#انت قوي
Text
يارب إنَّ في أفئدتنـا غصّة تخفى عن الناس ولا تخفى عليك، اللهم انصر أهلنا في غزة واخمد النار التي تتأجج فينا مع كل ضربة تطال مقدّساتنا وأهلنا هناك، اللهم استودعناك غزة، سمائها وأرضها، رجالها ونسائها، أطفالها وشبابها، وكل من فيها يا قوي يا عزيز..... يالله جفت الدموع وماتت الأعصاب وغصت الحناجر يالله ارحم عجزنا وضعفنا يالله ارحم اخواننا المستضعفين في غزة وانصرهم اللهم عليك بالصهاينة اللذين لا يعجزونك اللهم امطر عليهم سخطك وعذابك..
يارب تقبّل منا قليلنا نحنُ الذّين جِئناكَ بالدُعاء..
وهُم جاؤوك بالأرواح يا الله انت الذي تعرف عجزنا يالله سامحنا على عجزنا والله نزفت قلوبنا من العجز 🤲🏻💔
418 notes
·
View notes
Text
إطوي بعناية فائقة..
قيمتك داخلك.
ثم حدث نفسك:
كم انت طيب القلب ومع ذلك أنت قوي..
وكم انت بصبر قادر على الإحتمال.
وأن الأيام مدينة لك..
بسداد تلك القيمة مهما طال الوقت.
لأنك جميل..
وتستحق كل شيء جميل مثلك.
💜
لمياء
80 notes
·
View notes
Text
انت في رمضان بتعرف إن تأثير الشيطان مش قوي زي ما أنت متخيل . .المعركة الكبرى مع النفس
35 notes
·
View notes
Text
بكفر وبرجع في اليوم الواحد ميتين مرة. مش بربنا لأ، لكن بالحياة كفكرة، وبالبشرية كنوع.
أول مرة كفرت كان يوم فضّ رابعة. الكُفر الطفولي المقموص دا اللي حاطط إيده في وسطه وبيدبدب في الأرض ويزعّق للسما: "انت إله انت؟ سايب اللي بيحبوك يتدبحوا كده وواقف تتفرج؟ أكيد انت مش وجود، ولو موجود ما تستحقش العبادة". كنت بدرّس وقتها في جامعة الأزهر، وشايفة الطلبة بتوعي بين اللي أهله ماتوا أو اتقبض عليهم واللي قلبه محروق. واحد منهم قعد في المعتقل بعدها ٧ سنين. كان اسمه خالد. مهذب وبشوش. والناس بتهتف افرم يا سيسي، وأمي في البيت - مسكينة - بتعلق صورة الجنرال. المنقذ. بس أما وريتها صور، بكت، بس ما شالتش الصورة.
كنت صغيرة. حزينة وغضبانة.
المرة دي إيماني بيه ما اتزعزعش لحظة. علاقتنا نضجت كتير. بطلت قمص مبدئيًا، بقيت أقول وريني. وريني. مستغربة شوية من نفسي بصراحة، بس برجع واقول مشواري ابتعادًا عنه ورجوعًا إليه كان طويل وشاق. اختبرته واختبرني مرارًا، شافني وشفته مرارًا، بوشوشنا المختلفة، ف معنديش أي شك في وجوده، ولا في رحمته، ولا في حكمته، ولا في قدرته.
عارفه إنه بيحب يعقّدها قوي وبعدين يحلّها. بيحب الـ كام باكس الملحمية. بيحب يستعرض فيها قدرته، السيناريست المدهش العبقري اللعبي. عارفة إنه مش بس حاسس بينا - كلنا، أشرفنا وأنجسنا - في اللي حاصل دا، لأ، دا عايشه من خلالنا. وإنه، كالعادة بيرتب لحاجة مدهشة. السؤال بقى امتى؟ سؤال إنساني جدًا. ويمكن دا اختبار الإنسانية الحقيقي. الزمن. الحفاظ على نسبنا الإلهي واحنا خاضعين للزمن ومزنوقين في أعمارنا المحدودة ومش عارفين هنعيش لحد ما نشوف العدالة ولا لأ. هنشهد الكام باك دي ولا لأ. دا اللي رفضته السماوات والأرض والجبال وأشفقن منه؟ حقهم بصراحة.
وحملها الإنسان..
