bring me back my 2018

3 حاجات لازم تحطهم في دماغك دايما لو عايز تعيش حياه مُريحه وسط ناس مُتعبة

1 - طنش .. وهنا مقصدش تطنش ف تهمل وتبقى مستهتر !، لكن أقصد أنك تطنش أي نقد سلبي، كلام بايخ، أفعال مزعجة، أحكام مُسبقة، نيات سيئة ..

طب ما الكلام سهل ! ، ازاي نطنش وننسى ؟!

قاعدة اساسية .. "كل محاولات النسيان بتساعد على أنك تتذكر أكتر" - طب والحل ؟! - الحل أن هدفنا ميبقاش محاولة النسيان لموقف او كلام ، لكن تقليل أهميتها المُبالغ فيها من عقلك لحد ما يبقى موضوع عادي؛ ممكن كمان تسأل نفسك لو صاحبك فضفض معاك عن موضوع شبه موضوعك هتنصحه بايه او هتعمله ايه يساعده ؟؟!

2 - أسعد ف تسعد .. مش عارف لاحظت ولا لأ أن في شعور جميل من السعادة بيلمس قلبك لما تقدم او تعمل حاجة بسيطة لحد ف تلاقيه فرحان ومُمتن ليك - صدقني لو محستش دا قبل كدا أعرف ان عندك مشكلة انسانية كبيرة ..

جرب كدا تشيل "أفكار الكرامة الكدابة" اللي بتقولك متسألش على اللي ميسألش، متبقاش تقيل، متفرضش نفسك على حد، شكلك ايه لو مردش ... إلخ من الكلام دا .. اللي ممكن تبدله بـ إلتماس الاعذار ولو مفيش أعذار خليك انت أجدع ..

صدقني مردود الود على قلب الودود سلام حتى لو اتقابل بقسوة بيبقى قلبه مرتاح، أتعلم تفرح بكلمة حلوة "حتى لو مش شايفها مهمة" صدقني هتفرق مع اللي بيسمعها وهتنعكس على قلبك حتى لو قالك شكرا بس .. جرب تسأل، تهون، تضحك، تعزي، تسند ، ومتستناش مردود زي الناس اللي بتعمل وتستنى رد اللي عملته .. الرد جالك فرحه لما شوفت اللي قدامك فرحان

3 - كله للخير .. تطلع، تنزل، تتشقلب، تحفر في الصخر، ناس تعاملك وحش، احساس وحدة، خوف، قلق، وجع، فشل، كسره نفس وعشم .. كل الكوكتيل البائس دا ما هو إلا وسائل قاسية عليك شوية صحيح لكن ربنا بيستخدمها لهدف في مصلحتك، انت شايف خير في دا دلوقتي، ربنا شايف دا مش في خيرك بعدين ، انت نظرتك قصيرة ومشاعرك غالبة فكرك ..

كام مرة يحصلك حاجة تكسرك وتكشفلك مين في الجد فضل ومين جري ؟ واللي جري وزعلت عليه وكسر عشمك كنت ازاي هتفضل عايش واثق في مُزيف ومعمي عنه؟، حتى كسرة نفسك ووحدتك منعتك كام مره من انك تقول سرك وتظهر ضعفك قدام ناس مش أد أمانة حبك ليهم ؟ .. من برا كل دا كسر بيجيب كسر، لكن الجوهر انه خير بيجر خير ..

ودا مثال بسيط عن حاجات عقلنا قدر يدركها ويستوعبها، لكن دايما ربنا خطته أوسع وأشمل من ان عقلنا المحدود يستوعبها دلوقتي .. ممكن بعدين نفهمها، لكن دلوقتي لو ربنا سمح نعرفها كنا هنخرب الدنيا

وأخيراا .. بعد ما ممكن أكون صدعتك او كلامي مجاش على هواك ولا جه مش فارقة، المهم أنك تعرف أن حياتك ملكك ف عشها على طبيعتك متعقدهاش، ولو الكل عقدها عليك برضوا عشها بسيط ماسك في إيمانك أن .. كله دايما للخير

عديت اليوم كويس قدام الكل بس أنا كداب قدامى.

