Last Seen Blogs
ishaslife
ISHA
maxxse19
I love it
jonsatrashcan
jonsatrashcan
mrmalainfluenza
malainfluenza
belyakovs
BLACK ANGEL
Text
夾綿 泡泡 折疊 Clutch Bag
$99
要貨請留言，或到以下網址：
http://hk.user.auctions.yahoo.com/hk/booth/midgirlclub
0 notes
Text
徐濠縈 鮮豔 Clutch bag
$100
要貨請留言，或到以下網址：
http://hk.user.auctions.yahoo.com/hk/booth/midgirlclub
0 notes
Text
innisfree 有機指甲油
又係甲油!! 冇錯!!! 又係甲油!!! 我呢個甲油狂真係有舖買甲油癮，其實洗唔洗戒左佢呢?
今次係韓國品牌innisfree，本來我對呢D品牌出既平價指甲油冇乜信心，但見到呢個標榜自己係有機甲油喎，聽落好似好健康咁，應該冇咁多不良物質啩! 加上見佢咁多色咁鬼靚，又細細樽，$25 咁鬼平，真係好難忍手唔買囉!!
本來臘左幾支係手架啦，不過我都仲算清醒，第一次買都係買一支試下先，鍾意先再Encore 都唔遲啦!
咁就買左呢隻粉紫灰色先啦! 色號係63。
呢種Pastel color 最岩夏天用啦，又清又甜，呢隻色灰得黎帶粉藍又帶粉紫，好易襯衫呢!! 大愛!!!
一打開就先要睇下佢大唔大陣味啦，呢支OK喎，唔太大陣化學野啫，比起OPI、ESSIE個D好好多。合格!!!
質地呢，都幾希身，好易搽，不過咁淺色就一定要搽2層先夠實色。快乾度都好好，所以好快可以搽第二層，唔會好阻大家時間。
持久度都唔錯，我搽左4日都冇乜點花，因為我係小小花都唔忍得要補油個種人黎架，我絕對不能忍受甲油甩到一忽忽仲出街見人架!
唯一缺點係支掃頭太短，因為佢個蓋係又圓又肥型既，但下面支掃就唔夠長，所以唔多就手咁啦! 仲有呢支掃有一條毛叉左出黎，唯有用鉗鉗走佢啦!
總結，我會再買! 哈哈哈!!
1 note
·
View note
Text
又試 Masacara - Etude House Lash Perm masacara + lip & eye makeup remover
HELLO 大家好，好耐冇見啦! 今次又係講睫毛液，希望大家唔好話悶呀!
長話短說，今次係試Etude House 既睫毛液，係網上都見唔少好評，就去買支試下啦，加上衣家仲送眼唇卸妝水，$108 有2樣野，感覺好抵! 即買!!
睇下個包裝幾靚!!
點知個masacara 又係瀨野! 你地梗係話我抵死啦，明明上一篇Blog都話以後唔試新野，乖乖地買返MJ同KISS ME算啦!! 今次又衰心多，又係一搽D睫毛即直晒，仲點電都卷唔返添!! 真係奇怪!! 我都知我D 睫毛係怪雞D架啦!
不過講返佢D 質地啦，其實無論刷頭同質地都絕對唔差，首先講個刷頭啦，細細幼幼咁，最岩東方人同埋睫毛唔長既女仔用，係可以做到根根分明，仲好易掃添!
質地亦都杰度適中，而且冇怪味，又唔會變曱由腳，亦唔會有太多粒粒痴係個刷頭到，呢D都係值得一讚架!
不過可惜佢都係令我D睫毛一搽即直，如果平時冇呢個問題既女仔就可以一試，佢整體質素同價錢都好OK架!
