#الخطوبه
Text
مفتحتش واتس من امبارح ولما فتحت لقيت جروب صحابي مليان رسايل فتحته لقيت صحبتي اللي هتتخطب منزله صوره الفستان اللي هتلبسه وكل واحده من البنات ادتها رأيها وقالولها حلو ومبروك والكلام المعتاد ده، دخلت انا بقى شفتهم بيتكلموا ع الخطوبه اتحمست فشخ زي عادتي النيله،مش المفروض اقولها حلو ومبروك والكلام المعتاد بتاع البني ادمين عادي وبعدين اسكت ؟لا ازاي قلتلها حلو ومبروك والبسي طرحه اي ومانكير اي والوان اي، وفصصتلها كل حاجه حته حته حرفيا قلت حرام اكروتها ف يوم زي ده وممكن تكون محتاجه مساعده مثلا، وقلتلها غيري لفه طرحتك المعتاده وخليكي totally different اليوم ده،بعتلها تقريبا 9 رسايل بتكلم وبكتب بكل حماس ف تقوم ترد ازاي بقى، بعتتلي رساله وحده بتقولي تسلمي!! اسلم؟ هو انا بقولك كده علشان تقوليلي تسلمي؟
هي مش صحبتي صحبتي يعني هي وحده من الشله عادي بس اللي ضايقني بجد حماسي اللي بتكلم بيه وكانها خطوبه اختي مثلا، والبني ادم يرد بكل برود وقله ذوق .. وكل مره اتحط ف موقف شبه ده اقول خلاص مش هعمل كده تاني وهتعامل عادي وافكني.. بس مفيش فايده فيا الظاهر كده
انا بجد بكره الناس اللي مش بتقدر، قليله الذوق، عديمة المشاعر.
29 notes
·
View notes
Text
خطيبتي نزلت صور الخطوبه ع استوري واتساب وكتبت تحت صوره كان نفسي تكون موجود معايا ي بابا في "يوم خطوبتي" ربنا يرحمك يا حبيبي وقلب مكسور لما شوفت الاستوري عديته معملتش رد عليه لكن عملت رد لطيف جدًا ع كل الصور التانيه.
واتصلت ع مامتها وقلت لها : فين مدفن عمي عايز اعرف المكان بالتفاصيل بدون ما بنتك تعرف اي حاجه عن الموضوع ده لو سمحت ممكن متعرفش قالت تمام وعرفت منها تفاصيل مكان المدفن تاني يوم لوحدي روحت وجبت عامل المقابر ونضفنا مع بعض حوالين المدفن واشترينا ورد وزرع كتير وخلينا المدفن ف هيئة جميله جدًا.
وبعدها بيوم طلبت منها تلبس فستان الخطوبه وتلبس الشبكة كامله علشان هنخرج قالت أحمد : هنخرج الصبح بفستان خطوبه ايه مالك ؟ = هتعرفي سر طلبي بس بالله استجيبي ل رغبتي
طبعا كنت مأجر سيارة تاخدنا من تحت بيتها للمدفن والعودة طول الطريق مغفلها ف قصه تانيه خالص لحد ما بدأنا ندخل ع مكان المدفن ف هي فهمت تقريبًا القصه ف قالت :
أحمد أوعي يكون اللي ف دماغي صح 🥹
* كانت خطيبتي ..
نزلنا وامام المدفن جبت شيخ قرأ ع روح أبوها الغالي ما تيسر من القرآن الكريم ويلا بقي اديني الدهب علشان ألبس حضرتك للمرة التانيه هنا = لو سمحت ي شيخ ممكن تصورنا فيديو بالموبايل ابتسم وقال روح ي بني ربنا يجعلك فكل خطوه حد يشتري خاطرك
أنا جايبك هنا علشان نحتفل مع بابا دموع لاء ، وجع لاء ، حزن لاء نحترم بقي حضرتك الفلوس المدفوعه ف الورد..
ضحكت وكأن ضحكتها تشبه كثيرًا دفء شمس حريه تشرق للمرة الأولي ع وطن استرجع جزء من ارضه المُحتلة و هي كانت آلشمس والوطن وكل تفاصيل الورد ف قلبي وخاطري ❤️.