شفت إنسان بيتبرع بتلاتين جنيه وإنسان بيحوّل اللي حاصل لحملة دعاية ذكية وخسيسة. إنسان بيدافع عن المعتدي أملًا في نفحة، وإنسان بيخاطر بكل ما يملك عشان يقول كلمة حق، أو يغرس فسيلة والناس بتجري من أهوال القيامة. إنسان بيحاول تحقق إنجاز سياسي بوضاعة مدهشة، وإنسان خايف على اخواته في الإنسانية، وعلى بكره، وع الحاضر. شفت كتير. بقول لنفسي يمكن دي فكرة الحياة أصلًا! اختبار كل السيناريوهات الممكنة. كلّها. مش بس الحلوة أو العادلة أو الشجاعة. لازم انحطاط، وسفالة، وانتهازية وقمع. مكوّنات أساسية في كيكة الحياة الكبيرة المدهشة. في كيكة ربنا الكبيرة المدهشة. كيكة لا يمكن تناولها إلا برّه الزمن.
ماري في الطريق. آخر ليلة قضيتها معاها كانت في أول الموضوع خالص، وكنت مفلوقة من العياط ودايرة في البيت زي الوحش الحبيس بخبط دماغي في الحيط. محشورة في أسئلتي. أروح رفح ولا أفضل هنا أكتب واترجم وأودّن؟ هل أنا في المكان الصح؟ هل أنا بعمل كفاية؟ هل اللي بعمله دا ليه لزمة؟ هل أنا عايزة أبقى مفيدة، ولا عايزة تبقي بطلة؟ فين هبقى أفيد؟ مكانش عندها رد، بس عينيها كانت طيبة وصادقة.
ماري مش متابعة كويس. أهلها في فرنسا طبعًا دماغهم مغسولة حد التقرّح، وهي حاسة بيا مش عارفة تواسيني. من شوية على استحياء سألتني لو ممكن تيجي تطمن علينا وتعمل لي كيكة شوكولاتة. وافقت. شفته فيها. شفت ربنا فيها. وجهه الحنون، ذو الجلال والإكرام، هيكون عايز يقعد جمبي ع الكنبة النهارده يراقبني بإشفاق وانا بتابع المظاهرات والضرب جوّه وبرّه، يسمعني بشتم وبزعّق ويرّد عليا بانجليزية مكسورة "اتس أوكيه والله. اتس أوكيه"، يعمل لي كيكة شوكولاتة، وياكلها معايا، برّه الزمن.
121 notes
·
View notes
Text
العلاقات ارزاق !!
حلوة قوي العلاقات الحلوة ..علاقات رزقها ما بعدها رزق
علاقات فيها الناس حلوة بجد .. لا فيها نداله ولا قلة اصل ولا تزييف ولا خبث ولئم ..و لما يحصل زعل بيجروا علي بعض و اول الكلام ما بينهم " الدنيا كلها تزعل إلا انت "
علاقات منورة و واضحة ، الكلام فيها من غير حساب ، تقول اللي جواك و انت مرتاح و متأكد انك مفهوم و مقبول زي ما انت..
مش بتزوق كلامك علشان تتفهم و لا بتدافع عن نفسك لأنك متأمن بحب اللي معاك..
علاقات فيها سند ، و خدمة بجد من غير معايرة و لا غدر ولا خيانه ولا قلة أصل ولا نداله و لا قلبة وش !!
علاقات كل واحد فيها علي طبيعته، بيلاقي نفسه و اكتر من نفسه ، العهد و المحبة شاهد عليها قلب صافي نضيف و كلام حلو عفيف..
رزق احلي من الفلوس ، جمال العلاقات و النفوس !!
37 notes
·
View notes
Text
#لفتة
لما يتعذر عليك صلاة التهجد عشان تخدم أمك، لما يصعب عليكِ صلاة التراويح عشان تراعي ابنك، لما تفطري ومتعرفيش تصومي عشان بترضعي ولا حامل، لما تجتهد عشان تصرف على بيتك بالحلال فتتعب وانت صايم، لما تجهز لطاعة فتلاقي نفسك بتسيبها وتعمل طاعة تانية أو بتتعب قوي في الطاعات..
افتكر قول ستنا هاجر:
" آللَّهُ أَمركَ بِهذَا؟"
ولما تلاقي إن ربنا اللي أمرك باللي انت بتعمله وهو اللي قدره عليك وأراده لك..
ردد جواك:
"إِذًا لاَ يُضَيِّعُنا".
