beautysofia
ℛ𝒪𝒬𝒜🦋
أثر الفراشة لا يُري ، أثر الفراشة لا يزولʚɞ
43008 posts
Don't wanna be here? Send us removal request.
Last Seen Blogs
sowtex
Untitled
formulaborb
brobrorbbrrboro
jarodoc
jarodoc1324
eunhasm
꒰ smol ꒱
daily-tricksters
;)))))))
Text
النهاردة الساعة 2:30 الظهر في عز الحر قعدت في الشارع اعيط بانهيار انهيار واحدة بإحساس عايزة اغمض عيني افتحها الاقيني موت مش في الدينا دي اختفيت و كل ألم جوايا انتهي!
مكنتش عايزة أروح البيت! كثير بحس إني عايزة ابات في الشارع اعيش فيه و ما ارجعش البيت! مع أن إلي يشوف شكلي بيتنا و حياتي من برا عمره ما هيقول كده ولا يخطرعلى باله لحظة!
أنا مش عارفة ابطل عياط! أنا عايزة اتحضن و يتقالي أنا موجود و معاكِ و انتِ مش لوحدك!
رجعت البيت و أنا مش عايزة أشوف بابا و ماما جوايا غضب كبير و حزن تجاهم و تجاه نفسي و الدينا حتي هبة ندمت إني بعتلها و كلمتها و حكيت!
من وقتها و أنا مش قادرة ابطل عياط بهدأ شوية كأنه فاصل و اراجع اكمل!
و مش عارفة اهدأ و افوق لنفسي و ابقي كويسة و أقوم من تاني!
لكن هحاول على الرغم من عدم وجود أي سبب يهون عليا ألمي و الدينا دي ..
9 notes
·
View notes
Text
أنا مبقتش عارفة اشتغل إيه؟ لما شغل بشهادتي بعد كورسات و دراسة قد كده بـ 1500 و 1000 جنية في الشهر ، ياما ارجع كول سنتر تاني اتهان و اتشتم فيه و يتصرخ و يتزعق في وداني وأرجع كل يوم منهاره نفسياً أو إني أشتغل على نفسي جامد عشان اشتغل كول سنتر انجلش الي هو برضو مش شغلانه ولا مستقبل و كارير بس عشان نجيب فلوس نعمل بها أي حاجة أحسن من قعدة البيت..
و مافيش راجل في حياتي لأ عرسان صالونات ولا حُب
ولا بقيت متحملة نفسياً وجودي في البيت مع أهلي مش قادرة أحب حياتي و نفسي معاهم حاسة هو أنا ليه هنا معاكم بجد ايه لازمتي!
و مافيش صحاب وقت لما روحت فرح ليلي و من قبلها العزومة كله جاي تعبان من شغله و مشي علطول بعد الأكل و بعدها نزلت مع ندي و هبة مع عيالهم و أزواجهم و كنت بسأل نفسي هو أنا بعمل إيه معاهم دول بيجبوا لبس العيد لعيالهم و الرجالة مستنين في العربية أنا بعمل إيه!
حتي في الفرح كله روح بدري علشان طلعوا من الشغل على القاعة و لازم يروحوا بدري عشان الي عنده شغل بكره والي سايبه جوزها و عيالها كنت أنا الوحيدة الي عايزة افضل ارقص و ما صدقت اخرج و مش عايزة أروح بس كان لازم اروح معاهم
و كلها كام يوم و يبقي فرح ابن خالتي و هيبقي كده ما فضلش غيري أنا بس في عيلة ماما و بابا إلي من آخر جيل التسعينات إلي لسه سنجل!
حاسة بغربة طول الوقت و عدم انتماء غربه وسط اهلي في البيت و أنا قاعدة مع اخواتي و بابا و ماما و غربة وسط صحابي غربة وسط العيلة و ماليش حد كده غربة و إحساس بالوحشة و الوحدة طول الوقت!!
أنا عايزة حد يحضني و حد يسمعني و أنا بحكي و بعيط من غير ما يقولي معلش و نصائح و مواعظ و حكم و يحسسني بالذنب و الندم إني حكيت
و حد يفهم أن الشغل ملهوش علاقة إني ابقي كويسة نفسياً ، أنا كنت بشتغل و بروح جيم و باخد كورسات بس كنت كل يوم بفكر إزاي انهي حياتي بسبب بيئة للشغل إلي كنت فيها! و كنت بحتاج راجل برضو و قبلت و تنازلت عشان كنت محتاجة راجل يفضل جنبي ؤنس و دعم ليا فأنا احتياجي لوجود راجل ملهوش علاقة بالشغل و الفلوس!
آه الفلوس هتفرق ، بس مصدر الفلوس نفسها هيفرق أكثر و وجود حد جنبي هيوديني في حته تانية!
و يفهموا إني كبرت و ليا احتياج جنسي و انهم لما يقولوا ليا أنا جوزي خاني و جوزي ما لمسنيش من 6 شهور و جربي إنه يطلب منك و أنت تعبانة و كلام كثير ده مش هيخليني أقول خلاص أنا هترهبن و ابقي مريم العذراء و أروح بقي اعمل أي حاجة في نفسي عشان ما احتاجش فطرة ربنا لآخر عمري عشان كلامكم ده!!