又講下佢送既呢支眼唇卸妝水啦，佢都係水油兩溝既，都要遙暈先好用。我用左一次，估唔到佢係比想像中好喎，我感覺佢落masacara 既速度比maybelline 個隻仲快少少。
大家都知我每日都用MJ 或 KISS ME呢2隻超難落既masacara 架啦，一向用 maybelline 既remover都要落幾次先乾淨，呢隻Etude House就仲落得快少少，我睇過莎莎賣緊廿幾三十蚊，好平呀，有咁既效果算係非常抵買啦! 大家都可以一試呀!
0 notes
Text
Benefit - the POREfessional 控油遮毛孔霜
近排可能大家都見到呢隻Product 既廣告，但其實呢隻係Benefit 多年前既皇牌產品，我都係好多年前買第一支。等我介紹下佢有咩作用先!
佢主要係用係出油既地方，例如T-ZONE，同埋毛孔粗大既部位，有控油同遮毛孔既作用。
質地係好似MOUSSE 咁，好滑，但比mousse 爽好多，一推開已經變乾身，有d似粉狀，彷如無物一樣，顏色有小小肉色，好自然。
我初初買返黎個時係用係粉底之前，即係先搽係T 字位，跟住先上粉底，但唔知點解上完反而令毛孔更現，直頭見到D粉入晒毛孔，鼻頭上會出現一點點肉色，好奇怪。之後我就唔敢用，放埋一邊一段時間。
後來有人教我用佢黎補妝係一流，用法如下：
當化完妝一段時間，開始出面油啦，就先用紙巾印去面油，跟住搽小小呢隻product 係出油既地方，皮膚會立即變得啞緻乾爽，跟住再補粉就可以KEEP好耐唔溶妝啦!
所以我衣家都係放一支係公司，放假就放一支係手袋，隨時補妝，真係好方便又好WORK。面油既朋友可以一試呀!
0 notes
Text
NYX & KATE Gel eye liner 眼線膠
眼線膠gel eye liner 唔係咩新產品，其實出左好耐，近年都好興用佢代替眼線筆，我自問化妝唔係好高手，所以唔係好敢用佢，覺得好似好難控制分量咁，加上近年又出多左眼線膠筆，即係筆狀但筆頭比較軟身，畫出黎效果都似GEL LINER，所以我多數係用筆畫眼線。
不過我咁中意敗家買化妝品，梗係會買返一兩隻gel liner 回家備用!
Gel liner 既始祖當然係Bobbie Brown 啦，但成二百幾蚊一小瓶，自己又唔多用，分分鐘用2次就乾鬼晒，我呢個Cheap 中女梗係唔買啦!
幾年前買發現KATE都有喎，就買個返去備用啦，結果好少用，打佢入冷宮好耐啦，早排見到NYX 周圍擺檔喎，呢個牌子又平又好用，我梗係去掃貨啦，今日就買左新出既Gel Liner，揀左佢隻深啡色，應該會自然D。
佢質地好Smooth，好軟滑，顏色都好出色，好實，未乾時用手指blend 開，可以做出好smooth既smokey 效果。
再攞返我個陳年舊Kate 出黎比較下，質地都好相似，KATE我買既係黑色，隔左一陣，好似KATE比NYX 更乾更防溶，不過大致效果都冇咩分別，價錢就好似Kate 平D(唔記得幾錢)，仲送埋支細細既掃，NYX就大約$99冇掃送。
後話：以前一直唔識用gel liner 係因為個支附送既掃仔好細支，要好細心先畫到條靚眼線，但衣家我會用大d既掃，例如眉掃同眼影掃去上gel liner，就易好多同自然好多啦! 只要你揀支掃頭寬d，毛要短，毛質唔好太軟既眼影掃就已經ok啦! 但記得用完gel liner 一定要洗過支掃先好用眼影粉，因為gel liner 痴係d毛到會令d毛變硬架!
0 notes
Text
一掃即直既 mascara
今次又係要介紹我中伏最多既產品 - 睫毛液啦!!