سيقبلك الله ولو بشق تمرة مادام أطلع على قلبك فوجدك قاصدًا رضاه.
20 notes
·
View notes
Text
أنا هخسر لو بعدت عنهم ، أنا حياتي هتفف لو هما مشيوا ، هل كان المفروض أحاول مره كمان او مش يمكن أكون انا فعلاً الغلطان …
الأسئلة اللي بتقابلنا لما بنخرج من علاقه مع شخص توكسيك أسئلة في منتهى الضعف لانهم عندهم قدرة غير طبيعية على الإقناع انهم عكس ده و بيرموا اللوم عليك أنتَ . ده غير سمعتك اللي هتكون وسط الدايرة اللي تعرفه قد ايه انت شخص أناني و فيك العبر ده حتى بيخترعوا حاجات و يصدقوها و يقنعوا بيها اللي حواليهم صعب و مؤسف .الفكرة اللي دايمًا في بالي هل هما فعلاً مش عارفين إن هما توكسيك و لا شايفين نفسهم ضحايا ؟
لازم تعرف تكسر دايرة الأذى دي و تهرب منها و تتماسك و متبقاش ضعيف و تخليك قوي و تعرف ان المشكلة مش فيك في الشخص التوكسيك ده . احنا طبعًا مش ملايكه كلنا فينا عيوب بس مش بنعملها اسقاط للناس اللي حوالينا حبوا نفسكم و ادعموها .
21 notes
·
View notes
Text
١٥ أكتوبر
أنا وبابا
مرة وأنا صغيرة، بابا خاف من تعلقي الزيادة بيه، وإن موته هيأثر عليا بشكل قوي.. كان يوم جمعة، المفروض هنروح المزرعة سوا، صحيت من النوم ملقيتوش، ماما قالتلي إن بابا مشي، مصدقتهاش.. نزلت جري من بيتنا، وأنا واثقة إني هلاقيه بيسخن العربية.. العربية مكانتش موجودة.. فضلت أعيّط، وكل اللي بفكر فيه إزاي سابني؟!.. قررت مطلعش البيت غير لما يرجع.. مكانش فيه موبايلات، المزرعة مفيهاش تليفون.. فمحدش هيعرف يوصله..
فضلت قاعدة في الشارع ١٢ ساعة مستنياه.. من ٨ الصبح ل ٨ بالليل.. كل شوية ماما تبص عليا من الشباك، وتندهلي مرضاش أطلع، يحاولوا يطلعوني أصرّخ وأبهدل الدنيا.. ماما كانت بتنزلي في السبت سندوتشات وكنت باكلها عادي.. وقاعدة مستنية.. بابا جه لقاني بنام على نفسي ع الرصيف وفي إيدي سندوتش.. عينه دمعت وشالني وقالي أنا ابن كلب إني عملت فيكي كدا.. حقك عليا.. عمري ما هسيبك تاني
فضلت فترة طويلة زعلانة منه بسبب الموقف دا، وأوقات كتير لما كنت ألاقيه منشغل عني، أبصله بصة (تاني)؟ .. وهو يا حبيبي فضل طول الوقت حاسس بالذنب بسبب الموضوع دا.. لدرجة إن في أيامه الأخيرة في المستشفى، قالي أنا وعدتك عمري ما هسيبك.. بس المرة دي بجد مش بإيدي..
الحادثة دي كانت كفيلة إنها تخلقلي abandonment issues قد الدنيا.. زمان مع كل حاجة/حد بيمشي، كان بيبقى عندي نفس اليقين العبيط بتاعي وأنا عندي خمس سنين إنه هيرجع.. وبيبقى عندي نفس العند.. ونفس الصبر.. أنا ممكن أستنى عادي ( بصوت إيمي سمير غانم) .. بس بابا بس اللي رجع.. وأنا الحمد لله ربنا هداني وفقدت الأمل..
موت الأحبة أبشع شيء مريت بيه في حياتي.. ومريت بيه كتير أوي.. بس الموت فيه حنية محدش ملتفت لها.. الموت بيوقف الانتظار.. الموت رحيم عشان بياخد معاه الأمل، بيسيبك تواجه الحزن، وانت عارف إن مفيش حاجة هتتغير.. ومفيش حاجة هتتعمل.. مينفعش تستنى عشان لو استنيت عمرك كله بردو مش هيرجعوا.. عارفة إنه مكانش بإيدك يا بابا.. وعارفة إنه (لو كان بإيدي كنت أفضل جنبك وأجيب لعمري ألف عمر وأحبك.. )
ملحوظة هامة:
القصة دي كتبتها على فيس بوك زمان أوي، والكاتب ( أحمد سمير) حطها في رواية كتبها، وبعد ما الرواية اتطبعت بعتلي يبلغني انه خدها بس عامل نفسه يستأذني، وقولتله ساعتها انت باعتلي بعد الكتاب ما اتطبع؟ مبروك.. قالي انه كاتبلي شُكر....
