Friendly reminder .. 💟

أنا جميلة مثل ما أنا ولا أحتاج أن أبدوا أجمل أو اهدأ أو أكثر إزعاناً حتى يحبني الآخرين .. أو حتى أنال رضاهم

نفسي اهدا بقى وابطل اشتغل دماغي بحاجات ملهاش أي تلاتين لازمة ..

أنا بكرة الدنيا كلها

اكاد اجزم اني سمعت صوت قلبي وهو بيتكسر ..

مدهش أوى مدى قدرة كلمة واحدة على إنها تفتح أبواب جحيم جوايا ..

يارب مبقتش قادرة على الاستنزاف ده .. أنا تعبت

جوايا حته كدة طول الوقت بحاول اتجاهلها .. مفكرش فيها ولا في أي حاجة تخصها .. عشان مش قادرة اواجهها، مش قادرة اقف قدامها وابص فيها واشوف اللي متشال جواها.

بس وجعها كبير، وصداه جوايا اكبر .. أحياناً بحس اني عايزة اصرخ من الوجع، في كل ذرة في جسمي بحس بألم مش قادرة اوصفه، كأني بغرق ومفيش نجده.

احياناً البني آدم بيرخص نفسه بلا تقدير ..

مفيش حل غير سكوتك ..

ازاي ممكن اشتكي ليك منك انت

مفيش حاجة اسمها دي وجهات نظر .. مفيش حاجة اسمها إن اللي ظلمك من وجهة نظره معملش حاجة لأنه ميعرفش أو جاهل.

الظلم مش شيء مجهول بيرتكب الصدفة .. مفيش حد بيظلم مايبقاش عارفة إنه مؤذي وواحد حق أكتر من حقه، مفيش حد بيؤذي مبيبقاش عارف ان اللي قدامه مكسور وموجوع من تصرفه .. الظلم مش شيء مجهول بالعكس ده شيء واضح ومرئي جداً بيسعد الظالم لأنه بيحسسه بجبروته وقدرته وسطوته على الانسان اللي قدامه اللي المفروض يبقى زيي زيه.

مفيش أي عذر للظلم ولا أي عذر لقبولنا وجوده لأي مبرر كان

حسبي الله ونعم الوكيل

اذا انت مفكرتش في نفسك .. محدش تاني هيفكر فيك

الحمد لله على نعمة الم��اولة من جديد والسعي لبدايات تانية رغم كل الاوجاع اللي جواك

يارب يسرلي ما فيه الخير لي وارضيني .. يارب راضي قلبي وارضيني

يارب

عاش يحتضن الجميع دائماً .. ولم يفكر أحد باحتضانه .. أبداً

I’m not happy anymore .. 🚶🏻‍♂️

مش كل الحقيقة المفروض تتقال .. أحيانا بيبقى من الأفضل إنك متعرفش .. الأفضل تبقى دائماً فاكر إن اللي في دماغك هى الحقيقة .. بس عشان تفضل مبسوط

موجوعة .. قلبي مكسور وجوايا نار مش بتهدا .. يارب

I need to let it go .. for my own good ..

إحساس وحش أوي .. مش عارفة أعدي الدوشة اللي جوايا .. لأول مرة من سنين يرجعلي إحساس بعدم الأمان .. كتير أوي الكلام اللي جوايا كتييير وكبير وغريب ومش عارفة أعمل ايه .. أول مرة أقف مبقاش عارفة أحدد أنا صح ولا غلط .. تعبت !

#عشوائيات

تعبت ..

حسبي الله ونعم الوكيل .. حسبي الله ونعم الوكيل

أنا مش مسامحة في حقي يارب