كنت بقرأ كتاب Why men love bitches....عن علاقة الراجل والست وليه الراجل بيحب الشخصية القادرة، اللي احنا بنشوفها جبروت... وفي نفس الوقت، ليه البنت اللطيفة الطيبة اللي بتراعي الكل هي اللي بتاخد على دماغها....؟! 😅

الكتاب عن العلاقة بين الست والراجل، بس تعالوا ناخد نقطة معينة ونشوفها في تعاملاتنا الإنسانية عموما...فكرة العطاء، إنك تبقى بتدي اللي قدامك أكتر من حقه لحد ما يشوفه حقه، ولما تتعب في النص وتدي له "يادوب" حقه أو حتى ازيد حاجة بسيطة بس أقل من اللي متعود عليه منك، يبقى إنت مُقصر!

الكاتبة بدأت كلامها بمثال عن واحدة عزمت واحد لأول مرة عندها ع العشا:

البنت اللطيفة: طبخت كل حاجة ممكن تتعمل وتألقت عشان تبهره، الشخص ده إنبهر وزي الفل وشكرها... المرة اللي بعدها بدل ما يعزمها برة كلمها وطلب منها الأصناف اللي هو عاوز ياكلها المرة دي!

على الصعيد التاني، البنت القادرة: عملت شوية فشار وجابت كيسين شيبسي على علبتين عصير وشغلت فيلم يتفرجوا عليه... اتبسطوا والحياة لطيفة، جت في تاني مرة عزمها برة... بعدها بكام شهر لما عزمته تاني، عملت مكرونة وحمرت شوية فراخ وشكرا ..، الراجل انبهر جدا انها تعبت نفسها وطبخت له مخصوص وبدأ يحس إنها بذلت مجهود خرافي عشان خاطره بالتحديد وحس إنه أكيد حد مميز عندها ولازم يقدر لها ده ...

السؤال: لو عندنا مقياس من ١ ل١٠، ليه ال١٠ اللي البنت اللطيفة قدمتها في الأول ماكنش ليها نفس تأثير ال٣ اللي البنت القادرة قدمتها قدام؟

ل٣ حاجات:

▪الواحد في أول علاقته بالناس لما يتدلق عليهم قوي ويهتم بيهم إهتمام مبالغ فيه�� بيبان إنه desperate، الرغبة الزيادة في ارضاء الأخرين بتتشاف على إن الشخص ده بيحاول يستر عيب معين فيه، بيوصّل رسالة إنه مش كفاية وإنه لازم يبذل مجهود عشان يعجب .

"Being too eager to please is a sign of overcompensating".

(الرغبة المبالغ فيها في ارضاء الأخرين علامة على الافراط فى التعويض عن عيوب شخصية)

▪الناس (والرجالة خصوصا) مابتعرفش تقدّر حاجة جت لها بالساهل، أو ماتعبتش فيها... بالعكس مع الوقت بيشوفوها حق مكتسب وبيحسوا بالغضب لما يتحرموا منها. الكاتبة بتقول إن البنت اللطيفة قدمت أعلى قدراتها في الأول، جابت أخرها في العطاء... فده بقى الطبيعي والمتوقع منها في كل وقت ولو في يوم قدمت العادي، هيبان إنها مقصرة... فهي بتنصح البنات بإنهم ما يبدأوش العلاقة من أعلى درجة عشان هتطربق فوق دماغهم إن شاء الله 😂... عشان كده البنت التانية لما تدرجت في العطاء، بان الفرق واللي قدمها حس إنه بذل مجهود عشان "يخطب ودّها" زي ما بيقولوا...

"The only difference is the amount of time and effort he had to invest, first. He didn't get it all right up front so he appreciated it more".

(نفس التصرف، لكن الفرق هو الوقت والجهد اللي الراجل استثمره الأول. ماخدش حاجة ع الجاهز، فقدّرها اكتر)

▪"أبو بلاش كتّر منه"... الناس عموما بيتعاملوا مع بعض على إنهم الأرنب بتاع البطاريات الإنرجايزر... هنفضل ننور لحد أمتى؟ هيجيبوا اخرنا ازاي؟ طول ما أنت مدي للشخص اللي قدامك الأمان إنك ماتقدرش تستغنى عنه، هيجي عليك وهو متطمن!

"If you let him know from day one that you are willing to bend over backward, he'd want to see just how far you'd be willing to bend! It is human nature!"

(لو الشخص اللي بتعامله عرف إنك هتتشقلب عشان ترضيه، أول تصرف منه هو إنه يشوف أخرك أيه، هي دي الطبيعة البشرية).

العامل المشترك في التلات حاجات دول إن الواحد محتاج "يحترم نفسه"، يحترمها ويحبها ويقدرها...