مقريتش أي حاجة من الرواية دي، بس اللي لفت نظري كمية الناس اللي مكتوبلها شُكر في آخر الرواية.. دا مش شُكر؟ دا كشف غياب في مدرسة.. وفكرت لو كلهم زيي هو خد كلامهم الشخصي ، يبقى هو بجد كتب إيه؟
من كام سنة عرفت بالصدفة إن كانت فيه خناقة على تويتر، مين سارق مين؟ أنا ولّا هو؟ لقيت ناس واخدين البوست بتاعي اسكرينشوت، وبيقولوا إن كلامي قبل الرواية بسنتين.. وحد ربنا يباركله بيقول عليا كاتبة كبيرة مش محتاجة أسرق...
كل دا كان بالنسبالي تمام.. بس للأسف اتضايقت جدًا لإني عرفت من الخناقة إنه حاطط القصة دا لبطلة اسمها شيماء.. موضوع شيماء دا عصبني أكتر من أي حاجة تانية.. شيماء مين والله؟ ..مش عايز تحط اسمي الحقيقي عشان يبقى ليك input مفيش مشكلة.. اختارلي اسم بحبه.. أنا مش بحب إسم شيماء.. مع احترامي لكل الشيماوات في حياتي .. على راسي والله.. عامة مش مهم.. أنا عيشت القصة بنفسي.. وكلت السندوتشات بنفسي.. ودا أهم من شوية مجد أدبي زائف.
41 notes
·
View notes
Text
انت رجل حر عزيز قوي بالله لا تستطيع أن تعيش تحت عباءة الذل والمهانه مهما كان الثمن
باختصار هم نسوا تماما أن رجلا ربته المصاعب لن يكون يوما طوعا للكلاب .
يكرهونك ينتقدونك لا بأس فإن الغلبه للمتقين باذن الله ..والنصر والعزة لكم يارجال المقاومه الاحرار
اللهم كن معهم ثبتهم وانصرهم على القوم الكافرين
19 notes
·
View notes
Text
عايزين معجزه متفصله علي مزاجنا..ملائكه تهزمهم ،صاعقه من السماء تزلزلهم..
ومين قالك مفيش معجزات بتحصل..بس انت باصص فين ؟وشايف إيه؟
هو لما كل اللي مأرق عيشتك وبتشتكي منه طول اليوم ..فجأه بقي ولا حاجه وأولولياتك إتغيرت ..هي دي مش معجزه؟
لما كل الناس دي همها بقي واحد وقلبها واحد …هي دي مش معجزه؟
هي شكوه ان مش قادر اواظب علي القرءان وبعيد عنه ودلوقتي مش لاقي حاجه تهدي قلبك غيره…هي دي مش معجزه؟
لما كل الكلام مش قادر يوصف ولا يعبر عن اللي جوانا ومفيش غير كلام ربنا وأيات القرءان هي اللي مثبتانا وعمالين نوصي بعض بيها وكل البرفايلات أيات القرءان…هي دي مش معجزه؟
هو قلبك الحاضر قوي في الدعاء وموجوع كده بعد ما كنت مش عارف تلاقيه …هي دي مش معجزه؟
الذنب اللي كنت رايح جي فيه ودلوقتي مكسوف حتي تفكر فيه من اللي بيحصل..هي دي مش معجزه؟
لما كل المشغول والبعيد واللي اهتماته مختلفه ..كلنا كلنا بنسأل نفس السؤال ،نعمل إيه؟ أيا كان مشاكلك وتعبك واهتماماتك…هي دي مش معجزه؟
لما تختبر إيمانك وتراجع يقينك وتعيد حسابات كل حاجه في اقل من اسبوع ..بعد ما كان ان بس تلاقي دقيقه تفكر في نيه او عمل جديد بتطلع ب١٠٠ سبب تبعدك عنه..هي دي مش معجزه؟
لما الامور تبقي واضحه قوي كده فجأه…هي دي مش معجزه؟
لما فجأه قدرت تتخلي عن منتجات وتراجع قرارات كانت بتتم كل دقيقه بشكل اتوماتيكي…هي دي مش معجزه؟
الوعي اللي حاصل بشكل جمعي ده…هي دي مش معجزه؟
المعجزات في كل زاويه وكل مكان ..ده غير اللي بيحصل مع أهلنا هناك ..