أنا مكنتش عايزة احكي هنا بس ملقتش حد ..
يا رب غير قدري لاحسنه ، يا رب ارزقني الصبر الجميل و الرضا و طيب خاطري و فرح قلبي عن قريب ، يا رب أنا تعبت أوي من الدنيا دي و كل من فيها! :"))
4 notes
·
View notes
Text
كان فيه حلق فراشة لونه ذهبي كان نفسي اجيبه و زعلت مني اني ما سمعتش لاحساسي و كلامي و مجبتهوش و جبت حلق تاني عشان البنت قالتلي ده لايق اكثر على فستان العيد و كان الوقت متاخر إني اروح ابدل!
بس لما شوفت الصورة افتكرت أن فيه حلق و خاتم كده فراشات نفسي فيهم ♥️🥹
84 notes
·
View notes
Text
بقالي فترة طويلة محدش سألني انتِ كويسة!! بطلت احكي و نفسي احكي و مش لاقيه حد!
10 notes
·
View notes
Text
روحت اتنازلت عن قضية الابتزاز إلي كانت عاملها في 2021 لكذا سبب ، حفظت المحضر و قفلته!
و بعيداً عن الأسباب و شعوري
فيه موضوع أهم أنا اعجبت بوكيل النيابة إلي حقق معايا!
مكنتش عايزة اروح!
و مش عارفة انساه عامله ادور عليه علي الفيس بطريقة مريبه و مش لاقيه له أي أثر و مضايقة!
و عايزة أشوفه تاني و مش عارفة ليه و ازاي!
يا رب يطلع مش مرتبط ولا خاطب ولا متجوز و اشوفه تاني بجد!
عايزة اجيب له هدية و كل الستات في الجروب قفلوني بردودهم إني بلاش اجيب هدية لراجل و بتاع ما يستاهلوش!
هو ما ساعدنيش في القضية اوي بس أنا عايزة اتلكك بالهدية اني اشوفه!
3 notes
·
View notes
Note
مش بنتعلم ببلاش
آه بس أنا مبسوطة دلوقتي والله ، إن فيه علاقة مؤذية انتهيت و انتهي معاها نسخة مني استحالة ترجع تقبل بأي راجل أو علاقة تؤذيها تاني ♥️
2 notes
·
View notes
Text
أنا مش قادرة اتجاوز إنه قالي للمرة الثانية إنه هيتقدم و مجاش للمرة الثانية اطمن و اتخذل من نفس الشخص!
هو أنا ما استحقش أفرح أو اتحب أو أكون إختيار احدهم ، طيب ليه بجد دائما بيتكسر بقلبي و بيحصل فيا كده!!
3 notes
·
View notes
Text
اللهم أستودعك نفسي من ذل الحياة ومن ضجيج التفكير،عوضني عن كل شيء أحببته فخسرته، طابت له نفسي فذهب، صدقته فكذب، استأمّنته فغدر ، اللهم لا تشغلني ولا تعلقني بشيء لم تكتبه لي وقدر لي كل فرح لم أتوقعه، اللهم و إن ضلت نفسي طريقها فردها إليك ردا جميلا
46 notes
·
View notes
Text
بما اننا اتفقنا اننا كل فترة في رمضان هنتكلم عن آية او حديث او قصص معينة ناخد منها قيمة معينة ونمشي بيها في حياتنا، فا باذن الله هنبدأ انهاردة مع اول قيمة وربنا يعيننا على اننا نكمّل ونقدر نعمل باللي بنتعلمه..
أحاديث ترسم الطريق في الحياة.
قيمة انهاردة مناسبة جداً مع جو رمضان وبدايات رمضان.. الزمن بيمر بسرعة جداً الفترة دي وانهاردة احنا ليلة ٣ رمضان، حتى رمضان اللي فات حاسين انه زي امبارح، السنة بتعدي كأنها شهر والشهر زي الاسبوع.
عبد الله بن مبارك الي كان عايش سنة ١٠٠ هجرية قال:"ما أسرع هذه الايام في هدم عمرنا، واسرع هذا العام في هدم شهر، وأسرع هذا الشهر في هدم يومه"
النبي بيقول: "لا تقوم الساعة حتى يتقارب الزمان، وتكون الجمعة كاليوم، ويكون اليوم كالساعة، وتكون الساعة كاحتراق السعفة".
الزمن دلوقتي اسرع من اي زمن.. وكمية تقارب الزمان عجيبة، وده بسبب قلة الانتفاع بيه وقلة البركة، ونزع البركه من كل شئ ده من العلامات اللي تخلينا نقف شوية كده، انا عايز رمضاني يبقى مبارك اعمل ايه؟
بداية ايه هي البركة؟ هي ثبوت الخير الالهي في الشئ، هي النماء والزيادة، وهي ان يعطي الله الشئ فوق ما خُلق له.