#رأيتك_قصيدة
16 notes
·
View notes
Text
بكون عاوزه بعد الشغل اتأمل الصمت وبس كده
حوار الخطوبه ده مش جاي معايا سكة 🙂
13 notes
·
View notes
Text
مجتمع تويتر ده بقى غريب اوي كلهم بقوا يا بيتخطبوا يا بيتجوزوا يا خارجين وبينزلوا صور الخروجه او الخطوبه او الفرح مجتمع مُريب
شايفين الدنيا هاديه هنا ازااي مليانه صياح وبس 🫶🏻
44 notes
·
View notes
Note
انفصلت بعد سنتين زواج غاب فيهم سنه ونص يعنى عشت معاه اقل من ٦ شهور، انا اللى اصريت على الطلاق بسبب ضربه واهانته ليا بالاضافه انى اكتشفت علاقات وخيانه ليا من قبل حتى الجواز فى الخطوبه، حاسه بالندم والألم حاجتى لسه جديده مفرحتش بيها وابنى محدش بيسأل عليه كأنه مش موجود، واللى أذانى اتجوز ولا كأنه دمر حياة بنى ادمه
إنّا للّه وإنّا إليه راجعون..
طب تخيّلي أنّ اللّه ﷻ يعلم كلّ هذا؟ وقد شهِد سبحانه على كلّ ظلمٍ وقهرٍ ووجعٍ عشتِه ولا تزالينَ تتجرّعينه!
صدّقيني فكرة أنّ اللّه ﷻ مطّلعٌ وعليمٌ ومدبِّر دافئة جدًّا وفيها سكينَةٌ لا تُوصف!
ماذا فعلَ بكِ هذا الرّجل؟ ظلمَك ودمّركِ! ثمّ تزوّج وعايش حياتُه بالطّول والعرض؟ ثمّ ماذا جنَى؟ دعواتكِ الحارقَة التِي ستحرقُه ولو بعد حين.
إنّه ﷻ ليس بينه وبينَ دعوةِ المظلوم حجابٌ وإن كان هذا المظلومُ كافرًا، فكيف والمظلوم امرأة مستَضعفة تشهدُ له بالوحدانيّة، وطفلٌ مسكين لا حولَ له ولا قوّة!
فاصبِري وقرّي عينًا وأكثري من الدّعاء والزمِي سبيلَ اللّه وأبشرِي بالخير إن شاء اللّه.
29 notes
·
View notes
Note
الف مبروك الخطوبه رينا يسعدكم و يتمملك على خير 🤍🌷
الله يبارك فيك و يفرح قلبك 🤍🌷
2 notes
·
View notes
Text
العيد والعديه بتاعتي ف الجيش
يترا الخطوبه عامله ازاي من غير الجيش
شعور يا رب اجربه بقااااا
4 notes
·
View notes
Text
في بنت ع تيك توك. عاملة فيديو عن احساسها و هي بتمسح كل الصور بتاع الدبل و القاعات و الفساتين بتاع الخطوبه بعد ما الموضزع باظ و مكملوش سوا عايزة اعرف عنوانها فين هروح احضنها و نعيط. سوا عشان عارفة أد ايه الأحساس ده بشع
3 notes
·
View notes
Text
دخلت جروب عالفيسبوك عن مشاكل الخطوبه والجواز ، اللى عنده مشكله بيعرضها غالبا انون والناس تقوله رايها اهو يمكن تساعده يعنى ، اللى لاحظته بقى من الاراء والحلول ان لا الرجالع فاهمه يعنى ايه ستات ومبيحاولوش يفهمو وغالبا انا كدا بردو ولا الستات فاهمه يعنى ايه رجاله نهائى ولا حاولو يفهمو قبل كدا ، وتقريبا كل واحد عايز الجنس الاخر يبقى حاجه فى عقله ودماغه هو بغض النظر عن الشخص دا هو خده ازاى من بيته وقبله بانهى وضع ، لا هو عايز حاجه فى دماغه تحصل زى ماتحصل بقى ، وللاسف دى حاجه مرعبه فى الجواز.
واكيد القاعده مش عامه .