نظف نظارتك وفتح عيونك..عشان تشوف المعجزات الحمد لله
39 notes
·
View notes
Text
عايز افضل دايما اعيش حياتي كمحارب ومقاتل اكتر من كوني متفئل اقع اقوم تاني مشاعر سيئة اتخطاها الانسان بيكون حلو وهو قوي عزائه في النهاية انه عمل اللي عليه و توكل علي الله
تصحي الصبح مشاعرك ثابتة وانسان متزن تفكيرك ايجابي عايز تبقي احسن الحياة كده صدقني حتي لو هي صعبة انت كمان خليك صعب
للامانة ما بحبش الانسان الضعيف فكريا
12 notes
·
View notes
Text
طب معلش انا هقول كلام حاد شوية و تحملوني
و الهدف مش تقريع الصف و شقه زي ما البعض بيتمهني
قد ما الهدف هو تطوير الصف و تحسين اداءه فعلا.
البوست طويل شوية و انا عارفة انكم بتزهقوا
فلو انت مهتم بالتطوير هتصبر و تقرأ
ولو انت مهتم بالاتهام هتقول طويل و ممل 😄
مبدئيا
انا مش بحب باسم يوسف خالص
و شايفة انه تورط بشكل كبير جدا ف الوضع اللي احنا وصلناله
و بحسه مش سالك
آمين؟
آمين ان شاء الله 😅
بس في نقطتين مهمين جدا جدا محتاجين نتعلمهم
١- الإنصاف
لما خصمك يعمل حاجه صح تقوله انت صح
و ده ادعي بقى انه لما تيجي تقولي يا حبيبي انت غلطت ف كذا و كذا يسمعك
لانه هيحس انك مش مشيطنه
و هيحس انك انسان عادل = بتفكر و توزن الأمور
يبقى في احتمالية ان كلامك في تغليطه يطلع صح
فهيفكر فيه !
٢- انك تتعود ان الحق ممكن يلاقي قبول برة دايرتك و براك كلك
و ده تهذيب قوي جدا للايجو بتاعك و انك ترجع تعرف ان القبول من عند الله رزق
و انه قد يسوقه لناس فجار او حتى كفا.ر عادي خالص
الفترة االي فاتت الشيخ الجميل اللي طلع قال النساء مفتونة بأبو عب.يده مخدمش القضية
هو شتتنا
و اهدر وقتنا
و البنوتة الجميلة اللي طلعت تقول لو عايزه ابنك يبقى ابو عب.يدة مدخلوهش مدارس اجنبي
دي شتتنا و اهدرت وقتنا
لان جيس واط
اكتر ناس خدمت القضية الفترة اللي فاتت اللي لسانهم معووج اللي انتو مستحقرينهم دول !
ما بين الكلام على منصات السوشيل ميديا الغربية
و مابين الظهور في مجالات اعلامية غربية
و كان عندهم القدرة لتغيير وجهة نظر الغرب في القضية بالكلية
و ده معناه ان الناس دي مش بتتكلم انجليزي بس
لا
دي ماهرة جدا فيه
و كمان مذاكرة تاريخ و خطابة بالانجليزي
و ده نقلنا لليفل تاني
ليفل ان الغرب بدأ يلتفت للاسلام و يفتح المصاحف و يدرو ع العقيدة اللي بتقول ان المو.ت و الخسارة المادية حلوة دي !
الكلام ده اتساق على ايد مين؟
مش على ايد الشيخ اللي قاعد ينظر ع البنات و يقولهم اتلموا
و على ايد الأخت اللي ماسكة الكربا.ج و عمالة تلسوع خرجين المدراس و الجامعات الاجنية!
الكلام ده تم على ايد اللي تم التنظير عليهم !
و هو ده التويست الحقيقي و المفاجئ !