احترم نفسك بإنك تستغنى عن العلاقات اللي بتأذيها، مهما كانت أهميتها... احترمها بإنك تعرف قدر نفسك الحقيقي لإن ماحدش هيقدَّرك طول ما أنت مش مقدّر نفسك... احترمها بإنك ماتكونش الطرف اللي دايما بيحرق نفسه... احترمها بإنك تعرف العطاء بيكون أمتى ومع مين وازاي... احترمها بإنك تصدّق إنها تستاهل تتحب بدون أي رسوم مقدمة!

"If you want to be respected, place a high value of yourself".

(لو عاوز الناس تحترمك، حط لنفسك قيمة عالية).

بعد ما اتفرجت على سفاح الجيزة امبارح والنهاية ضعيفة اوى الحقيقة اتكروتت اوى وفيه تفاصيل مش واضحة اوى المهم يا جماعة

دي الدروس المستفادة من المسلسل:

١. اوعي يا ست الكل تقتلي ابو العيال قدام حد من العيال..

٢. لو حصل يعني وأعصابك خانتك وحد من عيالك شافك وانتي بتخلصي على أبوه، معلش وقفي دفن الجتة شوية..

٣. اجري على ابنك وخديه ف حضنك وقوليله ماتخااااااااااافش.

٤. جابر طلع سفاح علشان أمه ماحضنتوش بعد ما رزعت دماغ أبوه بإيد الهون النحاس ٩٧٥٤٨٠ مرة..

حد يحب يضيف حاجة تانية؟؟

عايزاكوا تركزوا يا ماميز بجد مش ناقصين أجيال مشوهة و trauma وأمراض نفسية.. الضنا غالي

اليوم الصعب

الحياة ليست عادلة

النهارده الذكرى الثامنة لابويا وحشتني اوووووي يا بابا ٨ سنين محروم فيهم منك محروم منك في كل حاجه الدنيا كلها من بعدك مش دنيا وحشني الشبشب بتاعك قدام الباب عارف أنا في ال ٨ سنين دول بموت كل ثانيه فيهم من غيرك مفيش رحمة في الدنيا كلها كلها ضرب ضرب مفيش إيه رحمة حتي اخواتي كلهم ولا كأنهم مش موجودين أصلا حتي أخويا كمان يا بابا مش هو الصغير بس هو كمان بعيد عني سبتني لوحدي في الدنيا كلها عارف أنا فاكر يوم موتك كويس يا بابا فاكر قبلها كنت عند الدكتور أول مرة في حياتك تقولي أطلع هات الدكتور أنا روحي بتتسحب مني وحشتني اوووووي يا بابا فاكر يا بابا يومها طلعت جبت الدكتور ماسكه في ايدي وكان كل حد بيتكلم معايا يومها كنت بضربه عمرك ما روحت من بالي في ال ٨ سنين دول و أنا لوحدي حرفيا حرفيا حرفيا حرفيا لوحدي بطولي من غير سندك ليا ولا من غيرك يا أبويا كله من خيرك يا أبويا بس برضه أنت وحشتني اوووووي يا بابا الدنيا كلها عندي متسواش ضفرك عندي فاكر يا بابا يوم وفاتك بالملي حرفيا كانت أول مرة في حياتي اصحا من أول مرة في حياتي كلها يوم قبل الفجر بالظبط امي دخلت عليا الاوضة قالت ليا قوم كلم أبوك عاوزك اتنفضت من السرير كنت بالشورت وقتها قعدت ضهرك يا بابا فاكر عشان اسندك علي صدري و اخدك في حضني وأنا بعيط فاكر يا بابا وقتها كنت بقولك انطق الشهادة فاكر يا بابا اقولك أنا مش مصدق إني أنا اللي غسلتك و كنت بكفنك كمان أنا دفنتك يا أبويا بأيدي أنا محتاجلك اوووووي محتاجلك والله يا بابا عارف أنا معنديش حد اروح له لما بكون تعبان أنا تعبت يا بابا من بعد موتك وصتني عليهم كلهم و انت بقا وصيت مين عليا وأنا الكل بعيد عشان بتكلم دايما بالحق في كل حاجه الدنيا كلها بقت نار من غيرك يا بابا أنا عايش في جهنم بس في الأرض الدنيا كلها نار بتحرق فيها ومحدش داري بيا انت وحشتني اوووووي مش عارف اقولك ارجع أقولك ارجع ازاي اموت مكانك مثلا والله تعبت يا بابا من غيرك وحشتني قعدتي معاك بالليل وحشتني الجلابية بتاعك حتي الشبشب الجلد بتاعك وحشني إني اشوفه قدام باب الشقه ٨ سنين محروم من صوتك محروم إني اشوفك حتى محروم إني اتكلم معاك حتى يا بابا ٨ سنين كل يوم فيهم بموت من غيرك يا بابا ٨ سنين جهنم علي الارض 💔