今次介紹以下呢3支都係近期勁多人讚，捕光率奇高既mascara - (由上至下: Lash Sculpture，Dejavu Fiberwig，Maybelline Lashionista):
我知我D眼睫毛係異於常人，又疏又短又極易直，所以我以前從來都唔用mascara，因為真係徙GAS!!! 自從數年前用過Maybelline 梳型個隻(唔記得名，而且亦已停產好耐) 完全冇直到，仲好持久又唔溶，我就開始每日都搽mascara 啦。所以一直覺得Maybelline係岩我既。
反正講開Maybelline，就先講講最下個支新出既Lashionista。
呢支係一年前係台灣見到，冇買到，但返黎香港睇到"女人我最大"有介紹過，老師示範既效果係好正好神奇，能夠卷曲同埋無限增長，勁過用假眼睫毛，咁所以等到香港一出我就即刻買，無折都買!!
結果係一掃我D 睫毛即刻直晒，而且好疏，搽好多層都做唔到拉長既效果，到底係咪我唔識用呢？如果有朋友仔識唔該教下我!
其餘個2支其實都係同一個效果，完全直晒，就算用電睫毛器電返卷都好花時間，電好耐都唔係好卷曲，真係好奇怪，係咪因為佢地質地比較重呢? 我真係唔知，總之就係唔岩我用!
唉~~ 又浪費左幾百蚊，唯有只係比下眼睫毛用啦!
3 支既掃頭係咁既：
Maybelline & Dejavu - 螺旋掃頭
Lash Sculpture - 梳型
我諗我以後都係死死地用返 MJ 同 Kiss Me 算啦，只有佢地2支係完全唔會直，不過真係超難卸囉!
0 notes
Text
Cream Eyeshadow 分享
記得初初學人化眼妝時，好有心機咁上不同層次既眼影粉啦，點知唔夠2粒鐘，望下塊鏡已經冇晒色啦，後來先知原來齋用眼影粉係唔會持久架，好快就會跌粉，原來要用眼影打底/eye primer先，再On top 上眼影粉先特久同出色架。
自此之後我就好中意搜羅各種Cream eyeshadow 啦，一來可以打底用，二來就咁當眼影都好方便，起碼唔會跌粉落眼底嘛。
今次就介紹下我買過既cream eyeshadow 比大家啦!
下圖左起：
1. NYX - 紫色shadow stick:
棒狀，好似支粗筆咁，好易用，只要係眼皮上畫幾下就可以當眼影啦，但超級唔持久，冇防水冇防溶，用手指Blend 開已經冇左大半色，唔係咁好用
2. Tony Moly - 金色shadow stick:
同NYX 個支好似，用法都一樣，不過佢比NYX持久小小，多年前係韓國買，好耐冇用啦
3. Girlatick - 古銅啡眼影霜:
佢係有支掃頭既，好似lip gloss 咁，質地係霜狀，好易搽又唔lump，而且防溶好持久，唯一缺點係用到一半就乾晒，個底到好難liu 出黎用，好浪費
4. NYX 深銀灰色 cream shadow:
呢支係新出既，又係好似lip gloss 咁既掃頭，質地都係霜狀，但乾得好快，要好快印上眼，如果一手慢就會出現一tart tart 既顏色，極之持久同防溶，但唔適合新手用，當佢一乾你再Blend開佢，佢會起粒粒架
介紹完以上支裝既，就介紹下以下瓶裝既。
下圖左起:
5. Shishedo - 彩藍色cream shadow:
質地好滑，好出色，持久度就一般般，價錢亦係最貴，好似$120左右
6. Kate – 銀色gel eyeshadow:
質地好gel，好水，唔係咁貼眼皮，濕濕地咁有d怪，而且閃粉有d粗粒，唔係好自然
7. Calvin Klein – 紫啡色&灰色cream eyeshadow:
呢隻係我最中意既質地，好似mousse咁好滑好爽，易搽又唔太快乾，我平時最多用就係用佢，持久度都OK, 想勁持久就要加眼影粉
8. Maybelline – Color Tattoo 古銅色&啡紅色:
呢隻係最新出既，呢排勁promo，我當然即買啦，質地同Shishedo 差唔多，幾十蚊大大瓶，好抵玩，質地cream 狀好易搽，可以單用當眼影眼線都得
9. Maybelline – 舊裝cream shadow 唔記得名 應該已停產 古銅色:
呢隻又係好好用，質地厚薄岩岩好，唔好太希，好防溶，產色又靚，個時都成日斷貨架。
0 notes
Text
Revlon Just Bitten Kissable Balm Stain 蠟筆型唇膏
又一排冇同大家傾下計啦，時間緊迫，癈話少講，今次要同大家介紹既係呢隻Revlon 蠟筆型唇膏。
相信大家都知佢出左好耐，唔係咩新貨，反而比佢遲出既不脫色唇膏我都係數月前介紹左，大家可以去返以下blog 重溫：
http://blog.yahoo.com/_3G5VQ7EEXVMQHNTHKPGO27ZBZE/articles/939541/category/%E7%94%A2%E5%93%81%E8%A9%A6%E7%94%A8%E5%A0%B1%E5%91%8A
話說呢隻蠟筆唇膏佢幾個月前新出時我已經好想買，但因為屋企太多唇膏所以一直忍手，直到佢出不脫色個隻就真係忍唔住買左，哈，點知佢早排竟然大減價，好似減到六十幾蚊，咁吸引梗係即係買2支試下啦。
佢有好多隻色架，我就揀左自己一向慣用既啡紅色同今年大熱既橙色。
佢個頭真係好似一支蠟筆咁，圓圓尖尖好易搽，筆唇邊都冇難度。佢質地好潤，所以佢叫自己做Balm Stain。
今次介紹佢既原因主要係佢比到驚喜我喎，我初頭諗住當佢係有色潤唇膏咁用啦，點知原來佢潤得黎好上色好持久架，我覺得比不脫色更好用，佢持久度不比不脫色差，但潤澤度就好好多，不脫色實在太乾啦，呢支又潤又上色，我極之推介!
如果大家2支都未買，我就建議買呢支唔好買不脫色個支啦，其實咁多年黎不少品牌出過不脫色，我呢個唇膏精都試過好多，覺得不脫色都係呃人多，而且一定好乾，過一段時間佢唔脫得黎乾到一tart tart 仲肉酸，做女人要靚都係唔懶得，唔通真係信可以一日唔補妝咩?
0 notes
Text
美國直送 REAL TECHNIQUES FOUNDATION BRUSH 濕粉掃 (包郵)
要貨請留言，或到以下網址:
http://hk.user.auctions.yahoo.com/hk/show/auctions?userID=midgirlclub&u=:midgirlclub
0 notes
Text
又試甲油 - ZOYA PIXIE DUST
好耐冇出分享文啦， 其實呢排買左好多妝物，都想同大家些牙，等我有時間再慢慢po文啦! 今次又介紹下甲油先!
中午飯後又無無聊聊比甲油店吸再上去浦啦，見到呢隻新出既閃閃藍色，好靚喎!! 仲係我中意既ZOYA 添，信心保證。見佢show出黎既甲油版，原來係好似近來好hit 既魚子甲油咁，即係有d一粒粒，好似沙紙個種質感，但冇魚子甲油咁厚咁跨將。
其實我覺得魚子甲油好核突，所以我冇諗住買，但呢隻有d立體既閃粉甲油我覺得好靚囉!
Model No. 係 NYX ZP660
搽一層已經好靚，效果如下：
過左一日我又補搽一層，顏色立即深左，同瓶身既顏色一樣，好出色：
一向好中意呢種閃閃色，因為比啞色易搽，唔易花，正呀!!
P.S. 價錢好似比ZOYA其他普通甲油貴少少，大約$90左右，唔知有冇記錯!