هتفضل تنظر = انت اللي هتشق الصف مش هما
هتفضل تكربج = عندك ايجو مخليك مش مستحمل ان الصوت اللي يوصل و يعلى يبقى مش صوتك
النصر مش بيتأخر بسبب المدارس اللغات
النصر بيتأخر بسبب الحسد المدفون جوة النفوس
و التحقير من شأن الآخرين
و يكأن الجنة قد حيزت لشريحة معينه من الناس
و اي حد هيتكلم براهم هيبقى بيهلفط و مش بيدافع عن دين
ايش عرفك يا اخي؟
ما يمكن يبقى اللي محركه دين بس مش عارف يعبر
انا عايزه اقولكم ان مع اختلافي الجذري و الشديد مع باسم يوسف الا انه حقق مكتسبات رهيبة في المقابلة التانيه دي
١- كان هادي و عقلاني جدا مش متصادم زي المرة الأولى و ده ادعى ان الحق يظهر بشكل اوضح
٢- زنق المذيع انه أعترف ان دولة اسرا.ئيل و سياستها فاشلة تمام
٣-خلى المذيع يعترف انه اسرا.ئيل إرهابية فمفيش اي داعي لذكر حما.س لأنها كده حرب شوارع و الدوافع متساوية ( و ده نتيجة في الغرب لو تعلمون عظيمة )
٤- ذكر مدى ضعف اسرا.ئيل ع المستوى التاريخي و الاخلاقي و ذكر قد ايه هما ملهمش عهد و لا ملة
٥- خلى بيرس نفسه متلخبط و قاله انا مش مذاكر كويس انا اصلا ايرلندي كاثوليكي فتلاقيني مش قادر اخد موقف اوي ( على عكس الحوار الاول اللي كان بيدافع فيه باستماته عن اسرا.ئيل) مش بس كده ده هز ثقته في نفسه من شدة قوته
٦- لما المذيع عرض عليه مصر تأوي اليهو.د عندهم ( بعد ما ما باسم اقنعه انهم ملهمش أرض و ده اصلا مكسب رهيب ف الغرب و رؤية مختلفة)
باسم قاله ما اوروبا تاخدهم
انتو هترموهم عندنا ليه
و لا انت عشان عارف ان اصولنا فيها كرم؟
في إشارة للاستعلاء بعروبته
و انه يفهمه ان الغرب اخلاقيا هما اللي تحت
و احنا اللي فوقيهم دايما
٧- خلاها يعترف ان حركات المقا.ومة برجالتها القليلة أقوى مية مرة من اقوى كيان في العالم 😅🙈
المكتسبات دي في نظري لا تقدر بثمن
لأنها بتخاطب شعوب كاملة
فخليك متواضع
و أقبل ان ممكن تيجيلك مكتسبات من خصمك عادي جدا
مش لازم انت تبقى النجم دايما
عادي والله
ركز بس في الهدف انت ..
و اي حد هيخدم على هدفك مترفصوش
و خليها فرصة انك تحط ايدك على كتفه و تضمه ليك مرة و ٢ و ١٠
احنا هنا خدام لربنا
مش لنفسنا.
عهد الله
خطيرة فندت فيديو باسم بالرغم من اعلانها لكرهه
دا موقعها
https://www.facebook.com/profile.php?id=100011637810275&mibextid=ZbWKwL
28 notes
·
View notes
Text
Act VII
Day 12 is Our Peace Feast.
We Were Heros Today.
النهاردة كان يوم حافل بس مليان انتصارات صغيرة وجميلة.
النهاردة كنت بطل حكايتي و يوم احتفالي. النهاردة اشتغلت كويس وقرات قران وكل الصلوات جماعة و ذاكرنا Deutsch و CSS.
في الشغل طبعا كان اكبر Expression لل Power بكل ما تحمله الكلمة لدرجة ان مديري نفسه قالي انا هعمل الشغل ركز انت في اللي معاك انا عارف انك Loaded بس انت قدها. و بتوع Enppi اللي مستنين مني ال Okay عشان يب Proceed في الشغل.
انجزت كتير وعملت Progress كبير حتي اللي معايا ف المكتب هما عارفين انهم اكبر مني سننا بفارق 4 سنين ل8 سنين بس انا ممشيهم مسطرة ومحدش فيهم يعرف غير انه يثق فيا ثقة عمياء.
بكلم اختي لقيتها بتقولي من ساعة ما كنت عندي و قولتلي انك بطلت تسمع اغاني وانا بطلت انا كمان و بزعل انك خدت خطوة وانا مش عارفه اخدها.