الست القوية مش بالصوت العالي ولا إنها تختلق المشاكل الست القوية مش اللي بتقعد قدام الراجل راس براس

الست القوية هي اللي لقت نفسها قدام مسؤليات كبيرة

تفوق طاقتها وتحملها، هي اللي تعبت وقامت لوحدها

هي اللي ضعفت وعرفت تقوي تاني نفسها هي اللي إنهارت أكتر من مره وعرفت تاني تقف ع رجلها أقوى من الأول،

هي اللي آتعودت تعتمد ع نفسها في كل حاجه،هي اللي بتضحك وجواها ألف وجع وتخرج قدام الكل قويه 💙🌻

إزيك يا شروق

عايزه احكيلك موقف مدايقني انا مخطوبه مش اول عيد ليا مع خطيبي بس دا تاني عيد واحنا مخطوبين هو جالي في العيد واداني عيدية مبلغ حلو وجاب عيلبه شكولاته وصلي وقضي معايا يوم العيد كله بس محدش من اهله جوم عيدوا عليا ولا حتي اتصلوا بيا لاقيته هو بيقولي اتصلي عليهم فمرضتش اتصل عليهم لان هما المفروض كانوا جوم او اتصلوا بيا هما واخواته على الاقل دي الاصول بتقول كدا فلقيت مامته بترن عليا تاني يوم وقالت ليا كل سنه وانتي طيبه بس

المعروف والاصول مبتقولش كدا انا صحابي وقرايبي كلهم نسايبهم بيروحلهم يعيدوا عليهم ويجيبو ليهم طقم العيد كمان بس انا مش فارقة معايا لبس عيد ولا عيدية كان كفايه زيارتهم ليا وشكلي قدام اهلي وقرايبي يبقي حلو حتي لو مبيجوش في المواسم علي الاقل يجوا في الاعياد

وزعلانه اكتر من خطيبي هفترض انهم مش واخدين بالهم مع ان دي اصول الكل عارفاها … هو ليه مقالش ليهم تعالو نروح نعيد علي خطيبتي ليه مقالش ليهم اتصلوا عيدوا عليها طيب ؟ ليه مش بيقول ليهم حاجه ولا بيلفت انتباهم ليا علي الاقل هما لما يلاقوه واخد باله من الحاجاتدي وعارفين انه عارفاها هيعملوها عشان يرضوه

الحمد لله بخير

معلش يا أنون ع التأخير في الرد لسه شايفة الأسك

متزعليش منه ممكن ميكونش واخد باله فعلاً ومدام هو كويس معاكي فـ عدي ومتشغليش بالك بالحاجات دي

.

مش مهم يكون عندك انجازات عظيمة الكل يعرفها، أحياناً تمر عليك فترة أكبر انجاز فيها إنك قدرت تكمل لآخر اليوم أو تصمد قدام مطب طلعلك فجأة من غير ما تنهار عشان كذا.. انبسط بنفسك وبإنجازك وخليك فخور بصمودك

جدو حبيبي ليش تركتنا قبل ما شوفك انت قلت انك رح تستقبلنا اول ما نرجع بسلامة ليش سبقتنا هيك ورحت؟؟؟ يا نور عيوني انت جدو حبيبي يا اعز واغلى ما املك ما انسى كل لحظه معك كيف كنت تاخذني مشاوير معك وتجيبلي معك اشياء طيبه و وقت امرض تفحصني وتبوسي ع راسي يحبيبي يجدو ما انسى كيف كنت تلاعبني غير عن الكل ودائما اكون مغرورة فيك لانك تفضلني عن كل احفادك الباقيين حبيبي جدو الرب اذن واخذ روحك اتمنى اقابلها بالاخره لاحكيلك شو صار معي من احداث وكيف هلق صرت! يحبيبي يجدو ما اطيق الصبر لشوفتك بس انت سبقتنا كلنا واحنا عاجزين قدام الرب.. الرب يرحمك يا نور عيوني انت يحبيبي وقلبي جدو الغالي ما رح انساك طول ما انا عايشه أحبك♡︎

أبرد رد ممكن تقولوا لحد بيفضفض معاك : "كلنا تعبانين" !!