0 notes
Text
潮爆膠料菱格小手袋 (6色)
要貨請留言，或到以下網址:
http://hk.user.auctions.yahoo.com/hk/show/auctions?userID=midgirlclub&u=:midgirlclub
0 notes
Text
韓風型爆圖案長袖TEE
要貨請留言，或到以下網址:
http://hk.user.auctions.yahoo.com/hk/show/auctions?userID=midgirlclub&u=:midgirlclub
0 notes
Text
意外發現好甲油 - Revlon 露華濃甲油
又好耐冇同大家傾計啦! 大家好嗎?
今次要介紹既又係指甲油，不過今次真係意外發現，忍唔住一定要推介比大家!
今次呢隻Revlon既甲油係免費贈品黎架，估唔到佢竟然比到驚喜我喎!
本來我對Revlon呢個品牌冇咩好感，好少買佢product，但上次買左佢支不脫色唇膏，係屈臣仲送甲油一支，不過冇咩顏色選攞，就揀左呢支最正常既藍色。
放左佢係屋企都一排，呢日就抱住不防一試既心態搽下佢啦!
一打開竟然發現佢d 氣味係我試過既甲油中最少架! 咩OPI、Zoya、China Glaze、Chanel...咩大牌子都難免有難聞既化學味，Revlon 竟然係最唔難聞! 雖然我冇研究佢D成份，但氣味少D, 感覺想應該係冇咁多有害物質!
掃頭大小適中，甲油杰度亦岩岩好，只係搽第一層已經好出色同好實色，懶的話可以唔洗搽第二層添呀! 出黎既顏色同樽身望到既一樣，十個讚!!
而且乾得都好快，第3日都冇乜花，持久度都滿分!! 你話係咪真係意想不到咁驚喜呢! 所以一定要推介比各位朋友仔!
呢隻色因為冇得揀，所以我唔太中意，不過我決定會用正價去買佢其他色，價錢好似都係六十零蚊(唔知有冇記錯)，抵買又好用!
0 notes
Text
全新A&F男裝冷衫及Tee
要貨請留言，或到以下網址:
http://hk.user.auctions.yahoo.com/hk/show/auctions?userID=midgirlclub&u=:midgirlclub
0 notes
Text
復古娃娃頭連身裙連胸針
$250
要貨請留言，或到以下網址:
http://hk.user.auctions.yahoo.com/hk/show/auctions?userID=midgirlclub&u=:midgirlclub
0 notes
Text
Revlon Color Stay 不脫色唇膏
上期話左比大家知近來經常敗家，多數係開架品牌新出既product添，等我盡快介紹晒比大家啦!
今次呢隻Revlon Color Stay 持久不脫色唇膏，又係因為見到我喜愛既Blogger 介紹，又忍唔到手了!
Revlon 從來都唔係我好中意既牌子，真係好少買佢既產品，不過佢早排出既唇膏筆都好得意，我諗左好耐差D買啦，點知佢就出埋呢隻Color Stay啦! 咁持久不脫色，當然係我地呢d 日日搽唇膏既OL 最愛啦! 所以即買!
佢一共有9隻色，我就買左呢隻80號，比較深色，因為太淺色好似要咁持久都冇乜意思。
第一次搽上咀，覺得佢質地好潤，唔似會好持久，跟住隔左個幾鐘頭先食野飲水，都冇乜點甩，但到下午過後，食過D比較濕同油既食物後就開始見佢D顏色變得一tart tart 啦! 勉強都可以話佢冇甩，但就見到D唇紋好現，開始甩小小皮啦。所以點都要補一補搽先真係KEEP到一日。
Blogger 話親身試驗，可以Keep到一日完全唔洗補就真係好睇一個個人啦，我唔敢話blogger呃人，因為每個人個咀都唔同嘛! 大家有興趣就買黎試下啦!
0 notes