فكرتني بموقف في 2022 لما ابتديت Act V. لما كنت ابتديت المشوار وان كل الناس اللي حواليا ف الشغل وقتها ف العين السخنة ابتدت تذاكر و تجري يوميا معايا تاثرا بيا و شافت انه لما تسعي بتوصل.
فكرتني بجملة مديري وصديقي وقتها لما قالي
" V, You Put Too Much Faith In The Heart Of Men, Everyone Now Knows The Truth That ' Only Through Actions, We Can Move Forward' You Gave People Hope"
سبحان الله عدي 2 علي Act V و حاليا بعد سقطات كتير ليا ومحاولات جديدة مع Act VII و رجعت تاني اكون تاثير جيد علي القريبين مني.
رمضان كان حقيقي فرصة كويسة عشان نعرف ان العبادة والقرب من ربنا اكبر مصدر لسعادتنا. وان حقيقي الحجات اللي كنا بنعملها عشان تسعدنا وكانت بتغضب ربنا مش دايما ومش مؤثرة.
وان ربنا مصدر دائم للسعادة والراحة وعمره ما يتغير يوما ما علي عكس اي حاجة تانية. عشان كدا كان شيء قوي انك تربط مصدر سعادتك بربنا وهنا مش هيعدي علي قلبك اي حزن.
اليوم جميل اوي الحمد لله ليا يارب.
Complete Royalty.
To Be Continued
Mr. V
14 notes
·
View notes
Text
عن الأنا ودفا الجماعة والحس الأليف
العالم بيحتفي بالفردانية، يمكن بشكل غير مسبوق في تاريخ البشرية. مقريتش تاريخ البشرية فممكن تكون دي مبالغة مالهاش معنى، لكن خلينا نتفق طيب على إن فيه اتجاه قوي للاحتفاء بالفرد، وبالفردانية. انت ومشاعرك الفاليد وتجربتك الذاتية الوجيهة الفريدة ورحلتك الشخصية، وذوقك واختياراتك واكتفاءك بنفسك، وعالمك الصغير اللي ممكن تشيل منه أو تضيف ليه كيفما شئت، وقتما شئت، أو تنزع نفسك منه بالكامل وتزرع نفسك في عالم جديد إذا حبيت.
يمكن ماحناش في ذروة الاحتفاء بالفردانية، بعد الذروة بخطوتين مثلًا. أصداء الاحتفاء لسّه عالية ومدوّية، بس في الخلفية ظهرت أصوات تانية خافتة، بتتنحنح وعلى استحياء شديد جدًا، بتقرّ بالحقيقة الشاعرية المخجلة: احم شباب، مافيش حياة إلا عند غيرك. عشيرتك. في علم النفس العشيرة اتغير اسمها وخد مسحة براجماتية وقحة واتحول لـ "شبكة الدعم الاجتماعي" الخاصة بيك، واللي طيب حالك، في قرارة نفسك، في صميم فردانيتك، معتمد على وجودها. أوووبس!
كنت بفكر في قصيدة فؤاد حداد البديعة، تحديدًا مقطع "كلمة أنا ما تحلاش إلا بدفا الجماعة"، إذ ممكن نستشف من ٥-٦ كلمات إن الإنسان محتاج يقول "أنا"، في وسط جماعة، عشان يبقى للـ أنا معنى بالأساس. أنا في الفراغ بلا قيمة. أنا ما تحلاش إلا لما تتقال في جماعة. للدقة، جماعة عارفاك زي ما بيوضح في المقطع اللي بعده: زي لما تخبط على باب الحبايب، ويسألوا مين، تقول أنا، ويعرفوك من حسّك. لقطة شديدة الحميمية والألفة، ومحتاجة رهافة استثنائية عشان تلاقي العين اللي تلقطها وتبروزها. واحدة من لقطاتي المفضلة في التواصل الإنساني بشكل عام. حد الكفاف من التواصل الإنساني هو جماعة تعرفك من حسّك، أو لو هنبهوأ المسائل، جماعة عندها القدر الأدنى من الاطلاع على تجربتك الذاتية الفريدة الرائعة دي بحيث ما تلاقيش نفسك مضطر لإعادة سرد تاريخ الشخصي مع كل معاملة أو موقف. جماعة تألفك، عندها فكرة انت مين، ووصلت هنا ازاي.
