Your account has been deactivated and scheduled for deletion.

You no longer have access to this account, which will be deleted from our user database.

Loading..

Open Call for Tbilisi Architecture Biennial

designtbilisi 201906 -- 201912 covers issuu.com/gzzzz

სივრცის კოლექტიური წარმოება.  MAUDI

გელათის სკოლა გაკვეთილი მასწავლებლის გარეშე

1106 წელს დავით IV აღმაშენებლის თაოსნობით საქართველოში დაიწყო ახალი სივრცის მშენებლობა/ორგანიზება, რომლის სტრუქტურაც ემყარებოდა სულიერი და მატერიალური მდგომარეობების მაქსიმალურ გააზრებას და გაზიარებას. იმდროინდელ პოლიტიკურ-გეოგრაფიული მდგომარეობიდან გამომდინარე სივრცე აიგო თანამშრომლობის, ინფორმაციის, შესაძლებლობების გაცვლის უნიკალურ მაგალითზე. ბიზანტიაში ჩამოყალიბებულ, განვითარებულ იდეებს დაუკავშირდა ადგილობრივი გამოცდილება და ცოდნა, შეიქმნა „გელათი“.

გელათის მაგალითზე მართლმადიდებლურ აზროვნებას, მასში ჩამოყალიბებულ შენობა ნაგებობათა სტრუქტურას და ფუნქციას მიება დამატებითი შესაძლებლობა - სკოლა. გელათის სკოლის, განათლების სისტემის, სასწავლო პროცესის შედეგად შექმნილი მასალებიდან გამომდინარე მნიშვნელოვანია გარკვეული სასწავლო სტრუქტურის, რელიგიის აზრის და მისი ფორმის წარმოდგენა, გაანალიზება, გადათარგმნა, განახლება, დაბრუნება.

ბერლინში საერთო გამოცდილების, რელიგიის და ინტერესების ძიების საფუძველზე შესაძლებელი გახდა კავშირის ახალი ფორმის ჩამოყალიბება. მოხდა ახალი სივრცის, საგანმანათლებლო პროდუქტის, მაგალითის, გაკვეთილის მომზადება.

ნამუშევარი, რომელიც 2019 წელს მარტში განხორციელდა ZK/U - Berlin ში (ხელოვნების და ურბანისტიკის ცენტრი) წარმოადგენს სკოლის მაგალითს/მოდელს. სივრცის სტრუქტურა და იდეა გამომდინარეობს გელათის შინაარსიდან, ტრანსფორმირდება ბერლინის, კონკრეტულად ZK/U ს სივრცის გათვალისწინებით და მიმართულია ბავშვის თანამონაწილეობაზე აქტუალურ პროცესებში, რაც პროდუქტის, რწმენის, რელიგიის ჩამოყალიბებაზე სწორად დაკვირვების საშუალებას იძლევა. სკოლის ხასიათი ფიზიკურად გამოვლინდა ერთ გაკვეთილში, სადაც მასწავლებელი არ ფიგურირებს და პროცესი ეყრდნობა რამოდენიმე ძირითად საკითხს: დაკავშირება, ჩაწერა, გამოცემა. დროის, ენის, ტექსტის, კომუნიკაციის შესაძლებლობების გათვალისწინებით ჯგუფი 45 წუთის განმავლობაში გამოსცემს ხმოვან პროდუქტს.

სკოლა მოიცავს ერთ 45 წუთიან გაკვეთილს, რომელშიც სწავლება მოსმენის საფუძველზე იქმნება. მოცემული დრო და სივრცე წარმოადგენს შესაძლებლობას, რომლის გამოყენებაც თავისთავად ხდება მოსწავლის მიერ მისი შინაარსიდან და ფორმიდან გამომდინარე. გაკვეთილზე/კრებაზე მხოლოდ ერთი რამეა ცნობილი მოსწავლეებისთვის - 45 წუთი ყველას ხმა მომენტალურად თანაბრად იწერება, ინახება, გამოიცემა ერთი ციფრული ჩანაწერის/ალბომის/დისკის სახით, რომლის ფორმას ყველა ხედავს პროცესის განმავლობაში. თითოეული მონაწილე იყენებს ყურსასმენს და მიკროფონს, რომლის დახმარებით დამატებითი საერთო არამატერიალური სივრცე/კაფსულა ყალიბდება და მთავარი იარაღი ხდება ხმა, ენა , ტექსტი. წარმონაქმნის  შენახვის შესაძლებლობა კიდევ უფრო ამძაფრებს, ხილულს ქმნის მის ძალას და მსმენელის გააზრებას. ხმის კონკრეტულ სივრცეში განსხეულება, წარმოდგენა, ჩაწერა უსასრულოს, უდროოს ხდის მის ფუნქციას. პირველ გაკვეთილზე შვიდი 16-17 წლის მოზარდის საუბარი ჩაიწერა 45 წუთის განმავლობაში