اللي بيفضفض عارف ان الكل تعبان، وعارف انه مش الوحيد اللي مخنوق او مضايق .. بس كان فاكر انه الوحيد اللي ممكن يفهمه ويهون عليه هو انت، ودا غلطه اللي هيخليه يندم ويبطل يحكي

فـ ياريت لو لاقيت نفسك قدام حد بيحكي معاك وانت مش قد مسؤولية السمع ولسانك مدب ومتعرفش يعني ايه "نفسيه تعبانه" اسكت .. اسكت واسمع، وصدقني هتجيله كبيره قووي

بابا هو الي دفع تمن كل حاجه حلوه انا فيها دلوقتي ، منظري الكويس قدام الناس ، لبسي ، طولي المصلوب ، عيني الشبعانه والمليانه وحاجات كتير اوي ، كل ده كان تمنه عمر بابا "أبي هو الفضل هو الخير هو الكل هو السند والكتف والضهر هو فرحه البيت ، ربنا يرحمك ويسكنك الجنه يا أبي" ♥

خلي بالك علشان في فرق كبير ما بين حد بيحبك و حد تاني بيحب اللي انت بتقدمهوله ..

و علي فكرة سهل عليك اوي تعرف اللي بيحبك فعلاً بجد لشخصك ..

وهي ببساطة انك هتلاقيه دايماً بيتغاضي عن ذلاتك و غلطاتك يعني بمعني أصح بيعديلك و مش بيوقفلك علي الواحدة ولا بيفضل يجلد فيك بكلامه ..

هتلاقيه دايماً بيبروز الحلو فيك و بيذكره و يمدحه و بيتباهي بيه قدام الكل ..

هتلاقيه في مواقف كتير بيختار انه يعمل اللي يريحك

حتي لو ماكنش علي هواه بس فكرة انه بيشوفك مبسوط ..دي في حد ذاتها لوحدها كفيلة انها تبسطه ..

..

ركنت ركنة تمام قدام المكان في الصف، ونزلت لقيت واحد لابس فيست أصفر بتاع المرور دا واقفلي ف وشي وانا نازلة، انقرضت من لساني بقوله أيه راكنة ف الممنوع ! نظرا لوجود يافطة ممنوع الإنتظار بس الكل منتظر عادي، قالي لا ياباشا مش ممنوع ولا حاجة بس أنا لازمن استفتح !!!! قولتله تستفتح!! ليه انت عملت ايه تستفتح بيه !! استفتاح أيه دا ياخوانا الساعة ٤ العصر

عمرك ما هتشوف إنسان بيعبر عن الحب زي رسول الله صل الله عليه وسلم

بتلاقيه وهو طالع علي جبل أحد يقول ( هذا جبل أحد نحبه ويحبنا )

بتلاقيه شاف جمل صاحبه بيعنف فيه

بيحضنه ويمسح علي دمعه ويقول ( الراحمون يرحمهم الله )

بتلاقيه واقف علي المنبر يقول

أحب الناس علي قلبي ( عائشه )

قدام افواج الرجال لم يستحي من حبها يوما

بتلاقيه خلص الصلاة وقال لـ معاذ هات يدك اسبح عليها

ويقول ( والله لاني احبك يامعاذ)

بتلاقيه ماشي في طرقات مكه بعد الفتح ويقول

( ها هنا حجر كنت القي عليه السلام )

بتلاقيه بيحضن الحسن والحسين ويقول ( ريحانتا قلبي)

بتلاقيه في حركه معتاده يقبل فاطمه ابنته بين عينيها ويقول

( بضعة مني)

بتلاقيه يضحك مع ابو هريرة ويقول ( من أحبه فقد أحبني)

كلنا عااارفين قد ايه كان بيحب ابوبكر الصديق رضوان الله عليه

و قد ايه هو كان ممتن ليه

انه يكون في رجل قادر علي حب الاماكن والنباتات والجبال والاشخاص

ويوقف قدام الكل يبوح بالحب عادي

صل الله عليك ياخير الوري 🤎

اللهم صل وسلم وبارك علي سيدنا وحبيبنا محمد