197 notes
·
View notes
Note
حلمت بيك ودي أغرب حاجة بالنسبالي ان احلم فشخص معمريش شفت شكله كان حلم بقولك بيه واحنا فالواقع ان معجبة بيك وانت مش مبادلني الموضوع ده .. وكان انت ازاي كده معرفش .. تأثيرك قوي على العقل الباطني
واو. عيب عليا والله، شكلك تتحبي..
بس أنا عايز أقولك حاجة. في أحد جلسات علاجي النفسي، الثيرابيست سألتني أنت ليه بتكشف عن نفسك في البلوج بتاعتك أكتر ما بتقدر تكشفها للناس في الواقع؟ ووقتها السؤال فاجئني، وقعدت أفكر شوية، وقولتلها يمكن عشان طول عمري بحس أني مش مفهوم، مش متشاف، ومش بعرف أشرح نفسي للناس من الصفر، الشرح بيبقى حمل تقيل بيقتل محاولة التعارف في مهدها، وما صدقت لقيت نفسي شاطر في حاجة أتفهم بيها. وكأني بدفع تذكرة الكارتة في طريق معرفتي بالناس، وكان دايما تمنها مش معايا.
وفي المقابل، الناس اللي بيعرفوني من كتاباتي عارفين تراماتي وخواطري الشخصية ومعتقداتي وهواياتي وأسراري والحاجات اللي بحبها في السكس، بس مايعرفوش شكلي ولا يعرفوا عندي كام أخ! الكتابة بالذات بتدي الواحد فرصة للبوح. للانكشاف. وبشكل ما اللي يعرف كل ده عني، يعرفني فعلاً، لكنه لسه مش عارف جوانب تانية أساسية مني. خصوصًا الجوانب المعيوبة أكتر.
لسه كنت بتناقش عن فكرة أننا مانعرفش فعلاً الشخص اللي بنحبه، وإن لأ مش بالضرورة كل ما نحبه هو تخيلاتنا عن الشخص، لأن كل واحد عنده جوهر وطباع وعقلية نادر لما بيتغيروا بشكل جذري، وعلى أساسهم بننجذب لبعض ونحب بعض، إلى جانب العوامل والتفضيلات الجسدية طبعا
المهم بقى أنا عندي فضول شديد أعرف كان شكلي عامل إزاي في حلمك؟
12 notes
·
View notes
Text
فيه مشهد في فيلم leon the professional مابيفشلش يدهشني في كل مرة..
في اليوم التاني، بعد ما "ليون" البطل فتح للطفلة ماتيلدا باب شقته، وانقذها من عصابة المخدرات اللي قتلوا عيلتها، وبعد ما حاول طول الليل يهون عليها اللي حصل لحد ما نامت..
صحي تاني يوم، وطلب منها تمشي..
طيب هروح فين ياعم؟ مانا على يدك عيلتي كلها اتقتلت، وبيدوروا عليا!
قالها: مش مشكلتي! أنا أنقذتك من الموت وكنت لطيف معاكي.. ودا أخري!
فردت عليه الرد الحكيم دا: صح انت أنقذتني، وانت دلوقتي مسؤول عن الوضع اللي أنا فيه دلوقتي؛ لأنك لو فعلا زي مابتقول أنقذت حياتي فإنت عملت كدة لسبب وجيه!
فلو طردتني دلوقتي، فكأنك مافتحتش الباب امبارح.
فكرتني، بجملة "دوغلاس كوبلاند":
"أَحد أَقسى الأَشياء التي قدّ تفعلها بأحدهِم، أنّ تتظاهرَ بالإهتمام بهِ أكثر مِما تفعلُ حقاً."
ليون من ناحية تانية برضو حاله يصعب عليك، الراجل اتورط، كان عاوز يرضي ضميره وقيمه للحظة.
ماقدرش يشوف الطفلة بتتقتل قدامه وهو ساكت.. بس ضريبة قيمه دي، كانت أكبر من تضحية لحظة. ودا اللي محسبهوش وقت ما قرر وفتحلها الباب..
إن اللحظة دي هيترتب عليها حاجات كتير قوي، يا إلا من البداية ماكنش ليها قيمة!
27 notes
·
View notes
Last Seen Blogs
lcvalor-plays
Sims 4 N Kpop Whore
eroteumenhmelissa
Eroteumenh Melissa
seb-kunx-blog
キラーの笑顔
livefornightsthatyouwontremember
Cool Finishing Ideas for Your Unfinished Cellar
trustland
Untitled