10 notes
·
View notes
Text
يلا يجدعانننن الساعه بقت 11 الخطوبه خلصت وانت كمان يعريس بطل محن واقوم امشي عايزين نقعد براحتنا
7 notes
·
View notes
Text
من الافكار البشعه جدا فكره الانتحار
و كانت بتراودني كتير اوي الايام اللي فاتت بس انا اجبن من اني اعمل حاجه
ذى دي و كمان اهلي و صحابي والناس اللي بحبها دي
بصدفه سمعت ان ابن عم صاحبي توفي و لما روحت العزاء عرفت انه موت نفسه
و لما سالت قال انه بسبب خطيبته انه كان بيحبها و اهله مش موافقين عليها و ضغطت عليهم و خطبها و بعد الخطوبه ماكنوش عايزينها فا هما ضغطو عليه ماستحملش و قرر انه يقابل وجه كريم مع انه ميسور الحال جدا و دكتور شاطر الاول ع دفعته 5 سنين و ربنا كارمه و كمان وحيد ابوه
انا حزين جدا جدا عليه و علي كسره ابوه و كل حبايبه اللي كانو زعلانين عليه ربنا يرحمه برحمته الواسعه و يسامحه و يغفرله و يتجاوز عنه ادعوله يا جماعه وبلاش حد يفكر زيه الدنيا ابسط من كدا بكتير فكروا ف اللي بيحبوكم
6 notes
·
View notes
Text
انا مابحبش الاغنية بتاعت ي دبلة الخطوبه عقبالنا كلنا بجد اغنيه مستفزه
5 notes
·
View notes
Text
بستغرب قدرة الرجاله الغريبه انهم يكونوا لسه بيعطفوا ويلطفوا مع واحده وتاني يوم بيبقوا يا دبلة الخطوبه مع واحده تانيه خالص
32 notes
·
View notes
Note
انا مش عارفه ابدأ ازاي مش عارفه ارتب الكلام بس انا جايه وعارفه انك هتفهميني
الموضوع ان كنت في علاقه استنفذت مشاعري وطاقتي وكنت طالعه منها ويمكن لحد دلوقتي مش قادره بس خليني اقولك اشتغلت علي نفسي كتير وتقبلت ضعفي في الفتره دي وسايستني وخدتني واحده واحده وبعد تعافي سنين قابلت قريبي مكنش لا ع البال ولا ع الخاطر انه يحصل حاجه فا اعترفلي وبعدين عارفه حاسه انه بيدي بواقي وحاسه انه مستنفذ برضه بس مينفعش اسأله طبعا كان في حد قبلي ولا ايه لان محبش ان اتسأل وخصوصا ان الاجابه مش هتفيديني بحاجه بس حاسه ان في زق في العلاقه مش عارفه ده من ايه المفروض ان الخطوبه قريب بس بحس ان من كتر الي حصل قبل كده في العلاقه الاولي بقيت احس ان انا متكلمه اكتر او ان انا الي متلحلحه وده غلط جدًا غلط عارفه لو متبادل مش هشوفه غلط بس حاسه ان مدلوقه رغم ان مش مدلوقه وده تصرفي بس عشان هو مبيتكلمش فا بحس نفسي انا اللي متكلمه
مساء الخير يا حياتي، انا فهماكي
بس هقولك حاجة جايز تبقى مش صح، انا ليه حسيتك شايفة حاجات خايفة تكون بتصدر منك؟ كلامك عن الاستنذاف والبواقي؟ كتير من كتر ما بنخاف من صفات ومشاعر معينة تكون بتصدر مننا بنكون حساسيين اوي تجاهها وقانون الجذب بيخلينا نشوفها هي وبس في كل حاجة حوالينا..
مجرد سكوته ممكن يتفسر حاجات كتير تانية اوقع من انه يكون مستنزف من علاقات قديمة
اقولك حاجة؟انا عارفة ان العلاقات السامة والمؤذية والتجارب القاسية اللي بنمر بيها بتأثر في حياتنا بشكل او باخر، بس انا بصراحة ليا وجهة نظر تانية في موضوع العلاقات القديمة والجديدة
مشاعرنا وقلبنا وقدرتنا على الحب، مش كوباية فيها ماية، بنسقي منها وتخلص ، حبنا ده طاقة بتتجدد،بتكبر مش بتخلص مهما ادينا منها، حتى لو كنا بندي الشخص الغلط ، مفيش حاجة في الدنيا اسمها انا خلصت حبي ومشاعري في علاقتي الفلانية، او اني خلاص استنفذت تماما ومش هقدر ادي قد اللي اديته.
احنا بنمر بكتير وبنتأثر وبنتغير، بنخاف، بس بننضج،وبنتعلم، وبنعرف افضل شكل نحب بيه، واجمل شكل نوزع بيه حبنا على حبايبنا، ومع الشخص المناسب قلبنا ده بيرق ويتفتح من اول وجديد، وبيعرف يحب بشكل اعظم واكبر من قبل كدة.
انا اسفة انا عارفة اني اتكلمت كتير، بس صدقيني الكلام ده محتاجة اقولهولك اوي، اتكلمي مع خطيبك في مشاعرك وتخوفاتك، وماتسبيش تخمينات وتخوف جواكي يبني بينك وبينه حاجز، اسمعي منه، واتعلموا انتوا الاتنين ازاي تحبوا بعض بشكل يريحكوا ويدعم صحتكوا النفسية..
5 notes
·
View notes
Last Seen Blogs
lycoplus
One-eyed Lyco!
hilucel
kewl kats only
somenativeguy
We Are all A Little Crazy
field-probably-teacher-would
Untitled
odd-drive
💾 techcore and nerdom 💾