عايز و اعمل تسلسل منطقى للاحداث دى .. انت كده بتنشط المخ لا أعلى درجاته هقولك ازاى ...
دا زى تدريب و مثال بسيط هقولك 10 كلمات ( مكتب – خيط – حبل – بيض – ساعه – شباك – شارع – عيش – موز – قلم ) و اقفل الموبيل بتاعك و سممعهم لنفسك .........
هتلاقى نفسك مش فاكر غير اول حاجه و اخر حاجه و الى فى النص مش فاكرهم ...
خد بقى كل دول و تعملهم زى قصه او فيلم من تأليفك باحداث متتاليه و تعالى احكى لنفسك تانى هتلاقى نفسك فاكرهم كلهم .
الطريقه التانيه :
تخيل انك فى الاوضه بتاعتك و المعلومات حواليك كل واحده فى حته ... واحده فوق المكتب واحده على السرير واحده على الحيط واحده فى الدولاب و احد على الارض كده يعنى اوضتك انت عارفها كويس
هتلاقى نفسك فاكرهم كلهم لانك رابطهم بحاجات انت اصلا عارفها .
دول طريقتين و انت اختار الى تريحك ... وفى طرق كتير بس مش عايز الغبطك .
ندخل بقى على الامتحان نفسه ...
*اول حاجه اعمل استرخاء و روق على الاخر .
*اقرا ورقه الاسئله بهدوء و بسرعه .
* ابداء بحل الاسئله السهله الاول و سيب الاسئله الى محتاجه شويه تركيز بعدها لان مخك بيطلع معلوماتها و انت بتحل السهل الاول .
*ملكش دعوه بالى قام وسلم الورقه بتاعتوا خد وقتك للاخر .
*و لما تخلص امتحانك اخرج بقى روق كده و متفكرش فى الامتحان الى حليتوا حليت وحش او حلو متراجعش تانى .... روح و استرخى و قول الحمد لله و كمل فى الماده الى بعدها الى عدت انساها.
دى كانت اهم النقط الى هتفيدك فى حياتك العمليه و بالتوفيق للجميع ...
لو عندك حد مهتم بيه صاحب قريب حتى انشر البوست عشان الناس تستفيد .
هسيبلك لينك للاسترخاء لدكتور احمد عماره .
https://www.youtube.com/watch?v=kOVbWp6_02E
5 notes
·
View notes