((كانَ رَسولُ اللَّهِ صَلَّى اللهُ عليه وسلَّمَ أجْوَدَ النَّاسِ، وكانَ أجوَدُ ما يَكونُ في رَمَضَانَ حِينَ يَلْقَاهُ جِبْرِيلُ، وكانَ جِبْرِيلُ يَلْقَاهُ في كُلِّ لَيْلَةٍ مِن رَمَضَانَ، فيُدَارِسُهُ القُرْآنَ، فَلَرَسولُ اللَّهِ صَلَّى اللهُ عليه وسلَّمَ حِينَ يَلْقَاهُ جِبْرِيلُ أجْوَدُ بالخَيْرِ مِنَ الرِّيحِ المُرْسَلَةِ))
فا الكلام ده من سيرة رسول الله يخلينا نفهم ان البركة في رمضان مرتبطة بحاجتين، مدارسة القرآن والجود..
مدارسة القرآن بمعنى ان القرآن يدخل قلبك، تبقى فاهم بيقول لك ايه انهاردة في وِردك، وانت بتصلي بيه تستشعر معانيه، وتقراه بعين الباحث عن الرسالة فيه وعن قصتك، مدارسة القرآن هي سر البركة، ولا يجلب البركة في رمضان الا القرآن.
والجود بمعنى الكرم، اي فعل كريم من صدقات، إطعام، قضاء حاجة من حوائج اللي حواليك، تقف مع حد في محنة، تفك كرب حد.
ومدارسة القرآن مش بس بتدي بركة دي بتزود في صفاتك الحسنة، المدارسة هتطلع منها بقيمة جديدة—> هتطلع منها بعادة—> وتحول العادة دي لنشاط يومي يفضل مكمل معاك رمضان وبعد رمضان فا البركة تفضل مكملة في حياتك كلها، لان البركة هي سر الانجاز، وطول مانت عندك نشاط يومي حياتك هتتغير.
وتدارس القرآن بهدف انك تطلع منه بقيم تعيش بيها هي الحاجة اللي هتبنيك واحدة واحدة، بس ضروري يكون للقيم دي نشاط ملموس في حياتك عشان لو عندك قيم من غير نشاط القيمة مش هتثبت.
رمضان في الاساس شهر مبارك، والقرآن كتاب مبارك، ولو الاتنين اجتمعوا مع بعض هتقدر تعمل كل اللي نويت عليه في الشهر ده وتحصل اكبر ثواب ببركته ورحماته.
الامام السعدي كان بيقول (اذا دعوت ان يبلغك الله رمضان فادعوا الله ان يبارك لك فيه، فليس العبرة ان تبلغه بل بما تعمل فيه).
والبركة في حياتك عموماً رمضان وبعده بتكون في ايمانك بالله وحرصك على تقوى الله، في كلامك في افعالك في قلبك.
"وَلَوۡ أَنَّ أَهۡلَ ٱلۡقُرَىٰۤ ءَامَنُوا۟ وَٱتَّقَوۡا۟ لَفَتَحۡنَا عَلَیۡهِم بَرَكَـٰتࣲ مِّنَ ٱلسَّمَاۤءِ وَٱلۡأَرۡضِ"
والبركة ممكن متلمسهاش في وفرة الوقت او وفرة الرزق، بس هتلاقيها في ان الوقت بيكفيك، والفلوس لو هي هي اللي بتخلص منك في آخر الشهر، هتلاقيها الشهر ده مكفياك وزايدة، حصل ازاي ده؟ ببركة الله، حتى الموضوع ده بنلاقيه في رمضان جداً، تلاقي الاكل اللي بياكله ٦ افراد ممكن يكفي ١٠ فسبحان الله.
60 notes
·
View notes
Note
ربنا يريح قلبك وتبقي كويسه ♥️♥️
اجمل دعوة والله اتقالت ليا ، حقيقي ما تتخيلش مدي احتياجي لاستجابتها و تحقيقها فيا رب يتقبل اللهم آمين
شكراً جدآ ع اهتمامك ولك بالمثل ♥️
3 notes
·
View notes
Text
أمنية من امنياتي أن في يوم يكون عندي خلخال حلو يجيبهولي و يلبسهولي راجل بيحبني♥️
do not text me on unless this is ur intention
2K notes
·
View notes
Text
أكتشفت فعلاً إن الواحد من غير الصلاة ضعيف وفي نفس الوقت قلبه قاسي ومتشتت وعقله مشغول الصلاة بتقوي الواحد وفي نفس الوقت بتحنن قلبه وبتمنعه من حاجات غلط تانيه كتير وبتهدي عقله ربنا يرزق كل الناس بنعمة الانتظام في الصلاة حقيقي اللهم ثبت أقدامنا علي الصلاة
206 notes
·
View notes
Text
واعلم أن المؤمن يجتمع له في شهر رمضان جهادان لنفسه؛ جهاد بالنهار على الصيام، وجهاد بالليل على القيام، فمن جمع بين هذين الجهادين وُفِّي أجره بغير حساب.
41 notes
·
View notes
